Б.Соёл-Эрдэнэ: “Саплай Чэйн” ирэх оны гуравдугаар сард “show room”-ээ нээнэ

2018-12-20 12:53

Саплай Чэйн” /Supply Chain/компани нь харилцагч үйлчлүүлэгчдийнхээ захиалгын дагуу эрэлт хэрэгцээнд нь тулгуурласан, чанартай, баталгаатай, найдвартай тоног төхөөрөмжүүдийг Англи, АНУ, Канад, Австрали, Герман, БНХАУ, БНСУ зэрэг орноос түргэн шуурхай нийлүүлж байна. Тус компанийн  Бизнес  хөгжлийн менежер Б.Соёл-Эрдэнэтэй ярилцлаа. 



Supply Chain” компани хэдийнээс  үйл ажиллагаа явуулж эхэлсэн бэ?
Манай компани нь 2010 онд гадаад худалдаа, уул уурхайн тоног төхөөрөмжийн худалдаа эрхлэх зорилгоор үүсгэн байгуулагдсан 100%-ийн дотоодын хөрөнгө оруулалттай компани юм. Бид уул уурхайн компаниудад хэрэглэгддэг бүхий л төрлийн бараа бүтээгдэхүүнийг ханган нийлүүлдэг.

Харилцагч үйлчлүүлэгчдийнхээ захиалгын дагуу эрэлт хэрэгцээнд нь тулгуурласан, чанартай, баталгаатай, найдвартай тоног төхөөрөмжүүдийг Англи, АНУ, Канад, Австрали, Герман, БНХАУ, БНСУ зэрэг орноос түргэн шуурхай нийлүүлж байна. 

Бидэнтэй анх хамтран ажиллаж эхэлсэн хамгийн том компани бол Оюутолгой бол түүнчлэн Монголын уул уурхайн томоохон компаниуд болох МоЭнКо, Баян-Айраг, “Саусгоби Сэндс”-тэй харилцаатай байж ирсэнээ онцлон дурдая. Оюутолгойн хэрэглэдэг бүтээгдэхүүнүүд нь дэлхийн тэргүүлэх брендүүд байдаг. Тэд бүгд манай компанийн харилцагчид юм. 

Компанийн хэрэглэгчиддээ үзүүлдэг бараа, бүтээгдэхүүний онцлог, давуу тал юу вэ?
Бүхий л салбар, тэр дундаа уул уурхайн салбарт хөдөлмөрийн аюулгүй ажиллагааг  нэн тэргүүнд тавьж ажилладаг учраас  компаниудын хэрэглэж байгаа бүтээгдэхүүн маш  сайн чанартай байх ёстой. Энэ утгаараа “Оюутолгой” болон бусад компани нь хамгийн чанартай, стандартад нийцсэн  бүтээгдэхүүнүүдийг худалдаж авдаг юм.

“Supplу Chain” гэдэг нь тасралтгүй ханган нийлүүлэлт гэсэн утгатай. Ханган нийлүүлэлт бол маш өндөр хариуцлага, бүтээгдэхүүний дараах үйлчилгээ зэрэг өргөн агуулгыг шингээж байдаг үйл ажиллагаа.     

Компани болгон бизнесийн “Алтан зарчим”-аа мөрдөж ажилладаг. Танай компанийн баримтладаг зарчим, эрхэм зорилго юу вэ?
Бид олон улсын стандарт болон хуулийн хүрээнд менежментийн тогтолцоог тасралтгүй  сайжруулан, бараа үйлчилгээг эрүүл аюулгүй нөхцлөөр ханган нийлүүлж, харилцагчдад төсөөллөөс нь давсан сэтгэл ханамжийг өгнө гэсэн эрхэм зорилготой.  

Танай компанийг MNS ISO  9001:2015 стандартыг нэвтрүүлэн баталгаажуулалт авахаар ажиллаж байгаа гэж сонссон. Баталгаажуулалтыг авснаар үйл ажиллагааны ямар эерэг үр дүн гарах вэ?
Харилцагчдынхаа  хүсэлтийг хангаж байх үүднээс  тасралтгүй, найдвартай ханган нийлүү­лэлтийг бий болгохын зэрэгцээ  ямагт өргөжүүлж, сайжруулж ирсэн. Энэ үүднээсээ ажилчдаа тогтмол сургалтанд хамруулж  байна. Европын хөгжлийн банкны жижиг, дунд бизнесийн зөвлөх үйлчилгээний тэтгэлэгт хөтөл­бөр төсөлд манай  компани саяхан шалгарсан юм.

