“Ирээдүйг бүтээлцэх төслийн удирдлага” олон улсын бага хурал зохион байгуулагдлаа

2018-11-06 12:36
Аливаа салбар дахь төслийг удирдан хэрэгжүүлэх соёл стандартыг хөгжүүлэх, салбарын мэргэжилтнүүдийн ур чадварыг нэмэгдүүлэх, үндэсний болон дэлхийн туршлагыг таниулах зорилттой “Ирээдүйг бүтээлцэх төслийн удирдлага” бага хурал “Туушин” зочид буудалд зохиогдов. Энэ удаагийн хурал нь АНУ-д төвтэй PMI буюу Олон улсын төслийн удирдлагын хүрээлэнгийн үүсгэн байгуулагдсаны 50 жилийн ой, салбар “Пи Эм Ай Монголиа Чаптер” ТББ Монголд нээгдсэн 5 жилийн ойтой давхцаж буйгаараа онцлогтой. 

Гэрэл зургийн эх сурвалж: PMI Mongolia Chapter

Тэмдэглэлт ойг хүндэтгэж PMI буюу Олон улсын төслийн удирдлагын хүрээлэнгийн АНУ-ын төв болон Азийн орнууд дахь салбарын байгууллагын төлөөлөгчид “Ирээдүйг бүтээлцэх төслийн удирдлага” хуралд хүрэлцэн иржээ. Тав дахь жилийн хурлын Ерөнхий ивээн тэтгэгч болоод хамтран зохион байгуулагчаар Хятадын төдийгүй дэлхийд тэргүүлэгч компаниудын нэг “Huawei” ажиллалаа.   

Хурлыг нээж “Пи Эм Ай Монголиа Чаптер” байгууллагын Ерөнхийлөгч, “IT Zone” компанийн ТУЗ-ийн дарга Н.Баттулга хэлсэн үгэндээ ““Пи Эм Ай Монголиа Чаптер” нь олон ажил зохион байгуулдгийн хамгийн гол арга хэмжээ нь жил бүрийн хурал. Манай байгууллага Монгол Улсын төслийн удирдлагын салбарыг хөгжүүлэн бэхжүүлж, шинэ шатанд гаргах, цаашлаад “Пи Эм Ай Монголиа Чаптер”-ыг институцийн хэмжээнд зохион байгуулах, энэхүү институцийн хүчтэй хөгжил дээр суурилан төслийн удирдлагын салбарт олон улсын стандарт нэвтрүүлэн нутагшуулах, энэ чиглэлээр мэргэшсэн боловсон хүчнийг бэлтгэн нэмэгдүүлэх зорилттой. Монгол Улсын хөгжлийн хамгийн эрчтэй энэ цаг үед төслийн удирдлагын менежментийн шаардлага асар өндөр байна. Олон улсын туршлагаас суралцах, шинэ мэдээллийг авах, төслийн менежментийн стандартуудыг эзэмших, нэвтрүүлэх, хэрэгжилтийг дэлхийн түвшинд хүргэх нь нэн чухал” гэдгийг онцлов.  

Тус хуралд ач холбогдол өгч, АНУ-ын Төвийн PMI байгууллагын ТУЗ-ийн гишүүн бөгөөд захирал Тежас Сура болоод Зүүн Азийн бүсийн Хятад, Тайван, Хонконг, Өмнөд Солонгос, Япон зэрэг орнууд дахь салбар байгууллагын удирдлагууд оролцсон юм. Хилийн чанадаас ирсэн төлөөлөгчид төслийн удирдагчийн чадвар, дижитал хувьсал, байгууллагын өөрчлөлт шинэчлэл зэрэг сэдвүүдээр туршлага солилцох сонирхолтой илтгэлүүд тавилаа. Мөн манай улс дахнь төслүүдийн хэрэгжилт, туршлагын талаар Mobicom, “Оюутолгой” төслийн Гүний уурхай, Голомт болон Хас банк, “Номин констракшн” зэрэг компани танилцуулсан юм. Хоёр дахь өдөр зохиогдсон workshop-оор оролцогчид багаар ажиллаж, удирдлага болоод багийн ажиллагааны шинэ аргачлалд суралцав.     
1969 онд үүсгэн байгуулагдсан PMI буюу Олон улсын төслийн удирдлагын хүрээлэн нь дэлхий даяар 2.9 сая гаруй мэргэжилтэнд үйлчилдэг. Дэлхий даяар нийт 1.5 сая орчим мэргэжилтэн PMI-ийн сертификат эзэмшдэг. 2013 онд Монгол дахь салбар “Пи Эм Ай Монголиа Чаптер” нь 15 гишүүнтэй байгуулагдсан бол өдгөө төслийн 2000 гаруй менежерийг олон улсын стандарт, төслийн удирдлагын онолд сургаж, 160 гаруй гишүүн, 150 гаруй хамтрагч байгууллагуудтай өргөн цар хүрээтэй мэргэжлийн байгууллага болон хөгжжээ. Манай улсын хувьд төслийн удирдлагын менежментээр мэргэшсэн PMI сертификат бүхий 50 гаруй мэргэжилтэн байдаг. 

Э.Од

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Өчигдөр 13 цаг 53 минутад
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • Өчигдөр 13 цаг 52 минутад
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • Өчигдөр 13 цаг 00 минутад
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.
  • 2020-05-21 14:53
    Засгийн газар шинэ коронавирусээс үүдэн эрсдэлд орсон  эдийн засгийг аврахаар гуравдугаар сарын сүүлээр дуугарч эхэлсэн нь 5.1 их наяд төгрөгийн багц хөтөлбөр байв. Үүнийг нь дөрөвдүгээр сарын 9-нд УИХ-ын чуулганаар “амь оруулан” баталлаа. 5.1 их наяд төгрөгийн   хөтөлбөр   яг хэрхэн эдийн засгийг аврах эсэх нь одоо ч тодорхой биш байгаа юм. Үүнээс хавьгүй эрт буюу гуравдугаар сарын 11-нд Монголбанк бодлогын хүүгээ буулгаж, төд удалгүй арилжааны банкуудыг “захиргаадаж”  хэрэглээний зээл  төлөлтийн  хугацааг сунгахыг хүчлэх болсон. Улмаар дөрөвдүгээр сарын 13-нд төв банк бодлогын хүүгээ дахин бууруулав. Гол асуулт нь эдийн засгийн төлөв бүрхэг байгаа нь иргэдийн сэтгэл зүйд сөргөөр нөлөөлж,  улмаар худалдаа, үйлчилгээний салбарын борлуулалтад шууд нөлөөлнө.  Энэхүү нөхцөл байдал эдийн засгаа сэргээхээр оролдож байгаа Хятадад ихээхэн тод илэрч байна.