“Эрдэнэс Тавантолгой-Инноваци” зөвлөгөөн боллоо

2019-02-12 14:43
“Эрдэнэс Тавантолгой” компаниас Монголын эрдэмтдийн үндэсний зөвлөлтэй хамтран “Эрдэнэс-Тавантолгой-Инноваци, Үйлдвэрлэл” зөвлөгөөнийг өнөөдөр “Туушин” зочид буудлын хурлын танхимд зохион байгууллаа. Зөвлөгөөнд Засгийн газрын ХЭГ-ын дарга Л.Оюун-Эрдэнэ, Уул уурхай, хүнд үйлдвэрийн яам болон “Эрдэнэс Тавантолгой” ХК-ийн удирдлагууд, Шинжлэх ухааны академи, МУИС, ШУТИС-ийн эрдэмтэн судлаачид, эдийн засагчид, олон нийтийн төлөөлөл оролцож, илтгэл тавьсан юм. “Уул уурхайн салбарт инноваци нэвтрүүлэх цаг болсон. Хөгжлийн дөрвөн жилээр бус, 20-25 жилээр төлөвлөх, эдийн засгаа олон тулгууртай болгох, дундаж давхаргаа 70-аас дээш хувьд хүргэхийн тулд бүгд хамтран ажиллах ёстой. Энэ бүхэнд эрдэмтэн, судлаач, эдийн засагчдын оролцоо чухал” хэмээн ЗГХЭГ-ын дарга Л.Оюун-Эрдэнэ нээлтийн үгэндээ онцолсон. Тэрээр "Норвегийн тэтгэврийн сан зэрэгтэй адил баялгийн сан байгуулж, уул уурхайн салбараас олсон орлогоос иргэддээ хуваарилдаг сайн туршлагыг нэвтрүүлнэ. Энэ санг улс төрөөс ангид байлгаснаар стратегийн ач холбогдолтой ордуудын үр өгөөжийг иргэд түлхүү хүртэх учиртай” гэлээ. 

Тавантолгойн уурхайн үр ашгийг дээшлүүлэх хүрээнд дэвшилтэт технологиудыг нэвтрүүлж, эрдэмтэн судлаачдын эрдэм шинжилгээний нээлт, бүтээл зөвлөгөө, судалгааг компанийн үйл ажиллагаанд нутагшуулахаар төлөвлөж буйг хурал зохион байгуулагчид онцолж байлаа.

Энэ ажлын хүрээнд “Эрдэнэс Тавантолгой” ХК-ийн Гүйцэтгэх захирал Б.Ганхуяг, Монголын эрдэмтдийн үндэсний зөвлөлийн Ерөнхийлөгч Ж.Оюунбилэг нар хамтран ажиллах санамж бичгийг байгуулав. 

Эрдэмтэд зөвлөгөөний үеэр нүүрснээс эцсийн бүтээгдэхүүн гаргах /шатдаг хий, моторын түлш, био түлш, утаагүй түлш/ эко болон ногоон технологи нэвтрүүлэх, уурхайн ажилтнуудын эрүүл мэндийг хамгаалах сэдэвт илтгэлүүдийг хэлэлцүүлсэн юм. Мөн энэхүү арга хэмжээний үеэр байгалийн баялгаа зөвөөр ашиглаж, баялгийн сан байгуулж, ард иргэддээ тэгш хуваарилсан амжилттай туршлагуудыг судлан ногдол ашиг олгох ажлаа эрчимжүүлэх, Гашуунсухайтын төмөр замыг дуусгах, тус чиглэлийн авто зэрэгцээ зам барих ажлыг эхлүүлэх зэрэг олон асуудлаар оролцогчид санал бодлоо солилцсон.  Компани дээрх төслүүдийг олон улсын зах зээлээс IPO босгон санхүүжүүлэхээр төлөвлөн ажиллаж байгаа бөгөөд төслийг хэрэгжүүлэхэд эрдэмтэн, судлаачдын эрдэм шинжилгээний нээлт, бүтээл, зөвлөгөө, судалгааны ажил чухал дэмжлэг болохыг  “Эрдэнэс Тавантолгой” ХК-ийн удирдлагууд тодотгов.

