“Өрөмдлөг-2018”: Шинэ технологиудыг танилцуулав

2018-12-20 14:58



Жил бүр уламжлал болон зохион байгуулагддаг өрөмдлөгийн эрдэм шинжилгээ, онол-практикийн бага хурал ирэх жил  тохиох ШУТИС-ийн 60,  геологийн салбар үүсч хөгжсөний   80, энэ онд зохион байгуулагдсан усны аж ахуйн 80 болон  өрөмдлөгийн  “Эрдэнэдрийлинг” компанийн   15 жилийн ойн хүрээнд боллоо. “Өрөмдлөг-2018” олон улсын эрдэм шинжилгээний ХХ бага хурлыг энэ жил  Монгол Улсын Өрөмдлөгийн холбоо, ШУТИС-ийн Геологи, уул уурхайн сургууль, ”Эрдэнэдрийлинг” ХХК  хамтран арванхоёрдугаар сарын 19-нд “Корпорейт конвеншн” төвд зохион байгуулсан юм.

Хурлын үйл ажиллагааг нээж ШУТИС-ийн ГУУС-ийн захирал, доктор, дэд профессор Л.Пүрэв, МУӨХ-ны Гүйцэтгэх захирал, техникийн ухааны доктор (Рh.D),  профессор Ж.Цэвээнжав нар үг хэллээ.  Хурлын эхэнд Гүйцэтгэх захирал Ж.Цэвээнжав  “Бидний хамтран зүтгэгчид” сэдвээр сонирхолтой илтгэл тавьж, бага хуралд оролцогчдын асуултад хариулав. Тэрээр, өрөмдлөг нь геологи-хайгуулын, усны аж ахуйн, уул уурхайн, газрын тосны зэрэг бүхэлдээ эрдэс баялгийн салбарт хамгийн өргөн хэрэглэгдэхээс гадна барилга зам, эрчим хүч, ахуй болон анагаахын зориулалтаар ч өргөн хэрэглэгддэг, эрэлт ихтэй үйлчилгээ (service-служба), үйлдвэрлэл юм “хэмээн тодотгосон.

Энэ  удаагийн бага хурал өрөмдлөгийн мэргэжил, шинжлэх ухааныг хөгжүүлэх, хүний нөөцийг бэлтгэх их үйлст ихээхэн хувь нэмэр  оруулсан доктор, профессор, өрмийн зөвлөх инженер Л.Төвхөө, шинжлэх ухааны доктор, профессор, туйл судлаач, онц бөгөөд бүрэн эрхэт элчин сайд  Л.Дүгэржав, өрмийн магистр багш, усны зөвлөх инженер Д.Ганлхагва нарын хөдөлмөр алдрыг тэмдэглэж, хойч үедээ таниулахад чиглэсэн гэдгийг  мөн  Ж.Цэвээнжав профессор онцолж байсан.
“Өрөмдлөг-2018”  хурлын эхний хэсэгт тус холбооны үйл ажиллагааны замнал, өнөө ба цаашдын хандлага сэдвээр  танилцуулга хийж,  шинээр элссэн гишүүн байгууллагуудын гэрчилгээ гардуулалт зэрэг үйл ажиллагаагаар өрнөв. 
Монгол Улсын өрөмдлөгийн холбоо нь зөвхөн мэргэжлийн, тогтвортой, сургалт-судалгаа, мэдээлэл, соён гэгээрүүлэх,  үлгэрлэн манлайлах чиглэлд үйл ажиллагаагаа хандуулж ирснийг тус холбооны удирдлагууд товч танилцуулгадаа дурдлаа.  

“Корпорейт конвеншн” төвийн  “Улаанбаатар танхим”-д мөн  “Хайгуулын өрөмдлөг” сэдэвт хэлэлцүүлэг болж,  энэ хэсэгт “International drilling Mongolia” ХХК-ийн захирал, өрмийн мэргэшсэн инженер Ц.Банзрагч “Хайгуулын өрөмдлөгийн стандарт боловсруулах, батлуулах нэвтрүүлэх асуудал”, доктор, профессор Л.Төвхөө нарын “Эрдэнэтийн Овоо” ордын чулуулгийн өрөмдөгдөх чанарын судалгаа, үр дүн, зөвлөмж”, “Эрдэнэдрийлинг” ХХК-ийн төлөөлөл Б.Нарангэрэл “Өрөмдлөгийн цооног төлөвлөх, явцын хяналт хийх, чиглэлийг удирдах боломж” зэрэг сэдэвт илтгэл тавьсан юм.