Энэ хүрээнд чанарын менежментийн MNS ISO 9001:2015 болон  ХЭМАБ-ын удирдлагын тогтолцоо-шаардлагын  MNS OHSAS 18001:2012  стандартыг нэвтрүүлсэн бөгөөд одоогоор баталгаажуулалтын шатандаа явж байна.  Сүүлийн жилүүдэд үйл ажиллагааны чанар гэдгийг нэлээд ярих болсон. Тухайн бараа, бүтээгдэхүүнийг яг стандартыг дагуу зөв хүргэж чадаж байна уу гэдэг маш чухал асуудал. 

Аюулгүй ажиллагааны стандартуудыг нэвт­рүүлснээр өмнө нь анзаарагдаж байгаагүй зүйлүүд тодорхой болж байгаа.  Наад зах нь ажилчид маань явган хүний гарцаараа гардаг, өвөл нь утаанаас хамгаалах амны хаалт хэрэглэдэг болсон байх жишээтэй.  Оффисын өрөөний чийгшүүлэлт, агааржуулалтдаа анхаарал тавьж, галаас хамгаалах хэрэгсэлтэй ажиллаж сурч байна. Өглөө ажил эхлэх бүрт аюулгүй ажиллагааны заавар зөвлөгөөг ажилчиддаа өгч байгаа. 


Дэлхий нийтэд техник, технологийн хөгжил дэвшил байнга явагдаж байна. Уул уурхай, барилга,  замын салбарт танай  компанийн нийлүүлж байгаа хамгийн сүүлийн үеийн дэвшилтэт технологи гэвэл юу байх вэ?
Манай компани дэлхийн номер нэг гагнуурын компани болох “Кеmppi”-ийн албан ёсны дистибью­тероор ажиллах болсон. Урьдынх шиг каск зүү­гээд гагнуур хийдэг  сэтгэлгээ өөрчлөгдсөн гэж хэлж болно. Энэ аппарат нь өөрийгөө байнга шинэч­лэгдэж байдаг программтай бөгөөд сүлжээнд нь нэвтэрснээр дэлхийн хаанаас ч тухайн гагнуурын бүхий л мэдээллийг авах боломжтой. 

Оюутолгойн гүний уурхайд уг  аппаратыг ашиглаж байх үед  гадаргуу дээрээс  нь хянаж  болно гэсэн үг. “Кемppi”-ийн гагнуурыг роботтой холбон төгс ажиллах цогц үйлчилгээг бий болгодог.  Ийм ухаалаг гагнуурыг тэдгээр роботтой холбон ажиллаж байх яв­цыг бид саяхан үйлдвэр дээр нь очиж танилцсан юм. “Кеmppi”-ийн албан ёсны дистрибьютерийн  хувьд  бид гагнуурын чиглэлээр дэлхийд тэргүүлэх инже­нерүүдийг авчирч тогтмол сургалт явуулах болно. 

Танай компани шатны үйлдвэр­лэлээрээ дэлхийд тэргүүлэгч “Bailey” компанийн дистибьютер байх аа?
Тийм ээ. Манай компани тухайн бараа, бүтээгдэхүүнээрээ дэлхийд тэргүүлж байгаа хэд хэдэн  компанийн дистибьютерээр  ажиллаж байна. Өндөр түвшинд  хөгжиж байгаа бүтээгдэхүү­нүүдийн нэг бол “Bailey ”(WernerCO)-гийн шат.  Шатны аюулгүй байдал өнөөдөр дэлхий нийтэд маш чухлаар тавигдаж байна. Хүмүүс  тодорхой нөхцөлд цахилгааны утастай ойрхон өндөрлөг орчинд ажиллах шаардлага үүсдэг. Энэхүү  брэндийн шатнууд бол цахилгаан дамжуулдаггүй, угсрах, тээвэрлэхэд амархан. Одоо­гоор Монголын томоохон хэд хэдэн компани болон Оюутолгойн туслан гүйцэтгэгч компаниуд эдгээр шатыг ашиглаж байна. 

