CAT CARE-2019: Шинэ үеийн экскаваторыг Монголд анх удаа танилцуулав

2019-03-09 13:44

 Монголын уул уурхай, дэд бүтэц, барилгын салбарын тэргүүлэх ханган нийлүүлэгчдийн нэг, олон улсад нэр хүндтэй Катерпилларын албан ёсны дилер “Вагнер Ази Тоног Төхөөрөмж” ХХК уламжлал ёсоор энэхүү өдөрлөгийг өөрийн төв оффисын байрандаа гуравдугаар сарын 1-нд зохион байгууллаа. CAT CARE-2019” өдөрлөгийг уламжлал ёсоор аюулгүй ажиллагааны зааварчилгаагаар эхлүүлж,   “Вагнер Ази Тоног Төхөөрөмж” компанийн Гүйцэтгэх захирал Кэлвин Эндрив Каукинэн нээлтийн үг хэллээ. Тэрээр “Технологийн гайхамшигт шийдэл болсон шинэ үеийн экскаваторыг анх удаа танилцуулж байгаадаа таатай байна. Эдгээр экскаватор та бүхний үйл ажиллагааг илүү үр ашигтай болгоход ихээхэн нөлөө үзүүлнэ. Бид хамгийн чанартай, хамгийн сүүлийн үеийн, хамгийн сайн технологи, тоног төхөөрөмжүүдийг харилцагчиддаа санал болгодог. Үүний зэрэгцээ борлуулалтын дараах хамгийн шилдэг үйл ажиллагааг Монголд  төдийгүй бүс нутгийн хэмжээнд хүргэхээр зорин ажиллаж байна” хэмээн тодотгосон.

 

 

 

“CAT CARE-2019” өдөрлөгт тус компанийн харилцагчид олноор хүрэлцэн ирж, шинэ үеийн экскаваторуудын талаар цогц, сонирхолтой  мэдээллийг авсан юм. Өнгөрсөн оны яг өдийд буюу гуравдугаар сарын 2-нд “CAT CARE-2018” өдөрлөг “Корпорейт Конвейшн центр”-т зохион байгуулагдаж алтны салбарынхан, тэр дундаа алт олборлогчид руу түлхүү чиглэсэн сургалтуудаар өрнөж байв. Тэгвэл энэ удаад шинэ үеийн экскаваторуудын танилцуулгыг уламжлал ёсоор  Катерпилларын  тоног төхөөрөмжийн үйлдвэрт ажилладаг бүс нутгийн инженер, техникийн мэргэжилтнүүд хийж, харилцагчидтай уулзан,  сүүлийн үеийн дэвшилтэт техник, технологийн ололт амжилтын талаар санал солилцсон.  CAT СARE өдөрлөг нь Монголын уул уурхайн салбарт сүүлийн хэдэн жилд  завсарлаад байсан хэдий ч өнгөрсөн оноос дахин  зохион байгуулсанд “Вагнер Ази” компанийн харилцагчид сэтгэл өндөр байгаагаа  илэрхийлж байлаа. “Катерпиллар” групп нь уг өдөрлөгийг дэлхийн улс орнуудад буй  дистрибьютерүүдээрээ дамжуулан өндөр түвшинд зохион байгуулдаг юм.

 

 

“Вагнер Ази Тоног Төхөөрөмж” ХХК  харилцагчиддаа мэдээлэл хүргэхдээ  компанийн анх байгуулагдсан цагаас хойш өнөөдрийг хүртэл явуулж байгаа үйл ажиллагаа,   технологи болон тоног төхөөрөмжүүдийн давуу тал, онцлогийн талаар сонирхолтой хэлбэрээр танилцуулдаг билээ. Тус компанийн Худалдаа ба түрээсийн газрын захирал  Э.Энхдэлгэр “Монголын орчин үеийн уул уурхайн салбар үүсч хөгжөөд 97 дахь жилийн нүүрийг үзэж байна. Тэгвэл дэлхийд нэр хүндтэй “Катерпиллар” групп байгуулагдаад 93 жил, “Вагнер Ази Тоног Төхөөрөмж” компани Монгол Улсад  23 дахь жилдээ үйл ажиллагаа явуулж байна. Монголын 130 гаруй уул уурхайн компани CAT брэндийн 1022 техникийг ашигладаг” хэмээн онцлов.

