Монголын нүүрсний экспорт 21%, зэсийнх 12%-иар өсөв

2019-05-17 14:38

Монгол улсын гадаад худалдааны нийт эргэлт оны эхний дөрвөн сарын байдлаар 4.3 тэрбум ам.доллартай тэнцэж, өмнөх оны мөн үеийнхээс 15.4%-иар өслөө. Үүн дотроо экспорт 2.5 тэрбум ам.доллар (18.2%-иар өссөн), импорт 1.8 тэрбум ам.доллар (11.7%-иар дээшилсэн)-ыг эзэлсэн тухай Үндэсний статистикийн хороо мэдээллээ.

Харин эрдсийн экспорт мөн хугацаанд 2.12 тэрбум ам.долларт хүрч өмнөх оны мөн үеийнхээс 17.6%-иар нэмэгдсэн байна. Улсын нийт экспортын өсөлтөд нүүрс болон алтны экспортын өсөлт голлон нөлөөлснийг Үндэсний статистикийн хороо онцоллоо.

Эрдсийн экспортыг орлогоороо тэргүүлж буй нүүрсний экспорт оны эхний дөрвөн сарын байдлаар 963.5 сая ам.доллартай тэнцэж, 21.1%-иар нэмэгдсэн дүнтэй гарлаа. Нүүрсний экспорт биет хэмжээгээр мөн хугацаанд 11.45 сая тоннд хүрсэн нь 10.9%-ийн өсөлтийг илтгэв. Сарын дүнгээр авч үзвэл өнгөрсөн дөрөвдүгээр сард 3.65 сая тонн нүүрс экспортолсон нь өмнөх гуравдугаар сарынхаас 74 мянган тонноор буюу 2%-иар буурсан үзүүлэлт боловч өмнөх оны мөн үетэй харьцуулахад 2.5%-иар өссөн байна.

Зэсийн баяжмалын экспортыг авч үзвэл оны эхний дөрвөн сарын байдлаар манай улс нийтдээ 489.1 мянган тонн баяжмал гадагш нийлүүлж 6.7%-ийн өсөлтийг үзүүлсэн бол орлогын дүнгээр 701.4 сая ам.долларт хүрч 11.8%-иар дээшиллээ. Харин боловсруулсан буюу цэвэр зэсийн экспортын тухайд нэлээд бууралттай байна. Тодруулбал цэвэр зэсийн экспорт биет хэмжээгээр эхний дөрвөн сард 3042 тонн байсан бол мөнгөн дүнгээр 18.5 сая ам.доллартай тэнцлээ. Энэ нь өмнөх оны мөн үеийнхээс даруй 35-40%-ийн бууралтыг илтгэв.

Боловсруулаагүй буюу хагас боловсруулсан алтны экспорт эрдсийн экспорт дундаа мөнгөн дүнгээр гуравдугаарт эрэмбэлэгдлээ. Оны эхний дөрвөн сарын байдлаар Монгол улсын алтны экспорт 4.7 тонн буюу 196 сая ам.доллараар хэмжигдлээ. Энэ нь өмнөх оны мөн үеийнхээс 36 орчим хувиар өсөлттэй байгаа гэсэн үг юм. Монголбанкны мэдээлж байгаагаар төв банк оны эхний дөрвөн сарын байдлаар нийтдээ 1.9 орчим тонн алт худалдан аваад байгаа нь өнгөрсөн оны мөн үеийнхээс 43%-ийн бууралттай байгаа юм. Гэхдээ салбарын хуулинд өөрчлөлт орсноос хойш буюу дөрөвдүгээр сараас эхлэн алтны худалдан авалт өсөх дүр зураг тодорч байна.

Төмрийн хүдрийн экспорт оны эхний дөрвөн сарын байдлаар 2.84 сая тоннд хүрч үнийн дүнгээр 159 сая ам.доллартай тэнцлээ. Энэ нь биет хэмжээгээр 39.6%, мөнгөн дүнгээр 71.9%-иар тус тус нэмэгдсэн гэсэн үг.

Түүхий газрын тосны экспорт мөн хугацаанд 2.1 сая баррельд хүрч 118.5 сая ам.доллартай тэнцсэн нь орлогын хувьд 14.6%, биет хэмжээгээр 4.7%-иар тус тус буурсан гэсэн үг.