“Эрдэнэс Тавантолгой” ХК-ийн уурхайд шинэ технологи нэвтрүүлэхэд шаардлагатай цахилгаан хангамжийн асуудал, шийдвэрлэх арга замуудын талаар Техникийн ухааны доктор, зөвлөх инженер Г.Ёндонгомбо мэдээлэл хийлээ.  Тэрээр, Өмнөд говийн бүсийн цахилгаан хангамжийн асуудал хурцаар тавигдаж буйг дурдаад 300 МВт хүчин чадалтай Тавантолгойн дулааны цахилгаан станцыг барьж байгуулахад  3-5 жилийн хугацаа шаардлагатай гэсэн юм. Нүүрсний давхаргын метан ашиглах цахилгаан станц байгуулж, уур хийн цахилгаан станцыг эхний ээлжинд 800 МВт (экспортын зориулалтаар) байхаар тооцоолж байгаагаа мөн танилцуулсан. 

Түүнчлэн Өмнийн говийн ус хангамжийн асуудлаар “Усны үндэсний төв” төрийн бус байгууллагын дэд захирал, Монгол Улсын зөвлөх инженер Ш.Ганзориг илтгэл тавьж, асуултад хариуллаа. “Орхон говь” төслийн хувьд ОХУ-ын талтай тодорхой асуудлаар харилцан ярилцах шаардлагатай байгааг тэрээр онцлоод  Дэлхийн банкны төслөөр бүс нутгийн байгаль орчны үнэлгээг хийсний дараа ТЭЗҮ, БОННҮ-г хийх ёстой, үүний дараа ТЭЗҮ-ийг баталгаажуулж, уг төслийг хэрэгжүүлэх шийдвэрийг УИХ-аас гаргах гээд олон шат дараалалтай ажлууд хүлээгдэж буйг ч анхааруулсан юм. Харин “Хэрлэн говь” төсөл нь эхний ээлжинд Байгаль орчны нийгмийн нөлөөллийн үнэлгээг хийж, мөн төр засгаас хэрэгжүүлэх шийдвэр гарахын чухлыг Ш.Ганзориг зөвлөх инженер ярилаа. Өөрөөр хэлбэл, гадаргын усны нөөцийн ашиглалтыг нэмэгдүүлэх төслүүдийг зөв голдиролоор явуулахын тулд эхлээд олон улсын хэмжээнд хүлээн зөвшөөрөгдсөн шаардлагын дагуу ТЭЗҮ-үүдийг боловсруулах нь хамгийн чухал болоод байгаа юм.    
   
Зөвлөгөөний үеэр “Эрдэнэс Тавантолгой” компанийн амжилтуудыг дурдсан мэдээллүүдийг холбогдох албаны хүмүүс өглөө. Тус компанийн уурхайчид 2011-2016 онд 20 сая тонн нүүрс олборлож байсан бол өдгөө үүнээс гурав дахин бага хугацаанд  буюу сүүлийн хоёр жилд 20 сая тонн нүүрс олборлосон түүхэн амжилт үзүүлсэн юм. Дэд бүтцийн чиглэлээр  “Эрдэнэс Тавантолгой” ХК-ийн уурхайн амнаас “Ухаа худаг-Гашуунсухайтын боомт” чиглэлийн төмөр замын трассын ПК+970 огтлолцон “Ухаа худаг-Гашуунсухайтын боомт” чиглэлийн хатуу хучилттай авто замтай нийлэх 8.2 км хүнд даацын хатуу хучилттай авто замыг 2019 онд ашиглалтад оруулахаар төлөвлөжээ. Мөн Өмнөговь аймгийн Цогтцэций сумын төвөөс компанийн хотхон, “Баруун наран-Ухаа худаг” чиглэлийн хатуу хучилттай зам хүртэлх 14.2 км хатуу хучилттай замыг 2019-2020 онд барьж ашиглалтад оруулна гэж компанийн ажилтнууд тодотгов.