 

Бүтээгдэхүүн дэмжих үйлчилгээг өндөр түвшинд явуулдгийн хувьд “Вагнер Ази Тоног Төхөөрөмж” компани нийт 125 сая ам.долларын өртөг бүхий  сэлбэгийн нөөцийг Сэлбэг түгээлтийн төвүүддээ байршуулсан байна. “Вагнер Ази Тоног Төхөөрөмж” ХХК-ийн Технологийн газрын захирал Х.Уянга  тоног төхөөрөмжийн менежментийн шийдлийн талаар харилцагчиддаа товчхон танилцуулга хийсэн юм.

 

Ийнхүү өдөрлөгийн хөтөлбөр ёсоор “Барима” үйлдвэрийн Евро Азийн бүсийн менежер Роман Лахов Катерпилларын түүхэнд хамгийн том шинэчлэлийг хийсэн шинэ үеийн экскаваторуудын талаар танилцууллаа. 1925 оноос хойш Катерпилларын үйлдвэр хурдацтайгаар хөгжиж ирсэн бөгөөд энэ хугацаанд 1 тэрбум ам.долларыг үйлдвэрийн барилга, тоног төхөөрөмж болон бусад дилерийн ажилчдыг сургахад зарцуулж ирснийг тэрээр дурдсан юм. Тус групп  Евро бүсэд ойролцоогоор 40 мянга гаруй тоног төхөөрөмж, эд ангийг зарж борлуулжээ.

 

“Вагнер  Ази Тоног Төхөөрөмж” компанийн Техникийн үйлчилгээний менежер бүтээгдэхүүн дэмжих үйлчилгээтэй холбоотой мэдээллүүдийг харилцагчдад өгсөн юм. Тухайлбал, харилцагчдын хэрэгцээ шаардлагад нийцсэн техникийг санал болгож, худалдан авах гэрээ хийснээр бүтээгдэхүүн дэмжих үйлчилгээ хийгддэг байна.

 

 “Оператороос шалтгаалахгүйгээр технологийн нарийн хэмжилтийн багажуудаар экскаватор өөрөө өөрийгөө автоматжуулах үйл  ажиллагааны горимд шилжсэнээр үр ашгаа  45%  хүртэл  нэмэгдүүлнэ.  Мөн 25% хүртэл   түлшний зарцуулалт болон засвар үйлчилгээний зардал 15%-иар багасна. Операторын ажиллах орчныг сайжруулсан,  алсын удирдлагын  системтэй, өндөр хурдны сүлжээтэй гээд олон давуу талтай” хэмээн ярилаа.

 

 

 

Энэ удаагийн өдөрлөг маш сонирхолтой хэд хэдэн хэлбэрээр  явагдсан юм. Тухайлбал үдээс хойших арга хэмжээний хөтөлбөрийн дагуу   харилцагчдыг  олон групп  болгон хувааж,   тусгайлан тохижуулсан хэсгүүдээр аялуулсан юм. Хэсэг болгон  дээр Катерпилларын бүтээгдэхүүний сонирхолтой танилцуулга, видео үзүүлж байсан ба харилцагчид хүссэн мэдээллээ эндээс олж авах боломжийг ч  бүрэн дүүрэн хангажээ. Гаднах талбайд хоёр шинэ экскаваторыг байршуулсан байв. Мэргэжлийн операторууд шинэ үеийн экскаваторуудын хүчин чадлыг харуулсан үзүүлбэрийг хийж сонирхууллаа. Түүгээр зогсохгүй харилцагчид болон сонирхсон операторууд уг экскаваторт сууж  шинэчлэгдсэн загвар бүхий экскаваторыг туршиж үзэх бололцоогоор хангаж өгчээ.

