“Орон нутгийн сэтгүүлчдийн сүлжээ 2019” сэтгүүл зүйн сонирхолтой сургалтаар үргэлжиллээ 

2019-07-04 16:04

 

“Хөгжлийн төлөө сэтгүүл зүй” ТББ-аас зохион байгуулдаг “Орон нутгийн сэтгүүлчдийн сүлжээ” сургалтад зөвхөн уул уурхай, эдийн засаг төдийгүй сэтгүүл зүйн чиглэлээр салбарын тэргүүлэх төлөөллүүд оролцож сэтгүүлчдэд хичээл заадаг уламжлалтай. Энэ удаагийн сургалтын хоёр дахь өдөр сэтгүүл зүйн салбарын шинэ хандлага, үндсэн ухагдахуунд төвлөрсөн сонирхолтой илтгэлүүд (07/03) сонслоо. Уг сургалтын эхний илтгэлийг МУИС-ийн ШУС-ийн Нийгмийн ухааны салбар хариуцсан дэд захирал, доктор, дэд профессор Б.Болд-Эрдэнэ “Сэтгүүл зүй олон нийтийн эрх ашгийг хэрхэн зохицуулах вэ” сэдвээр сонирхолтой илтгэл сонсголоо. Уг илтгэлээр сэтгүүлчид олон нийтийн сэтгэлгээ, эрх ашиг талаасаа юун дээр анхаарах ёстойг дэлгэрэнгүй танилцуулсан юм.

Мөн IKON.MN тэргүүлэх мэдээллийн сайтын Ерөнхий редактор Ч.Болортуяа “Дата сэтгүүл зүйн чиг хандлага, туршлага” сэдвээр илтгэл танилцууллаа. Төрийн нууцлалд хамааралгүй дата мэдээлэл буюу нээлттэй өгөгдлийг харьцуулан боловсруулж, иргэдэд зөв мэдээлэл хүргэх талаарх түүний илтгэл орон нутгийн сэтгүүлчдэд өгөөжтэй, сонирхолтой байлаа. 

Мөн “Ремо медиа” компанийн үүсгэн байгуулагч Б.Намнандорж “Хуурамч мэдээлэлд хэрхэн автахгүй байх вэ” сэдвээр сонсгол тавилаа. Тэрбээр хуурамч мэдээллийг танихдаа ямар цаг хугацаанд, ямар эх сурвалжаас мэдээлсэн байгааг анзаарах нь чухал болохыг тэмдэглэж, чанартай сэтгүүл зүйн талаарх үндсэн ойлголтуудыг өгсөн юм. Мөн тухайн мэдээлэлд ашигласан фото зураг үнэхээр бодит эсэхийг ч хайлтын системээр шалгаж үзэхэд илүүдэхгүйг тайлбарлалаа.

Энэ удаагийн сургалтын бас нэг онцлог нь Канадын Бритиш Колумбын Их сургуулийн Сэтгүүл зүйн сургуулиас бэлтгэсэн видео хичээл байлаа. Тус сургуулийн дэд профессор, “Global Reporting Centre”-ийн захирал Петер Клайны төсөлд хамрагдаж буй орон нутгийн сэтгүүлчдэд тусгайлан зориулсан видео хичээлийг хүргэсэн юм. Тэрбээр орон нутгийн сэтгүүлчид эдийн засаг, уул уурхайн чиглэлээр сурвалжлахдаа юун дээр анхаарах, сэтгүүл зүйн шинэ чиг хандлага нь орон нутгийн сэтгүүлчдэд ямар чадварт суралцахыг шаардаж буй талаар, мөн нийгмийн сүлжээний мэдээлэл газар авч буй өнөө үед сэтгүүлч юун дээр анхаарах вэ гэх мэт олон чухал асуултад хариулт өгсөн нь ихээхэн үр дүнтэй хичээл боллоо. 