2018 онд  “Supplу Chain” компанийн зүгээс хэрэгжүүлсэн нийгмийн хариуцлагын  ямар ажлууд байгаа вэ?
Бидний хувьд үр өгөөжтэй, сайхан жил болж өнгөрсөн. “Mongolia Mining” болон Оюутолгойн ханган нийлүүлэгчдийн үзэсгэлэн яармагт оролцож, бүтээгдэхүүн үйлчилгээгээ танилцууллаа. Манай хамт олон 2017,  2018 онд “Оюутолгой” компанийн Худалдан авалтын газар болон Байгаль орчны хэлтсийн хамтран зохион байгуулсан мод тарих арга хэмжээнд гар бие оролцон их хотын уушиг болсон ногоон байгууламжийг нэмэгдүүлэхэд хувь нэмрээ оруулсандаа таатай байна. 

Түүнчлэн   ГССҮТөвийн түлэнхийн болон хүүхдийн тасгуудад хэвтэн эмчлүүлж буй хүүхдүүдэд зориулан гэмтэл бэртэл, түлэнхийд түрхэх эмчилгээний тосуудыг  хүүхдийн баярын бэлэгтэй хамт гардуулсан. Мөн  Хүчирхийллийн эсрэг төвийн хоргодох байранд түр амьдарч байгаа бяцхан үрсдээ баярын бэлэг, болон сэтгэл санааны тусламж дэмжлэг үзүүллээ.“Bailey”-гийн шатыг бид түүнчлэн Боловсрол, соёл, шинжлэх ухаан, спортын яаманд өнгөрсөн тавдугаар сард  бэлэглэсэн юм. Мөн ирж буй шинэ жилийн баярыг тохиолдуулан бид дахин нэг сайн үйлсийн аян өрнүүлэхээр бэлдэж байна. 

Та бүхэн цаашид бизнесийн үйл ажиллагаагаа хэрхэн өргөжүүлэхээр төлөвлөж байна вэ?
Цаашид уул уурхайн тоног төхөөрөмжийн үйлдвэрлэлээр тэргүүлэгч томоохон компаниудын дистрибьютерээр ажиллах сонирхолтой байна. 

Үүний тулд  бид өөрсдийгөө, ажилчидаа маш сайн бэлтгэж байгаа.  Хэрэглэгчиддээ дуулгах нэг таатай мэдээлэл гэвэл  “Supply Chain”-ны show room-ийг  ирэх оны гуравдугаар сард  нээх гэж байна. Энэхүү show room-дээ мэдээж дэлхийд тэргүүлэх компаниудын хамгийн чанартай бараануудыг нэг доор төвлөрүүлнэ. 

Дэлхийн нийтэд онлайн худалдаа хөгжиж байгаа учраас бид “Supply Chain”-ы энэ том бааздаа тулгуурлан гадаад дахь худал­даагаа өргөжүүлэх хүсэлтэй байна. Олон улсын томоохон төслүүдэд оролцож, хүчээ үзэхийн тулд тасралтгүй хөгжиж, дэвшиж дэлхийн хурдтай хөгжиж байгаа эрин үетэй хөл нийлүүлэн алхах болно.