 

Г.Идэр

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Уржигдар 14 цаг 43 минутад
    Орон нутгийн банкуудаас жижиг, дунд бизнест олгосон зээлийг худалдаж авах тухайгаа Хятадын Төв банк мэдэгджээ. COVID-19 цар тахлын хүндрэлийг даван туулахад жижиг, дунд бизнес эрхлэгчдийг дэмжих үүднээс банкууд 1 их наяд юань буюу 140 тэрбум ам.долларын нэмэлт зээл олгохоор тус улсын Засгийн газраас шийдвэрлэсэн байна. 2020 оны гуравдугаар сарын 1-нээс арванхоёрдугаар сарын 31-ныг хүртэл арилжааны болон хувийн банкуудаас жижиг, дунд бизнест олгох зээлийг Төв банк худалдан авахдаа 400 тэрбум юань буюу 56 тэрбум ам.доллар зарцуулах аж. Гэхдээ тухайн банкууд нэг жилийн дараа эргээд зээлүүдээ худалдан авах юм  байна.
  • Уржигдар 14 цаг 27 минутад
    Энэ долоо хоногийн даваа гаригт (2020.06.01) Даляны түүхий эдийн бирж дээр төмрийн хүдрийн фьючерс тонн тутамдаа 108.92 ам.долларт хүрч өсчээ. Энэ нь тус бирж 2013 оноос эхлэн төмрийн хүдэр арилжаалах болсноос хойших дээд амжилт болж байна. Өнгөрсөн гуравдугаар сараас Хятадын гангийн нөөц буурч тус улсын гангийн үйлдвэрлэл нэмэгдсэнээр түүхий эдийн эрэлт өсч, үүнийгээ дагаад үнэ нь ч дээшлэхэд нөлөөлжээ. Өнөөдрийн байдлаар Даляны түүхий эдийн бирж дээр төмрийн 62%-ийн агуулгатай баяжмал нэг тонн нь 102.5 ам.доллараар борлуулагдаж байна.
  • Уржигдар 13 цаг 16 минутад
    Монголын эдийн засаг, нийгмийн амьдрал улам хүндэрсээр байна. Оны өмнөхөн  улсын төсвөө өөдрөгөөр төсөөлж баталсан. Өнөөдөр асуудал тооцоолсноос өөрөөр эргэж, хямралд тэвдэцгээж байна. Та  нөхцөл байдлыг хэрхэн харж, дүгнэж байна вэ? Улсын төсвийг анх хэлэлцэж байхдаа л хэт өөдрөг төсөөлсөн зүйлүүд нэлээд харагдаж байсан. Наад зах нь аймгуудад хуваарилсан төсөв харилцан адилгүй. Говийн аймгуудад  нэлээд өндөр төсөв хуваарилсан. Татаас авдаг, орлогын түвшнээр доогуур эрэмбэлэгддэг аймгууд эсрэгээрээ бага төсөвтэй байх жишээтэй. Нөгөө талдаа, төсвийн орлогыг өөр өөрөөр төсөөлсөн. Тухайлбал нүүрсний экспортыг  энэ жил 42 сая тонноор тооцоолсон. 2019 оны төсөвт ингэж суулгаад хэмжээндээ хүргэж чадаагүй шүү дээ. Татвараар орж ирэх орлогуудыг  төсөвт мөн суулгасан.
  • 2020-05-29 14:56
    Монгол Улс Санхүүгийн хориг арга хэмжээ авах байгууллага (ФАТФ)-ын мөнгө угаах, терроризмыг санхүүжүүлэхтэй тэмцэх стратегийн дутагдалтай орнуудын жагсаалтад 2019 оны аравдугаар сард орсноор нийт 4 шууд хэрэгжилтийн зөвлөмж дээр 6 үүрэг даалгавар авсан. Монгол Улсын Засгийн газраас байгуулагдсан ажлын хэсэг, Үндэсний зөвлөл, Хамтын ажиллагааны зөвлөлийн гишүүн байгууллагууд, хувийн хэвшил болон мэргэжлийн холбоодын хамтарсан ажлын хэсгүүд ФАТФ-ын стратегийн дутагдалтай орнуудын жагсаалтаас гарах чиглэлээр эрчимтэй ажиллаж, төлөвлөгөөнд тусгасан ажлуудтай холбоотой тайланг ФАТФ-ын Ази, Номхон Далай бүс хариуцсан хамтарсан бүлэгт цаг тухайд нь хүргүүлж ажиллалаа.
  • 2020-05-25 13:53
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.