Сургалтын төгсгөлд MMJ-ийн сэтгүүлч нар орон нутгийн сэтгүүлчдэд уул уурхай, эдийн засгийн чиглэлээр нийтлэл нэвтрүүлэг бэлтгэхдээ анхаарах зүйлсийн талаар зөвлөмж хүргэсэн юм.  “Орон нутгийн сэтгүүлчдийн сүлжээ-2019” төслийн сургалтад хамрагдсан сэтгүүлчид аймгуудын дөрвөн бүсэд хуваагдан сэтгүүл зүйн бүтээлийн сэдвээ сонгосон юм. “Хөгжлийн төлөө сэтгүүл зүй” ТББ-ын  зүгээс  орон нутгийн сэтгүүлчдийнхээ дунд сэтгүүл зүйн бүтээлийн уралдаан зарлаад буй бөгөөд мэргэжлийн, хараат бус шүүгчдийн  комисс тэдгээр бүтээлийг шалгаруулж, шилдэгүүдээ тодруулна.  Энэ удаагийн төслийн сургалтыг МУИС-ийн Сэтгүүл зүйн тэнхим, “Оюутолгой” ХХК-ийн дэмжлэгтэйгээр The Mongolian Mining Journal сэтгүүлийн дэргэдэх  “Хөгжлийн төлөө сэтгүүл зүй” ТББ  амжилттай зохион байгууллаа.  


 

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 5 цаг 29 минутын өмнө
    Н.Алгаа нь 1975-1980 онд ОХУ-ын Свердловск хотын Уралын политехникийн дээд сургуульд суралцан өнгөт төмөрлөгийн инженер мэргэжил эзэмшсэн. 1990-1991 онд Японы Сендай хотын Тохоку их сургуульд мэргэжил дээшлүүлж, 2009-2012 онд МУИС-ийн хууль зүйн сургуульд эчнээгээр суралцжээ. Тэрээр Монголын Уул уурхайн Үндэсний Ассоциацийн Гүйцэтгэх захирал, Ерөнхийлөгчөөр тус тус ажиллаж байсан бөгөөд өдгөө “Дат консалтинг” ХХК-ийн Гүйцэтгэх захирлын албыг хашиж байна. Монголын уул уурхайн салбарын тэргүүлэх мэргэжилтэн Н.Алгаагийн салбарын үйл явцад дүн шинжилгээ хийсэн нийтлэлийг The Mongolian Mining Journal  уншигчдадаа цувралаар хүргэж байна.  
  • 2019-09-20 15:51
    Казахстан улс нь Хятадын Лянюнган боомтоор дамжин Зүүн өмнөд Азийн зах зээлд нүүрс экспортолно. Энэ тухай тус улсын Үйлдвэр, дэд бүтцийн хөгжлийн сайд Роман Скляр мэдэгджээ. Казахстаны Ерөнхийлөгч Касым-Жомарта Токаев анх удаа БНХАУ-д хийсэн айлчлалын үеэр хоёр улс тохиролцсон байна. Казахстан нь жил бүр  хоёр сая тонн нүүрсийг Хятадын нутгаар дамжуулан тээвэрлэж экспортлохоор урьдчилсан хэлэлцээр байгуулжээ. Казахстаны хувьд далайд гарцгүй орон бөгөөд Оросын нутгаар дамжин нүүрсээ экспортолдог. Сүүлийн жил Казахстаны экспортын нүүрсийг Оросын нутгаар дамжуулан тээвэрлэх асуудалд хүндрэл үүсээд байгаа юм.
  • 2019-09-20 11:11
    “Эрдэнэт үйлдвэр” ТӨҮГ өнгөрсөн тавдугаар сард Байгаль орчин, ногоон хөгжлийн хэлтэстэй болсон юм. Тус хэлтэс нь  Орхон аймгийн АЖБОГ-тай хамтран дүйцүүлэн нөхөн сэргээлтийн ажлыг хийж эхлээд байна. Энэ хүрээнд Баян Өндөр хайрханы Хүрэнбулагийн аманд нөхөн сэргээлтийн ажил үргэлжилж буй.   
  • 2019-09-20 11:01
    Бичил уурхайчид, нинжа, хувиараа алт олборлогчид гэж хэнийг хэлэх вэ? Өмнөговь аймгийн Бичил уурхай эрхлэгчдийн холбоо ямар үйл ажиллагаа явуулдаг талаарх мэдээллийг хүргэж байна
  • 2019-09-19 16:06
    “Трансвест Монголиа” ХХК нь Комацугийн уул уурхай, зам барилгын тоног төхөөрөмж болон тус брэндийн баталгаат сэлбэг хэрэгсэл, эд ангиудыг үйлдвэрээс шууд ханган нийлүүлэх хүчин чадал бүхий Комацугийн Монгол дахь цорын ганц албан ёсны дистрибьютер юм. Тус компани үүсэн байгуулагдсаны 10 жилийн ой энэ сард тохиолоо.