Баялгийн засаглалын тэргүүн туршлагын талаар хэлэлцлээ

2019-04-26 12:21

Б.Төгсбилэгт (Канад улсын Ванкувер хот. 2019.04.24-25)

Канадын олон улсын эрдэс баялаг, хөгжлийн хүрээлэнгээс (CIRDI) зохион байгуулсан “Байгалийн баялгийн засаглал дахь тэргүүн туршлага” сэдэвт семинар дөрөвдүгээр сарын 24-25-нд Канадын Бритиш Колумб мужийн Ванкувер хотноо болж өндөрлөлөө. 
Энэхүү уулзалтад Аргентин, Перу, Эквадор, Сенегал, Швед, Монгол, Гуяана, Чили, Этиоп, Вьетнам, Колумб, Кени, Канад зэрэг 13 улсын эрдэмтэн, мэргэжилтнүүд оролцож баялгийн засаглалын талаар хэлэлцлээ. Эдгээр улсын зарим нь уул уурхайн салбараа шинэчлэн хөгжүүлэхээр зорьж байгаа бол зарим нь баялгийн засаглалын түвшнээр Монголтой ойролцоо гэж хэлж болох орнууд юм.  Гол нь эдгээр улс орон баялгийн засаглалаа сайжруулахаар зорьж байгаа, илүү иргэндээ ээлтэй байдлаар хөгжүүлэхээр оролдож буй улсууд гэдгээрээ онцлог. 

Зохион байгуулагч улс болох Канадын хувьд уул уурхайн үйл ажиллагаа явуулахад нутгийн уугуул иргэдтэй хэрхэн хамтарч, тэдний эрх ашигт нийцүүлсэн төлөвлөлтийг хийх тухайд ихээхэн туршлага хуримтлуулсан байдаг. Тиймээс эхний өдрийн хуралдаанд баялгийн засаглалд уугуул иргэдийн дуу хоолойг хүргэх талд хэрхэн анхаарч, ямар шинэлэг асуудлуудыг тусгах болсон талаар сонирхолтой хэлэлцүүлэг өрнүүллээ.  

Хоёр дахь өдрийн семинарт байгалийн баялгийн нэгдсэн менежмент, байгаль орчны засаглалд оролцоог хэрхэн хангах асуудлаар хэлэлцүүлэг өрнүүлсэн юм. Энэ дундаа байгаль хамгаалал, хяналт мониторингийг иргэдийн оролцоотойгоор хийх тухай сэдвээр Монголоос  тус улсад  Усны менежментийн чиглэлээр Бритиш Колумбын их сургуулийн Уул уурхайн инженерингийн сургуульд суралцаж буй П.Болормаа панилистаар оролцож, Монголын жишээн дээр тайлбарлалаа. Үүнээс гадна Латин Америк, Африкийн орнууд болох Аргентин, Этиоп, Перу, Сенегал улсын Засгийн газрын төлөөлөл баялгийн засаглалд төрийг чадавхижуулах чиглэлд өөрсдийн байр суурийг хүргэсэн юм. CIRDI нь Аргентинд уурхайн хаалт, байгаль орчны чиглэлээр сургах төсөл хэрэгжүүлсэн бол Перу улсад усны менежментийн чиглэлээр сургалт зохион байгуулж, ихээхэн үр дүнтэй ажил болжээ. Харин Этиопын тухайд уул уурхайн яамны хүрээнд чадавх бэхжүүлэх төслийг CIRDI-тэй гурав дахь жилдээ хэрэгжүүлж байгаа юм байна. Сенегал улсын хувьд тус улсын их дээд сургуулийн эрдэмтдийг Канадад хүлээн авч туршлага солилцох чиглэлээр хамтран ажиллаж буй юм. 
 
Энэхүү уулзалт өнгөрсөн зургаан жилийн хугацаанд CIRDI-ээс зохиогдсон сургалт, судалгаа, төслийн үр дүнгийн талаар санал солилцох нэгдсэн арга хэмжээ гэдгээрээ онцлог бөгөөд хурлаас гарах дүгнэлтийг цаашдын судалгааны төслийг боловсруулахад ашиглах юм. 
CIRDI-ийн хувьд жендерийн тэгш байдал, хүртээмжтэй засаглал, байгаль орчны тогтвортой байдал (уур амьсгалын өөрчлөлт) гэсэн чиглэлээр сүүлийн зургаан жилийн хугацаанд 22 улсад, холбогдох 186 харилцагч байгууллагуудтай хамтран сургалт, семинар зохион байгуулсан байна. Тус хүрээлэн нь Монголд салбарын яам, Гадаад харилцааны яамтай хамтран “Уул уурхайн салбар дахь төрийн оролцоо” сэдэвт олон улсын сургалт семинарыг 2016-2017 онд амжилттай зохион байгуулж байсан юм.

Тус хүрээлэнгийн хувьд Канадын Саймон Фрэйзэрийн их сургууль, Монтрийлийн политехникийн их сургууль, Бритиш Колумбын их сургууль хамтран 2013 онд үүсгэн байгуулагдсан. CIRDI нь Канадын Засгийн газрын дэмжлэгтэйгээр (Global Affairs Canada) баялгийн зөв засаглал, менежментээр дамжуулан Тогтвортой хөгжлийн зорилтуудыг хангахад чиглэн ажилладаг. 

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 8 цаг 4 минутын өмнө
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • 8 цаг 5 минутын өмнө
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • 8 цаг 57 минутын өмнө
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.
  • 2020-05-21 14:53
    Засгийн газар шинэ коронавирусээс үүдэн эрсдэлд орсон  эдийн засгийг аврахаар гуравдугаар сарын сүүлээр дуугарч эхэлсэн нь 5.1 их наяд төгрөгийн багц хөтөлбөр байв. Үүнийг нь дөрөвдүгээр сарын 9-нд УИХ-ын чуулганаар “амь оруулан” баталлаа. 5.1 их наяд төгрөгийн   хөтөлбөр   яг хэрхэн эдийн засгийг аврах эсэх нь одоо ч тодорхой биш байгаа юм. Үүнээс хавьгүй эрт буюу гуравдугаар сарын 11-нд Монголбанк бодлогын хүүгээ буулгаж, төд удалгүй арилжааны банкуудыг “захиргаадаж”  хэрэглээний зээл  төлөлтийн  хугацааг сунгахыг хүчлэх болсон. Улмаар дөрөвдүгээр сарын 13-нд төв банк бодлогын хүүгээ дахин бууруулав. Гол асуулт нь эдийн засгийн төлөв бүрхэг байгаа нь иргэдийн сэтгэл зүйд сөргөөр нөлөөлж,  улмаар худалдаа, үйлчилгээний салбарын борлуулалтад шууд нөлөөлнө.  Энэхүү нөхцөл байдал эдийн засгаа сэргээхээр оролдож байгаа Хятадад ихээхэн тод илэрч байна.