Эрдэнэ Ресурс: Хөндий төслийн урьдчилсан ТЭЗҮ-ийг боловсруулна

2019-05-10 17:12

Баянхонгор аймагт Хөндий алтны төсөл хэрэгжүүлж буй “Эрдэнэ Ресурс  (TSX:ERD | MSE:ERDN) компани энэ оны нэгдүгээр улирлын санхүү, үйл ажиллагааны тайлан болон төслийн үйл явцын талаар мэдээллээ.

Компанийн Гүйцэтгэх захирал Петер Акерли хэлэхдээ: “Бид өндөр агуулга бүхий ил уурхай болох Хөндий алтны төслийн хөгжүүлэлтийн үйл ажиллагааг үргэлжүүлсээр байна. Энэ оны эхний улиралд Хөндий төслийн урьдчилсан ТЭЗҮ-ийг боловсруулах компаниар Tetra-Tech, Inc.,-ийг сонгон, Байгаль орчин, нийгмийн нөлөөллийн судалгааг Sustainability East Asia LLC компаниар гүйцэтгүүлэхээр шалгаруулж, хамтран ажиллах гэрээг байгуулсан. Ашиглалтын тусгай зөвшөөрлийн өргөдлийн хүрээнд Монгол улсын Эрдэс Баялгийн Мэргэжлийн Зөвлөлийн хурлаар Баян Хөндийн нөөцийг бүртгүүлэх зөвшөөрлийг авсан нь ашиглалтын тусгай зөвшөөрөл авахад чухал алхам боллоо.”

“Компани нь Урьдчилсан ТЭЗҮ-д тусгагдах мэдээллийг баталгаажуулах, Баян Хөндий ордыг тэлэх болон өндөр агуулгатай хүдрийн бүсийг шалгахад чиглэсэн 1,800 метрийн өрөмдлөгийн хөтөлбөрийг дөрөвдүгээр сард эхлүүлсэн. Өрмийн дээжийг лабораторийн шинжилгээнд хүргүүлсэн бөгөөд тавдугаар сарын дундуур үр дүнг танилцуулна.”

 

2019 оны нэгдүгээр улирлын онцлох үйл явдлууд:

 

Үйл ажиллагааны онцлох мэдээлэл

 Хөндий алтны төслийн урьдчилсан ТЭЗҮ-ийг NI 43-101 стандартын дагуу боловсруулж эхэлсэн:

 ТЭЗҮ-ийг Tetra-Tech Inc., олон улсын инженерчлэлийн байгууллага боловсруулж эхэлсэн.

 Металлургийн судалгааг Blue Coast Research гүйцэтгэнэ.

 Урьдчилсан ТЭЗҮ ба Монгол улсын төрийн захиргааны байгууллагад танилцуулах Байгаль орчин, нийгмийн нөлөөллийн судалгааг Sustainability East Asia LLC хийж гүйцэтгэнэ.

 Баян Хөндийн нөөцийг бүртгүүлж, Монгол улсын Эрдэс Баялгийн Мэргэжлийн Зөвлөлийн зөвшөөрлийг авсан:

 Баян Хөндийн ашиглалтын тусгай зөвшөөрлийг зургадугаар сарын сүүлээр авахаар төлөвлөн, ажиллаж байна.

 Алтан Нарын ашиглалтын тусгай зөвшөөрлийн өргөдлийн бэлтгэл ажлыг эхлүүлнэ.

 Урьдчилсан ТЭЗҮ-д тусгах мэдээллийг баталгаажуулах зорилгоор 2019 оны дөрөвдүгээр сард 1,800 метрийн өрөмдлөгийн хөтөлбөрийг хийж гүйцэтгэсэн.

 Ил уурхайн хязгаарыг тэлэх, хамгийн өндөр агуулгатай хүдрийн биетүүдийн үргэлжлэл болон нөөцийг нэмэгдүүлэхэд чиглэсэн.

Өрмийн дээжийг лабораторийн шинжилгээ хийлгэхээр хүргүүлсэн бөгөөд үр дүнг тавдугаар сарын дундуур танилцуулна.

