Баруун Австралиас литийн томоохон тоглогч төрнө

2019-01-04 18:41

Баруун Австралийн лити олборлолтын чиглэлийн компани Pilbara Minerals өөрийн уурхайн өргөтгөлд зориулж томоохон хөрөнгө босгож чадсан тухайгаа мэдэгдлээ. Энэ хүрээнд Хятадын хоёр ч томоохон компаниас нийтдээ 75 сая ам.долларын санхүүжилтийн багцыг босгож буй ажээ. Тодруулбал Хятадын Ganfeng Lithium компани 50 сая ам.доллар, The Great Wall Motor компани 25 сая ам.долларыг тус тус олгохоор тохиролцсон тухай өчигдөр албан ёсоор мэдэгджээ.

Энэхүү үйл явдал нь Pilbara Minerals компанийг цахилгаан машины зай хураагуурын гол түүхий эд болох литийн зах зээлд томоохон нийлүүлэгч болох суурийг тавьж байна.

Pilbara Minerals-ийн тухайд Баруун Австралийн Port Hedland боомтоос урагш 120 км-т орших Pilgangoora лити болон танталын уурхайг ажиллуулдаг бөгөөд өргөтгөлийн дараа үйлдвэрлэлийн хүчин чадлыг одоогийн 2 сая тонн хүдэр олборлолтоос даруй 5 сая тонн болгож нэмэгдүүлэх юм байна. Өөрөөр хэлбэл хоёрдугаар шатны өргөтгөлийн дараа 5 сая тонн хүдэр олборлож, 850 мянган тонн сподумений баяжмал үйлдвэрлэх ажээ. Сподумений баяжмал нь ойролцоогоор 6-7%-ийн лити агуулдаг байна.

Өргөтгөлийн шатыг 2020 оны эхний улирал гэхэд дуусгахаар тус компани төлөвлөжээ.

Хоёрдугаар шатны бүтээн байгуулалт нь нийтдээ 231 сая австрали долларын өртөгтэй бөгөөд үлдсэн хөрөнгийг бонд болон өөрийн хөрөнгөөр санхүүжүүлэх юм байна.  

Хоёрдугаар шат дууссаны дараагаар уурхайг 6.2-7 сая тонн хүдэр олборлолтын хүчин чадалтай болгож өргөжүүлэхээр төлөвлөж буйгаа компанийн төлөөлөл мөн онцоллоо. Уурхайн хувьд нийтдээ 226 сая тонн хүдрийн нөөцтэй бөгөөд хүдэрт 2.86 сая тонн литийн оксид, 57.7 сая фунт танталит агуулагдаж буй ажээ.  

Австрали улсын хувьд лити олборлолтоор дэлхийд тэргүүлдэг. Цахилгаан машины үйлдвэрлэл тэлэхийн хэрээр үйлдвэрлэлээ нэмэгдүүлэхээр чармайж буйн тод илрэл нь энэхүү уурхайн өргөтгөл болж байна. Харин нөгөө талд цахилгаан машины томоохон үйлдвэрлэгч Хятад улс түүхий эдийн нийлүүлэлтийн найдвартай байдлыг хангахаар хэрхэн ажиллаж буй нь илэрхий байна. Pilbara Minerals-ийн тухайд зөвхөн Great Wall Motor, Ganfeng Lithium төдийгүй мөн Солонгосны Posco, Хятадын өөр нэг томоохон компани болох General Lithium-тэй урт хугацаанд бүтээгдэхүүн нийлүүлэх гэрээ байгуулаад амжжээ.

Санхүүжилт босгох тухай мэдээлэл цацагдмагц өчигдөр Австралийн хөрөнгийн бирж дээр Pilbara Minerals-ийн хувьцааны үнэ 17%-иар өсч 0.73 австрали цент болжээ. 