Тавантолгой-Ханги Мандал хүртэлх 280 км авто замын бүтээн байгуулалтыг 2019 онд эхлүүлж, 1.8 жилийн хугацаанд барьж дуусгахаар төлөвлөсөн байна. 

Үйлдвэрлэлийн үйл ажиллагааны тасралтгүй байдлыг хангах, ТЭЗҮ-ийн хүрээнд эдийн засгийн үр ашгийг дээшлүүлэх хүрээнд 30 хүртэл сая тоннын хүчин чадал бүхий нүүрс баяжуулах үйлдвэр барьж байгуулах бэлтгэл ажлыг эхлүүлэх, 2022 оноос нэмүү өртөг шингэсэн бүтээгдэхүүн үйлдвэрлэж экспортлох зорилтыг дэвшүүлжээ.  

Г.Идэр
    
 

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 16 цаг 38 минутын өмнө
    Хятадын төрийн өмчит “Чалко” компани нь Гвиней улс дахь хөнгөн цагааны Боффа уурхайн үйл ажиллагааг 2020 оны нэгдүгээр улиралд эхлүүлэхээр төлөвлөжээ. Жилд 12 сая тонн хүдэр олборлох хүчин чадалтай уурхайн төслийг 2018 оны аравдугаар сараас хэрэгжүүлж байгаа бөгөөд байгалийн хүнд нөхцөл байдлаас шалтгаалан энэ онд эхлүүлэх хугацааг хойшлуулсан байна. Төсөл нь 706 сая ам.долларын өртөгтэй бөгөөд уурхайгаас гадна цахилгаан станц, далайн боомтыг барьж буй. Боффа орд нь 1.75 тэрбум тонн хөнгөн цагааны хүдрийн нөөцтэй юм.
  • 17 цаг 39 минутын өмнө
    Дорноговь аймгийн Алтанширээ суманд байгуулах Газрын тос боловсруулах үйлдвэрийн гаднах дэд бүтцийг ашиглалтад хүлээн авч, барилга угсралт, хөрөнгө оруулалтыг албан ёсоор эхэлж байна. Үйлдвэрийн гаднах дэд бүтцийг ашиглалтад хүлээн авах ёслолд Монгол Улсын Ерөнхий сайд У.Хүрэлсүх, БНЭУ-ын Газрын тос, байгалийн хийн сайд Дармэндр Пратхан, БНЭУ-ын Гадаад хэргийн сайдын зөвлөх К.Панкаж, БНЭУ-аас Монгол Улсад суугаа элчин сайд М.П.Сингх болон УИХ, Засгийн газрын гишүүд, албаны төлөөлөгчид оролцов. БНЭУ-ын Газрын тос, байгалийн хийн сайд Д.Пратхан “Монгол Улсад 1.5 сая тонн хүчин чадалтай Газрын тосны боловсруулах үйлдвэр байгуулж буй нь хоёр улсын нөхөрлөлийн бэлэг тэмдэг юм. Монголын талын хүсэлтээр 236 сая ам.долларын нэмэлт санхүүжилтийг манай Засгийн газраас хийхээр шийдвэрлэсэн. Хоёр орны стратегийн түншлэлийг улам хөгжүүлэхийн төлөө хамтран ажиллах болно" хэмээн мэдэгджээ.
  • 17 цаг 46 минутын өмнө
