Рио Тинто: 2018 онд төмрийн хүдэр, зэсийн олборлолт нэмэгдсэн

2019-01-18 15:02

Дэлхийн уул уурхай хоёр дахь том компани болох "Рио Тинто" 2018 оны дөрөвдүгээр улирлын үйл ажиллагааны тайлангаа өнөөдөр мэдээллээ. Тайланд өгүүлснээр тус компанийн төмрийн хүдрийн экспорт өнгөрсөн онд 2%-иар өсч 338.2 сая тоннд хүрсэн байна. Олборлолтын тухайд мөн 2%-иар өсч 337.8 сая тоннд хүрчээ.  Энэ нь компанийн төлөвлөсөн зорилтыг хангаж байгаа юм. Ийнхүү нийлүүлэлт өссөн нь Австралийн Пилбара дахь зарим уурхайн олборлолтын хүчин чадлыг нэмэгдүүлснээс гадна байгалийн гамшгаас үүдсэн уурхайн зогсолт харьцангуй цөөн байсантай холбоотой ажээ.

"Рио Тинто" компанийн хувьд дийлэнх орлогоо төмрийн хүдрээс бүрдүүлдэг учир энэхүү мэдээлэл нь компанийн үйл ажиллагаа тун урагштай явааг илтгэж байна. Энэ онд Рио Тинто 338-350 сая тонн хүдэр экспортлохоор зорилт тавьснаа мөн мэдэгдлээ. Уг тооцоололд өнгөрсөн долоо хоногт төмрийн хүдрийн Cape Lambert боомтод гарсан галаас үүдэлтэй нөлөөллийг оруулж төлөвлөснийг мөн тэмдэглэжээ.

Төмрийн хүдрийн гол хэрэглэгч болох Хятад улсын хувьд агуулга сайтай төмрийн хүдрийн эрэлт ихээхэн өндөр байх болно гэсэн төлөвт "Рио Тинто" итгэлтэй хэвээр байгаа юм. Ийнхүү төмрийн хүдрийн олборлолт өнгөрсөн онд бага зэрэг нэмэгдсэн дүнтэй байсан бол зэсийнх бүр ч илүү өсөлттэй гарчээ.

Тус компанийн зэсийн үйлдвэрлэл өнгөрсөн онд 33%-иар нэмэгдэж 633.5 мянган тоннд хүрсэн байна. Энэ нь тус компанийн төлөвлөж байсан 510-610 мянган тонн зэс үйлдвэрлэлийн тооцооллоос давсан үзүүлэлт боллоо. Ийнхүү нэмэгдэхэд АНУ-ын Юта муж дахь Кэннэкоттийн уурхай болон Чилийн Эскондида уурхайн үйлдвэрлэл нэмэгдсэн нь голлон нөлөөлжээ. Рио Тинто энэ онд 550-600 мянган тонн зэс олборлох бол 220-250 мянган тонн цэвэршүүлсэн зэс үйлдвэрлэнэ гэж төлөвлөжээ.

"Рио Тинто"-ийн зэс үйлдвэрлэл /мян.тн/

 

Олборлосон зэс

2018 оны 4-р улирал

(Өсөлт/бууралт %-иар, 2017 оны 4-р улиралтай харьцуулахад)

2018 оны хэмжээнд

(Өсөлт/бууралт %-иар, 2017 оныхтой харьцуулахад)

Кэннэкотт уурхай

58.3 (+67%)

203.9 (+37%)

Эскондида уурхай

79.7 (-14%)

350.4 (+29%)

Грасбэрг уурхай

25.9 (+353%)

25.9 (+353%)

Оюутолгой уурхай*

13.9 (-8%)

53.3 (+1%)

Цэвэршүүлсэн зэс үйлдвэрлэл

 

 

Кэннэкотт

64.6 (+193%)

194.7 (+55%)

Эскондида

21.6 (-6%)

80.0 (+12%)

*Уурхайн нийт үйлдвэрлэл биш бөгөөд "Рио Тинто"-ийн Оюутолгойд эзэмшдэг дүнгээр тооцож үйлдвэрлэлийн дүнг харуулсан дүн болно. "Рио Тинто" нь Оюутолгойд 33.52%-ийг шууд бусаар эзэмшдэг болно.

