“Аспайр Майнинг” компанийн бүтээн байгуулалтад нутгийн иргэд оролцох “Умардын уурхайчин” хөтөлбөр эхэллээ

2019-07-01 10:23

Хөвсгөл аймгийн Цэцэрлэг сумын нутагт “Аспайр Майнинг Лимитэд” компанийн хэрэгжүүлж буй “Овоотын баяжуулах үйлдвэр”, Могойн гол-Овоот-Эрдэнэт чиглэлийн хатуу хучилттай 560 км автозам барьж байгуулахаар төслүүдэд нутгийн залуусыг түлхүү оролцуулах зорилгоор “Умардын уурхайчин” сургалтын хөтөлбөрийг эхлүүлээд байгаа билээ. Хөтөлбөрийн эхний ээлжийн хүнд даацын автомашины операторын сургалтад хамрагдахаар шалгарсан Цэцэрлэг сумын 10 залуу батламжаа гардан авч, Эрдэнэт УБҮ-ийн дэргэдэх сургалтын төвд хичээллэхээр болж байна.

“Умардын уурхайчин” хөтөлбөрийн хүрээнд “Аспайр Майнинг Лимитэд” компани зардлыг бүрэн хариуцаж уул уурхайн үйлдвэрлэлд оролцох автомашины операторууд, засварын механикуудыг цаашид үе шаттайгаар сургаж, бэлтгэх юм. Мөн хөдөлмөрийн аюулгүй байдал, эрүүл ахуй (ХАБЭА)-н ажилтнуудыг АНУ дахь OSHAcademy-ийн сургалтын хөтөлбөрт хамрууллаа. Тус Академийн сургалтыг Монгол Улсад зохион байгуулах онцгой эрхийг “Ошми групп” ХХК эзэмшдэг бөгөөд сургалтын чанарын баталгаажуулалтыг OSHAcademy хийж, олон улсад хүлээн зөвшөөрөгдсөн сертификат олгодог юм. “Аспайр Майнинг Лимитэд” компанийн “Овоотын баяжуулах үйлдвэр” төслийн ХАБЭА Г.Далхаа, Ч.Амарзаяа нар төсөл хэрэгжих Хөвсгөл аймгийн Цэцэрлэг сумын иргэд юм. OSHAcademy-ийн сургалтад амжилттай хамрагдсан тэд АНУ-аас ирүүлсэн сертификат  хүлээн авлаа. 

“Овоотын баяжуулах үйлдвэр” төслийн эхний үе шатанд 500 гаруй хүнийг тогтмол ажлын байраар хангаж, 1500 хүртэл байнгын ажилтантай байхаар төлөвлөж буй бөгөөд орон нутгийн залууст мэргэжил олгож, ажлын байраар түлхүү хангах бодлого баримталж байна. 

Түүнчлэн, “Аспайр Майнинг Лимитэд” компани “Овоотын баяжуулах үйлдвэр” байгуулах ажлын хүрээнд хамтран ажиллахаар Хөвсгөл аймгийн Цэцэрлэг сумын Ахмадын холбоо, Эмэгтэйчүүдийн холбоо, Ардчилсан залуучуудын холбоо, Эко клуб, Эв нэгдэл хариуцлага төрийн бус байгууллагатай харилцан ойлголцлын санамж бичиг байгууллаа. Харилцан ойлголцлын санамж бичиг байгуулснаар сумын иргэний нийгмийн байгууллагууд “Аспайр Майнинг Лимитэд” компанийн хариуцлагатай уул уурхай, бүтээн байгуулалтын оролцогч тал болж, орон нутагт ажлын байр бий болгох, орлогын эх үүсвэр нэмэгдүүлэх, байгаль орчны иргэдийн хяналт,  олон нийтийн оролцоог хангахад хамтран ажиллах юм.

Монгол Улсын “Хариуцлагатай уул уурхайн сайн дурын кодекс”-т нэгдсэн “Аспайр Майнинг Лимитэд” компани байгаль орчинд ээлтэй ажиллах зорилгоор Овоотоос Эрдэнэт хот хүртэл 560 км хатуу хучилттай зам тавих ажлыг эхлүүлж байна. 

