Цэвэр эрчим хүч ашиглаж экспортлохоор нэгдлээ

2019-05-23 16:26

Монгол Улсын Засгийн газар, хувийн хэвшил, төрийн бус байгууллагуудын төлөөллүүд, гадаад дотоодын нэр хүндтэй судлаачид зэрэг 600 гаруй зочид төлөөлөгчид оролцсон  “Олон улсын шинэ эрчим хүчний чуулган-2019” өнөөдөр “Корпорэйт конвенш центр”-т зохион байгуулагдлаа.  Чуулганы эхэнд   “Говийн цэвэр эрчим хүч нэгдэл”-ийн хамтарсан уриалгад гарын үсэг зурах ёслол болсон юм. Тэд Монгол Улсын Говийн бүс дахь цэвэр эрчим хүчний баялаг нөөцийг ашиглаж, үйлдвэрлэлийг хөгжүүлэх, экспортлох зорилгын дор цугларан энэхүү нэгдэлд элсэж буйгаа зарлав. 

Дэлхий даяар уламжлалт эрчим хүчний нөөцөөс татгалзаж цэвэр эрчим хүчний хэрэглээ рүү шилжиж байгаа эрин үед Монгол Улс цэвэр эрчим хүчний баялаг нөөцөө ашиглан Зүүн Хойд Азийн бүс нутгийн өсөн нэмэгдэж буй эрчим хүчний хэрэгцээг хангах, улмаар бүс нутгийн орнуудыг хамарсан олон улсын жишиг, стандартын дагуу цахилгаан эрчим хүч дамжуулах нэгдсэн сүлжээг бий болгох боломжтойг Эрчим хүчний яам болон Азийн хөгжлийн банкны хамтарсан судалгаагаар тогтоожээ.

Говийн цэвэр эрчим хүчний нөөцийг ашиглан, бүс нутагтаа экспортлосноор Монгол Улсын эдийн засгийн өсөлт, иргэдийн эрх ашигт эерэг үр дүн авчрахаас гадна дэлхийн дулааралд хамгийн их нөлөө үзүүлж буй нүүрс хүчлийн хийн ялгарлыг бууруулах үйл зэрэгт том ахиц гарна гэж чуулганыг зохион байгуулагчид  үзэж байна. 

Өнгөрсөн оны есдүгээр сард Владивосток хотноо болсон Дорнын эдийн засгийн IV чуулганы үеэр Монгол Улсын Ерөнхийлөгч Х.Баттулга оролцсон. Энэ үеэр Зүүн Хойд Азийн бүс нутгийн орнуудын эрчим хүчний оргил цагийн ачааллыг хөнгөвчлөх, хамгийн үр ашигтай, хямд өртөг бүхий цахилгаан эрчим хүчээр хангах шийдлийг холбогдох талууд дэвшүүлж байсан юм. Онцолж хэлбэл, Зүүн Хойд Азийн цахилгаан эрчим хүчний нэгдсэн сүлжээний бүс нутгийн зохицуулалтын байгууллага бий болгох санаачилга гаргасныг нэгдэлд элсэн орсон талууд дэмжлээ. 

Говийн бүсийн цэвэр эрчим хүчийг ашигласнаар Монгол Улсын эрчим хүчний салбарын хөгжил, Монгол Улс болон Зүүн хойд Азийн бүс нутгийн эдийн засаг, дэд бүтцийн хамтын ажиллагааг шинэ, ахисан түвшинд гаргах, Монгол Улсыг цахилгаан эрчим хүч экспортлогч орон болгоход чухал ач холбогдолтой ажээ. 

Чуулганы “Ногоон хотжилт” хэлэлцүүлгийн үеэр “Монгол нүүрс” ассоциацийн Гүйцэтгэх захирал Ж.Золжаргал, “АВВ” группын Монгол дахь төлөөлөгчийн газрын дарга  С.Эрдэмбаяр, “Naanavo” группын дэд Ерөнхийлөгч Тони эн Фидди, “UltraSonic” компанийн Ерөнхий инженер Ж.Хуягбаатар нар мэдээлэл хийж, зочдын асуултад хариулсан юм. Улаанбаатар хот нь уур амьсгалын өөрчлөлтөд хамгийн их өртөж байгаа бөгөөд түүний нөлөөллийг эрчим хүчний шинэ технологиор даван туулах ёстой хотуудын нэг гэдэгтэй тэд санал нийлж байв.    