Эх сурвалж: Рио Тинто

 

Оюутолгой уурхайн зэсийн үйлдвэрлэл өнгөрсөн онд 2017 оныхтой харьцуулахад 1%-иар нэмэгдсэн байна. Хэдийгээр өнгөрсөн онд метал авалтын хувь нэмэгдсэн ч хатуулаг өндөртэй хүдэр таарч баяжуулах үйлдвэрт боловсруулах хүдрийн хэмжээ буурчээ. Мөн Засгийн газар болон "Оюутолгой" компани “Эрчим хүчний эх үүсвэрийн зохицуулалтын тухай гэрээ”-нд оны сүүлд үзэглэж, Тавантолгойн бүсэд 300 МВт-ын станц байгуулж, 2023 оны дундуур ашиглалтад оруулахаар тогтсоныг тайланд онцолжээ.

“Рио Тинто” компани өнгөрсөн онд Индонезийн Грасбэрг зэс, алтны уурхай болон өөрийн эзэмшлийн коксжих нүүрсний төслүүд болон бусад хөрөнгөө худалдсанаар 8.6 тэрбум ам.долларын /татварын өмнөх/ хөрөнгийн урсгалыг бүрдүүлж чаджээ. Энэ нь тус компанийн үр ашгаа нэмэгдүүлж, хувьцаа эзэмшигчдэд олгох ногдол ашгийг нэмэгдүүлэх бодлоготой бүрэн нийцсэн алхам болж байна.

 