Б.Гэрэлням

Сэтгэгдэл (5)

  • Зөв шүү. Нүүрстэй бж ашиглахгүй модоо түлээд байвал хангайгүй нуургүй болно биз дээ. Орон нутгийн хөгжилд хувь нэмрээ Могойн голын уурхайгаас илүү оруулчихвал болоод явчина. Угаасаа 2012 оны лицензийг Аймгийн ИТХ-ын 2018 оны тогтоолоор хүчингүй болгоно гэж бхгүй л дээ
    2019 оны 07 сарын 04 | Хариулах
  • uu huirhii uhhaar boloo yu
    ZOCHIN
    2019 оны 07 сарын 01 | Хариулах
  • uu huirhii uhhaar boloo yu
    ZOCHIN
    2019 оны 07 сарын 01 | Хариулах
  • zochin
    ZOCHIN
    2019 оны 07 сарын 01 | Хариулах
  • Бат
    Хариуцсан ажилаа үнэн чанартай хийгээд хариуцлагатай уул уурхайн салбарын шилдэг болоод явхад гэмгүй олон хүн ажиллах болно амь амьдралд нь нэмэр болно доо уул нь
    2019 оны 07 сарын 01 | Хариулах
Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 5 цаг 14 минутын өмнө
    Н.Алгаа нь 1975-1980 онд ОХУ-ын Свердловск хотын Уралын политехникийн дээд сургуульд суралцан өнгөт төмөрлөгийн инженер мэргэжил эзэмшсэн. 1990-1991 онд Японы Сендай хотын Тохоку их сургуульд мэргэжил дээшлүүлж, 2009-2012 онд МУИС-ийн хууль зүйн сургуульд эчнээгээр суралцжээ. Тэрээр Монголын Уул уурхайн Үндэсний Ассоциацийн Гүйцэтгэх захирал, Ерөнхийлөгчөөр тус тус ажиллаж байсан бөгөөд өдгөө “Дат консалтинг” ХХК-ийн Гүйцэтгэх захирлын албыг хашиж байна. Монголын уул уурхайн салбарын тэргүүлэх мэргэжилтэн Н.Алгаагийн салбарын үйл явцад дүн шинжилгээ хийсэн нийтлэлийг The Mongolian Mining Journal  уншигчдадаа цувралаар хүргэж байна.  
  • 2019-09-20 15:51
    Казахстан улс нь Хятадын Лянюнган боомтоор дамжин Зүүн өмнөд Азийн зах зээлд нүүрс экспортолно. Энэ тухай тус улсын Үйлдвэр, дэд бүтцийн хөгжлийн сайд Роман Скляр мэдэгджээ. Казахстаны Ерөнхийлөгч Касым-Жомарта Токаев анх удаа БНХАУ-д хийсэн айлчлалын үеэр хоёр улс тохиролцсон байна. Казахстан нь жил бүр  хоёр сая тонн нүүрсийг Хятадын нутгаар дамжуулан тээвэрлэж экспортлохоор урьдчилсан хэлэлцээр байгуулжээ. Казахстаны хувьд далайд гарцгүй орон бөгөөд Оросын нутгаар дамжин нүүрсээ экспортолдог. Сүүлийн жил Казахстаны экспортын нүүрсийг Оросын нутгаар дамжуулан тээвэрлэх асуудалд хүндрэл үүсээд байгаа юм.
  • 2019-09-20 11:11
    “Эрдэнэт үйлдвэр” ТӨҮГ өнгөрсөн тавдугаар сард Байгаль орчин, ногоон хөгжлийн хэлтэстэй болсон юм. Тус хэлтэс нь  Орхон аймгийн АЖБОГ-тай хамтран дүйцүүлэн нөхөн сэргээлтийн ажлыг хийж эхлээд байна. Энэ хүрээнд Баян Өндөр хайрханы Хүрэнбулагийн аманд нөхөн сэргээлтийн ажил үргэлжилж буй.   
  • 2019-09-20 11:01
    Бичил уурхайчид, нинжа, хувиараа алт олборлогчид гэж хэнийг хэлэх вэ? Өмнөговь аймгийн Бичил уурхай эрхлэгчдийн холбоо ямар үйл ажиллагаа явуулдаг талаарх мэдээллийг хүргэж байна
  • 2019-09-19 16:06
    “Трансвест Монголиа” ХХК нь Комацугийн уул уурхай, зам барилгын тоног төхөөрөмж болон тус брэндийн баталгаат сэлбэг хэрэгсэл, эд ангиудыг үйлдвэрээс шууд ханган нийлүүлэх хүчин чадал бүхий Комацугийн Монгол дахь цорын ганц албан ёсны дистрибьютер юм. Тус компани үүсэн байгуулагдсаны 10 жилийн ой энэ сард тохиолоо.