Б.Батхүү: Хөдөө аж ахуйн биржийн үйл ажиллагаа сайжирч, нэр хүнд нь өснө

2019-01-18 14:45



“Малын гаралтай түүхий эд, бүтээгдэхүүний нэмүү өртгийн сүлжээ, мөшгих тогтолцооны загвар арга хэмжээ”-ний явц байдлын талаар  ХХААХҮЯ-ны Хөнгөн үйлдвэрийн бодлогын хэрэгжилтийг зохицуулах газрын дарга Б.Батхүүгээс тодрууллаа.

Хүн амаа эрүүл, чанартай, аюулгүй махаар хангах бодлогыг хэрэгжүүлж эхэлсэн нь  маш чухал арга хэмжээ болж байна. Энэ талаар тодруулж хэлэх зүйл юу байна вэ?
Бэлчээрийн мал аж ахуй зонхилсон манай улс хүн амаа эрүүл, чанартай, аюулгүй махаар хангахаа баталгаажуулж эхэлсэн нь хүнсний аюулгүй байдлыг бий болгож, малын гаралтай бүтээгдэхүүнээс үүдэлтэй хүн амын дундах өвчлөл, эрсдэлт хүчин зүйл буурч, мах, арьс шир, ноос ноолуурын үнэ цэн өснө.

Манай улс 52 махны үйлдвэртэй. Махны үйлдвэрүүд жилдээ  хоёр сар л ажилладаг. Энэ хугацааг сунгаж, бүтэн жилээр ажиллуулдаг болгоно. Саяхан нийслэлийн ИТХ-аас Эмээлтийн  малын гаралтай түүхий эд боловсруулах үйлдвэрүүдийн үйл ажиллагааг зогсоосон. Маш бохир орчинд нядалгаа хийгдэж, чанар, стандартын баталгаагүй махыг нийслэлийн хүнсний захуудад нийлүүлдэг учраас ийм арга хэмжээ авсан байх.

Малын гарал үүслийн мэдээллийг  бар кодыг уншуулж мэдэх боломжтой болж байна. Ямар арга зарчмаар хэрэглэгчдэд эцсийн мэдээлэл ирэх вэ?
Энэ асуудлыг бүрэн шийдэх программ ажиллаж байна. Тухайн малын ээмгийг уншуулахад ирсэн мэдээлэл нь төв сервер рүү очиж, хэдийд тарилга хийгдсэн,  эрүүл үү, үгүй юу гэдгийг мэдэх боломжтой болно. Ингээд бар код уншигдангуут Өмнөговь аймгийн  тэр гэдэг  малчны мал тийм үйлдвэр дээр нядлагджээ гэсэн мэдээлэл гарч ирнэ. Малчин тариагаа хийхдээ эхлээд малын эмчдээ хэдний өдөр нядалгаа  хийгдэхийг  хэлэх ёстой.

Малын эмч сервер рүү очиж, нэмүү өртгийн бүх сүлжээ рүүгээ уншигдана. Ингээд л ямар мал  нядлах  нь тодорхой болж, малчин тэр гэдэг хүний хонинд эрүүл гэдгийг нотолсон гарал үүслийн тэмдэг тавиад, эндээсээ ээмэгтэй мал очиж байна шүү гэсэн мессежийг өгнө. Явцын дунд замын постууд дээр шалгалт хийгдэж,  стандарт хангасан махны үйлдвэр дээр нядалгаа хийгдэнэ. Арьс ширээ нядалгааны үед гэмтэлгүй авах нь хамгийн чухал. Ийм нөхцөлд  арьс ширний 70%-ийн гэмтэл 20% болж багасах юм. Бэлтгэгдсэн махыг аль болох богино хугацаанд худалдан авагчдад хүргэх ёстой. Гүн хөлдөөсөн байдлаар ч юм уу, хөргүүртэй тээврээр зөөвөрлөн байгууллагуудад хүргэх юм.

Ирэх оноос уул уурхайн компаниудад эрүүл, аюулгүй байдал хангасан мах нийлүүлэгдэх нь гэж ойлголоо?
“Оюутолгой” компанийн хувьд  махны нийлүүлэлтээ шийдэх гээд явж байна. Юутай ч  “Малын гаралтай түүхий эд, бүтээгдэхүүний нэмүү өртгийн сүлжээ, мөшгих тогтолцооны  загвар арга хэмжээ”-ний хэрэгжүүлэлтийн явцад олон алдаа гарч байгаа.  Энэ бүгдийгээ засч залруулаад 2019 оны нэгдүгээр сарын 1-нээс зөв зүйтэй хэрэгжүүлээд явах юм.  Нөгөө талдаа загвар арга хэмжээг хэрэгжүүлснээр Хөдөө аж ахуйн биржийн нэр хүнд аврагдаж, үйл ажиллагаа нь  сайжирна.  Бирж загвар арга хэмжээний зохицуулалтад орж ирснээр хариуцлагын тогтолцоо бий болно.



Гадаадын орнуудад ийм загвар арга хэмжээ амжилттай хэрэгжсэн туршлага хэр байдаг вэ. Тэр бүхнээс нэвтрүүлж байгаа тодорхой зүйлүүд байгаа юу?
Өндөр хөгжсөн  Япон зэрэг улсад ийм туршлага  хангалттай бий. Манай улсад одооноос л нэвтэрч байгаа  учраас анхаарах зүйлүүд их гарч байна.  Аж ахуйн нэгжүүд тус бүрдээ нэмүү өртгийн сүлжээ үүсгэх гэж оролдоод байдаг ч төрийн дэмжлэг заавал хэрэгтэй. Гэхдээ үүнийг аж ахуйн нэгжүүдэд дарамт үүсгэхгүй байдлаар  шийдэх нь зүйтэй. 

