“Уурхайчин эмэгтэйчүүд” гэрэл зургийн үзэсгэлэнг нээлээ

2018-12-21 11:30

Уул уурхайн салбар үүсэн байгуулагдсаны 96 жилийн ойн өдрийг тохиолдуулан Австралийн Элчин сайдын яам “Уул уурхай дахь эмэгтэйчүүд” олон улсын байгууллагатай хамтран “Уурхайчин эмэгтэйчүүд” гэрэл зургийн үзэсгэлэнгийн нээлтийг  өнөөдөр  анх удаа Ашигт малтмал, газрын тосны газар дээр нээлээ. Үзэсгэлэнгийн нээлтэд Австрали улсаас Монгол Улсад суугаа Элчин сайд Жон Лантри оролцож үг хэлсэн юм. Тэрээр, энэ үзэсгэлэнгээр дамжуулан дэлхийн өнцөг булан бүрт эрчүүдтэй мөр зэрэгцэн ажиллаж буй уурхайчин эмэгтэйчүүдийн түүхийг өгүүлнэ. Уул уурхайн салбарт  ажиллаж байгаа эмэгтэйчүүд хэл соёлоороо хоорондоо ялгаатай ч тэдний хүсэл тэмүүлэл, хүч чадал, тууштай зан чанарыг зургуудад шингээн хөндөж харуулахыг зорилоо” хэмээн онцоллоо.

Элчин сайд, ноён Жон Лантри уг үзэсгэлэнг зохион байгуулах санаачилгыг гаргаж, Австралийн Элчин сайдын яамнаас ивээн тэтгэжээ. АМГТГ-т нээлтээ хийсний дараа “Уурхайчин эмэгтэйчүүд” зургийн үзэсгэлэнг Монгол Улс даяар тойрон аялуулж, олны хүрээл болгохоор төлөвлөж байгаа аж.

Австралийн Засгийн газар нь жендэрийн тэгш байдлыг хангах, охид эмэгтэйчүүдийн нийгмийн боловсролыг дэмжин ажилладаг аж. Монгол Улс жендэрийн тэгш бус байдлаар дэлхийд 159 орноос 53-т жагсдаг хэдий ч олон Монгол эмэгтэйчүүдийн хувьд хөдөлмөр эрхлэх, ажилд орох боломж нөхцлүүд хязгаарлагдмал хэвээр байна” гэж Дэлхийн банкны шинэ судалгаанд цохон тэмдэглэжээ.

“Уул уурхай дахь эмэгтэйчүүд” олон улсын байгууллагын хийсэн судалгаагаар уул уурхайн салбарын ажиллах хүчний ердөө 5-20%, Удирдах зөвлөлийн бүрэлдэхүүний 7%  нь эмэгтэйчүүд байна. Жендэрийн тэгш байдал нь нийгмийн тэгш байдлыг нэмэгдүүлэх, бүтээмжийг ихэсгэх, улс орны эдийн засгийг сэргээхэд томоохон нөлөө үзүүлдэг байна. Иймд уул уурхайн салбар эмэгтэйчүүдийн оролцоог дэмжсэнээр хүйсийн хэвшмэл хандлагыг өөрчилж, энэ салбарт илүү олон эмэгтэйг татах боломжтой.

Үзэсгэлэнд тавигдсан бүтээлүүд нь “Уул уурхай дахь эмэгтэйчүүд” олон улсын байгууллагын зохион байгуулсан “Үр дагавар ба нөлөө” фото зургийн уралдаанд ирүүлсэн “Урам зориг бадраасан түүхүүд” нэртэй бүтээлүүд юм.  Идэвхгүй галт уулын хөндийд орших цагаан тугалгын уурхайд ажиллаж буй уурхайчин эмэгтэйчүүдээс эхлүүлэн мэдээлэл технологийн системийн ажлыг хүртэл гүйцэтгэдэг цахилгаанчин, инженер, дизайнер болон амьтан судлаач зэрэг мэргэжлийн эмэгтэйчүүдийн олон янзын туршлага, салбартаа үзүүлж буй нөлөөллийг харуулжээ.

“Уул уурхай дахь эмэгтэйчүүд” ТББ-ын Удирдах зөвлөлийн дарга Н.Түмэнбаяр “Манай байгууллага 2014 оноос хойш үйл ажиллагаа явуулж байна. Ийм үзэсгэлэнг 2016 оноос эхлэн дэлхий даяар зохион байгуулж, эдгээрээс  шалгарсан шилдэг бүтээлүүд нь Монголд ирээд байгаа нь энэ. Тус байгууллага нь бие даасан болон гишүүн байгууллагуудаараа дамжуулан уул уурхай дахь эмэгтэйчүүдийн асуудлаар тогтмол судалгаа хийдэг аж. Энэхүү судалгаанаас харахад, манай улсын уул уурхайн олборлох салбарын эмэгтэйчүүдийн оролцоо, үүрэг нь дэлхийд нэлээд өндөр, Өмнөд Африкийн ард ордог байна. Энэ нь өмчлөх, эзэмших, шийдвэр гаргах зэрэг оролцооны түвшнээр хэмжигддэг судалгаа аж. Өмнөд Африк бол Монголтой харьцуулахад уул уурхайн үйлдвэрлэл нь гуравдагч үе рүүгээ оржээ. Энэ утгаараа тус улсын уул уурхай дахь эмэгтэйчүүдийн оролцоо ч  монголчуудад туршлага болохуйц сонирхолтой байдаг байна.  

