Л.ГАНБОЛД: Хөвсгөл уул уурхайгүй аймаг болох бодлого шийдвэрээ хадгална

2019-06-13 14:06

Хөвсгөл аймагт сүүлийн үед өрнөж буй уул уурхайтай холбоотой зарим асуудлыг Засаг дарга Л.Ганболдоос тодрууллаа.

Хөвсгөл аймаг дахь уул уурхайн асуудалтай холбоотой мэдээлэл нийгмийн сүлжээгээр нэлээд цацагдаж байна.  Энэ талаар Та ямар байр суурьтай байна вэ?

Хөвсгөл аймаг Монгол орны аялал жуулчлалын гол бүс нутаг. Аялал жуулчлалыг хөгжүүлэх зорилтын хүрээнд ИТХ-ын  хуралдаанаар 2009 онд аймгийн 50 дугаар өргөргөөс хойш газар нутгийг орон нутгийн тусгай хэрэгцээнд таван жилийн хугацаатай авсан байдаг. Энэ шийдвэрийг 2014 онд 25 жилийн хугацаагаар сунгасан юм. 

Үүн дээр эко системийн хувьд тухайн бүс нутагтаа чухал ач холбогдол бүхий 50 дугаар өргөрөгөөс урагш Бүрэнтогтох, Төмөрбулаг, Тосонцэнгэл, Цагаан-Уул, Цагаан-Үүр, Эрдэнэбулган зэрэг сумдын зарим газар нутгийн тодорхой хэсгүүдийг орон нутгийн хамгаалалтад авч чадсан. Энэхүү шийдвэр нь 2008 оноос эхлэн аймгийн үе үеийн удирдлагууд бодлогын түвшинд ярьж, төлөвлөж, тооцоо судалгаа гарган хэрэгжүүлж ирсний үр дүн юм. Хөвсгөлчүүд бид газар нутгаа орон нутгийн тусгай хамгаалалтад 100% авсан нь түүхэн амжилт. 

Хөвсгөл аймаг уул уурхайн чиглэлээр ямар бодлого барьж байгаа вэ?

Аймгийн Засаг даргын 2016-2020  онд хэрэгжүүлэх үйл ажиллагааны хөтөлбөрт тусгагдсан “Уул уурхайгүй аймаг” гэсэн зорилтыг ханган ажиллаж байна. Өмнө нь хуулийн хүрээнд олгогдсон хайгуулын болон ашиглалтын тусгай зөвшөөрлүүдийг хамгаалалтын бүсэд хэрэгжүүлэхэд аймаг тодорхой бодлого чиглэл барьж буй. Мөн өмнөх хугацаанд аймаг, орон нутгийн зөвшөөрөлгүй хууль бусаар олгогдсон гэж яригдаж байгаа хайгуулын болон ашиглалтын тусгай зөвшөөрлүүдийг аймгийн зүгээс цуцлах саналыг холбогдох газруудад хүргүүлэн зохих шийдвэрүүдийг гарган ажиллаж байгаа юм. 
 
Аймаг хайгуулын  тусгай зөвшөөрлүүдийг үнэхээр цуцлаж чадах уу? 

Манай аймагт 2001-2009 он хүртэл ашигт малтмалын хайгуулын 246 тусгай зөвшөөрөл олгогдсон байдаг. Одоо аймагт ашиглалтын 22 тусгай зөвшөөрөл, хайгуулын 6 тусгай  зөвшөөрлийн  хугацаа хүчин төгөлдөр байна. 
Уул уурхайгүй аймаг  болох бодлогын хүрээнд олгогдсон хайгуул, ашиглалтын тусгай зөвшөөрлүүдийг цуцлах, цааш нь сунгахгүй байх бодлогоо тууштай хэрэгжүүлж, Хөвсгөлчүүдийн өмнө хүлээсэн үүрэг, амласан амлалтаа биелүүлэхийн төлөө ажиллах болно.   

