Transwest Mongolia: Комацу экскаватор, Hensley газартай харьцах эд анги танилцуулна

2019-03-15 14:18

Mongolia Mining-2019 үзэсгэлэнгийн Ерөнхий ивээн тэтгэгчээр оролцож буй “Трансвест Монголиа” ХХК-ийн Худалдаа, маркетинг хариуцсан захирал Д.Болдсүхээс арга хэмжээний талаар тодруулсан юм. 

“Трансвест Монголиа” компани Mongolia Mining үзэсгэлэнд хэзээнээс оролцож байгаа вэ? Үзэсгэлэнгийн цар хүрээг хэрхэн харж байна вэ?

Бид тус үзэсгэлэнд Японы Комацу брэндээр 5 дахь жилдээ  оролцож байна. Оролцогч байгууллагууд болон үзэсгэлэнгийн цар хүрээ  жилээс жилд өсөн нэмэгдэж ирсэн учраас үзэсгэлэнд ач холбогдол өгч байгаа.

Mongolia Mining үзэсгэлэнгийн Ерөнхий ивээн тэтгэгчээр гурав дахь жилдээ ажиллах гэж байна. Энэхүү үзэсгэлэнгийн ивээн тэтгэгч компаниар оролцох ач холбогдол нь чухам юу вэ?

Манай компанийн алсын хараа бол Монголын зах зээл дээр уул уурхайн техник тоног төхөөрөмжийн шилдэг нийлүүлэгч болоход чиглэдэг. Ерөнхий ивээн тэтгэгчээр оролцохын  гол ач холбогдол нь уул уурхайн компаниудад зах зээл дээр эзэлж байгаа байр сууриа бататган таниулах, компанийн хувьд богино хугацаанд тоног төхөөрөмжийн зах зээл дээр хамгийн нөлөө бүхий тоглогч болсныг илтгэн харуулахад оршиж байна. Түүнчлэн  чанар үнэ үйлчилгээний хувьд өөрийн өвөрмөц онцлогтой япон техникийг канад, австрали менежментээр монгол залуучуудын ажлын арга барилд хэрхэн амжилттай нэвтрүүлж байгааг сурталчлан таниулах чухал ач холбогдолтой юм.   Иймээс  бид энэхүү  үзэсгэлэнг ивээн тэтгэж, санхүүгийн хувьд дэмжиж туслахаас гадна, зохион байгуулагчдад өөрсдийн зүгээс ач холбогдолтой санал зөвлөгөө өгч хамтран ажиллаж байгаадаа баяртай байдаг.

Mongolia Mining шиг олон улсын чанартай, зохион байгуулалт сайтай үзэсгэлэн яармаг тогтмол зохион байгуулагдаасай гэж боддог.

Компанийн зүгээс энэ жилийн үзэсгэлэнд ямар шинэлэг бүтээгдэхүүн танилцуулахаар төлөвлөж байна вэ?

Комацу үйлдвэрээс жил бүр маш олон технологийн дэвшлийг агуулсан шинэ бүтээгдэхүүн нэвтрүүлдэг. Бид энэ удаа Комацу  PC1250 экскаватор, шинэ загварын HD465 авто самосвалыг танилцуулахаар ажиллаж байна. Мөн газартай харьцах эд анги үйлдвэрлэгч “Hensley”  брэндийн төлөөлөгчид үзэсгэлэнг  зорин ирж  бүтээгдэхүүнээ танилцуулах юм.

“Трансвест Монголиа” компанийн үйл ажиллагааны талаарх сүүлийн үеийн мэдээллийг уншигчдад өгнө үү?

Япон инженерийн оюун ухаанаар бүтсэн техник тоног төхөөрөмж, авто машиныг Монголчууд бид сайн мэддэг боллоо. Энэ нь  манай борлуулалт, ажлын амжилтанд шууд нөлөөлж  байна. 2018 он манай хамт олны хувьд амжилт бүтээлээр дүүрэн жил байсан бөгөөд 2019 онд бид амжилтаа бататган ахиулж Япон улсад үйлдвэрлэгдсэн автосамосвал, экскаватор, бульдозер, автогрейдэрийг алт, нүүрс, зэс, төмрийн хүдрийн олборлолт хийдэг уул уурхайн компаниудад нийлүүлж байна.