Б.Төгс

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-02-21 17:01
    Хятад болон Ази тивийн бусад оронд коронавирусын тархалт нэмэгдэж буйн улмаас дэлхийн зах зээл дэх алтны ханш 1631 ам.доллар болж өсчээ. Энэ нь сүүлийн 7 жилийн дээд түвшинд тооцогдож байна. Хоёрдугаар сарын 14-нд зах зээл дэх алтны үнэ 1577 ам.доллар/унц байсан юм. Коронавирусын дэгдэлтийн улмаас эдийн засагт үүсэх нөлөөллийг арилгах зорилгоор Хятад улс мөнгөний зөөлөн бодлого явуулах болсон ч алтны ханш үргэлжлэн өссөөр байна. Энэ долоо хоногийн пүрэв гаригт Хятадын Ардын банк бодлогын хүүгээ бууруулах шийдвэр гаргасан юм.  
  • 2020-02-21 13:59
    “Эрдэнэс Монгол” ХХК нь нүүрсний давхаргын метан хийн нөөцийг тогтоож, эрчим хүчний цэвэр эх үүсгүүр болгон эдийн засгийн эргэлтэд оруулах зорилготой метан хийн төслийг хэрэгжүүлэхээр Австралийн “Жэйд Метан” ХХК-тай хамтарсан компани байгуулсан. 2019 оны тавдугаар сард талууд метан хийн төслийн хөрөнгө оруулалтын гэрээнд гарын үсэг зурж, үйл ажиллагаагаа явуулснаар улсын төсвөөс нэг ч төгрөг гаргалгүйгээр уг төслийг хэрэгжүүлж эхэлсэн юм. “Эрдэнэс Метан” ХХК нь Хамтын ажиллагааны гэрээний дагуу өөрсдийн эрлийн ажлын үр дүнгийн мэдээлэл болох 8 цооногийн өрөмдлөгийн мэдээлэл, геологийн бичиглэл, геофизикийн хэмжилтийн өгөгдөл, бүх дээжинд хийсэн нүүрсний чанарын шинжилгээний үр дүн зэргийг “Эрдэнэс Монгол” ХК-д хүлээлгэн өгчээ.
  • 2020-02-21 13:46
    “Эрдэнэс Монгол” ХХК-ийн дэргэдэх нэгдлийн зөвлөлийн ээлжит хурал (2020.02.14)  болж, охин болон хараат компаниудын өнөөгийн байдал, тулгамдаж буй асуудлуудыг хэлэлцсэн юм. Тус компанийн Гүйцэтгэх захирал П.Ганхүү “Салхитын мөнгө, алтны ордыг эдийн засгийн эргэлтэд оруулж олсон орлогоос төрд ногдох өгөөжийг барьцаалан үнэт цаас гаргах замаар иргэний тэтгэвэр барьцаалсан зээлийн тодорхой хэсгийг төлөхөөр хуульчилсан. Энэхүү хуулийг дагаж мөрдөх хуулийн дагуу 3 тогтоол, нэг журам гаргасан. “Эрдэнэс  бонд” гаргах ажлыг удирдан зохион байгуулж байна” хэмээн тодотгосон. Энэхүү бондыг санхүүгийн зах зээл дээр хаалттай хүрээнд гаргахаар төлөвлөсөн  бөгөөд бондоос босгосон хөрөнгөөр 228 мянган иргэний тэтгэврийн зээлийн  6 хүртэлх сая төгрөгийг тэглэх юм.  
  • 2020-02-21 13:21
    2020 оны хоёрдугаар сараас Орос улс төмөр замаар Казахстаны нутгаар дамжин Хятад руу нүүрс экспортлох талаар Москва, Нур-Султан хэлэлцэж байна. Тус хэлэлцээрээр талууд төмөр замын тээврийн тарифыг 65%-иар хөнгөлөх асуудлыг хэлэлцэж буй. Экспортын шинэ чиглэл нь Оросын “Кузбасс” компанийн нүүрсний Хятад руу нийлүүлэлтийг өргөжүүлж, Алс Дорнодын чиглэлийг нүүрсний төмөр замын тээврийг ачааллын дарамтыг бууруулна гэж үзэж байгаа юм. Казахстан улсын хувьд төмөр замын транзит тээврийг нэмэгдүүлэх сонирхолтой байна. Орос нь Хятадын зах зээлд нүүрсний нийлүүлэлтээр Австрали, Индонезийн дараагаар гуравдугаарт орохоор эрмэлзэж байгаа юм. Тус улс нь ирэх 10 жилд Хятад рүү экспортлох нүүрсний хэмжээгээ жилд 55 сая тоннд хүргэх зорилттой.
  • 2020-02-21 12:25
    Үндэсний статистикийн хорооны мэдээллээр, 2020 оны эхний сарын байдлаар гадаад худалдааны нийт эргэлт 932 сая ам.долларт хүрсний дотор экспорт 459 сая ам.доллар, импорт 473 сая ам.доллартай тэнцлээ. Өнгөрсөн оны мөн үетэй харьцуулахад нийт бараа эргэлт 16.1%-иар, экспорт 24.4%-иар, импорт 6.1%-иар тус тус буурсан байна. Гадаад худалдааны тэнцэл энэ оны нэгдүгээр сард 14.3 сая ам.долларын алдагдалтай гарлаа. Өнгөрсөн оны мөн үед 103.3 сая ам.долларын ашигтай гарч байжээ. Энэ онд гадаад худалдаа ашиггүй гарсан нь экспорт өмнөх оны мөн үеэс 148 сая ам.доллараар буурсантай холбоотой. Тодруулбал, өнгөрсөн нэгдүгээр сард алтны экспорт огт хийгдээгүйн зэрэгцээ зэсийн баяжмалын нийлүүлэлт 43.2 сая ам.доллараар буурсан нь голлон нөлөөлсөн байна.