Хог хаягдлаас эрчим хүч гаргаж авах төслүүд дэлхийд нэлээд эрчимтэй хөгжиж байна. Түүний нэг нь “Нааново” компани гэдгийг холбогдох албаны хүмүүс хэлж байлаа. Тус компанийн хог хаягдал дахин боловсруулах технологи (WTE Маах технологи) нь хамгийн бага зардалтай, эрчим хүчний хэмнэлттэй технологиудын нэгээр тодроод буй аж. Хог хаягдал дахин боловсруулж эрчим хүч гарган авдаг үйлдвэрүүдийн ихэнх  нь дулааны эрчим хүчний 25-33%-ийг  л цахилгаан болгон үйлдвэрлэдэг бол WTE Маах технологи нь 40-50% цахилгаан болгохоор зорин ажиллаж байгаа ажээ. 

“Монгол нүүрс” ассоциацийн Гүйцэтгэх захирал Ж.Золжаргал энэ удаад Европын сэргээн босголт хөгжлийн банкны “Ногоон хот”-ын үйл ажиллагааны төслийн талаар мэдээлэл өглөө. Тэрээр, хотжилтыг ногоон байдлаар буюу ухаалгаар бий болгоход эрчим хүчний ухаалаг зохицуулалт, хэрэглээ шаардлагатайг онцолж байсан. Европын сэргээн босголт банкны “Ногоон хот” төсөлд 17 ногоон хот хамрагджээ. Эдгээрийн ихэнхэд нь Зүүн Европ болон Кавказын улсууд   багтаж байгаа аж. Улаанбаатар хотын хувьд ч энэ төслийн нэг хэрэгжүүлэгчээр ажиллаж байна.   

“АВВ” группын Монгол дахь төлөөлөгчийн газрын дарга  С.Эрдэмбаяр”Дотоод шаталтын хөдөлгүүрийн эрин үе тун удахгүй өнгөрсөнд үлдэнэ. Дэлхийн машин үйлдвэрлэгч томоохон компаниуд цахилгаан хөдөлгүүрт тээврийн хэрэгсэлд шилжиж байна. ХБНГУ, БНХАУ нь 2030 оноос хойш дотоод шаталтат хөдөлгүүрт тээврийн хэрэгсэл үйлдвэрлэхгүй. VW, Volvo, GM зэрэг үйлдвэрлэгчид 2019, 2023 болон 2027 оноос эхлэн зөвхөн цахилгаан хөдөлгүүрт тээврийн хэрэгсэл үйлдвэрлэхээр болсон” хэмээн тодотголоо. 

Цахилгаан автомашины технологи дэлхий даяар эрчимтэй хөгжиж 2020 онд томоохон хотууд нийтийн тээврийг бүхэлд нь цахилгаан болгохоор зорьж байгаа аж. Монгол Улсын хувьд Засгийн газраас нийтийн тээврийн хэрэглээнд том оврын цахилгаан болон хийн түлштэй автобус нэвтрүүлэхээр тодорхой ажлууд үе шаттайгаар хийгдэж байгааг тэрээр мөн дуулгалаа. Өнөөдрийн Улаанбаатар хотын цахилгаан хангамжийн асуудалд хэт хуучирсан технологи, хотын төвд дэд станц шинээр барих эх үүсвэрүүдийн нөөц хомс буюу хүчин чадлын хувьд хязгаарлалттай зэрэг олон хүчин зүйл нөлөөлөх болжээ. Тиймээс эрчим хүчний ухаалаг сүлжээ юу юунаас чухал байгааг С.Эрдэмбаяр онцолсон юм.    

Чуулганд оролцогчид энэ удаагийн хэлэлцүүлгээрээ Монгол Улсын эрчим хүчний салбарт тулгамдаж буй хүндрэлтэй асуудлыг шийдвэрлэх, Улаанбаатар хотын агаарын бохирдлыг хэрхэн бууруулж болох талаар бодлогын болон техникийн боломжуудыг хөндлөө. Уг асуудлаар тайлан боловсруулж Монгол Улсын Засгийн газар, холбогдох төрийн байгууллагуудад хүргүүлэх аж. 