Цайрын хүдэр, баяжмалын экспорт мөн хугацаанд 54.1 мянган тоннд хүрч 29.8%-иар өссөн бол үнийн дүнгээр 78.7 сая ам.доллартай тэнцсэн нь ердөө 4.7%-ийн өсөлтийг үзүүллээ.

Жоншны хүдэр, баяжмалын экспорт оны эхний дөрвөн сарын байдлаар 151.8 мянган тонн буюу 55 сая ам.доллартай тэнцэж, өмнөх оны мөн үеийнхтэй жишихэд жингээр 33.3%, үнийн дүнгээр 51%-иар тус тус өсөв.

Молибденийн баяжмалын экспортын тухайд оны эхний дөрвөн сарын байдлаар 1.9 мянган тонн буюу 16.1 сая ам.доллартай тэнцлээ. Энэ нь өнгөрсөн оны мөн үетэй харьцуулахад үнийн дүнгээр 13%-ийн өсөлтийг харуулж, биет хэмжээгээр ялимгүй бууралттай байв.

Хар тугалганы хүдэр, баяжмалын экспорт мөн хугацаанд 6.6 мянган тоннд хүрч 15.23 сая ам.доллартай тэнцлээ. Энэ нь биет хэмжээгээр өмнөх оны мөн үетэй ижил боловч үнийн дүнгээр 8.7%-иар буурсныг илтгэнэ.

Гянтболдын хүдэр, баяжмалын экспортын тухайд 90 тонн буюу 913 мянган ам.доллартай тэнцсэн нь биет хэмжээгээр 10%-иар өссөн ч үнийн дүнгээр 15.9%-иар буурсныг харууллаа.

 

 

Б.Төгс

 

 

 

 

Сэтгэгдэл (1)