Өрөмдлөг нь газрын гүний ашигт малтмалыг эрж хайх, судлах, олборлож ашиглах үндсэн аргуудын нэг. Өнөө үед дэлхий нийтээрээ газрын гүнд орших газрын тос, байгалийн хий, уран, занар, нүүрс зэрэг ашигт малтмалуудын эрэл хайгуул ашиглалт олборлолтын үед хэвтээ болон чиглэлтэй өрөмдлөгийн хэрэгцээ шаардлага өсөн нэмэгдэж байгааг хуралд оролцогчид онцолсон. Ялангуяа хэвтээ өрөмдлөгийн техник технологийн судалгаа шинжилгээний ажил нэлээд өргөн цар хүрээтэй хийгдэж байгаа аж.

Монгол улс нүүрсний арвин их нөөцтэй. Сүүлийн жилүүдэд нүүрсний давхаргын метан хийг ашиглах талаар багагүй судалгаа хийгдэж байгаа бөгөөд метан хийг хэвтээ цооногоор олборлох нь эдийн засгийн, экологийн хувьд үр ашигтай болжээ. 

Хэвтээ өрөмдлөг нь нэг үндсэн цооногоос салаалж, олон мөргөцөгтэй болгох, цооногийн чиглэлийг дурын чиглэлд өөрчлөх зэрэг давуу талуудтайгаас гадна ашигт үе давхаргын өгөлтийг нэмэгдүүлэх, геологийн хүнд тогтоцтой орд газрыг нээж ашиглах зэрэгт чухал ач холбогдолтой болж буй юм.

ШУТИС-ийн Геологи, уул уурхайн сургуулийн магистр Б.Мөнх-Эрдэнийн   “Өрөмдлөгийн технологийн үзүүлэлтүүдийг мэдээлэх, дамжуулах программ хангамж нэвтрүүлэх судалгаа” сэдэвт  илтгэл бага хуралд оролцогчдын анхаарлыг ихээхэн татлаа.  Монгол орны ихэнх бүс нутагт цахим сүлжээ нэвтэрсэн өнөө цаг үед МDМТ төхөөрөмж болон үүнтэй ижил төрлийн төхөөрөмжүүдийг өрөмдлөгт нэвтрүүлэх нь өрөмдлөгийн мэдээллийг цаг алдалгүй шуурхай хянах, хадгалах, солилцох олон давуу талтай гэдгийг тэрээр илтгэлдээ дурдсан. 

МDМТ төхөөрөмжийн программ хангамж нь өрөмдлөгийн бодит мэдээллийн өгөгдөлд ашиглагддаг байна. Тухайн цаг хугацаанд алсын удирдлагын багаж хэрэгслээр өрөмдлөгийн технологийн үзүүлэлтүүдийг харах боломж олгосноор МDМТ төхөөрөмж нь тухайн төсөлд оновчтой зохицуулалт хийх боломжийг олгодог ажээ.


Тус хурал  нь  “Усны өрөмдлөг” сэдвээр үргэлжилсэн  бөгөөд нэгдсэн хуралдаанд “Sandvik Mongolia” компанийн Гүйцэтгэх захирал Жон Оберг, “Epiroc Mongolia” компанийг төлөөлөн Андерс Берглинд зэрэг олон улсын өрөмлөгийн компанийн удирдлагууд сонирхолтой мэдээлэл хийлээ. 

Дашрамд дурьдахад, 1990-ээд оноос төрийн бус байгууллага, түүний дотор мэргэжлийн ТББ-ын үүрэг, ач холбогдол шинээр бий болж, өсөн нэмэгдсэн он жилүүдэд буюу 1996 онд Монголын Өрөмдлөгийн холбоо анх байгуулагдсан түүхтэй. Өнгөрсөн хугацаанд тус холбоо мэргэжлийн 80 гаруй гишүүн байгууллага, 300 гаруй гишүүд, 500 гаруй дэмжигчтэй болсон байна.

