“Эко хэлхээ” компанийн жонш баяжуулах үйлдвэрийн хүнцэлийн агууламж стандартаас их гарчээ

2019-06-24 18:22

Дорноговь аймгийн Даланжаргалан суманд дөрөвдүгээр сарын 14-нд “Эко хэлхээ” компанийн жонш Баяжуулах үйлдвэрийн хаягдлын далан сэтэрч химийн хорт бодистой ус алдагдсан билээ. Уг явдлаас хойш хоёр сарын хугацаа өнгөрч байгаа бөгөөд нөлөөллийн бүсийн ус, хөрсний дээжээс авсан шинжилгээний хариу хоёр төрлөөр гарсан байна.   

Шинжилгээгээр цэвэр устай харьцуулахад: 
1. Далан задарч урссан хэсэгт хүнцэл-As 0.260мг/кг MNS 4943:2011 стандартын хүлцэх агууламжаас (0.01мг/кг) 26 дахин их
2. Амуу усны нууран дахь хүнцэл-As 0.044мг/кг буюу MNS 0900:2018 стандартын хүлцэх агууламжаас (0.01мг/кг) 4.4 дахин 
3. Худгийн усан дахь хүнцэл-As 0.028мг/кг MNS 0900:2018 стандартын хүлцэх агууламжаас (0.01мг/кг) 2.8 дахин их
4. Хөрсөнд зүсэлт хийсэн 60 см-т хүнцэл-As 41.0 мг/кг буюу MNS 5850:2008 стандартын хүлцэх агууламжаас (6мг/кг) 6.8 дахин их, хортой агууламжаас (30мг/кг) 1.3 дахин их 
5. Хөрсөнд зүсэлт хийсэн 110 см-т хүнцэл-As 76,5 мг/кг буюу MNS 5850:2008 стандартын хүлцэх агууламжаас (6мг/кг) 12.75 дахин их, хортой агууламжаас (30мг/кг) 2.55 дахин их үзүүлэлттэй, аюултай агууламжаас (50мг/кг) 1.53дахин их
6. Харьцуулсан судлахаар тогтоосон газарт (Эрүүл хөрсөнд) хүнцэл-As 120,5 мг/кг буюу MNS 5850:2008 стандартын хүлцэх агууламжаас (6мг/кг) 20.08 дахин их, хортой агууламжаас (30мг/кг) 4.01дахин их, аюултай агууламжаас (50мг/кг) 2.41 дахин их үзүүлэлттэй гэж тэмдэглэжээ. Хөрсний эдийн засгийн үнэлгээ 3.25 га талбай гэж тооцож 39.1 сая төгрөг, ургамлын эдийн засгийн үнэлгээ 33.8 сая төгрөг гэж “Эко үнэлгээ” ХХК-аас тооцсон байна.  

2019 оны дөрөвдүгээр сарын 17-ноос хойш 16768м.куб бохирдсон хөрсийг хаягдлын даланд асгахад 1048 удаа машинаар тээвэрлэлт хийсэн байна. Харин нөхөн сэргээлтийн ажил тавдугаар сарын 21-нд эхэлж 13472м.куб шимт хөрс, 10 машин хөх бууцыг тээвэрлэн авчирч нөхөн сэргээжээ. Энэ талбайд согоовор, ерхөг, царгас зэрэг ургамлыг тариалсан тухай эх сурвалж мэдээлж байгаа юм. Одоо биологийн нөхөн сэргээлтийн ажил 90 гаруй хувьтай үргэлжилж байна. Ирэх оны аравдугаар сар хүртэл биологийн нөхөн сэргээлт хийх талбайн арчилгааг “Эко хэлхээ” компани бүрэн хариуцах аж. 

Байгаль орчныг хамгаалах тухай хуулийн 49.5/2-т зааснаар “хөрсөнд учирсан хохирол, байгаль орчныг бохирдуулснаас үүсэх хохирлыг байгаль орчинд учирсан хохирлыг тооцох аргачлалаар тооцсон хохирлын хэмжээг гурав дахин нэмэгдүүлсэнтэй тэнцэх хэмжээгээр” тооцохоор заажээ. Өөрөөр хэлбэл хөрс, ургамлын эдийн засгийн үнэлгээг 3 дахин нэмэгдүүлсэн төлбөрийг “Эко хэлхээ” компани төлөх ёстой. Энэ нөхөн төлбөр Байгаль орчин, уур амьсгалын санд төвлөрч зарцуулагддаг байна. Нөхөн сэргээлтийн ажил болон далангийн засварын ажил бүрэн дууссаны дараа холбогдох газрууд шалгаснаар цаашид үйл ажиллагаа явуулах эсэхийг шийдэх аж.   


