“Mongolia Mining 2019”: ЦБОН компани уул уурхай, дэд бүтцийн төслүүдийг онцолж байна

2019-03-15 14:35

Өнөөдөр 10 цаг 45 минут


Гэрэл зургийг Б.Рэнцэндорж

Олон улсын “Mongolia Mining 2019” үзэсгэлэнгийн Алтан ивээн тэтгэгчээр оролцох талаар ЦБОН компанийн Гүйцэтгэх захирал Э.Пүрэвсүрэнгээс тодрууллаа.

Юуны өмнө MMJ сэтгүүлийн уншигчдад TSBON компанийн талаар танилцуулна уу?

Манай ЦБОН ХХК нь 1999 онд байгуулагдаж эдүгээ 20 жилийн ой тохиож байна. Анхлан байгуулагдаад шугам хоолой болон түүний дагалдах хэрэгсэл, нарийн хэмжил зүйн багаж хэрэгсэл, тоног төхөөрөмж, сэлбэгийн суурилуулалт, нийлүүлэлтийн ажлуудаар эхэлж байлаа. Өнөөгийн байдлаар уул уурхайн салбарт үйл ажиллагаагаа өргөтгөж, ханган нийлүүлэгчээр 6 дах жилдээ амжилттай ажиллаж байна. Олон улсын стандартад нийцсэн 10 мянга гаруй төрөл бараа бүтээгдэхүүнийг гадаадын 200 гаруй түншүүдээс авч уул уурхайн салбарт нийлүүлдэг. Үүнээс 20 гаруй компанийн албан ёсны дистрибютрээр ажиллаж байгаа.

Тухайн үеийн уул уурхайн салбарын уналт, хүнд бэрхээс эмээлгүй компанийн үйл ажиллагаагаа тэлэхээр энэ салбарт зоригтой орж байж шүү. Эрдэс баялгийн салбарт үйл ажиллагаа явуулах ач холбогдлыг хэрхэн харж байна?

Компанийн менежментийн тогтолцоог 2012-2013 онд хэлэлцэж бизнесийн үзэл баримтлалаа 2 зүйлд тулгуурлан гаргаж байсан юм. Нэгд, бизнесийг хөдөлгөх үндсэн хүчинд дэмжлэг болох. Хоёрт, уул уурхайн салбарт түншлэгч хэлбэрээр орох. Энэ зорилтоор уул уурхайн салбарт ханган нийлүүлэлтийн чиглэлээр үйл ажиллагаа явуулах болсон юм. Тухайн үед дэлхийн зах зээл дэх түүхий эдийн ханш ч, дотоодын улс төрийн нөхцөл байдлын хувьд ч уналтын үе байлаа. Гэхдээ үүнээс эмээх биш харин ч найдвартай, сайн түншлэлээр уул уурхайн салбарын хөгжилд өөрсдийн хувь нэмрийг оруулъя гэж зорьсон. Энэ нь цаашлаад Монгол Улсын эдийн засагт үзүүлэх үр нөлөө байх юм. ЦБОН компани “Аж үйлдвэрийн түнш” уриатайгаар ажилладаг бөгөөд уул уурхай болон бусад дэд бүтцийн төслүүдийг онцолж буй.

Тасралтгүй 20 жил үйл ажиллагаа явуулж байгаа ЦБОН компани энэ жил “Mongolia Mining” олон улсын үзэсгэлэнгийн “Алтан ивээн тэтгэгч”-ээр оролцох гэж байна. Ивээн тэтгэгчээр ажиллах болсон учир юу байв? Үзэсгэлэнгийн цар хүрээг хэрхэн үнэлж байгаа вэ?