Бодлого шийдвэр нь нэгэнт тодорхой болсон  ийм асуудлыг олон нийтэд буруугаар ойлгуулж, 2008 оноос өмнө гарсан шийдвэрүүдтэй хольж хутган, иргэдийг төөрөгдүүлэх, турхирах асуудлыг зорилготойгоор зохион байгуулж байгааг иргэд маань ялгаж, салгаж ойлгоно гэдэгт итгэж байна.  

Хөвсгөл аймаг 2030 он хүртэлх хөгжлийн бодлогоо батлаад түүндээ хүрэх зорилтуудаа хэрэгжүүлж байна. Энэ хүрээнд, Хөвсгөл аймаг уул уурхайгүй аймаг гэсэн бодлого шийдвэрээ хадгалах болно.


 

Сэтгэгдэл (7)

  • Хөвсгөл аймгаас бусад аймгуудруу мод зөөхийг хориглоно гэж тэнэгтэж бхын..хуулинд бхгүй захирамж шиыдьэр гаргах юм даа
    2019 оны 06 сарын 23 | Хариулах
  • Хөвсгөлийн иргэн
    Уурлаад яахавдээ хө, Сонгууль дөхчихлөө, Нүдээ аниад популист амлалт өгхөөс өөр аргагүй, ойлгоорой та нар минь хөвсгөл аялал жуулчлалаас энэ жил бие дааж санхүүжнээ. Уул уурхайн бүрдүүлдэг улсын төсөвөөс энэ жил манай аймаг санхүүжилт авахгүйээ. Уурхайчин хүнийг харахаар нүд хорсоод байна.
    2019 оны 06 сарын 20 | Хариулах
  • Huuliaraa olgoson yumig cucaldag chi muu yamar tom goshnogo ve
    2019 оны 06 сарын 14 | Хариулах
  • Irgen
    Teneg mal
    2019 оны 06 сарын 14 | Хариулах
  • энэ мудак тэгээд юугаараа амьдрах гэж байгаа юм бол. Хөвсгөл аймгийн төсвөөс хамгийн их татаас авдаг газар буюу уул уурхайн салбараас олсон мөнгөнөөс хамгийн ихийг шимэгчилж амьдардаг гэсэн үг
    2019 оны 06 сарын 14 | Хариулах
  • аялал , уул уурхай тэнгэр газар шиг зөрүүтэй шүүдээ, энэ хүн юү л яриад байна даа. машин, гар утас нь бүгд уул уурхай хэхэ...
    2019 оны 06 сарын 14 | Хариулах
  • Мал минь улсын тосвийн иатаасаа авахгуй гэдгээ хэлээч тэрийг чинь уул уурхай бурдуулж байгаа, аялал жуулчлалаараа бух орлогоо ол омхий жорлонгоо эхлээд бариад сурчих
    2019 оны 06 сарын 13 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 18 цаг 19 минутын өмнө
    Оюутолгой төслийн зэс үйлдвэрлэл энэ онд 140-170 мянган тонн, алт үйлдвэрлэл 120-150 мянган унцаар хэмжигдэх тухай “Туркойз Хилл Ресурс” компани 2019 оны дөрөвдүгээр улирлын үйлдвэрлэлийн тайландаа онцолжээ. 2020 онд Оюутолгой уурхайн алтны үйлдвэрлэл өнгөрсөн оныхоос даруй 40 орчим хувиар буурахаар байгаа нь ил уурхайн бага агуулгатай хүдрийн олборлолт үргэлжлэхээр байгаатай холбоотой юм. Харин зэсийн үйлдвэрлэл энэ онд өнгөрсөн оны дүнгээс ахиу гарах төлөвтэй байгааг Туркойз Хилл онцолжээ. 2020 оны тухайд далд уурхайн нэвтрэлтээс гаргасан хүдрийн биетийг боловсруулж эхэлнэ гэдгийг тус компани тэмдэглэжээ.
  • 21 цаг 51 минутын өмнө