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 7 цаг 18 минутын өмнө
    Монголбанкны Ерөнхийлөгчийг үүрэгт ажлаас нь чөлөөлөх асуудал дан ганц Монгол Улс “Саарал жагсаалтад” орсонтой холбоотой бус бөгөөд арилжааны банк татан буугдсан, банк, санхүүгийн салбарт сахилга бат алдагдсан, Төв банкны үйл ажиллагааны тайлан хангалттай үнэлэгдээгүй зэрэг олон шалтгаантай гэлээ. Монголбанкны ерөнхийлөгчийн мэдээлэл, саналыг ҮАБЗ-ийн хуралдаанаар хэлэлцсэн гээд, цаашид эдийн засагт донсолгоо үүсэхээс сэргийлэхийн тулд УИХ-ын удирдлага, холбогдох байнгын хороод анхаарч ажиллах ёстой гэдгийг ч тэмдэглэлээ.
  • 8 цаг 49 минутын өмнө
    УИХ-ын чуулганы нэгдсэн хуралдаанаар Оюутолгой төслийн хөрөнгө оруулалтын гэрээ болон бусад гэрээг Монгол улсын хууль тогтоомжид нийцүүлэн сайжруулах тухай тогтоолын төслийг хэлэлцэн баталлаа. УИХ-ын Ажлын хэсгийн боловсруулсан “Оюутолгойн ордын ашиглалтад Монгол Улсын эрх ашгийг хангуулах тухай” уг тогтоолын төсөл батлагдсанаар "Рио Тинто"-той ширээний ард сууж хэлэлцээр хийх ажилд томоохон алхам боллоо. Уг батлагдсан тогтоолд найман чиглэлийг тусгасан бөгөөд төсөл дэх Засгийн газрын эзэмшлийг нэмэлт роялти руу шилжүүлэх хувилбарыг судлах асуудал орсон нь анхаарал татаж байна. Учир нь Засгийн газар төсөл дэх 34%-ийн эзэмшлээ зээлийн хөрөнгөөр санхүүжүүлж буй. Уг зээл нь 6.5% дээр нэмэх нь LIBOR нөхцөлтэй буюу бараг 10%-ийн хүүтэй учир 2041 он хүртэл Монголын тал эзэмшлийн хувиасаа ямар ч ногдол ашиг хүртэхгүй гэсэн судалгааг УИХ-ын Ажлын хэсэг танилцуулаад байгаа юм.
  • 12 цаг 51 минутын өмнө
    Ховд аймгийн www.khovdtimes.mn cайтын эрхлэгч Ж.САРУУЛ  “Хөгжлийн төлөө сэтгүүл зүй“ ТББ,   “Оюутолгой” ХХК,  Канадын Бритиш Колумбын их сургуулийн Сэтгүүл зүйн сургууль болон Global Reporting Centre, МУИС-ийн Сэтгүүл зүйн тэнхимийн дэмжлэгтэй   хамтран хэрэгжүүлж буй “ОРОН НУТГИЙН СЭТГҮҮЛЧДИЙН СҮЛЖЭЭ-2019” төслийн “Уул уурхайн салбарын эдийн засагт  үзүүлж буй нөлөөлөл” сэдэвт мэргэжлийн сэтгүүл зүйн сургалтад “ХӨШӨӨТИЙН УУРХАЙН ИЛ БА ДАЛД АСУУДЛЫГ ХӨНДӨХҮЙ” нийтлэлээр  амжилттай оролцон ГУРАВДУГААР  БАЙР хүртлээ.  
  • Өчигдөр 10 цаг 43 минутад
    “Хөгжлийн төлөө сэтгүүл зүй“ ТББ,   “Оюутолгой” ХХК,  Канадын Бритиш Колумбын их сургуулийн Сэтгүүл зүйн сургууль болон Global Reporting Centre, МУИС-ийн Сэтгүүл зүйн тэнхимийн дэмжлэгтэй   хамтран хэрэгжүүлж буй “ОРОН НУТГИЙН СЭТГҮҮЛЧДИЙН СҮЛЖЭЭ-2019” төслийн  “Уул уурхайн салбарын эдийн засагт  үзүүлж буй нөлөөлөл” сэдэвт мэргэжлийн сэтгүүл зүйн сургалтад “БИЧИЛ УУРХАЙ БИДЭНД ХЭРЭГТЭЙ БАЙНА”  нэвтрүүлгээр  амжилттай оролцон ХОЁРДУГААР  БАЙР хүртлээ. 
  • Уржигдар 14 цаг 28 минутад
    Монгол Улсын Ерөнхий сайдын 2015 оны нэгдүгээр сарын 23-ны өдрийн “Ажлын хэсэг байгуулах тухай” 27, 2015 оны дөрөвдүгээр сарын 13-ны өдрийн “Удирдамж батлах тухай” 94, 2015 оны дөрөвдүгээр сарын 16-ны өдрийн “Гарын үсэг зурах эрх олгох тухай” 99, 2015 оны тавдугаар сарын 15-ны өдрийн “Эрх олгох тухай” 123 дугаар захирамжуудыг тус тус гаргажээ.