ЦБОН компани “Mongolia Mining” үзэсгэлэнд хоёр дахь жилдээ оролцож байна. Үзэсгэлэнд уул уурхайн салбарын дэлхийд тэргүүлэх технологийг гурван өдрийн турш танилцуулахаас гадна эрдэс баялгийн салбарт төрөөс баримтлах бодлого, холбогдох хуулиуд, Монгол Улсад хэрэгжих уул уурхай дэд бүтцийн төслүүд сэдвээр семинарууд болон тоног төхөөрөмжийн үзүүлэх тоглолтууд зохион байгуулагдах юм билээ. Тухайн бизнесийн түншүүдтэйгээ нэг дор цуглаж туршлага солилцох, дэлхий дахины уул уурхайн салбарт гарч байгаа шинэ технологиудаас суралцах зэрэг олон улсын хэмжээний үйл ажиллагаа болдог учраас ихээхэн том цар хүрээгээр жил ирэх бүрт хүлээлттэй оролцдог болж байна. Тиймээс ч энэ жилийн хувьд нэлээд ач холбогдол өгч Алтан ивээн тэтгэгчээр оролцоно.

Уул уурхайн салбарт ЦБОН компанийн нийлүүлж буй бүтээгдэхүүний онцлог болоод давуу тал?

Уул уурхай гэдэг аюулгүй ажиллагаа шаардсан, маш том хариуцлага ардаа дагуулж байдаг нүсэр ажил. Уурхайн тасралтгүй үйл ажиллагаа аюулгүй байх, сэрэмж өндөртэй байх шаардлага нэн тэргүүнд тавигддаг. Тиймдээ ч бидний бараа бүтээгдэхүүний нийлүүлэлт, нийлүүлэлтийн дараах үйлчилгээ хэрэглэгчийн шаардлагад бүрэн нийцсэн байхаар ажилладаг хэдэн зарчим бий. Бид төдийлөн хямд үнээр өрсөлддөггүй, харин нийлүүлэлтийн богино хугацаа, чанарын шаардлага хангасан бараа бүтээгдэхүүн, шаардлагатай тохиолдолд суурилуулалтын маш оновчтой шийдэл боловсруулж түгээдэг. Энэ нь бидний онцлог юм.

Танай компани одоо Монголын уул уурхайн ямар компаниуд, уурхай, төслүүдэд бүтээгдэхүүн нийлүүлж байна вэ?

Өнөөгийн байдлаар ЦБОН компанийн гол ханган нийлүүлэлт уул уурхайн салбарт чиглэж байна. Уул уурхайн томоохон компаниудын дийлэнхтэй нь хамтран ажиллаж байгаа. Оюутолгой,  “Thiess Mongolia”,  “Redpath”,  “Jacobs”,  Шарын гол гэх мэт томоохон компаниудыг дурдаж болно. 2016 оноос хэрэгжиж буй Оюутолгойн гүний уурхайн бүтээн байгуулалтын шугам хоолойн төсөл дээр амжилттай ажиллаж байна. Тодруулбал, гүний уурхайн цэвэр усны хангамжийн хуванцар бүх хоолойг нийлүүлж буй.

ЦБОН компанийн ойрын зорилтуудыг сонирхуулна уу?

Олон улсын зах зээл дээр Монгол Улсаа төлөөлөн ажиллаж байгаа компанийн хувьд өрсөлдөхүйц байх шаардлагатай. Тиймээс компанийн менежмент, мэдээллийн технологийн тогтолцоог сайжруулахад анхаарна. Ингэхдээ захиалга, хэрэглэгчийн үйлчилгээ, хүний нөөцийн зэрэг менежментийг тогтолцоог цахим хэлбэрт шилжүүлж ERP системд бий болгох ажил хийгдэж байна. Мөн хөдөлмөрийн аюулгүй байдлын ISO 450001, чанарын 9001 стандартуудыг (хуучин OHSAS) нэвтрүүлэхээр ажиллаж байгаа юм. Бид өөрсдийгөө сайн хөгжүүлж байж уул уурхайн салбарт хөрөнгө оруулж, хувь нэмрээ оруулна гэж үздэг.

Ярилцсанд баярлалаа.