  • angela gonzalez
    Бүх зүйл сайн байна Ноён Iwaniuk dariusz намайг Ноён Iwaniuk dariusz хийсэн гэж хэлэхэд баяртай байна. Би түүнд 6000 € зээлийг асууж, тантай ярих үед таныг худал хэлэхгүй гэж би гэрчлэв. 6000 еврог миний дансанд оруулсныг олж мэдсэн юм. Энэ бол миний урьд өмнө алдсан баяр баясгаланг олох боломжийг надад олгосон энэхүү гайхамшигтай ноён надад гэрчилсэн энэхүү баяр баясгалан юм. Тиймээс хэрэгцээтэй байгаа хүмүүст цаашид ямар ч харагдахгүй, түүнтэй холбоо бариарай мэйл: iwaniukdariusz1234@gmail.com WIISAPP 0022 960 495 638
    2019 оны 05 сарын 23 | Хариулах
Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 2019-12-13 11:27
    Ашигт малтмалын нөөц ашигласны төлбөр (АМНАТ) буюу роялти 2020 оны төсвийг батлахаас өмнө цуцлагдаж (2019.10.30), төсөв батлагдсаны дараа эргэн сэргэсэн (2019.11.22) сонин үйл явдал олон нийтийн анхаарлын төвд байлаа. Төсөв батлагдах мөчид (2019.11.13) АМНАТ-ийг хэрхэх тухай шийдэж амжаагүй байсан нь тухайн үед Сангийн сайд ихээхэн баргар царайлах гол асуудал байв. Учир нь АМНАТ цуцлагдсан өдрөөс Монгол Улсын төсвийн орлого өдөрт 4.6 тэрбумаар тасалдаж, 2020 оны төсөв даруй 1.3 их наяд төгрөгөөр “хохирол” хүлээх болоод байсан юм. Үндсэн хуулийн цэц энэ бүхнийг төдийлөн тооцолгүй зүгээр л Үндсэн хуулийн нэрийг барин цуцалчихсан хэрэг үү гэдэг асуулт бий. Гэхдээ салбарын зарим төлөөлөл роялтийг давхардуулан авах зохицуулалттай заалт байсныг хүчингүй болгосон нь нүдээ олсон хэрэг гэж тайлбарлаж байна. 
  • 2019-12-12 16:38
    Манай улсын уул уурхай болон бусад хүнд, хөнгөн үйлдвэрийн салбарууд техник тоног төхөөрөмжүүдэд хийдэг техникийн урсгал засвар үйлчилгээний төлөвлөлт, хуваарилалт, тэдгээртэй холбогдох сэлбэг хэрэгслүүдийн бэлэн байдлын бүртгэл зэргийг ихэнхдээ уламжлалт аргаар буюу цаасан дээр эсвэл Microsoft Excel ашиглан хөтөлж нэлээдгүй олон жилийн нүүр үзэж байна. Энэхүү уламжлалт арга нь одоо үед гар ажиллагаа ихтэй, цаг шаардсан, ажлын бүтээмж муутай, мэдээлэл алдагдах өндөр эрсдэлтэй зэрэг сөрөг үр дагавруудтай ба төдийлөн оновчтой бус арга болоод байна. Тэгвэл энэхүү хүндрэлтэй асуудлыг барууны өндөр хөгжилтэй ихэнх орнууд Enterprise Asset Management (EAM) буюу Байгууллагын Хөрөнгийн Удирдлага (БХУ) болон Computerized Maintenance Management System (CMMS) буюу Цахим Засварын Удирдлагын Систем (ЦЗУС) гэгдэх компьютер программуудын тусламжтайгаар амар хялбар, маш өндөр бүтээмжтэйгээр шийдсэн байдаг.
  • 2019-12-12 12:56
    "Рио Тинто" УИХ-ын “Оюутолгой ордын ашиглалтад Монгол улсын эрх ашгийг хангуулах” тухай тогтоолыг хүлээн зөвшөөрч буйгаа албан ёсоор (2019.12.11) илэрхийллээ. Уг тогтоолын төсөлд 2009 оны Хөрөнгө оруулалтын гэрээ, 2011 оны Хувь нийлүүлэгчдийн гэрээ (нэмэлт өөрчлөлт оруулсан)-ний хэрэгжилтийг сайжруулах, 2015 оны Дубайн гэрээг хуульд нийцүүлэн сайжруулах заалтууд багтсан юм.
  • 2019-12-12 12:22
    Газрын тос боловсруулах үйлдвэрийг түүхий эдээр тасралтгүй, найдвартай хангаж байх зорилгоор Бүтээгдэхүүн хуваах гэрээний дагуу газрын тосны хайгуул хийж байгаа аж ахуйн нэгжийг дэмжих, ажлыг нь эрчимжүүлэх, газрын тосны нөөцийг нэмэгдүүлэх зэрэг чиглэлээр ажиллахыг холбогдох сайд, агентлаг, бүх шатны Засаг дарга нарт даалгахаар Засгийн газрын ээлжит хуралдаанаар шийдвэрлэлээ (2019.12.11).
  • 2019-12-11 12:32
    Монгол Улсын Эрдэс баялгийн салбарын мэргэжлийн холбоодын үйл ажиллагаа, эрх зүйн орчин, тулгамдаж буй асуудал, цаашид шийдвэрлэх арга замыг тодорхойлж нэгдсэн зөвлөмж гаргах зорилготой Эрдэс баялгийн салбарын мэргэжлийн холбоодын анхдугаар зөвлөгөөн  өчигдөр “Туушин” зочид буудалд зохион байгуулагдлаа. Салбарын холбоодын төлөөллүүд оролцсон уг зөвлөгөөнийг Уул уурхай, хүнд үйлдвэрийн сайдын зөвлөх Г.Шархүү нээж, Уул уурхай, хүнд үйлдвэрийн яамны Геологи, уул уурхайн бодлогын хэрэгжилтийг зохицуулах газрын Уул уурхайн хэлтсийн дарга Б.Дэлгэржаргал салбарын эрх зүйн орчин, тулгамдсан асуудлын талаар мэдээлэл хийлээ.   “Өнөөдрийн зөвлөгөөнөөр анх удаа яамнаас санаачилж, төрийн бус байгууллагатай хамтын ажиллагааг өргөжүүлэх, цаашид хамтарч ажиллах, та бүгдийн мэдлэг туршлагыг хамтын ажилд оролцуулахаар сайдын шийдвэрээр зөвлөгөөнийг хийж байна. 1997 оны 1 дүгээр сарын 31-нд Монгол Улсын их хурал “Төрийн бус байгууллагын хууль”-ийг батлан гаргасан.