 

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 20 цаг 16 минутын өмнө
    Салхитын ордод бонд гаргах тухай төр засгийн шийд­вэрийг Та хэрхэн харж байгаа вэ? Төрийн, хувийн өмчтэй ялгаагүй аливаа компани үйл ажиллагаандаа шаардлагатай хөрөнгө босгох зорилгоор бонд гаргадаг. Компанийн бонд гэдэг бол зарчим юм. Санхүүгийн зах зээл тодорхой дүрэмтэй. Одоо ил болсон ТЭЗҮ-ээс харахад Салхитын ордыг 7 жил ашиглах үйл ажиллагааны ашиг байтугай орлого нь тэтгэврийн зээлийг тэглэж хүрэхгүй байна. Ийм ордыг барьцаалж тэтгэврийн зээлийг тэглэх зорилгоор бонд гаргах нь санхүүгийн зах зээлийн зөв, эрүүл тогтолцоог эвдэж буй. Санхүүгийн зах зээлд байж боломгүй этгээд, гаж үзэгдэл юм.
  • 22 цаг 11 минутын өмнө
    Засгийн газрын хуралдаанаар, Алт цэвэршүүлэх үйлдвэрийг гадаад, дотоодын хөрөнгө оруулалтаар барих боломжийг судалж танилцуулахыг холбогдох сайд, агентлагийн дарга, бусад албан тушаалтанд даалгажээ. Монгол Улсын Ерөнхий сайд Казахстан улсад хийсэн албан айлчлалын үеэр Алт цэвэршүүлэх үйлдвэрийг барих тухай гэрээнд талууд гарын үсэг зурсан юм. Нийт 81.9 сая ам.доллар шаардлагатай бөгөөд урьдчилгаа 30%-ийг санхүүжүүлсэн тохиолдолд ажил нь эхлэх боломжтой. Үйлдвэр жилд 50 тонн алт, 25 тонн мөнгө үйлдвэрлэх хүчин чадалтай байх юм. 
  • 22 цаг 54 минутын өмнө
    Монгол Улсын эдийн засаг, нийгмийн хөгжилд тэргүүлэх байр суурь эзэлж буй эрдэс баялгийн салбарынхан дэлхийн олон оронд тархаад буй COVID-19 вирусийн эсрэг сайн үйлсийн хандивын аяныг эхлүүлж байна. Албан бичгээ УУХҮ-ийн сайд Д.Сумъяабазарт(2020.02.18) гардууллаа. Энэхүү хандивын аянг салбарын сайд дэмжиж байгаагаа илэрхийлж өөрийнхөө нэг өдрийн цалинг хандивлан хандивын аян эхлүүлж уриалж байгаагаа илэрхийлэв. Уг хандивыг Монгол Улсын Засгийн газраас вирусийн эсрэг авч буй арга хэмжээг дэмжих, өмнөд хөршийн ард түмэнд сэтгэлийн болон эд материалын дэмжлэг үзүүлэхэд зориулж байгаа юм.
  • Уржигдар 20 цаг 35 минутад
    “Эрдэнэс Тавантолгой" ХК нь 1072 ширхэг хувьцааны ногдол ашиг олгох шийдвэр гарсантай холбогдуулан Уул уурхайн хүнд үйлдвэрийн сайд Д.Сумьяабазар уул уурхайн зарим төслүүдийн явцын талаар дурдсан юм. Тодруулбал, бүтээн байгуулалтын хүрээнд Тавантолгой-Зүүнбаян чиглэлийн төмөр зам, баяжуулах үйлдвэр, коксын үйлдвэр, уурхайн хүчин чадлыг нэмэгдүүлэх, тоног төхөөрөмжийн шинэчлэлийн ажлууд хийгдэж байгааг тэрээр хэллээ. Тухайлбал, Тавантолгой-Гашуунсухайт чиглэлийн төмөр замын төсөл бэлтгэлээ ажлаа хангаж бүтээн байгуулалт гуравдугаар сарын 1-нд эхлэх байсан ч коронавирусын дэгдэлтийн улмаас тодорхой хугацаагаар буюу нэг сараар хойшлох төлөвтэй байна.
  • Уржигдар 14 цаг 48 минутад
    Эрдэнэс-Тавантолгой” ХК-ийн Төлөөлөн Удирдах Зөвлөл хувьцаа эзэмшигчиддээ ногдол ашиг өгөх шийдвэр гаргасантай холбогдуулан өнөөдөр /2020.02.17/ Уул уурхай, хүнд үйлдвэрийн сайд Д.Сумьяабазар, “Эрдэнэс-Тавантолгой” ХК-ийн ТУЗ-ийн дарга Б.Баярсайхан болон Гүйцэтгэх захирал Б.Ганхуяг нар мэдээлэл өглөө. Нэгж хувьцаанд 90 төгрөг олгох бөгөөд 1072 ширхэг хувьцаатай иргэнд 96480 төгрөг оногдож байна. Компанийн тухай хуулийн дагуу Төлөөлөн удирдах зөвлөлөөс гаргасан уг шийдвэрийг энэ оны 05 дугаар сарын нэгний дотор Хувьцаа эзэмшигчдийн хурлаар хэлэлцүүлнэ. Мөн Санхүүгийн зохицуулах хорооны ногдол ашиг хуваарилах шинэ журмын дагуу 2020 онд Үнэт цаасны төвлөрсөн хадгаламжийн төвөөр дамжуулан хувьцаа эзэмшигчдэд ногдол ашгийг олгох юм.