Үндэсний геологийн албыг энэ жил байгуулна

2019-03-28 18:18

Жил бүр зохион байгууллагддаг “Монголын геологи хайгуул-2019” олон улсын чуулган өнөөдөр эхэллээ. 11 дэх удаагаа болж буй тус чуулган  нь Монгол Улсад  Үндэсний геологийн алба байгуулагдсаны 80 жилийн ойн хүрээнд зохиогдож байгаагаараа онцлог юм. Хоёр өдөр үргэлжлэх чуулганд 1000 гаруй зочид төлөөлөгчид, гадаад дотоодын 100 гаруй хөрөнгө оруулагчид оролцож байна. 

Уул уурхай, хүнд үйлдвэрийн сайд Д.Сумъяабазар чуулга уулзалтыг нээж хэлсэн үгэндээ “Улсын төсвийн хөрөнгөөр 2019 онд гүйцэтгэх геологийн судалгааны ажилд нийт 24,6 тэрбум төгрөгөөр өссөн дүнтэй байна. Энэ нь бид бүхний зүгээс геологийн салбарыг түрүүлүүлэн хөгжүүлэх бодлого баримтлан ажиллаж, улсын төсвийн хөрөнгөөр хийгдэх геологийн судалгааны ажлыг нэмэгдүүлэх, чанарыг сайжруулах, төсвийг тогтмол өсгөх зорилтын нэг илрэл гэж үзэж байна” хэмээн тодотгосон. Тэрээр мөн “Яг жилийн өмнө буюу Монголын геологи хайгуул-2018 чуулга уулзалтын индэр дээрээс та бүхэндээ чулуулгийн үнэмлэхүй насыг эх орондоо тодорхойлдог болно гэж хэлж байсан. Энэ ажил маань бодит биелэлээ олж, уржигдар буюу гуравдугаар сарын 26-ны өдөр Геологийн төв лабораторид “Чулуулгийн үнэмлэхүй насны лабораторийн үндсэн тоног төхөөрөмжийн иж бүрдлийг хүлээлгэн өглөө” гэсэн юм.  Ингээп  чуулганы эхэнд  оролцогчид Төрийн соёрхолт геологчдод хүндэтгэл үзүүллээ. 

Чуулга уулзалтын хүрээнд Засгийн газраас эрдэс баялгийн салбарт баримталж буй төрийн бодлого, хууль эрх зүйн орчин, хөрөнгө оруулалт, региональ судалгаа, ашигт малтмалын ордын эрэл хайгуулын аргачлал, техник технологи, геологи уул уурхайн төслүүдийн танилцуулга, үр дүн, эрдэс баялгийн салбарын өнөөгийн байдал, хэтийн төлөв зэрэг илтгэлүүд тавигдаж, хэлэлцүүлэг өрнүүлсэн юм. Ашигт малтмал, газрын тосны газрын Геологи хайгуулын хэлтсийн дарга Б.Сүнжидмаа “Улсын төсвийн хөрөнгөөр гүйцэтгэж буй геологийн судалгааны  1:50.000-ны зураглалын ажил  Монгол Улсын нийт нутаг дэвсгэрийн 38,7%-ийг бүрхээд байгаа бөгөөд энэ чиглэлд 43 төсөл,  1:200.000-ны масштабын зураглалаар дөрвөн төсөл  хэрэгжиж байна. Мөн сэдэвчилсэн судалгааны 13, хамтарсан 2 төсөл амжилттай явагдаж байна” гэлээ. 2018 онд  хайгуулын хүчин төгөлдөр  1400 тусгай зөвшөөрөл хүчин  бүртгэгдэж байжээ. Тэгвэл 2010 онд энэ тоо 2979-д хүрч байсан бөгөөд өнөөдөр хайгуулын тусгай зөвшөөрлийн тоо 50%-иар буурсан үзүүлэлттэй байгаа юм.  Монгол Улсад  Үндэсний Геологийн алба байгуулах ажил олон жил яригдаж байгаа ч  салбарын яамны зүгээс энэ асуудалд ихээхэн ач холбогдол өгч ажиллан, орон тоо бүтэц, хөрөнгө зардлын хэмжээг тодорхойлж, 2019 ондоо багтан  уг албыг байгуулах боломжтой болсныг УУХҮЯ-ны Геологи, уул уурхайн бодлогын хэрэгжилтийг зохицуулах газрын дарга Б.Мөнхтөр дуулгалаа. 