Г.Идэр

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • Уржигдар 18 цаг 54 минутад
    Үндэсний статистикийн хорооны мэдээллээр, энэ оны эхний арван сарын байдлаар манай улсын гадаад худалдааны нийт бараа эргэлт 11.6 тэрбум ам.долларт хүрч 7.1%-иар өсчээ. Үүнд экспорт 6.5 тэрбум ам.доллар, импорт 5.1 тэрбум ам.долларыг эзэлсэн нь өнгөрсөн оны мөн үеийнхтэй харьцуулахад экспорт 9.8%, импорт 3.9%-иар тус тус өслөө. Гадаад худалдааны тэнцэл 1.5 тэрбум ам.долларын ашигтай гарч өнгөрсөн оны мөн үеийнхээс 394.9 сая ам.доллараар нэмэгджээ.
  • Уржигдар 13 цаг 32 минутад
    Зэсийн үнэ АНУ-Хятадын худалдааны дайны асуудал нааштайгаар шийдэгдэж магадгүй гэсэн үүднээс энэ сарын эхний долоо хоногт  өсөлттэй байсан бол өнгөрч буй долоо хоногт эргээд буурах шинжтэй болж ирлээ. Энэ нь АНУ-ын Ерөнхийлөгч Доналд Трампын мэдэгдэлтэй шууд холбоотой юм. Тэрбээр хэрэв худалдааны асуудлыг цэгцлэх эхний шатны яриа хэлэлцээр амжилтгүй болбол Хятадын бараанд хавьгүй их татварыг ногдуулах болно гэдгийг мэдэгдсэн юм. Энэ нь зах зээлд худалдааны дайны асуудал тооцоолж байсан шиг нааштай биш болохыг харуулсан юм. Уг нь эхний шатны яриа хэлэлцээрт талууд Чилид болох APEC-ийн чуулганы үеэр гарын үсэг зурах байсан боловч хурал цуцлагдсан билээ. Одоо гэрээг үзэглэх шинэ газрыг зарлах үлдээд байгаа юм.
  • Уржигдар 11 цаг 29 минутад
    МАН эрдсийн экспортын өсөлтөөр нөхцөлдсөн боломжийг алдахыг хүссэнгүй. Энэ удаагийн төсвийг “сонгуулийн жилийн төсөв” гэж тодотгож болно. Эдийн засагчдын тооцоолж байсанчлан энэ төсөв сонгуулийн жилийг угтсан, зардал өндөртэй халгисан төсөв болсонд гайхах зүйлгүй.  Сонгууль дөхөөд сэтгэл хөдлөлдөө автуузай, төсвийн сахилга батыг бүү сулруулаарай хэмээн ОУВС эрх баригчдад анхааруулсаар ирсэн ч Сангийн сайд ирэх оны төсвийн орлогыг өөдрөг төсөөллөөр төсвийн зардлын хэт өсөлтийг эвтэйхэн тусгаж өгчээ. Өөрөөр хэлбэл төсвийн алдагдлыг хуулийн хүрээнд тогтоосон тул бүх зүйл гаднаасаа сайхан харагдана. 
  • 2019-11-14 11:27
    Нэгдсэн төсвийн нийт тэнцвэржүүлсэн орлого, нийт зарлага, төсвийн тэнцэл зэрэг эдийн засгийн үндсэн үзүүлэлтийг Засгийн газрын өргөн мэдүүлсэнд өөрчлөлт оруулалгүйгээр баталлаа. Нийт тэнцвэржүүлсэн орлогыг 11 их наяд 797 тэрбум 840 сая төгрөг буюу ДНБ-ий 29%, нийт зарлагыг 13 их наяд 872 тэрбум 581.7 сая төгрөг буюу ДНБ-ий 34.1%, нэгдсэн төсвийн нийт тэнцвэржүүлсэн тэнцлийн алдагдлыг 2 их наяд 74 тэрбум 741.7 сая төгрөг буюу ДНБ-ий 5.1%-тай тэнцүү байхаар тооцжээ.
  • 2019-11-13 17:11
    2019 оны эхний арван сарын байдлаар Хятад улс 276.24 сая тонн нүүрс импортолсон  нь өмнөх оны мөн үеийнхээс 9.6%-иар нэмэгдсэн байна. Энэ нь өнгөрсөн онд тус улс нийт 281 сая тонн нүүрс импортолсон хэмжээнд тун ойртсон дүн болохыг тус улсын Гаалийн ерөнхий газар мэдээлжээ. Сарын дүнгээр авч үзвэл, аравдугаар сард 25.68 сая тонн нүүрс импортолсон нь өнгөрсөн оны мөн үеийнхээс 11%-иар өссөн ч өмнөх есдүгээр сарынхаас 15%-иар буурлаа. Шалтгаан нь аравдугаар сарын эхээр болсон Хятадын үндэсний баяртай холбоотойгоор импортын эрчим суларсан гэж зах зээл шинжээчид тайлбарлаж байна.