    2019 онд Хятад 46.33 мянган тонн газрын ховор метал экспортолсон нь 2015 оноос хойших хамгийн бага үзүүлэлт болохыг тус улсын Гаалийн Ерөнхий газраас мэдээлжээ. Өнгөрсөн оны арванхоёрдугаар сард 3657 тонн газрын ховор метал экспортолсон нь 2018 оны мөн үетэй харьцуулахад 32.5%-иар буурчээ. Энэхүү бууралтыг Хятадын шинжээчид дэлхийн эдийн засгийн өсөлт буурч, Япон, АНУ болон Европын Холбооны аж үйлдвэрлэл саарч буйтай холбон тайлбарлаж байна. АНУ-Хятадын худалдааны зөрчилтэй шууд холбоогүй гэдгийг ч тэмдэглэж байгаа юм. 
  • Өчигдөр 13 цаг 11 минутад
    2019 онд Монгол Улсын гадаад худалдааны нийт эргэлт 13.7 тэрбум ам.долларт хүрсэн нь 2018 онтой харьцуулахад 6.7%-иар нэмэгдсэн тухай Үндэсний статистикийн хороо (ҮСХ) мэдээллээ. Үүнээс экспортын үзүүлэлт 7.6 тэрбум ам.доллартай тэнцсэн бол импортын хэмжээ 6.1 тэрбум ам.доллартай тэнцсэн байна. Өөрөөр хэлбэл, импортын хэмжээ 2018 оныхтой харьцуулахад 8%-иар, экспортын үзүүлэлт 8.7%-иар нэмэгджээ. Гадаад худалдааны тэнцэл өнгөрсөн онд 1.5 тэрбум ам.долларын ашигтай гарсан байна. Энэ нь 2018 оны үзүүлэлтээс 31.3% буюу 355.4 сая ам.доллараар өссөн үзүүлэлт төдийгүй гадаад худалдаа 2014 оноос хойш ашигтай гарч эхэлснийг ҮСХ онцлов.
  • Өчигдөр 12 цаг 56 минутад
    Азийн Хөгжлийн Банкны (АХБ) Захирагч нарын зөвлөл Масацугу Асакаваг өнөөдөр тус банкны Ерөнхийлөгчийн алба хашиж эхэлж байна. Япон Улсын Ерөнхий сайдын болон Сангийн сайдын тусгай зөвлөхийн албыг хашиж буй 61 настай Асакаваг АХБ-ны Удирдах зөвлөлөөс 10 дахь Ерөнхийлөгчөөр сонгосон юм.Тэрээр Сангийн дэд сайдын хувиар 2019 онд Япон Улсын Осака хотноо зохион байгуулагдсан “Их 20”-ийн дээд хэмжээний уулзалт, Фукуока хотод зохион байгуулагдсан “Их 20”-ийн Сангийн сайд нар болон Төв банкны Ерөнхийлөгч нарын түвшний уулзалтуудад чухал үүрэг гүйцэтгэсэн байна. Түүнчлэн, дэлхийн эдийн засгийн хямралын дараахан зохион байгуулагдсан “Их 20”-ийн анхны дээд хэмжээний чуулга уулзалтад тухайн үеийн Ерөнхий сайд Таро Асогийн шадар туслахын хувиар оролцож байв.
  • Уржигдар 12 цаг 48 минутад
    Сүүлийн 18 сарын хугацаанд үргэлжилсэн хэлэлцээрийн эцэст АНУ-Хятадын худалдааны дайныг "зөөлрүүлэх" томоохон гэрээнд талууд лхагва гаригт Цагаан ордонд үзэглэлээ. Энэхүү 86 хуудас бүхий гэрээнд АНУ-ын талаас Ерөнхийлөгч Доналд Трамп, Хятадын талаас Төрийн зөвлөлийн Шадар сайд Лю Хэ гарын үсэг зурсан байна. Гэрээ зурагдсан явдлыг Трамп АНУ-ын эдийн засгийн хувьд ялалт болсныг зарлажээ. Ингэснээр түүний хувьд 2020 оны сонгуулийн кампанит ажилдаа хэлэх үгтэй болж байна.