Э.Од  

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-07-20 13:13
    Катодын зэс үйлдвэрлэлийн технологийг анх удаа Монгол орны уур амьсгалын эрс тэс нөхцөлд амжилттай нутагшуулж, зэсийн исэлдсэн эрдэс бүхий хүдрийг уусган баяжуулах аргаар боловсруулан, цэвэр зэс үйлдвэрлэж буй “Эрдмин” ХХК дотоодын төдийгүй гадаадын уул уурхайн зах зээлд хэдийнэ танил болжээ.  Тус компани нь “Эрдэнэт үйлдвэр”-ийн хаягдал, балансын бус хүдрийн овоолгуудыг 40 жилийн турш ашиглах гэрээ байгуулан ажиллаж байгаа билээ.The Mongolian Mining Journal сэтгүүлээс зохион байгуулсан уул уурхайн салбарын шилдгүүдийг тодруулах Mining Journal Awards-2013 ёслолын ажиллагааны “Шилдэг технологи” шагналыг “Эрдмин” компани хүртсэн түүхтэй. Жилд 2500 орчим тонн катодын цэвэр зэс үйлдвэрлэж экспортод гаргаж, 41 нэр төрлийн 3 сая гаруй метр зэс утас үйлдвэрлэн дотоодын зах зээлд нийлүүлж байгаа зэрэг үзүүлэлтүүдээрээ тус компани энэхүү нэр хүндтэй номинацийн эзэн болж байсан юм. 
  • 2020-07-20 13:09
    УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна. УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна.
  • 2020-07-17 11:48
    Монгол Улсын Засгийн газраас хэрэгжүүлж буй Тавантолгой-Зүүнбаян чиглэлийн төмөр замын ажлын эхний 50 км зам бэлэн болж өнгөрсөн зургадугаар  сард нээлтээ хийсэн юм. 2019 оноос эхлэн жил гаруйн хугацаанд эрчимтэй өрнөж 416.1 км-ийн 200 км-т доод бүтэц, газар шорооны ажил мөн л дуусчээ. Уг бүтээн байгуулалтад “Тавантолгой төмөр зам” ХХК захиалагчийн хяналтын үүрэг гүйцэтгэн ажиллаж байна. Тус компани 2019 оны зургадугаар  сарын 19-нд  “Монголын төмөр зам” ТӨХК-тай хамтран ажиллах гэрээгээ байгуулсан бөгөөд  энэ оны долдугаар  сард гэрээний хугацаа дууссан ч талууд гэрээгээ дахин сунгаж,   захиалагчийн хяналтын үүргийг  үргэлжлүүлэн гүйцэтгэхээр болжээ.
  • 2020-07-17 11:05
    Монгол Улсын Засгийн газар  өчигдрийн /07.16/ хуралдаанаар  нэр бүхий албан хаагчдыг Ерөнхий сайдын санал болгосны дагуу танхимын гишүүдийн 100%-ийн саналаар яамдын дэд сайд нарыг томилсон юм. 2020-2024  онд бүрэх эрхийн хүрээнд ажиллах Уул уурхай, хүнд үйлдвэрийн дэд сайдаар Отгоншарын Батнайрамдлыг томилсон шийдвэрийг Засгийн газрын хуралдаанаар гаргалаа. О.Батнайрамдал нь 1984 онд Ховд аймгийн Жаргалант суманд төржээ. 1998 онд Ховд аймгийн арван жилийн 2 дугаар дунд сургууль, 2001 онд Монгол-Туркийн хамтарсан сургууль, 2004 онд Норвеги Улсын Дэлхийн нэгдсэн коллеж, 2008 онд АНУ-ын Макалестер коллеж, 2015 онд АНУ-ын Харвард их сургуулийг тус тус төгссөн байна.
  • 2020-07-10 16:41
    Гаалийн ерөнхий газрын мэдээлснээр, энэ оны эхний хагас жилийн байдлаар нүүрсний экспортын нийт хэмжээ 8.65 сая тоннд хүрч өмнөх оны мөн үеийнхээс 52%-иар буурсан байна. Тодруулбал, 2019 оны эхний хагас жилд манай улс нийт 18 сая тонн нүүрс экспортолж байсан бөгөөд энэ оны эхний хагас жилтэй харьцуулахад 9.4 орчим сая тонноор илүү их нүүрс гадагш нь худалдаалжээ. Ингэснээр нүүрсний экспортын орлого энэ оны эхний хагас жилийн байдлаар 690 сая ам.долларт хүрч өнгөрсөн оны мөн үетэй харьцуулахад 850 сая ам.доллараар буурсан байна.