ҮСХ: Нүүрсний худалдаа нийт экспортын 40%-ийг бүрдүүлэв

2018-10-12 14:25

Энэ оны эхний есөн сарын байдлаар Монгол улсын гадаад худалдааны нийт эргэлт 9.6 тэрбум ам.долларт хүрснийг Үндэсний статистикийн хорооноос мэдээллээ. Үүнээс экспорт 5.3 орчим тэрбум ам.доллар, импорт 4.35 тэрбум ам.долларыг эзэлж байна. Энэ нь өнгөрсөн оны мөн үетэй харьцуулахад гадаад худалдааны нийт бараа эргэлт 25%, экспорт 15.3%, импорт 39.2%-иар тус тус өссөнийг илтгэлээ. Гадаад худалдааны тэнцэл эхний есөн сард 931.7 сая ам.долларын ашигтай гарсан ч уг үзүүлэлт нь өмнөх оны мөн үеийнхээс 36.1%-иар буурчээ.

Эрдсийн экспорт оны эхний есөн сарын байдлаар мөнгөн дүнгээр 4.5 тэрбум ам.долларт хүрч, өмнөх оны мөн үеийнхээс 24.3%-иар өссөн дүнтэй гарлаа. Энэ дундаа нүүрсний экспорт орлогын дүнгээр 2.13 тэрбум ам.долларт хүрсэн нь 23.3%-ийн өсөлтийг харуулж байгаа юм. Эрдсийн экспорт дотроо орлогын дүнгээр тэргүүлж буй нүүрс улсын нийт экспортын 40%-ийг дангаараа бүрдүүлсэн дүнтэй байна.

Нүүрсний экспортын биет хэмжээ эхний есөн сарын байдлаар 27.4 орчим сая тоннд хүрч өмнөх оны мөн үеийнхээс  6.2%-иар өссөн дүнтэй гарлаа. Сарын дүнгээр өнгөрсөн есдүгээр сард 3.58 сая тонн нүүрс экспортолсон нь өмнөх наймдугаар сарынхтай харьцуулахад 20%-иар өссөн дүн боллоо.

Зэсийн баяжмалын экспортын тухайд оны эхний есөн сард 1 сая 73 мянган тонныг гадагш нийлүүлж, 1.5 орчим тэрбум ам.долларын орлого олсон байна. Энэ нь зэсийн баяжмалын экспорт биет жингээр 1.1%-иар буурсан бол орлогын түвшин 28.7%-иар дээшиллээ. Харин боловсруулсан цэвэр зэсийн экспортын хувьд мөн хугацаанд жингээр 10.05 орчим мянган тонн, мөнгөн дүнгээр 65 сая ам.долларт хүрсэн нь биет жингийн хувьд 17.2%-иар, орлогын дүн 6.4%-иар тус тус буурсан дүнтэй гарав.

Боловсруулаагүй газрын тосны экспорт 4.8 сая баррельд хүрч, 316 сая ам.долларын орлоготой ажилласан дүнтэйгээр оны эхний есөн сарыг давлаа. Энэ дүн нь өмнөх оны мөн үеийнхтэй харьцуулахад жингээр 14.6%-иар буурсан боловч орлогын дүн нь 16.1%-иар өссөнийг илтгэв.

Боловсруулаагүй буюу хагас боловсруулсан алтны тухайд мөн хугацаанд 3.4 тонныг экспортолж, 144.5 сая ам.долларын орлогын дүнгийн биелэлттэй гарлаа. Энэ нь жин болон орлогын хувьд бараг 64%-иар буурсан үзүүлэлт юм. Гэхдээ Монголбанкны алт худалдан авалтын хэмжээ оны эхний есөн сарын байдлаар 14.3 тоннд хүрч, өмнөх оны мөн үеийнхээс 377.7 кг-аар буюу ялимгүй багассан тухай тус банк мэдээлээд байгаа юм.

Төмрийн хүдрийн экспортын тухайд оны эхний есөн сард 5.3 сая тоннд хүрч, 240.4 сая ам.долларт хүрсэн нь биет жингээр 21.9%-иар, орлогын дүн нь 3.8%-иар өссөн үзүүлэлттэй гарлаа.

Цайрын хүдэр, баяжмалын экспорт мөн хугацаанд 92.2 мянган тонн болж, орлогын дүн нь 153.46 орчим сая долларт хүрчээ. Цайрын экспорт ийнхүү жингээр 1.6%-иар, орлогын дүн нь 14.9%-иар тус тус өсөв.

Жоншны хүдэр, баяжмалын экспортын тухайд оны эхний есөн сарын байдлаар 344.7 мянган тонныг гадагш нийлүүлж, 115.7 сая ам.доллар олсон нь биет жингээр 59.8%, орлогын дүнгээр 2.1 дахин өссөн дүнтэй гарлаа.

Молибденийн баяжмалын экспорт эхний есөн сарын байдлаар 4.4 мянган тоннд хүрч, 36 сая ам.доллартай тэнцсэн нь биет жингээр 10.1%-иар буурсан ч, үнийн дүнгийн хувьд 30.8%-иар нэмэгдсэн дүнг илтгэлээ.

Хар тугалгын хүдэр баяжмалын экспортын тухайд 15 мянган тоннд хүрч, 38 орчим сая ам.доллартай тэнцсэн нь жингээр 27.1%-иар, орлогын хувьд 26.6%-иар тус тус нэмэгдсэн дүнтэй гарлаа.

Гянтболдын экспорт  оны эхний есөн сард 458.4 тоннд хүрч, 5.06 сая ам.долларын орлого олсон нь өмнөх оны мөн үеийнхээс жингийн хувьд 37.8%-иар, орлогын дүн 4.4%-иар тус тус буурсан байна.