Г.Идэр
 

Сэтгэгдэл (1)

  • angela gonzalez
    Бүх зүйл сайн байна Ноён Iwaniuk dariusz намайг Ноён Iwaniuk dariusz хийсэн гэж хэлэхэд баяртай байна. Би түүнд 6000 € зээлийг асууж, тантай ярих үед таныг худал хэлэхгүй гэж би гэрчлэв. 6000 еврог миний дансанд оруулсныг олж мэдсэн юм. Энэ бол миний урьд өмнө алдсан баяр баясгаланг олох боломжийг надад олгосон энэхүү гайхамшигтай ноён надад гэрчилсэн энэхүү баяр баясгалан юм. Тиймээс хэрэгцээтэй байгаа хүмүүст цаашид ямар ч харагдахгүй, түүнтэй холбоо бариарай мэйл: iwaniukdariusz1234@gmail.com WIISAPP 0022 960 495 638
    2019 оны 05 сарын 23 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 5 цаг 7 минутын өмнө
    “Дэлхийн эдийн засгийн чуулган”-аас (World Economic Forum /WEF/) Бүгд Найрамдах Ардчилсан Конго улс дахь кобальтын олборлолтод хөдөлмөрийн нөхцөл, хүний эрхийг сайжруулах шаардлагатай тухай “Уул уурхайг аюулгүй, шударга болгох нь: БНАКонго дахь гар аргаар кобальт олборлолт” тайлан гаргажээ. Кобальт нь цахилгаан машин болон ухаалаг гар утас, зөөврийн компьютерын зай хураагуурын үйлдвэрлэлд үндсэн чухал түүхий эд болдог. Энэхүү тайланд дурдсанаар дэлхийн кобальтын хэрэглээ 2030 он гэхэд одоогийнхоос 4 дахин нэмэгдэх хандлагатай ажээ. Одоогийн байдлаар дэлхийн нийт кобальтийн нийлүүлэлтийн 70% нь БНАКонго улсад ногдож байна. Харин тус улсын нийт олборлолтын 30 хүртэлх хувь нь бичил уурхайгаас эх үүсвэртэй юм. Гэвч Конго дахь кобальтын бичил уурхайнуудад хөдөлмөрийн аюулгүй байдал, хөдөлмөрийн шударга үнэлэмж орхигдох байдал түгээмэл байна. Ийм нөхцөлд дэлхийн кобальтийн нийлүүлэлтийн сүлжээнд олборлолтыг хариуцлагатай болгоход бэрхшээл учрах нь гарцаагүй юм.
  • 8 цаг 19 минутын өмнө
    АНУ-аас Монгол Улсад суугаа Элчин сайдын яамнаас (2020.09.14) Монгол дахь хөрөнгө оруулалтын орчны шинжилгээг хийж тайлан гаргасан байна. Тайланд  2017-2020 оны тавдугаар сарын хугацаанд Монгол Улсад хэрэгжсэн “Өргөтсөн санхүүжилтийн хөтөлбөр” амжилттай дуусч чадаагүй гэсэн ОУВС-ийн дүгнэлтийг дурджээ. Тодруулбал, тус тайланд “Монгол Улсын өр 2020 онд ДНБ-ий 77%-тай тэнцэх төлөвтэй байна. 2021 оноос эхлэн гадаад зээлдүүлэгчдэд төлөх өр төлбөрүүдтэй нүүр тулж байгаа нь төлбөрийн тэнцлийн дарамтыг үүсгэж болзошгүй. Монгол Улс гурван жилийн хугацаатай Олон улсын валютын сангийн хөтөлбөр хэрэгжүүлж эдийн засгийн эмзэг байдлыг мэдэгдэхүйц бууруулсан ч Засгийн газар банкны салбартай холбоотой ОУВС-ийн макро зохистой асуудлуудыг шийдвэрлэж чадаагүй тул хөтөлбөр 2020 оны тавдугаар сард амжилтгүй дуусгавар болсон" гэж үзсэн байна. 
