“Mongolia Mining 2019” үзэсгэлэнд оролцогч компаниудын тоо нэмэгджээ 

2019-04-10 18:01

Хариуцлагатай уул уурхайг чухалчилсан “Mongolia Mining 2019” олон улсын үзэсгэлэн Буянт-Ухаа цогцолборт өнөөдөр нээгдлээ. Тасралтгүй ес дэх жилдээ зохион байгуулагдаж байгаа үзэсгэлэнд энэ удаад хамгийн олон компани оролцож буйгаараа онцлог. Дэлхийн 20 гаруй орны 150 гаруй компани уул уурхайн дэвшилтэд технологи бүхий тоног төхөөрөмж, тэргүүлэгч техник, машины механизм зэрэг бүтээгдэхүүнээ дэлгэн Монголын хэрэглэгчдэд танилцуулж байна.

Монгол Улс дахь гадаадын Элчин сайдын яамдууд үзэсгэлэнд өндөр ач холбогдол өгч, өөрсдийн орны компаниудыг сурталчлахаар тогтмол оролцох болсон нь “Mongolia Mining”-ийг өргөн цар хүрээтэй, ажил хэрэгч арга хэмжээ болсныг илтгэнэ.

Үзэсгэлэн нээж Уул уурхай, хүнд үйлдвэрийн дэд сайд Д.Загджав, МҮХАҮТ-ын Ерөнхийлөгч О.Амартүвшин нар үг хэлсэн бөгөөд ёслолын хүндтэй зочноор Монгол Улс дахь Европын Холбооны төлөөлөгчийн газар,  Канад, Их Британи, Беларусь, Турк, АНУ, Япон, Лаос, Энэтхэг, Казахстан зэрэг орнуудын Элчин сайдын яамны төлөөлөгчид оролцсон юм.

Монгол Улсын Засгийн газрын уул уурхайн бодлогын талаар Уул уурхай, хүнд үйлдвэрийн дэд сайд Д.Загджав “Уул уурхайн салбарыг урт хугацаанд тогтвортой хөгжүүлэх, эдийн засгийн өсөлтийг хангах, өрсөлдөх чадварыг нэмэгдүүлэх, улмаар түүхий эд бэлтгэгч орноос үйлдвэрлэгч орон болох зорилт тавин ажиллаж байна. Монгол Улсыг 2030 он хүртэл хөгжүүлэх Тогтвортой хөгжлийн үзэл баримтлалд, ашигт малтмалын эрдэсжилтийн хуримтлал бүхий талбайд геологи хайгуулын ажлыг эрчимжүүлэх, уул уурхайн томоохон төслүүдийн шинэ бүтээн байгуулалтыг эхлүүлэх, дэд бүтцийг хөгжүүлэхээр тусгасан. Уул уурхайн салбар нь Монгол Улсын эдийн засагт амин чухал ач холбогдолтой бөгөөд энэ салбарын ямар ч үйл ажиллагааг их хэмжээний хөрөнгө оруулалт шаардагддаг. Тиймээс төрийн бодлогын тогтвортой байдал, төр-хувийн хэвшил, орон нутаг, бизнесийн байгууллага, иргэд хоорондын харилцан ойлголцол, нягт хамтын ажиллагаанд тулгуурладаг онцлогтой салбар” хэмээн цохон тэмдэглэлээ.

МҮХАҮТ-ын Ерөнхийлөгч О.Амартүвшин “ДНБ-ний 24%, гадаадын шууд хөрөнгө оруулалтыг 75%, улсын төсөвт 2 их наяд төгрөгийн татвар хураамж бүрдүүлж буй уул уурхай нь Монголын эдийн засгийн томоохон салбар юм. Засгийн газартай хамтран МҮХАҮТ-аас жил бүр шалгаруулдаг Монголын “Топ 100” аж ахуйн нэгжийн 22 нь уул уурхайн салбарынхан байна. Үндэсний болон гадаадын хөрөнгө оруулалттай уул уурхайн компаниуд нь өөрсдийн хөрөнгөөр бүтээн байгуулалт хийхийн зэрэгцээ улсад татвар төлж, жижиг дунд бизнесийг дэмжин, орон нутгийн иргэдэд зориулан дэд бүтцийн болон нийгмийн хариуцлагын хүрээнд олон төсөл хөтөлбөрүүдийг хэрэгжүүлж ирсэн” болохыг  онцолсон.