Уул уурхайн салбарын томоохон төлөөлөл болсон компанийн хувьд Монголын уул уурхайн салбарын ойрын жилүүдийн хандлагыг хэрхэн харж байна вэ?

Ойрын жилүүдийг бид маш өөдрөгөөр харж байгаа. Ялангуяа Монгол Улсын Засгийн газраас гадаадын хөрөнгө оруулалтыг дэмжих, уул уурхайн том төслүүдийг хөдөлгөх, баялгийн сангийн талаарх Уул уурхай, хүнд үйлдвэрийн сайдын санал санаачлага  нь уул уурхайн салбарт дорвитой эерэг өөрчлөлт авчрах нь дамжиггүй. Түүнчлэн дэлхийн зах зээл дээрх уул уурхайн түүхий эдийн эрэлт, хэрэгцээ, үнийн өсөлт зэрэг нь Монгол Улс шиг уул уурхайгаас төсвийн зонхилох орлогоо бүрдүүлдэг оронд маш таатай он жилүүд байх болов уу гэсэн хүлээлттэй байна.  

Түүнчлэн дэлхий нийтийн чиг хандлага хариуцлагатай уул уурхайг хөгжүүлэхэд чиглэж, ашигт малтмалын өртөг зардлыг бууруулж, байгаль орчинд хор нөлөө багатай техник технологи ашиглах шаардлага тулгарч байгаа нь манай хамт олны алсын хараа, ирээдүй хэтийн төлөвтэй яв цав нийцэж энэ нь эргээд манай компанийн хувьд том давуу тал болж байгаа юм. 

Танд баярлалаа.  