Б.Төгс

 

Сэтгэгдэл (1)

  • angela gonzalez
    Бүх зүйл сайн байна Ноён Iwaniuk dariusz намайг Ноён Iwaniuk dariusz хийсэн гэж хэлэхэд баяртай байна. Би түүнд 6000 € зээлийг асууж, тантай ярих үед таныг худал хэлэхгүй гэж би гэрчлэв. 6000 еврог миний дансанд оруулсныг олж мэдсэн юм. Энэ бол миний урьд өмнө алдсан баяр баясгаланг олох боломжийг надад олгосон энэхүү гайхамшигтай ноён надад гэрчилсэн энэхүү баяр баясгалан юм. Тиймээс хэрэгцээтэй байгаа хүмүүст цаашид ямар ч харагдахгүй, түүнтэй холбоо бариарай мэйл: iwaniukdariusz1234@gmail.com WIISAPP 0022 960 495 638
    2019 оны 05 сарын 23 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-07-20 13:13
    Катодын зэс үйлдвэрлэлийн технологийг анх удаа Монгол орны уур амьсгалын эрс тэс нөхцөлд амжилттай нутагшуулж, зэсийн исэлдсэн эрдэс бүхий хүдрийг уусган баяжуулах аргаар боловсруулан, цэвэр зэс үйлдвэрлэж буй “Эрдмин” ХХК дотоодын төдийгүй гадаадын уул уурхайн зах зээлд хэдийнэ танил болжээ.  Тус компани нь “Эрдэнэт үйлдвэр”-ийн хаягдал, балансын бус хүдрийн овоолгуудыг 40 жилийн турш ашиглах гэрээ байгуулан ажиллаж байгаа билээ.The Mongolian Mining Journal сэтгүүлээс зохион байгуулсан уул уурхайн салбарын шилдгүүдийг тодруулах Mining Journal Awards-2013 ёслолын ажиллагааны “Шилдэг технологи” шагналыг “Эрдмин” компани хүртсэн түүхтэй. Жилд 2500 орчим тонн катодын цэвэр зэс үйлдвэрлэж экспортод гаргаж, 41 нэр төрлийн 3 сая гаруй метр зэс утас үйлдвэрлэн дотоодын зах зээлд нийлүүлж байгаа зэрэг үзүүлэлтүүдээрээ тус компани энэхүү нэр хүндтэй номинацийн эзэн болж байсан юм. 
  • 2020-07-20 13:09
    УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна. УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна.
  • 2020-07-17 11:48
    Монгол Улсын Засгийн газраас хэрэгжүүлж буй Тавантолгой-Зүүнбаян чиглэлийн төмөр замын ажлын эхний 50 км зам бэлэн болж өнгөрсөн зургадугаар  сард нээлтээ хийсэн юм. 2019 оноос эхлэн жил гаруйн хугацаанд эрчимтэй өрнөж 416.1 км-ийн 200 км-т доод бүтэц, газар шорооны ажил мөн л дуусчээ. Уг бүтээн байгуулалтад “Тавантолгой төмөр зам” ХХК захиалагчийн хяналтын үүрэг гүйцэтгэн ажиллаж байна. Тус компани 2019 оны зургадугаар  сарын 19-нд  “Монголын төмөр зам” ТӨХК-тай хамтран ажиллах гэрээгээ байгуулсан бөгөөд  энэ оны долдугаар  сард гэрээний хугацаа дууссан ч талууд гэрээгээ дахин сунгаж,   захиалагчийн хяналтын үүргийг  үргэлжлүүлэн гүйцэтгэхээр болжээ.
  • 2020-07-17 11:05
    Монгол Улсын Засгийн газар  өчигдрийн /07.16/ хуралдаанаар  нэр бүхий албан хаагчдыг Ерөнхий сайдын санал болгосны дагуу танхимын гишүүдийн 100%-ийн саналаар яамдын дэд сайд нарыг томилсон юм. 2020-2024  онд бүрэх эрхийн хүрээнд ажиллах Уул уурхай, хүнд үйлдвэрийн дэд сайдаар Отгоншарын Батнайрамдлыг томилсон шийдвэрийг Засгийн газрын хуралдаанаар гаргалаа. О.Батнайрамдал нь 1984 онд Ховд аймгийн Жаргалант суманд төржээ. 1998 онд Ховд аймгийн арван жилийн 2 дугаар дунд сургууль, 2001 онд Монгол-Туркийн хамтарсан сургууль, 2004 онд Норвеги Улсын Дэлхийн нэгдсэн коллеж, 2008 онд АНУ-ын Макалестер коллеж, 2015 онд АНУ-ын Харвард их сургуулийг тус тус төгссөн байна.
  • 2020-07-10 16:41
    Гаалийн ерөнхий газрын мэдээлснээр, энэ оны эхний хагас жилийн байдлаар нүүрсний экспортын нийт хэмжээ 8.65 сая тоннд хүрч өмнөх оны мөн үеийнхээс 52%-иар буурсан байна. Тодруулбал, 2019 оны эхний хагас жилд манай улс нийт 18 сая тонн нүүрс экспортолж байсан бөгөөд энэ оны эхний хагас жилтэй харьцуулахад 9.4 орчим сая тонноор илүү их нүүрс гадагш нь худалдаалжээ. Ингэснээр нүүрсний экспортын орлого энэ оны эхний хагас жилийн байдлаар 690 сая ам.долларт хүрч өнгөрсөн оны мөн үетэй харьцуулахад 850 сая ам.доллараар буурсан байна.