    Монгол, Казахстаны бизнес форум БНКазУ-ын нийслэл Нур-Султан хотод болж байна. Энэхүү форумд Монгол Улсын Ерөнхий сайд У.Хүрэлсүх, БНКазУ-ын Ерөнхий сайд А.У.Мамин нар оролцож үг хэлсэн билээ. Мөн үеэр хоёр орны бизнес эрхлэгчид "Алт мөнгө/үнэт металь/цэвэршүүлэх үйлдвэр барих", "Нүүрсний ордуудаас ферросолицион үйлдвэрлэх үйлдвэр барих", "Агаарын техникийн ачаа тээврийн нислэгийн инженер, техникийн үйлчилгээний мэргэжилтэн бэлтгэх", "Хорио цээрийн бэлдмэл үйлдвэрлэх, мэргэжилтнүүдийг сургах сургалтын төв байгуулах" зэрэг найман гэрээг байгуулав. Алт цэвэршүүлэх үйлдвэр барих, ашиглалтад оруулах тухай гэрээнд "Эрдэнэс алт ресурс" ХХКийн гүйцэтгэх захирал Б.Ачитсайхан, "Сымбат инжиниринг" ХХН-ийн захирал Т.М.Шопшекбаевич нар гарын үсэг зурсан бөгөөд гэрээний хүрээнд Казахстаны талаас 30 сая ам.долларын үнэ бүхий алт цэвэршүүлэх технологийн патентаа Монголын талд үнэ, төлбөргүй өглөө.
  • 17 цаг 46 минутын өмнө
    Монгол, Казахстаны бизнес форум БНКазУ-ын нийслэл Нур-Султан хотод болж байна. Энэхүү форумд Монгол Улсын Ерөнхий сайд У.Хүрэлсүх, БНКазУ-ын Ерөнхий сайд А.У.Мамин нар оролцож үг хэлсэн билээ. Мөн үеэр хоёр орны бизнес эрхлэгчид "Алт мөнгө/үнэт металь/цэвэршүүлэх үйлдвэр барих", "Нүүрсний ордуудаас ферросолицион үйлдвэрлэх үйлдвэр барих", "Агаарын техникийн ачаа тээврийн нислэгийн инженер, техникийн үйлчилгээний мэргэжилтэн бэлтгэх", "Хорио цээрийн бэлдмэл үйлдвэрлэх, мэргэжилтнүүдийг сургах сургалтын төв байгуулах" зэрэг найман гэрээг байгуулав. Алт цэвэршүүлэх үйлдвэр барих, ашиглалтад оруулах тухай гэрээнд "Эрдэнэс алт ресурс" ХХКийн гүйцэтгэх захирал Б.Ачитсайхан, "Сымбат инжиниринг" ХХН-ийн захирал Т.М.Шопшекбаевич нар гарын үсэг зурсан бөгөөд гэрээний хүрээнд Казахстаны талаас 30 сая ам.долларын үнэ бүхий алт цэвэршүүлэх технологийн патентаа Монголын талд үнэ, төлбөргүй өглөө.
  • 19 цаг 52 минутын өмнө
    Сүүлийн үед хариуцлагагүй уул уурхайн сөрөг нөлөөллийн талаар Монгол улс даяар хүчтэй яригдаж байна. Аймгийн Засаг дарга Д.Батсайханы орон нутагтаа байгаа ашигт малтмалын тусгай зөвшөөрлийн тоог эрс бууруулж буйа тухай мэдээлэл яг энэ үед иргэдийн анхаарлыг маш ихээр татна. Түүний хэлснээр 2016 оны наймдугаар сарын байдлаар нийт ашигт малтмалын 99 тусгай зөвшөөрөл, үүнээс ашиглалтын 9, хайгуулын 90 тусгай зөвшөөрөл аймагт бүртгэлтэй байжээ. Тэгвэл тусгай зөвшөөрлийн тоо энэ оны зургадугаар сарын 18-ны байдлаар 60 болж, 40%-иар буурсан. Мөн 2016 оноос хойш 96 тусгай зөвшөөрлийн санал шинээр ирснийг буцааж, татгалзсан хариу өгсөн гэсэн үг. Ингээд 2016 оноос өнөөдрийг хүртэлх хугацаанд нийтдээ 135 тусгай зөвшөөрлийг хүчингүй болгочихоод байгаа. Ашигт малтмалын тусгай зөвшөөрлийг хүчингүй болгоход аймгийн удирдлагын эрх мэдэл хүрдэггүй тал бий.