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 9 цаг 38 минутын өмнө
    Лондоны металын бирж дээр даваа гаригийн байдлаар (2020.07.06) нэг тонн зэсийн ханш 6112 ам.долларт хүрч хаагдсан байна. Энэ нь өнгөрсөн нэгдүгээр сарын 21-нээс хойших хамгийн өндөр дүн боллоо.  Зэсийн ханш ийнхүү өсч байгаа нь дэлхийн нийт зэс үйлдвэрлэлийн 25%-аас илүү хэсгийг бүрдүүлдэг Чили улсын уурхайчдын дунд шинэ коронавирусийн өвчлөл өндөр байгаа нь голлон нөлөөлж байгаа тухай шинжээчид тайлбарлалаа. Тухайлбал нийт 2433 уурхайчин уг өвчний халдвар авсан болохыг Чилийн зэс олборлолтын чиглэлээр ажилладаг төрийн өмчийн “Codelco” компани мэдээлсэн байна. Улмаар компанийн зэсийн томоохон төсөл болох El Teniente уурхайн өргөтгөлийн үйл ажиллагааг түр хугацаагаар зогсоохоор болсон ажээ. 
  • 14 цаг 33 минутын өмнө
    УИХ-ын Анхдугаар чуулганы (2020.07.07) нэгдсэн хуралдаанаар Засгийн газрын бүтэц, бүрэлдэхүүний талаар Монгол Улсын Ерөнхийлөгчтэй зөвшилцсөний үндсэн дээр Монгол Улсын Ерөнхий сайдаас өргөн мэдүүлсэн Засгийн газрын бүтцийн тухай хуульд нэмэлт, өөрчлөлт оруулах тухай, Засгийн газрын бүрэлдэхүүний тухай хуульд нэмэлт, өөрчлөлт оруулах тухай болон холбогдох бусад хууль тогтоомжий төслүүдийн анхны хэлэлцүүлгийг хийлээ. Засгийн газрын бүтцийн тухай хуульд нэмэлт, өөрчлөлт оруулах тухай, Засгийн газрын бүрэлдэхүүний тухай хуульд нэмэлт, өөрчлөлт оруулах тухай хуулийн төслийг эцэслэн батлах санал хураалт явуулахад Анхдугаар чуулганы нэгдсэн хуралдаанд оролцсон 61 гишүүний 50 нь буюу 82% нь дэмжив.
  • 17 цаг 11 минутын өмнө
    Оюутолгой төслийн хяналтын багцыг эзэмшигч “Туркойз Хилл Ресурс” компани өнгөрсөн баасан гаригт (2020.07.03) ордын нөөцийн шинэчилсэн тайлан болон техник, эдийн засгийн үндэслэлийн (ТЭЗҮ) шинэчилсэн хувилбарыг танилцууллаа. Шинэчилсэн ТЭЗҮ-ээр Оюутолгойн далд уурхайн төслийн ашиглалтад орох хугацаа 2016 оны ТЭЗҮ-д дурдсантай харьцуулахад 21-29 сараар хойшилно. Энэ нь 2022 оны аравдугаар сараас 2023 оны зургадугаар сарын хооронд далд уурхайн үйлдвэрлэл эхэлнэ гэсэн үг. Далд уурхайн хөрөнгө оруулалтын зардал анх тооцоолж байсан 5.3 тэрбум ам.доллар дээр нэмж 1.3-1.8 тэрбум ам.доллар шаардагдахаар болжээ.
  • Уржигдар 12 цаг 05 минутад
    2030 он гэхэд Япон улс нүүрсээр ажилладаг 100 цахилгаан станцыг хаахаар төлөвлөж буй тухай Kyodo агентлаг мэдээлжээ. Тус улсын хэмжээнд нийт 140 цахилгаан станц нүүрснээс эрчим хүч үйлдвэрлэж байна. Нүүрстөрөгчийн ялгарлыг бууруулах хөтөлбөрийн хүрээнд эрчим хүчний үйлдвэрлэлд нүүрсний хэрэглээг багасгаж, сэргээгдэх эрчим хүчийг нэмэгдүүлэх зорилтот ажлыг долдугаар сараас эхлүүлнэ гэж Японы Эрчим хүчний сайд мэдэгджээ. Өнөөгийн байдлаар, тус улсын нийт эрчим хүчний 32%-ийг нүүрснээс, 17%-ийг сэргээгдэх эрчим хүчээр үйлдвэрлэж байна. 2030 он гэхэд нүүрсний эрчим хүчний үйлдвэрлэлийг 26% хүртэл бууруулахаар зорьжээ. 
  • Уржигдар 11 цаг 22 минутад
    Дэлхийн уул уурхайн тэргүүлэгч компани “BHP group” нь анх удаа блокчейн платоформ ашиглан төмрийн хүдэр борлуулжээ. Тодруулбал, Хятадын “Baosteel” компанитай 14 сая ам.долларын худалдаа хийсэн байна. Энэхүү худалдаа нь Канадын технологийн “MineHub Technologies” компанийн боловсруулсан блокчейн платформоор хийгдсэн аж. “BHP group”-ийн Худалдаа, маркетинг хариуцсан захирал Михел Ховерс “Уг платформыг  ашиглан худалдааны гэрээг боловсруулж, баримт солилцон, ачааны тээвэрлэлтийн цаг хугацааг хянасан” гэдгийг тайлбарлажээ. Тус компани цаашид уул уурхайн бүтээгдэхүүний худалдааны төлбөр, баримт бичгийн боловсруулалтыг түргэвчлэх, тээвэрлэлтийг хянахад блокчейн платформыг ашиглахаар төлөвлөж буй аж.