  • 9 цаг 3 минутын өмнө
    Монгол Улсын Ерөнхий сайд У.Хүрэлсүх “Дарханы төмөрлөгийн үйлдвэр”-т ажиллах үеэрээ  "Иргэдийг орон сууцжуулах хөтөлбөр" ийг хэрэгжүүлэхэд чухал хувь нэмэр оруулах ёстой. Засгийн газар дотоодын үйлдвэрлэлийг бүх талаар дэмжинэ” гэв. Дарханы төмөрлөгийн үйлдвэр" компани 1990 онд байгуулдсан, уул уурхайн олборлолт, боловсруулалт, төмөрлөгийн үйлдвэрлэл, гадаад болон дотоод худалдаа зэрэг үндсэн чиглэлээр үйл ажиллагаа явуулдаг. “Монгол гангаар Монголыг хөгжүүлнэ” гэсэн уриа, зорилготой. Улсдаа металлургийн анхдагч, хамгийн том ган үйлдвэрлэгч юм. Гангийн үйлдвэр нь жилдээ 121.7 мянган тонн хаягдал төмөр хайлж, 108.7 мянган тонн бэлдэц үйлдвэрлэн, 100 мянган тонн цувимал үйлдвэрлэх хүчин чадалтай.
  • Өчигдөр 17 цаг 52 минутад
    Санхүүгийн зохицуулах хороо 2007 онд компанийн засаглалын кодексыг 9 бүлэгтэй боловсруулан баталсан бол 2014 онд онд тус кодексыг 10 бүлэгтэйгээр дахин шинэчилжээ. Түүнд хамаарах хувьцаат компаниудын санхүүгийн тайлагнал, мэдээллийн ил тод нээлттэй байдал болон хувьцаа эзэмшигчдийн ээлжит хурлыг журмын дагуу зохион байгуулах, тэмдэглэл болон шийдвэрийн нээлттэй, ил тод байдал нь нийт хувьцаа эзэмшигчид, хөрөнгө оруулагч нарт тэгш боломж олгох чухал үүрэгтэй юм. Өнөөдөр (2020.09.17) Санхүүгийн зохицуулах хороо, Нээлттэй нийгэм форум хамтран “Хувьцаат компанийн комплайнс, мэдээллийн ил тод байдал” хэлэлцүүлгийг зохион байгууллаа. Хэлэлцүүлгийн эхний хэсэгт “Хувьцаат компаниудын хуулиар хүлээсэн үүргийн нийцэл” сэдвээр мэдээлэл хүргэж, “Хувьцаа эзэмшигчдийн ээлжит хурлын зохион байгуулалтын үнэлгээний тайлан”-г танилцуулсан юм.
  • Өчигдөр 15 цаг 43 минутад
    Дэлхийн банкнаас есдүгээр сард боловсруулан гаргасан “Уул уурхай ба Оюун ухаан: Байгалийн баялгийн өгөөжийг институц болон хүний хөгжилд чиглүүлэх нь” тайландаа Монголын хөгжлийн одоогийн загварыг задлан шинжилжээ. Уг тайланг өнөөдөр (2020.09.17) танилцуулсан бөгөөд Монгол Улсын эдийн засаг нь уул уурхайн салбарт бус оюун ухаан, институцийн хөгжил рүү чиглэх ёстойг онцолсон байна. Тайланд тооцсоноор, сүүлийн хорин жилийн хугацаанд манай улс эрдэс баялгийн орлогын 1 ам.доллар тутмаас ердөө нэг центийг үр хойчдоо хуримтлуулжээ. Монгол Улс 2008 оноос эхлэн төсвийн зарлагаа огцом нэмэгдүүлж, улмаар хуримтлалгүй өдий хүрсэн байна. Энэ бүхэн нь манай улс эрдсийн зах зээлийн мөчлөг дагасан бодлого явуулж ирсний тод илрэл юм. Гэхдээ 2017 оноос эхлэн Байгалийн баялгийн санд бага зэрэг хөрөнгө хуримтлуулах болсон нь сайшаалтайг тайланд тэмдэглэжээ.