Хятад гангийн томоохон үйлдвэрүүдээ нүүлгэн шилжүүлж байна

2018-12-27 13:12
Хятадын төмөрлөгийн томоохон үйлдвэрлэгч “Tangshan Stainless Steel” компани нь Таншан хот дахь үйлдвэрийн хуучин байгууламжаа хаахаар төлөвлөжээ. Тэгэхдээ Хэбэй мужийн Цаофэйдянь боомтын ойролцоо нүүлгэж, үйлдвэрээ шинэчлэн байгуулах юм байна. Үйлдвэрийн шинэ барилгын ажил 2019 оны гуравдугаар сард эхлэх бөгөөд 2020 онд ашиглалтад орох ажээ. Шинэ үйлдвэрт ган хайлуулах 2400 шоо метр багтаамжтай зуух, 120 тоннын хүчин чадалтай конвертер суурилуулна. Таншан дахь хуучин үйлдвэр нь жилд 1.69 сая тонн ган хайлуулах хүчин чадалтай. 

Агаарын бохирдолтой тэмцэх үүднээс хүнд аж үйлдвэрийн илүүдэл хүчин чадлыг танах, хуучирсан үйлдвэрлэлийг бууруулах БНХАУ-ын төрийн бодлоготой холбогдуулан “Tangshan Stainless Steel” компани Таншан дахь үйлдвэрээ нүүлгэн шилжүүлж байгаа юм. 

Хятадын төрийн уг бодлогын хүрээнд, мөн томоохон үйлдвэрлэгч “China Baowu Group” нь жилд 20 сая тонн ган боловсруулах үйлдвэр байгуулах төслийг шинээр хэрэгжүүлэх гэж байна. Шинэ үйлдвэрийг Жянсү мужийн Янчен хотод байгуулах аж. Уг үйлдвэрийн эхний шатны 8-10 сая тоннын хүчин чадалтай байгууламжийн бүтээн байгуулалтыг 2019 онд эхлүүлж, гурван жилийн хугацаанд багтаан ашиглалт оруулах зорилготой гэдгээ “China Baowu Group”-ийн зүгээс мэдэгджээ. Эхний шатны бүтээн байгуулалтад 50 тэрбум юань буюу 7.2 тэрбум ам.долларын хөрөнгө оруулалт хийх гэнэ. 

Шинээр хэрэгжүүлэх төслийн хүрээнд далайн боомт, кокс-химийн үйлдвэр болоод ган хайлуулах үйлдвэрүүдийг байгуулах юм байна. Энэхүү үйлдвэрийг ашиглалтад оруулсны дараагаар “China Baowu Group” нь тус мужийн Нанкин хот дахь гангийн хуучин үйлдвэрээ хаахаар төлөвлөжээ.

Э.Од
         
         

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 6 цаг 43 минутын өмнө
    Сүхбаатар аймгийн төсөвт 2018 онд нийт 3.2 тэрбум төгрөг төвлөрснөөс 1.8 тэрбумыг уул уурхайн татварын орлого бүрдүүлсэн байна. Өнөөгийн байдлаар аймгийн хэмжээнд ашигт малтмалын ашиглалтын тусгай зөвшөөрөлтэй 28 компани бий. Тус компаниуд орон нутагт төлөх ёстой татвараа хуулийн хүрээнд төвлөрүүлж буй бөгөөд уул уурхайн татварын орлого жил ирэх бүр өсөлттэй байгааг Сүхбаатар аймгийн Татварын газраас мэдээллээ. Цаашид уул уурхайн үйл ажиллагаа явуулдаг компаниудыг аймагт бүртгэлтэй болох саналыг орон нутгийн зүгээс тавьж байна.
  • 2019-08-16 11:18
    Нийт экспортын дийлэнх хэсгийг бүрдүүлдэг эрдсийн экспорт оны эхний долоон сард 3833.8 сая ам.долларт хүрсэн нь өнгөрсөн оны мөн үетэй харьцуулахад 9.5%-иар өссөн дүн боллоо. Эрдсийн экспорт дундаа нүүрсний экспортын дүн 1.79 тэрбум ам.долларыг эзэлж байна. Энэ нь өнгөрсөн оны мөн үеийнхтэй харьцуулбал орлогын дүн 10.6%-иар нэмэгдсэн гэсэн үг. Оны эхний долоон сарын байдлаар нүүрсний экспортын биет жин 20.9 сая тоннд хүрсэн нь өмнөх оны мөн үеийн түвшинд хадгалагдсан дүнтэй гарч байна.
  • 2019-08-15 12:49
    Монголбанк 2019 оны эхний 7 сард 7.5 тн алт худалдан авсан нь өмнөх оны мөн үед 9.3 тн үнэт металл худалдан авснаас 1.8 тонноор бага буюу 19%-иар буурсан үзүүлэлттэй байна. Монголбанк 2019 оны 7 дугаар сард 1.5 тн алт худалдсан авсан ба үүнээс Дархан-Уул аймаг дахь Монголбанкны хэлтэс 134 кг үнэт металл, Баянхонгор аймаг дахь Монголбанкны салбар 106 кг үнэт металлыг худалдаж авсан нь өмнөх оны мөн үед 2.2 тн үнэт металл худалдан авч байснаас 649 кг-аар буурсан үзүүлэлттэй байна.
  • 2019-08-15 12:46
    Засгийн газраас “Монголросцветмет” ТӨҮГ-ын мэдэлд байсан Асгатын мөнгөний ордыг “Эрдэнэс Монгол” ХХК-д шилжүүлсний дагуу өнгөрсөн зургаадугаар сард Ашигт малтмал, газрын тосны газраас уг ордын ашиглалтын дөрвөн тусгай зөвшөөрлийг шилжүүлсэн юм. Тэгвэл “Эрдэнэс Монгол” ХХК-ийн төлөөлөл Ашигт малтмал, газрын тосны газар болон Онцгой байдлын ерөнхий газрын алба хаагчидтай хамтран Асгатын мөнгөний ордын өнөөгийн нөхцөл байдалтай танилцаж, уг ордыг эдийн засгийн эргэлтэд оруулах боломжийг судлахаар ажиллав. Тэд ордоос технологийн дээж авах, замын нөхцөл байдал, уурхайн хэвтээ амуудад нэвтрэх боломжийг судаллаа.
  • 2019-08-14 15:13
    Ерөнхий сайд У.Хүрэлсүх энэ сарын 12-ны өдөр  шуурхай хуралдаан зарлаж, Уул уурхайн сайд Д.Сумъяабазар, Байгаль орчин, аялал жуулчлалын сайд Н.Цэрэнбат, Тагнуулын ерөнхий газрын дарга Д.Гэрэл, ЦЕГ-ын дарга С.Баатаржав, МХЕГ-ын дарга Н.Цагаанхүү, Ашигт малтмал, газрын тосны газрын дарга Х.Хэрлэн болон бусад холбогдох албаны хүмүүстэй Өмнөговь аймаг дахь Гурван тэс сумын Тост, Тосон бумбын нуруунд үйл ажиллагаа явуулж буй “Сауд гоби коэл транс”-ХХК-ий тусгай зөвшөөрлийг цуцлах үүрэг өгсөн юм.