 

Санхүүгийн онцлох мэдээлэл

 Хөндий Алтны Төслийн Урьдчилсан ТЭЗҮ боловсруулах, ашиглалтын тусгай зөвшөөрлийн өргөдөл, Сэндстормоос борлуулалтын цэвэр ашгийн төлбөрийг (“роялти”) худалдан авах болон эргэлтийн хөрөнгөд зориулан энэ оны хоёрдугаар сард $2.53 сая канад долларын хөрөнгө оруулалт татан төвлөрүүлсэн:

 Компани одоогоор $1.1 сая канад долларын эргэлтийн хөрөнгөтэй байгаа нь 2019 оны хоёрдугаар улирал дуустал үйл ажиллагааг санхүүжүүлэх боломжтой.

 2019 оны дөрөвдүгээр сарын 12-нд Сэндсторм Гоулд-аас Хөндий алтны төслийн борлуулалтын цэвэр ашгийн төлбөр (“БЦАТ” эсхүл “роялти”)-ийн 50%-ийг буцаан худалдан авсан:

 Хөндий алтны төслийн анхан шатны Эдийн засгийн тооцооллын (“АШЭЗТ”) үр дүнд үндэслэхэд БЦАТ-ийн бодит үнэ цэн нь $1.2 сая канад доллараар буцаан худалдан авсан үнээс давна хэмээн үзэж байна.

 2019 оны гуравдугаар сарын 31-нд дуусгавар болсон 3 сарын хугацаанд Компанийн нийт алдагдал $516.7 мянган канад доллар байсан нь өнгөрсөн оны мөн үеийн $701.7 мянган канад долларын алдагдалтай харьцуулахад буурсан үзүүлэлт юм.

 Капиталжуулсан зардлыг оролцуулсан хайгуулын зардал нь 2019 онд $941,083 канад доллар байсан бөгөөд 2018 оны $717,906 канад долларын зардалтай харьцуулахад өссөн үзүүлэлт юм. Энэ нь Хөндий төслийн АШЭЗТ-ыг боловсруулахад төвлөрөн ажилласнаас шалтгаалсан өсөлт байв.

 2019 оны эхний улиралд Компанийн захиргаа, удирдлагын зардал нь $296.3 мянган канад доллар байсан нь өнгөрсөн оны мөн үеийн $378.9 мянган канад доллартай харьцуулахад буурсан үзүүлэлт юм. 2018 онд Монголын хөрөнгийн биржид давхар бүртгүүлсэнтэй холбоотойгоор мэргэжлийн үйл ажиллагааны зардал, маркетингийн зардлууд өссөн дүнтэй гарсан.

Хөндий төслийн тухайд Баян Хөндий, Алтан Нар ордуудыг хамарч буй. Эдийн засгийн тооцооллоор төслийн ашиглалтын найман жилийн турш жилд дунджаар 51,200 унц алт үйлдвэрлэх боломжтой уурхайг төлөвлөсөн. Төслийн тусгай зөвшөөрлийн талбайд буй нэмэлт нээлт болон тэлэлт хийх боломжтой талбайнууд нь төлөвлөсөн хөгжүүлэлтийн талбайг тэлэх суурь болох боломжтой.

 

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Уржигдар 13 цаг 53 минутад
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • Уржигдар 13 цаг 52 минутад
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • Уржигдар 13 цаг 00 минутад
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.
  • 2020-05-21 14:53
    Засгийн газар шинэ коронавирусээс үүдэн эрсдэлд орсон  эдийн засгийг аврахаар гуравдугаар сарын сүүлээр дуугарч эхэлсэн нь 5.1 их наяд төгрөгийн багц хөтөлбөр байв. Үүнийг нь дөрөвдүгээр сарын 9-нд УИХ-ын чуулганаар “амь оруулан” баталлаа. 5.1 их наяд төгрөгийн   хөтөлбөр   яг хэрхэн эдийн засгийг аврах эсэх нь одоо ч тодорхой биш байгаа юм. Үүнээс хавьгүй эрт буюу гуравдугаар сарын 11-нд Монголбанк бодлогын хүүгээ буулгаж, төд удалгүй арилжааны банкуудыг “захиргаадаж”  хэрэглээний зээл  төлөлтийн  хугацааг сунгахыг хүчлэх болсон. Улмаар дөрөвдүгээр сарын 13-нд төв банк бодлогын хүүгээ дахин бууруулав. Гол асуулт нь эдийн засгийн төлөв бүрхэг байгаа нь иргэдийн сэтгэл зүйд сөргөөр нөлөөлж,  улмаар худалдаа, үйлчилгээний салбарын борлуулалтад шууд нөлөөлнө.  Энэхүү нөхцөл байдал эдийн засгаа сэргээхээр оролдож байгаа Хятадад ихээхэн тод илэрч байна.