Чуулганы эхний хэсэгт УУХҮЯ-ны  Стратеги, бодлого, төлөвлөлтийн газрын ахлах мэргэжилтэн А.Пүрэв, Ашигт малтмал, газрын тосны газрын  Эрдэс баялгийн мэдээллийн технологийн төвийн дарга Н.Мөнхбилэг, Байгаль орчин, аялал жуучлалын яамны  Хүрээлэн буй орчин, байгалийн нөөцийн удирдлагын газрын ахлах мэргэжилтэн Б.Саран нар мэдээлэл хийсэн юм. Газрын тосны хайгуулын 18 талбайгаас 2018 онд 3 талбайд өрөмдлөгийн ажил явуулжээ. Үүнээс хэд хэдэн талбайд туршилтын байдлаар олборлолт хийж, 476 тонн түүхий тосыг тээвэрлэж, 246 тонныг БНХАУ-д экспортлосон байна. Орон нутгийн иргэдийн эсэргүүцлээс болоод  газрын тосны хайгуулын ажил явагдахгүй байгаа талаар холбогдох албаны хүмүүс хэлж байв. АМГТГ-ын Эрдэс баялгийн мэдээлэл технологийн төвийн  Гео мэдээллийн цахим сан нь  2000-2018 онд хэрэгжсэн  1:50.000-ны зураглалын ажлын 140 тайлангаас   бүрдэж байгааг Н.Мөнхбилэг дарга онцоллоо. Энэ нь  жилдээ  6-8 тайлан хамгаалагдаж байсныг харуулж байгаа бөгөөд өнгөрсөн жил Геологийн төв архивт 5 тайлан бүртгэжээ. 

“Дэлхийд цөмийн эрчим хүчний хэрэглээг дагаад ураны эрэлт нэмэгдэх төлөвтэй байна. Өөрөөр хэлбэл, 2020 он гэхэд  эрчим хүчний хэрэглээ 30%-иар нэмэгдэх юм. Нийт  ураны нөөцийг ордын төрлөөр ангилбал элсэн чулуун ордууд зонхилж байна. Монгол Улсын хувьд ураны 13 ордын хэмжээнд 60% нь элсэн чулуун ордууд” хэмээн Цөмийн энергийн комиссын Тамгын газрын дарга Б.Баатарцогт ярилаа.  Монгол Улсад өнөөдөр ураны салбарт дундын зохицуулалт шаардлагатай бөгөөд  ураны төслийн тогтвортой байдал чухал гэдгийг тэрээр онцлон тэмдэглэсэн. 

“Монголын геологи хайгуул-2019” олон улсын чуулганы эхний өдрийн хуралдаан нь “Монголын геологи ба ашигт малтмал”, “Геологи судлал”, “Региональ судалгаа” гэсэн үндсэн гурван сэдвийн хүрээнд өрнөлөө. Энэ хэсэгт “Статиграфи, Монгол орны стратиграфи судалгааны цаашдын зорилт”, “Палеонтологи, Үлэг гүрвэлээс эртний бактери хүртэл”(Монгол орны эртний шим ертөнц.судалгааны чиг баримжаа, гол үр дүн), “Интрүзив чулуулаг, Монгол орны интрузив чулуулаг тархалт, гарал үүсэл” зэрэг эрдэм шинжилгээни сэдэвт илтгэлүүд тавигдсан юм. Уул уурхай, хүнд үйлдвэрийн яам, Ашигт малтмал, газрын тосны газар, Мэргэжлийн хяналтын ерөнхий газар, Палеонтологи, геологийн хүрээлэн, Монгол Улсын Их сургууль, Шинжлэх ухаан, технологийн их сургууль, Монголын үйлдвэрлэлийн геологчдын холбоо зэрэг байгууллага  “Монголын геологи, хайгуул-2019” чуулга уулзалтыг дэмжин ажиллаж байгаа юм. 


Г.Идэр  


 

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Өчигдөр 13 цаг 53 минутад
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • Өчигдөр 13 цаг 52 минутад
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • Өчигдөр 13 цаг 00 минутад
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.
  • 2020-05-21 14:53
    Засгийн газар шинэ коронавирусээс үүдэн эрсдэлд орсон  эдийн засгийг аврахаар гуравдугаар сарын сүүлээр дуугарч эхэлсэн нь 5.1 их наяд төгрөгийн багц хөтөлбөр байв. Үүнийг нь дөрөвдүгээр сарын 9-нд УИХ-ын чуулганаар “амь оруулан” баталлаа. 5.1 их наяд төгрөгийн   хөтөлбөр   яг хэрхэн эдийн засгийг аврах эсэх нь одоо ч тодорхой биш байгаа юм. Үүнээс хавьгүй эрт буюу гуравдугаар сарын 11-нд Монголбанк бодлогын хүүгээ буулгаж, төд удалгүй арилжааны банкуудыг “захиргаадаж”  хэрэглээний зээл  төлөлтийн  хугацааг сунгахыг хүчлэх болсон. Улмаар дөрөвдүгээр сарын 13-нд төв банк бодлогын хүүгээ дахин бууруулав. Гол асуулт нь эдийн засгийн төлөв бүрхэг байгаа нь иргэдийн сэтгэл зүйд сөргөөр нөлөөлж,  улмаар худалдаа, үйлчилгээний салбарын борлуулалтад шууд нөлөөлнө.  Энэхүү нөхцөл байдал эдийн засгаа сэргээхээр оролдож байгаа Хятадад ихээхэн тод илэрч байна.