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 14 цаг 15 минутын өмнө
    Манай компани нь газрын тос, хийн салбарт инженерийн иж бүрэн үйлчилгээг үзүүлэх зорилгоор 2000 онд байгуулагдан 20 дахь жилдээ үйл ажиллагаа явуулж байна. Бид газрын тосны бүтээгдэхүүнийг хүлээн авах, хадгалах, түгээх, тээвэрлэх технологид байгаль орчин, галын аюулгүй байдал, цаг уурын онцлог, олон улсын стандарт, техник технологийн хөгжлийн чиг хандлагад нийцсэн орчин үеийн шилдэг технологиудыг нэвтрүүлэх, газрын тосны бизнес эрхлэгчид үр ашиг, бүтээмжээ дээшлүүлж зардлаа бууруулах, нөгөө талаас шатахуун хэрэглэгчид аюулгүй, тохилог орчинд үйлчлүүлэх бололцоог бий болгоход чиглэсэн судалгаа хөгжил, инженерийн иж бүрэн үйлчилгээг үзүүлж ирсэн. Мөн дэлхийн 10 гаруй улсын 60 гаруй тэ‎ргүүл‎эгч үйлдвэрлэгчээс тоног төхөөрөмж, хэрэгсэл нийлүүлж засвар үйлчилгээг үзүүлдэг. 100 м3 хүртэлх багтаамжтай дан болон давхар ханатай савыг олон улсын стандарт, лицензийн дагуу олон улсын UL (Underwriters Laboratories) лабораторийн сертификаттай үйлдвэрлэж байна.
  • Уржигдар 17 цаг 24 минутад
    Монгол Улсын Ерөнхий сайд У.Хүрэлсүх шинээр байгуулсан Засгийн газрын гишүүдийг өнөөдөр Монгол Улсын Ерөнхийлөгч Х.Баттулгад танилцуулав. Энэ үеэр Монгол Улсын Ерөнхийлөгч Х.Баттулга “Миний бие Засгийн газрын гишүүдийн анкет, ажилласан байдалтай танилцлаа. Цаашид Засгийн газартай хамтран ажиллахдаа сайд нартай нүүр тулан уулзаж, санал бодлоо илэрхийлж ажиллана” гээд зарим сайд нараас тухайлсан асуулт асууж, ярилцсан байна. Ерөнхийлөгч "Уул уурхай, хүнд үйлдвэрийн сайд Г.Ёндон уул уурхайн салбар, төмөр замынхаа уялдааг ойлгож байгаа юу. Төмөр зам барьж, ложистикийг нь улс шийдээд өгөхөөр олборлолтыг нь хийж, нэмүү өртөг шингээж, экспортод гаргах боломж бүрдэж байгаа. Үүнийг ойлгож ажиллана гэдэгт итгэж байна" гэдгээ илэрхийлжээ.  
  • Уржигдар 16 цаг 45 минутад
    Үндсэн хуулийн нэмэлт өөрчлөлтийн дагуу 3.1 “Монгол Улсад засгийн бүх эрх ард түмний мэдэлд байна. Монголын ард түмэн төрийн үйл хэрэгт шууд оролцож, мөн сонгож байгуулсан төрийн эрх барих төлөөлөгчдийн байгууллагаараа уламжлан энэхүү эрхээ эдэлнэ” гэсэн заалт “амилж” Монгол Улс анх удаа Ерөнхий сайдаа шууд бусаар ард түмэн сонгож, Ерөнхий сайд багаа өөрөө бүрдүүлэн Засгийн газрын гишүүд сайд нар өнөөдөр тодорч байна. Үндсэн хуулийн өөрчлөлт, шинэчлэлээр УИХ-ын томилгооны эрх, улсын нэгдсэн төсвийн эрх мэдэл хязгаарлагдана. Ингээд шинээр бүрдэж буй Засгийн газраас Уул уурхай, хүнд үйлдвэрийн сайдаар Г.Ёндон томилогдож тангараг өргөлөө. Монгол Улсын зөвлөх инженер тэрээр ОХУ-ын Эрхүү хотын Политехникийн сургуульд уулын инженер, маркшейдер мэргэжил эзэмшжээ. УИХ-ын нэгдсэн чуулганаар (2020.07.08) сайд нарт нэр дэвшигчдээс асуусан Парламентын гишүүдийн асуулгын уул уурхайн салбартай холбогдолтой асуудлыг тоймлон хүргэж байна.
  • Уржигдар 10 цаг 54 минутад
    Австрали улс нь Хятадын   хамгийн том түүхий эд нийлүүлэгч. Гэхдээ цаашид Хятад улс энэхүү томоохон нийлүүлэгч улстайгаа эвтэй байх уу гэдэг асуудал уул уурхайн салбарт хэн бүхний анхаарлыг татсан сэдэв болоод байна. Австралийн хувьд өнгөрсөн 2019 оны байдлаар Хятад руу нийт 153 тэрбум австрали долларын бараа, үйлчилгээ экспортолжээ. Энэ нь Австралийн дотоодын нийт бүтээгдэхүүний 7.7%-тай тэнцэнэ.  Гэвч шинэ коронавирусын өвчний эх үүсвэрийг эрэн сурвалжилж олж тогтоох талаар Австралийн Засгийн газар улс орнуудад уриалга гаргасан нь худалдааны томоохон түншид нь тун эмзэг тусжээ. Хятадын Засгийн газар Австралийн уриалгыг ихээхэн эмзэг хүлээн авч буйгаа огтхон ч нуусангүй.
  • Уржигдар 10 цаг 47 минутад
    Монголбанк 2020 оны зургадугаар сард 2.3 тонн үнэт метал худалдан авч, оны эхнээс өссөн дүнгээр нийт 10.8 тонн үнэт метал худалдан аваад байна. Энэ нь өмнөх оны мөн үетэй харьцуулбал 4.8 тонноор өссөн үзүүлэлт юм.  Монголбанкны нийт худалдан авсан 10.8 тонн үнэт металын 9.1 тонн нь алт, 1.7 тонн нь цагаан мөнгө байна. 2020 оны зургадугаар сарын хувьд Дархан-Уул аймаг дахь Монголбанкны хэлтэс 63.9 кг,  Баянхонгор аймаг дахь Монголбанкны салбар 81.9 кг үнэт метал худалдан аваад байна. Он гарснаас хойш орон нутаг дахь Монголбанкны 2 хэлтэс нийт 565 кг үнэт метал худалдан авлаа.