"Mongolia Mining” үзэсгэлэн Ерөнхий зохион байгуулагч “Майнекс” компанийн Гүйцэтгэх захирал Т.Баттулга “”Mongolia Mining” үзэсгэлэн анх 2011 онд зохион байгуулагдаж ирснээс хойш жилээс жилд өргөжиж Монголд үзэсгэлэнгийн арга хэмжээ зохион байгуулж болох хамгийн том талбай “Буянт Ухаа” цогцолбор ордонд багтахааргүй болтлоо тэлжээ. Тиймээс энэ жил цогцолборын гадна талд өргөтгөсөн талбайг тохижуулснаар Монголын уул уурхайн салбарт бүтээгдэхүүн, үйлчилгээгээ нийлүүлэх сонирхолтой компаниудыг үзэсгэлэнд оролцох боломжийг бүрдүүлсэн. Ер нь Монголд уул уурхайн салбарт бүтээгдэхүүн үйлчилгээгээ ханган нийлүүлж буй 10 мянга гаруй компанид байдаг бөгөөд тэр бүгдийг үзэсгэлэнд оролцуулах хараахан боломжгүй юм. Гэхдээ ханган нийлүүлэлтийн хамгийн шилдэг, тогтвортой үйл ажиллагаа явуулдаг компаниуд үзэсгэлэнд оролцож буй гэдгийг зочид төлөөлөгчдөд хэлэхэд таатай байна. Нөгөөтэйгүүр, Монгол Улсын нийгэм, эдийн засаг, орон нутаг, хувь хүний хөгжилд уурхайн салбарын оролцоо, хувь нэмэр тун чухал бөгөөд хариуцлагатай уул уурхайг хөгжүүлэхийн төлөө энэ жилийн “Mongolia Mining” үзэсгэлэнгийн уриа болгосон” гэдгийг хэлсэн юм.

Үзэсгэлэнгийн ивээн тэтгэгч “Трансвест”, “TSBON” болон бусад томоохон оролцогч “Вагнер Ази”, Орос, Европын компаниудын орчин үеийн шинэлэг шийдэлтэй, содон засалттай павильонууд зочдын анхаарлыг татаж байлаа. Уурхайн үйл ажиллагаанд машин техник ашиглахыг бодитоор харуулсан алсын удирдлага бүхий хөдөлгөөнт “макет” энэ удаагийн үзэсгэлэнгийн содон үзмэр байв.

Компаниудын оролцоо жилээс жилд нэмэгдэхийн хэрээр тэдгээрийн маркетингийн арга хэлбэр, талбайн засал чимэглэл, үзэсгэлэнгийн зохион байгуулалт ч олон улсын энэ төрлийн арга хэмжээний түвшинд ойртон хөгжиж буйг энэ удаагийн “Mongolia Mining”-аас анзаарагдсан.

“Mongolia Mining” үзэсгэлэн гурван өдрийн турш үргэлжлэх бөгөөд арга хэмжээний хоёр дахь өдөр уламжлалын дагуу салбарын бодлого, зорилт, чиг хандлагын талаарх семинарууд зохион байгуулагдана. Семинарт УУХҮЯ, АМГТГ, “Оюутолгой” компани, Хараат бус судалгааны хүрээлэнгийн төлөөлөгчид илтгэнэ тавина.

Түүнчлэн, энэ жилийн үзэсгэлэнгээр анх удаа уул уурхайн машин техникийн жолооч нарын ур чадварын уралдаан гаднах талбайд зохион байгуулагдах юм.

Э.Од   

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Уржигдар 13 цаг 53 минутад
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • Уржигдар 13 цаг 52 минутад
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • Уржигдар 13 цаг 00 минутад
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.
  • 2020-05-21 14:53
    Засгийн газар шинэ коронавирусээс үүдэн эрсдэлд орсон  эдийн засгийг аврахаар гуравдугаар сарын сүүлээр дуугарч эхэлсэн нь 5.1 их наяд төгрөгийн багц хөтөлбөр байв. Үүнийг нь дөрөвдүгээр сарын 9-нд УИХ-ын чуулганаар “амь оруулан” баталлаа. 5.1 их наяд төгрөгийн   хөтөлбөр   яг хэрхэн эдийн засгийг аврах эсэх нь одоо ч тодорхой биш байгаа юм. Үүнээс хавьгүй эрт буюу гуравдугаар сарын 11-нд Монголбанк бодлогын хүүгээ буулгаж, төд удалгүй арилжааны банкуудыг “захиргаадаж”  хэрэглээний зээл  төлөлтийн  хугацааг сунгахыг хүчлэх болсон. Улмаар дөрөвдүгээр сарын 13-нд төв банк бодлогын хүүгээ дахин бууруулав. Гол асуулт нь эдийн засгийн төлөв бүрхэг байгаа нь иргэдийн сэтгэл зүйд сөргөөр нөлөөлж,  улмаар худалдаа, үйлчилгээний салбарын борлуулалтад шууд нөлөөлнө.  Энэхүү нөхцөл байдал эдийн засгаа сэргээхээр оролдож байгаа Хятадад ихээхэн тод илэрч байна.