Г.Идэр          

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Уржигдар 19 цаг 10 минутад
    Дорноговь аймгийн Алтанширээ сумын нутагт хэрэгжиж буй Газрын тос боловсруулах үйлдвэр байгуулах төслийн талбайд үйлдвэрийн барилгын ажлыг эхлүүлэх ёслол (2021.01.15) болов.Дэлхий дахинд дэгдсэн цар тахлын хүнд цаг үед Монгол Улс, БНЭУ-ын Засгийн газрууд,  холбогдох төрийн байгууллага, орон нутгийн дэмжлэгтэйгээр “Монгол газрын тос боловсруулах үйлдвэр” ТӨХХК, төслийн менежментийн зөвлөх (ТМЗ) “Инженерс Индиа Лимитэд” компанийн инженерүүд хүчээ дайчлан, хамтран ажилласны үр дүнд өнөөдөр үйлдвэрийн технологийн бус байгууламжуудын барилга-угсралтын ажлыг эхлүүлж байгааг төсөл хэрэгжүүлэгчид онцолсон байна. Өнөөдрийн ёслолын арга хэмжээнд БНЭУ-аас Монгол Улсад суугаа Онц бөгөөд Бүрэн эрхт Элчин сайд М.П.Сингх биечлэн оролцжээ.   
  • 2021-01-14 18:32
    Уул уурхайн ажилчдын ээлж солих зохион байгуулалттай арга хэмжээний хүрээнд ажилчдаас PCR шинжилгээ авах ажиллагааг Нийслэлийн эрүүл мэндийн газартай хамтран 01 дүгээр сарын 16-ны өдөр эхлүүлэх боллоо. Гамшгаас хамгаалах уул уурхай, хүнд үйлдвэрийн улсын албаны Шуурхай штабаас Нийслэлийн эрүүл мэндийн газрын шинжилгээ авах цэгүүдэд аж ахуйн нэгжүүдийг хуваарилж байна. Шинжилгээ өгөх хуваарийг Уул уурхай, хүнд үйлдвэрийн яамны вэб сайтын “Мэдээ мэдээлэл” цонхны “Шуурхай штаб мэдээлэл”  хэсэгт өнөөдөр, 01 дүгээр сарын 14-ний өдөр байршуулах тул аж ахуйн нэгжүүд орон нутгаас ирж шинжилгээнд хамрагдан ээлжинд гарах ажилчдаа Улаанбаатарт ирүүлэх талаар холбогдох арга хэмжээг авч ажиллана уу. Үүний тулд аймгуудын Онцгой комиссын цахим хаягаар тухайн орон нутгаас ирэх ажилчдынхаа мэдээлэл бүхий аж ахуйн нэгжийн албан хүсэлтийг хүргүүлж өөрийн ажилчныг тодорхойлж өгөх шаардлагатай байна.  
  • 2021-01-14 18:17
    ОХУ-ын гадаад валютын нөөцийн бүтцэд анх удаа алтны хувь хэмжээ ам.долларыг давжээ. Тодруулбал, тус улсын Төв банкны тайлангаар, нийт нөөцийн 23%-ийг алт (128.5 тэрбум ам.доллартай тэнцэнэ) бүрдүүлж еврогийн дараа оржээ. Харин 124.6 тэрбум америк доллар нь нийт нөөцийн 22% болж буурсан байна. 2018 онд нийт нөөцийн 44%-ийг америк доллар бүрдүүлж байжээ. Энэхүү өөрчлөлт нь Оросын эдийн засгийг америк доллараас үл хамаарах, хоёр улсын харилцаа муудаж буй нөхцөлд АНУ-ын хориг арга хэмжээнд өртөмтгий байдлыг бууруулах гэсэн ОХУ-ын Ерөнхийлөгч В.В.Путины бодлогын нэг хэсэг хэмээн шинжээчид тайлбарлаж байгаа юм. 2020 оны арванхоёрдугаар 25-ны байдлаар, тус улсын гадаад валютын нийт нөөц 592.4 тэрбум ам.доллартай тэнцэж байв.   
  • 2021-01-14 15:39
    Үнэт металын бүлэгт багтах родийн (Rh) ханш өссөөр байна. Өнгөрсөн арванхоёрдугаар сард, дэлхийн зах зээл дээр унц родий 16.9 мянган ам.доллар хүрч түүхэн дээд үзүүлэлтэд тооцогдсон юм. Тэгвэл 2021 он гарснаас хойш тухайн металын ханш 19%-иар өсчээ. Лхагва гаригийн (2021.01.13) байдлаар, унц родий 20.19 мянган ам.долларын үнэтэй худалдаалагдаж байна.  Ердөө 615 ам.долларын үнэтэй байсан родийн үнэ сүүлийн таван жилийн хугацаанд 3000% өсчээ. Энэхүү метал нь автомашины үйлдвэрлэлийн ойролцоогоор 85%-д хамаардаг гол түүхий эд юм. Улс орнууд агаарын бохирдлыг бууруулах хүчин чармайлтаас үүдэн аж үйлдвэрийн салбарт родийгийн хэрэгцээ нэмэгдсээр байна.
  • 2021-01-14 13:37
    2021 онд Хятад улс нь зам тээврийн дэд бүтцэд 2.4 их наяд юанийн хөрөнгө оруулахаар төлөвлөөд байна. Энэ тухай тус улсын Зам, тээврийн сайд Ли Сяопин мэдэгджээ. Ингэхдээ 3700 км төмөр зам шинээр барьж байгуулах төсөөлөлтэй байна. Гэхдээ дэд зам тээврийн салбарын хөрөнгө оруулалтын талаарх тодорхой төлөвлөгөө, хөрөнгө оруулалтын хэмжээг албан ёсоор мэдээлээгүй байгаа юм. Өнгөрсөн оны хөрөнгө оруулалтын хэмжээтэй харьцуулахад 2021 онд мэдэгдэхүйц буурахаар байна. Тодруулбал, 2020 онд зам тээврийн дэд бүтцэд 3.42 их наяд юань (523.47 тэрбум ам.доллар) хөрөнгө оруулсан тухай Хятадын Үндэсний зам тээврийн хурлаар танилцуулжээ.