Монгол Улсад геологийн салбар үүсч хөгжсөний 79 жилийн ойн баярыг тэмдэглэж байна

2018-10-19 10:35
Одоогоос 79 жилийн тэртээ БНМАУ-ын Ардын Сайд нарын Зөвлөлийн 1939 оны 38 дугаар тогтоолоор тухайн үеийн Аж үйлдвэр, барилгын яамны дэргэд  “Уурхай ба ашигт малтмалын трест”-ийг байгуулж,  төрөл бүрийн үйлдвэрийн ашигт малтмалын түүхий эд хийгээд түүнчлэн алт болон бусад ашигт малтмалыг шинжлэн олох  асуудлыг хариуцуулсан нь өнөөгийн геологийн салбарын эхлэл байжээ.

Монгол Улсад геологийн салбар  үүсч хөгжсөний 79  жилийн ойн баярын хуралд  Ашигт малтмал газрын тосны газрын дарга Х.Хэрлэн болон  салбарын эрдэмтэд  үе үеийн геологичдын  төлөөлөл  оролцож байна.

Хурлын эхэнд УУХҮ-ийн сайд Д.Сумъяабазар  геологийн  салбарын хөгжилд хөдөлмөр бүтээл, хөлс хүчээ зориулж ирсэн үе үеийн геологичид , салбарын нийт хамт олон, эрдэмтэн судлаачид, уригдсан зочдод баяр хүргэн мэндчилгээ дэвшүүлснийг УУХҮЯ-ны Геологийн бодлогын газрын дарга  Мөнхтөр  танилцууллаа.

Мөн АМГТГ-ын дарга Х. Хэрлэн салбарын хамт олонд мэндчилгээ дэвшүүлж үг хэллээ.

Тэрээр хэлсэн үгэндээ Монгол Улсын Засгийн газраас Монгол орны геологийн тогтоцыг нарийвчлан судлах, ашигт малтмалын илрэлийг нээн илрүүлэх, тэдгээрийн тархалтын зүй тогтол, хэтийн төлвийг судлан, нутаг дэвсгэрийн хэмжээнд геологийн судалгааны түвшинг дээшлүүлж,  эрдэс баялгийн мэдээллийн санг баяжуулан, улмаар нөөц, баялгийг өсгөн нэмэгдүүлэх, ирээдүйн уул уурхайн салбарын тогтвортой хөгжлийг хангах зорилгоор жил бүр улсын төсвийн хөрөнгөөр гүйцэтгэх геологи судалгааны ажлыг төлөвлөн  хийж байна. Мөн Засгийн газрын 2016-2020 оны үйл ажиллагааны хөтөлбөрийн зорилтуудыг ханган ажиллах зорилгоор улсын төсвийн хөрөнгөөр 2018 онд 13.3 тэрбум төгрөгөөр геологийн 1:50000-ны масштабын геологийн зураглал, ерөнхий эрлийн 29, улсын геологийн 1:200000-ны масштабын иж бүрдэл зураг нэгтгэх 1, сэдэвчилсэн судалгааны 3, гадаад хамтын ажиллагааны 1, нийт 34 төслийг хэрэгжүүлж байна. Төрөөс эрдэс баялгийн салбарт баримтлах бодлогод тусгагдсан Улсын эрдэс баялгийн санг тасралтгүй нэмэгдүүлэх, Геологийн судалгаа, хайгуулын ажлыг эрчимжүүлэх зорилтыг  ханган ажиллаж байгааг онцоллоо.

Баярын хурлын үеэр тус салбарт амжилт гарган ажилласан  геологичдыг салбарын шагналаар шагнахын зэрэгцээ мэргэшсэн геологичийн батламжийг гардуулан өгөв.

Одоогоор Монгол орны нийт нутаг дэвсгэрийн хэмжээнд 1:200000-ны масштабын геологийн зураглалаар 100 хувь, Улсын геологийн 1:200000-ны масштабын иж бүрдэл зураг зохиох ажлаар 85 хувь, геологийн 1:50000-ны масштабын зураглал, ерөнхий эрлийн ажлаар 37,8 хувь, геофизикийн хүндийн хүчний 1:200000-ны масштабын зураглалаар 22 хувь, агаарын соронзон судалгааны 1:200000-ны масштабын зураглалаар 60 хувь, 1:50000-1:25000-ны Төсөл масштабын агаарын геофизикийн цогцолбор судалгааг 32 хувьд тус тус хийж гүйцэтгээд байна.

Геологичдын нөр их хөдөлмөрийн үр шимээр 430 гаруй уурхай, уулын үйлдвэр идэвхтэй үйл ажиллагаа явуулж, дотоодын нийт бүтээгдэхүүний 23.79 хувь, аж үйлдвэрийн нийт бүтээгдэхүүний 69.49 хувь, экспортын орлогын 90 орчим хувийг уул уурхайн салбар дангаараа бүрдүүлж байна.

