2018 онд Кумторын ордоос 16.6 тонн алт олборложээ

2019-03-29 12:01

Киргизийн алтны Кумторын төслийг хэрэгжүүлэгч Канадын “Сентерра голд” компани 2018 оны төслийн үйл ажиллагааны тайлангаа танилцуулсан байна. Өнгөрсөн онд нийт 16.6 тонн алт олборложээ. Жилийн борлуулалтын орлого 660.1 сая ам.доллар бөгөөд татвар болон бусад төлбөрийн 9.6 тэрбум сом буюу 137.1 сая ам.доллар Киргизийн төсөвт төвлөрүүлсэн аж.

“Сентерра голд” компани байгаль орчныг хамгаалах болоод хөрөнгө оруулалттай холбоотой хоёр гэрээг Киргизийн Засгийн газартай 2017 оны есдүгээр сард байгуулсан билээ. Гэрээний дагуу Канадын компани жил бүр байгаль экологийн төлбөр 310 мянган ам.долларыг 3 сая ам.доллар болж нэмэгдүүлэхээс гадна тус улсын Байгаль хөгжлийн санд 50 сая ам.доллар, Хавдар судлалын албыг хөгжүүлэх санд 10 сая ам.доллар, “Кумтор” нөхөн сэргээлтийн санд 6 сая ам.доллар тус тус зарцуулах үүрэг хүлээж буй. Энэ дагуу Киргизийн Засгийн газартай хамтран ажиллаж байгаа тухай ““Сентерра голд” компанийн Ерөнхийлөгч Скотт Перри мэдэгджээ. 

Компани үүргээ биелүүлсэн тохиолдолд Киргизийн Засгийн газар шүүхийн бүх маргаанаас татгалзаж, 2009 оны хэлэлцээрийг хүчин төгөлдөр хэвээр үлдээх бөгөөд Кумторын орд газрын шинэ талбайд ашиглалтын тусгай зөвшөөрөл олгох юм. Дээрхи хоёр гэрээний хугацааг талууд тохиролцсоны үндсэн дээр дахин сунгаснаар ирэх тавдугаар сарын 31-ний өдөр дуусгавар болно. Өөрөөр хэлбэл, энэ хугацааг хүртэл талууд Арбитрын шүүхийн маргаанаа түр “царцаагаад” байгаа гэсэн үг.

“Сентерра голд” компани төслийн талбайдаа нэмэлт хайгуул явуулах хоёр жилийн хөтөлбөрийг хэрэгжүүлэх болсноо өнгөрсөн оны арваннэгдүгээр сард мэдэгдсэн. Нэмэлт геологи хайгуулын ажилд нийт 18 сая ам.доллар зарцуулах бөгөөд өнгөрсөн онд 6.5 сая, 2019 онд 11.5 сая ам.доллар тус тус хөрөнгө оруулахаар төлөвлөж байгаа юм.

Киргизийн Үндэсний статистикийн хорооны мэдээллээр, Кумторын төсөл нь тус улсын ДНБ-ний 8.6%, нийт аж үйлдвэрлэлийн нийт бүтээгдэхүүний 18.4%-ийг бүрдүүлж байна. Дэлхийн алтны гурав дахь том орд Кумторыг ашиглаж эхэлсэн 1997 оны тавдугаар сараас 2018 оны арванхоёрдугаар сар хүртэлх хугацаанд нийт 374.31 тонн олборложээ.  

Э.Од    
 

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 5 цаг 15 минутын өмнө
    Н.Алгаа нь 1975-1980 онд ОХУ-ын Свердловск хотын Уралын политехникийн дээд сургуульд суралцан өнгөт төмөрлөгийн инженер мэргэжил эзэмшсэн. 1990-1991 онд Японы Сендай хотын Тохоку их сургуульд мэргэжил дээшлүүлж, 2009-2012 онд МУИС-ийн хууль зүйн сургуульд эчнээгээр суралцжээ. Тэрээр Монголын Уул уурхайн Үндэсний Ассоциацийн Гүйцэтгэх захирал, Ерөнхийлөгчөөр тус тус ажиллаж байсан бөгөөд өдгөө “Дат консалтинг” ХХК-ийн Гүйцэтгэх захирлын албыг хашиж байна. Монголын уул уурхайн салбарын тэргүүлэх мэргэжилтэн Н.Алгаагийн салбарын үйл явцад дүн шинжилгээ хийсэн нийтлэлийг The Mongolian Mining Journal  уншигчдадаа цувралаар хүргэж байна.  
  • 2019-09-20 15:51
    Казахстан улс нь Хятадын Лянюнган боомтоор дамжин Зүүн өмнөд Азийн зах зээлд нүүрс экспортолно. Энэ тухай тус улсын Үйлдвэр, дэд бүтцийн хөгжлийн сайд Роман Скляр мэдэгджээ. Казахстаны Ерөнхийлөгч Касым-Жомарта Токаев анх удаа БНХАУ-д хийсэн айлчлалын үеэр хоёр улс тохиролцсон байна. Казахстан нь жил бүр  хоёр сая тонн нүүрсийг Хятадын нутгаар дамжуулан тээвэрлэж экспортлохоор урьдчилсан хэлэлцээр байгуулжээ. Казахстаны хувьд далайд гарцгүй орон бөгөөд Оросын нутгаар дамжин нүүрсээ экспортолдог. Сүүлийн жил Казахстаны экспортын нүүрсийг Оросын нутгаар дамжуулан тээвэрлэх асуудалд хүндрэл үүсээд байгаа юм.
  • 2019-09-20 11:11
    “Эрдэнэт үйлдвэр” ТӨҮГ өнгөрсөн тавдугаар сард Байгаль орчин, ногоон хөгжлийн хэлтэстэй болсон юм. Тус хэлтэс нь  Орхон аймгийн АЖБОГ-тай хамтран дүйцүүлэн нөхөн сэргээлтийн ажлыг хийж эхлээд байна. Энэ хүрээнд Баян Өндөр хайрханы Хүрэнбулагийн аманд нөхөн сэргээлтийн ажил үргэлжилж буй.   
  • 2019-09-20 11:01
    Бичил уурхайчид, нинжа, хувиараа алт олборлогчид гэж хэнийг хэлэх вэ? Өмнөговь аймгийн Бичил уурхай эрхлэгчдийн холбоо ямар үйл ажиллагаа явуулдаг талаарх мэдээллийг хүргэж байна
  • 2019-09-19 16:06
    “Трансвест Монголиа” ХХК нь Комацугийн уул уурхай, зам барилгын тоног төхөөрөмж болон тус брэндийн баталгаат сэлбэг хэрэгсэл, эд ангиудыг үйлдвэрээс шууд ханган нийлүүлэх хүчин чадал бүхий Комацугийн Монгол дахь цорын ганц албан ёсны дистрибьютер юм. Тус компани үүсэн байгуулагдсаны 10 жилийн ой энэ сард тохиолоо.