Эрдсийн экспорт 6 тэрбум доллар давж дээд амжилт тогтоов

2019-01-16 11:08

Монгол улсын гадаад худалдааны нийт бараа эргэлт өнгөрсөн оны байдлаар 12.9 тэрбум ам.долларт хүрч өмнөх 2017 оныхтой харьцуулахад 22.3%-иар өссөн байна. Энэ дундаа нийт экспорт 7 тэрбум ам.доллар, импорт 5.9 тэрбум ам.доллартай тэнцлээ. Гадаад худалдааны нийт тэнцэл өнгөрсөн онд 1.1 тэрбум ам.долларын ашигтай гарсан ч өмнөх 2017 оны үзүүлэлттэй харьцуулахад 39%-иар буурсан дүнтэй гарлаа.

Эдийн засгийн үзүүлэлтүүд (сая ам.доллар)

 

2017

2018

Өөрчлөлт %-иар

Эрдсийн экспорт

4,933.7

6,070.3

23%

Гадаад худалдааны нийт эргэлт

10,537.9

12,886.8

22.3%

Экспорт

6,200.6

7,011.8

13.1%

Импорт

4,337.3

5,875

35.5%

Гадаад худалдааны тэнцэл

1,863.3

1,136.8

-39%

Эх сурвалж: ҮСХ

Эрдсийн экспортын тухайд 6 тэрбум 70 сая ам.долларт хүрч өмнөх оны мөн үеийнхээс 23%-иар өссөн байна. Энэ дундаа нийт нүүрсний экспорт 2.8 тэрбум ам.долларт хүрч өмнөх 2017 оны нийт дүнгээс 23.6%-иар нэмэгджээ.

Нүүрсний экспортын биет хэмжээний тухайд оны хэмжээнд 36.3 сая орчим тонныг гадагш нийлүүлсэн нь өмнөх оныхоос 8.6%-иар давсан байна. Ингэснээр Монгол улсын нүүрсний экспорт бас нэгэн дээд амжилт тогтоож байна.

Зэсийн баяжмалын тухайд оны хэмжээнд 1.437 сая орчим тонн бүтээгдэхүүн нийлүүлж 2 тэрбум ам.долларын орлого олсон нь өнгөрсөн 2017 оныхтой харьцуулахад биет хэмжээгээр 0.7%-иар буурсан бол үнийн дүнгээр 24.7%-иар нэмэгдсэн байна. Боловсруулсан цэвэр зэсийн хувьд мөн хугацаанд 13 орчим мянган тонн бүтээгдэхүүн экспортолж, 82.4 сая ам.долларын орлого олсон нь биет хэмжээгээр 17.2%-иар, орлогын тухайд 11.1%-иар тус тус буурсан байна.

Түүхий газрын тосны тухайд манай улс өнгөрсөн 2018 оны хэмжээнд нийтдээ 6.2 сая орчим баррель нефтийн экспорт хийсэн бөгөөд 392 сая орчим ам.долларын орлого олжээ. Энэ нь биет хэмжээгээр 17.6%-иар буурсан дүн боловч үнийн дүнгээр 4.8%-ийн өсөлтийг харууллаа.

Боловсруулаагүй буюу хагас боловсруулсан алтны экспорт өнгөрсөн онд 3.4 тоннд хүрч, орлогын дүнгээр 145 орчим сая ам.доллартай тэнцсэн нь өмнөх оныхоосоо 76%-иар буурсан байна. Гэхдээ Монголбанкны дүнгээр өнгөрсөн онд алт худалдан авалт нийтдээ 22 тоннд хүрч 2017 оныхоос 9.5%-иар өссөн байна.

Төмрийн хүдрийн экспортын тухайд оны хэмжээнд нийтдээ 7.45 сая тонн бүтээгдэхүүн гадагш нийлүүлж, 342 сая ам.доллар олсон нь биет хэмжээгээр 19%, орлогын дүнгээр 9.2%-иар тус тус өссөн байна.