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-02-21 17:01
    Хятад болон Ази тивийн бусад оронд коронавирусын тархалт нэмэгдэж буйн улмаас дэлхийн зах зээл дэх алтны ханш 1631 ам.доллар болж өсчээ. Энэ нь сүүлийн 7 жилийн дээд түвшинд тооцогдож байна. Хоёрдугаар сарын 14-нд зах зээл дэх алтны үнэ 1577 ам.доллар/унц байсан юм. Коронавирусын дэгдэлтийн улмаас эдийн засагт үүсэх нөлөөллийг арилгах зорилгоор Хятад улс мөнгөний зөөлөн бодлого явуулах болсон ч алтны ханш үргэлжлэн өссөөр байна. Энэ долоо хоногийн пүрэв гаригт Хятадын Ардын банк бодлогын хүүгээ бууруулах шийдвэр гаргасан юм.  
  • 2020-02-21 13:59
    “Эрдэнэс Монгол” ХХК нь нүүрсний давхаргын метан хийн нөөцийг тогтоож, эрчим хүчний цэвэр эх үүсгүүр болгон эдийн засгийн эргэлтэд оруулах зорилготой метан хийн төслийг хэрэгжүүлэхээр Австралийн “Жэйд Метан” ХХК-тай хамтарсан компани байгуулсан. 2019 оны тавдугаар сард талууд метан хийн төслийн хөрөнгө оруулалтын гэрээнд гарын үсэг зурж, үйл ажиллагаагаа явуулснаар улсын төсвөөс нэг ч төгрөг гаргалгүйгээр уг төслийг хэрэгжүүлж эхэлсэн юм. “Эрдэнэс Метан” ХХК нь Хамтын ажиллагааны гэрээний дагуу өөрсдийн эрлийн ажлын үр дүнгийн мэдээлэл болох 8 цооногийн өрөмдлөгийн мэдээлэл, геологийн бичиглэл, геофизикийн хэмжилтийн өгөгдөл, бүх дээжинд хийсэн нүүрсний чанарын шинжилгээний үр дүн зэргийг “Эрдэнэс Монгол” ХК-д хүлээлгэн өгчээ.
  • 2020-02-21 13:46
    “Эрдэнэс Монгол” ХХК-ийн дэргэдэх нэгдлийн зөвлөлийн ээлжит хурал (2020.02.14)  болж, охин болон хараат компаниудын өнөөгийн байдал, тулгамдаж буй асуудлуудыг хэлэлцсэн юм. Тус компанийн Гүйцэтгэх захирал П.Ганхүү “Салхитын мөнгө, алтны ордыг эдийн засгийн эргэлтэд оруулж олсон орлогоос төрд ногдох өгөөжийг барьцаалан үнэт цаас гаргах замаар иргэний тэтгэвэр барьцаалсан зээлийн тодорхой хэсгийг төлөхөөр хуульчилсан. Энэхүү хуулийг дагаж мөрдөх хуулийн дагуу 3 тогтоол, нэг журам гаргасан. “Эрдэнэс  бонд” гаргах ажлыг удирдан зохион байгуулж байна” хэмээн тодотгосон. Энэхүү бондыг санхүүгийн зах зээл дээр хаалттай хүрээнд гаргахаар төлөвлөсөн  бөгөөд бондоос босгосон хөрөнгөөр 228 мянган иргэний тэтгэврийн зээлийн  6 хүртэлх сая төгрөгийг тэглэх юм.  
  • 2020-02-21 13:21
    2020 оны хоёрдугаар сараас Орос улс төмөр замаар Казахстаны нутгаар дамжин Хятад руу нүүрс экспортлох талаар Москва, Нур-Султан хэлэлцэж байна. Тус хэлэлцээрээр талууд төмөр замын тээврийн тарифыг 65%-иар хөнгөлөх асуудлыг хэлэлцэж буй. Экспортын шинэ чиглэл нь Оросын “Кузбасс” компанийн нүүрсний Хятад руу нийлүүлэлтийг өргөжүүлж, Алс Дорнодын чиглэлийг нүүрсний төмөр замын тээврийг ачааллын дарамтыг бууруулна гэж үзэж байгаа юм. Казахстан улсын хувьд төмөр замын транзит тээврийг нэмэгдүүлэх сонирхолтой байна. Орос нь Хятадын зах зээлд нүүрсний нийлүүлэлтээр Австрали, Индонезийн дараагаар гуравдугаарт орохоор эрмэлзэж байгаа юм. Тус улс нь ирэх 10 жилд Хятад рүү экспортлох нүүрсний хэмжээгээ жилд 55 сая тоннд хүргэх зорилттой.
  • 2020-02-21 12:25
    Үндэсний статистикийн хорооны мэдээллээр, 2020 оны эхний сарын байдлаар гадаад худалдааны нийт эргэлт 932 сая ам.долларт хүрсний дотор экспорт 459 сая ам.доллар, импорт 473 сая ам.доллартай тэнцлээ. Өнгөрсөн оны мөн үетэй харьцуулахад нийт бараа эргэлт 16.1%-иар, экспорт 24.4%-иар, импорт 6.1%-иар тус тус буурсан байна. Гадаад худалдааны тэнцэл энэ оны нэгдүгээр сард 14.3 сая ам.долларын алдагдалтай гарлаа. Өнгөрсөн оны мөн үед 103.3 сая ам.долларын ашигтай гарч байжээ. Энэ онд гадаад худалдаа ашиггүй гарсан нь экспорт өмнөх оны мөн үеэс 148 сая ам.доллараар буурсантай холбоотой. Тодруулбал, өнгөрсөн нэгдүгээр сард алтны экспорт огт хийгдээгүйн зэрэгцээ зэсийн баяжмалын нийлүүлэлт 43.2 сая ам.доллараар буурсан нь голлон нөлөөлсөн байна.