Б.Төгс

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • Уржигдар 18 цаг 59 минутад
    Дорнод аймагт “Газрын тосны салбарын ажилтны өдөр” жил бүрийн тавдугаар сарын дөрөв дэх ням гарагт болдог. Энэ өдрийг тохиолдуулан Дорнод аймгийн удирдлагууд газрын тосны салбарын ажиллагсдад зориулсан уулзалт хэлэлцүүлгийг энэ сарын 23-нд анх удаа зохион байгууллаа. Дорнод аймагт үйл ажиллагаа явуулдаг “Петрочайна Дачин тамсаг” компанид өнгөрсөн сарын байдлаар 598 монгол ажилтан ажиллаж байна. Үүнээс Газрын тосны 19-р талбайд 294, 21 дүгээр талбайд 272, Улаанбаатар хот дахь оффист 32 хүн ажилладаг аж. Энэ удаагийн уулзалт хэлэлцүүлэгт 40 гаруй ажилчид оролцож тулгамдаж буй асуудлуудаа танилцуулсан юм. Тэд өөрсдийн ажиллаж, амьдарч буй орчин нөхцлөө сайжруулах хүсэлтэй гэдгээ  илэрхийлээд ажилчдын эрх ашгийг хамгаалах хууль хэрэгжихгүй байгаагаас Монгол ажилчдын эрх зөрчигдөх явдал гардагийг онцолж байв.
  • Уржигдар 18 цаг 56 минутад
    Сэлэнгэ аймгийн Мэргэжлийн хяналтын газраас 2019 оны эхний хагас жилийн байдлаар төлөвлөгөөт болон төлөвлөгөөт бус хяналт шалгалтыг уул уурхайн аж ахуйн нэгж, бичил уурхайгаар ашигт малтмал олборлохоор бэлтгэсэн иргэд, нөхөрлөлүүдэд хийж гүйцэтгэжээ.  Сэлэнгэ аймгийн Баянгол, Сайхан, Хүдэр сумдад ашигт малтмал олборлох үйл ажиллагаа явуулж байсан 7 аж ахуй нэгж нь Ашигт малтмалын тухай хууль, Байгаль орчинд нөлөөлөх байдлын үнэлгээний хуульд заасан зарим заалтыг зөрчин үйл ажиллагаа явуулж байсныг хяналт шалгалтаар илэрсэн  тул Зөрчлийн тухай хуулийн дагуу  54 сая төгрөгийн торгуулийн арга хэмжээг авч ажиллажээ.
  • Уржигдар 18 цаг 26 минутад
    Монгол Улсын Ерөнхийлөгч Х.Баттулга Дорноговь аймагт ажиллаж байна. Тэрбээр  Зүүнбаян дахь Зэвсэгт хүчний 336 дугаар ангийн бие бүрэлдэхүүнд хүндэтгэл үзүүлэв. Мөн энэ үеэр Монгол Улсын “Төрөөс төмөр замын тээврийн талаар баримтлах бодлого”-ын хүрээнд УИХ-ын 2010 оны 32 дугаар тогтоолоор батлагдсан Тавантолгой-Зүүнбаян чиглэлийн 414.6 км төмөр замын бүтээн байгуулалтын ажлын шав тавих ёслол Мандах сумын Сэрвэн баян хошуу багийн Бударын хөндийд боллоо. Энэхүү төслийн ззахиалагчаар “Монголын төмөр зам”ТӨХК ажиллах бол гүйцэтгэгчээр ул шорооны ажлыг Зэвсэгт хүчний жанжин штаб, дээд бүтцийн ажлыг “Улаанбаатар төмөр зам”ХНН ажиллана. Зүүнбаян-Тавантолгой чиглэлд зам байгуулснаар Зүүнбаян өртөөнд ачаа зөөх буулгах хоёр терминал, дөрвөн төмөр замыг нэмж барих юм.
  • Уржигдар 13 цаг 17 минутад
    Энэтхэг, Монголын Улсын эдийн засаг, худалдаа болоод хамтын ажиллагааны хүрээнд хэрэгжиж байгаа Газрын тос боловсруулах үйлдвэр байгуулах төсөл, Энэтхэг улсын нүүрсний зах зээл, өнөөгийн хөгжил, төрийн бодлого хэрэгжилт, гадаад худалдааны асуудлаар БНЭУ-аас Монгол Улсад суугаа Онц бөгөөд Бүрэн эрхт Элчин сайд Мохиндер Пратап Сингхтэй MMJ-ийн Э.Оджаргал ярилцлаа.  Юуны өмнө эрхэм Элчин сайд таныг Монгол Улсад ажиллах болсонд баяр хүргэе. Та өөрийн мэргэжил болоод дипломат алба­ны намтраа манай сэтгүүлийн уншигчдад танилцуулна уу? Би 30 гаруй жил дипломат алба хашихдаа Вьетнам, Тайланд, Куба, Канад, АНУ, Их Британи зэрэг улсад ажиллаж албан үүргийнхээ дагуу дэлхийн 100 гаруй оронд зочилжээ.
  • Уржигдар 10 цаг 14 минутад
    Газрын тосны салбарын эрдэмтэн судлаачид, мэргэжлийн байгууллагуудын дунд 25 дахь жилдээ зохион байгуулагдаж буй  “Oil and Gas-2019” (Газрын тос-2019) эрдэм шинжилгээ, онол практикийн хурал  энэ сарын 22-нд Шинжлэх ухаан технологийн их сургууль (ШУТИС)-ийн Төв номын сангийн хурлын танхимд боллоо. Энэ удаагийн хурал нь ШУТИС-ийн түүхт 60 жилийн ойн хүрээнд зохион байгуулагдсанаараа онцлог юм.  Хурлын эхэнд ШУТИС-ийн Газрын тосны инженерийн салбарын Зөвлөх профессор, доктор, профессор Ж.Цэвээнжав “Газрын тосны мэргэжлийн хүний нөөцийн сургалт, дадлагажилт, ажил эрхлэлт” сэдвээр илтгэлээ.  Монгол Улсын газрын тосны салбар 78 жилийн түүхэн замналтай. 1960 оноос газрын тосны мэргэжилтнүүд бэлтгэгдэж эхэлсэн бөгөөд нийтдээ 100 гаруй дээд, 450 орчим дунд мэргэжилтэн энэ хугацаанд төрөн гарчээ.