Цайрын хүдэр, баяжмалын экспорт өнгөрсөн оны хэмжээнд 124 орчим мянган тоннд хүрч, 197.8 сая ам.долларын орлого олсон байна. Энэ нь жингээр 4.8%, орлогын дүнгээр 9.4%-иар тус тус өссөн байна.

Жоншны хүдэр, баяжмалын экспорт 2018 оны эцсийн байдлаар 555.2 мянган тоннд хүрсэн нь өмнөх оныхоосоо 73.9%-иар нэмэгдсэн байна. Харин орлогын хувьд 190 сая орчим ам.доллар олсон нь 2.3 дахин өссөн явдал боллоо.

Хар тугалганы хүдэр, баяжмалын экспорт оны хэмжээнд 23.15 мянган тоннд хүрч 57.4 сая ам.долларын орлого олсон нь жингээр 36.5%, үнийн дүнгээр 31.5%-иар тус тус өссөн болохыг илтгэв.

2018 оны хэмжээнд молибденийн баяжмалын экспорт биет хэмжээгээр 6 мянган тонн, орлогын дүн 50 орчим сая ам.доллартай тэнцжээ. Энэ нь жингээр 7.8%-иар буурсан бол үнийн дүнгээр 33.7%-иар нэмэгдсэн гэсэн үг.

Гянтболдын хүдэр, баяжмалын экспорт өнгөрсөн оны байдлаар 835.2 тоннд хүрч, 8.8 сая ам.долларын орлого олсон нь өмнөх 2017 оны дүнтэй харьцуулахад жингээр 17.8%-иар буурсан бол, үнийн дүн 9.2%-иар нэмэгджээ.

 


Б.Төгс

 

Сэтгэгдэл (1)

  • angela gonzalez
    Бүх зүйл сайн байна Ноён Iwaniuk dariusz намайг Ноён Iwaniuk dariusz хийсэн гэж хэлэхэд баяртай байна. Би түүнд 6000 € зээлийг асууж, тантай ярих үед таныг худал хэлэхгүй гэж би гэрчлэв. 6000 еврог миний дансанд оруулсныг олж мэдсэн юм. Энэ бол миний урьд өмнө алдсан баяр баясгаланг олох боломжийг надад олгосон энэхүү гайхамшигтай ноён надад гэрчилсэн энэхүү баяр баясгалан юм. Тиймээс хэрэгцээтэй байгаа хүмүүст цаашид ямар ч харагдахгүй, түүнтэй холбоо бариарай мэйл: iwaniukdariusz1234@gmail.com WIISAPP 0022 960 495 638
    2019 оны 05 сарын 23 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-05-29 14:56
    Монгол Улс Санхүүгийн хориг арга хэмжээ авах байгууллага (ФАТФ)-ын мөнгө угаах, терроризмыг санхүүжүүлэхтэй тэмцэх стратегийн дутагдалтай орнуудын жагсаалтад 2019 оны аравдугаар сард орсноор нийт 4 шууд хэрэгжилтийн зөвлөмж дээр 6 үүрэг даалгавар авсан. Монгол Улсын Засгийн газраас байгуулагдсан ажлын хэсэг, Үндэсний зөвлөл, Хамтын ажиллагааны зөвлөлийн гишүүн байгууллагууд, хувийн хэвшил болон мэргэжлийн холбоодын хамтарсан ажлын хэсгүүд ФАТФ-ын стратегийн дутагдалтай орнуудын жагсаалтаас гарах чиглэлээр эрчимтэй ажиллаж, төлөвлөгөөнд тусгасан ажлуудтай холбоотой тайланг ФАТФ-ын Ази, Номхон Далай бүс хариуцсан хамтарсан бүлэгт цаг тухайд нь хүргүүлж ажиллалаа.
  • 2020-05-25 13:53
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • 2020-05-25 13:52
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • 2020-05-25 13:00
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.