“Эрдэнэс Тавантолгой” ХК-ийн дэргэд IPO хариуцсан нэгж байгуулагджээ

2018-09-12 13:43

Монгол Улсын Үндэсний аюулгүй байдлын зөвлөл, УИХ, Засгийн газрын тогтоолоор “Эрдэнэс Тавантолгой” ХК Тавантолгой ордын үйл ажиллагааг эрчимжүүлэх, төсөл хөтөлбөрүүдийг эхлүүлэх, олон улсын  зах зээл дээр IPO гаргах ажлыг эхлүүлсэнээс хойш өнөөдөр 72 дахь өдөр болж буй. Энэ хүрээнд 8 үе шаттай  ажлын 5 дахь дээрээ явж байгааг тус компанийн Гүйцэтгэх захирал Б.Ганхуяг онцоллоо. Одоогоор олон улсын зөвлөх авах олон улсын тендерүүд зарлагджээ.

“Эрдэнэс Тавантолгой” ХК энэ оны эхний хагас жилийн байдлаар  952 тэрбум төгрөгийн үнэ бүхий 6.9 сая тонн нүүрс борлуулсан бөгөөд энэ онд нийт 10.5 сая тонн нүүрс борлуулах төлөвлөгөөтэй ажиллаж байна. Есдүгээр сарын 8-ны өдрийн байдлаар, улсад 290,3 тэрбум төгрөгийг төвлөрүүлээд байгаа бөгөөд  компанийн санхүүгийн үзүүлэлтүүд өссөөр буйг тэрээр тодотгож байсан. Түүнчлэн компанийн цэвэр ашиг 337 тэрбум төгрөг болжээ. 2018 онд 373 гаруй  тэрбум төгрөгийн цэвэр ашигтай буюу 110%-ийн гүйцэтгэлтэй ажиллахаар төлөвлөсөн ч хагас жилийн байдлаар ийнхүү    131%-ийн гүйцэтгэлтэй буюу 483 тэрбум төгрөгт хүрчээ. Цэвэр ашиг өсөхийн хэмжээгээр ногдол ашиг, IPO, төсөл хөтөлбөрүүдээ санхүүжүүлэх боломж нь нэмэгдэнэ гэдгийг тэрээр мөн дурьдсан. 2018 оны жилийн эцсийн гүйцэтгэлийн үр дүнгээр ЭТТ нь 1072 хувьцааг амь оруулж, иргэн бүртээ ногдол ашиг тараах аж.

“Эрдэнэс Тавантолгой” ХК энэ жил 10,5 сая тонн нүүрсийг олборлохоор хүчин чадлаа тооцож ажиллаж байгаа ч Уул уурхай, хүнд үйлдвэрийн  сайдын өгсөн чиглэлийн дагуу  2018 онд 13 сая, 2019 онд 15 сая, 2020 онд 20 сая, 2021 болон 2022 оноос бүрэн хүчин чадал буюу 35 сая  тонныг олборлохоор төлөвлөөд буйг дурьдлаа.

“Эрдэнэс Тавантолгой” ХК-ийн дэргэд IPO хариуцсан нэгж байгуулагдан ажиллаж эхлээд байгаа аж. Одоогоор тус нэгжийн удирдлага ажлаа аваад удаагүй тул үйл ажиллагаатайгаа танилцах эхний алхам хийгдэж байгаагаа нуусангүй. Тус компанийн хувь нийлүүлэгчдийн ээлжит хурал болохоос өмнө ажлын  төлөвлөгөөгөө гаргаад ТУЗ-даа танилцуулах юм байна. Тиймээс одоогоор бэлтгэл ажил дөнгөж  хийгдэж байгаа учраас тодорхой мэдээлэл өгөх боломжгүй аж.  Есдүгээр сардаа багтаан “Эрдэнэс Тавантолгой” ХК дотоодын хөрөнгийн бирж дээр гарахаар төлөвлөжээ.

Есдүгээр сарын 26-нд “Эрдэнэс Тавантолгой” компанийн хувьцаа эзэмшигчдийн ээлжит хурал болох бөгөөд энэ хурлаар ТУЗ-ын хараат бус байдлыг бий болгох асуудлыг шийдвэрлэх аж. ТУЗ-ын хараат бус  гишүүдэд нэр дэвшүүлэх ажил эхэлсэн бөгөөд шаардлага хангасан гэж үзвэл хэн ч нэрээ дэвшүүлж болно гэлээ.

“Эрдэнэс Тавантолгой” ХК дэргэдээ орон тооны бус “Олон нийтийн зөвлөл” байгуулахаар шийдвэрлэжээ. Анх удаа бизнесийн байгууллага, тэр дундаа төрийн өмчит аж ахуйн нэгж дэргэдээ олон нийтийн зөвлөлийг үүсгэн байгуулахаар шийдвэрлэсэн гэдгийг тус компаниас мэдээллээ. Зөвлөл нь мэдээллийн ил тод, нээлттэй байдал, нийгмийн хариуцлагыг хэрэгжүүлэх, дээшлүүлэх, авлига, сонирхлын зөрчлөөс урьдчилан сэргийлэх гэсэн 3 чиглэлээр ажиллах аж. Тус зөвлөл нь 9 гишүүнтэй байж, гишүүдийг олон нийтийн оролцоог хангасан байдлаар иргэдийн дундаас нэр дэвшүүлэх, санал асуулга явуулах хэлбэрээр шалгаруулах юм байна. Нэр дэвшүүлэх үйл явц өндөөрөөс эхлэн 14 хоног, сонгон шалгаруулах үйл явц мөн 14 хоногийн хугацаанд үргэлжлэх ажээ.

Компанийн засаглалыг сайжруулах, нээлттэй, ил тод байдлыг хангах хүрээнд “Эрдэнэс Тавантолгой” ХК шинээр гарч буй ажлын байрны талаарх мэдээллийг компанийн цахим хуудсанд тогтмол байршуулж, тухай бүр нь нээлттэй сонгон шалгаруулалт явуулж байхаар болжээ. 

Түүнчлэн тус компани байгуулагдсанаас хойш нийт хугацаанд нүүрс худалдах 173 гэрээ байгуулж байснаас 2018 онд Гүйцэтгэх захирал Б.Ганхуяг 13 гэрээг нээлттэй сонгон шалгаруулалтаар, хамгийн сайн үнэ өгсөн, санхүүгийн өндөр чадамж бүхий компаниудтай байгуулж, гэрээний явц, үр дүн, гүйцэтгэлийг нийтэд анх удаа, хэдий хэмжээний нүүрс нийлүүлэх гэрээ байгуулсан талаарх мэдээллийг цахим хуудсандаа байршуулжээ.    

Г.Идэр

 

 

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-05-29 14:56
    Монгол Улс Санхүүгийн хориг арга хэмжээ авах байгууллага (ФАТФ)-ын мөнгө угаах, терроризмыг санхүүжүүлэхтэй тэмцэх стратегийн дутагдалтай орнуудын жагсаалтад 2019 оны аравдугаар сард орсноор нийт 4 шууд хэрэгжилтийн зөвлөмж дээр 6 үүрэг даалгавар авсан. Монгол Улсын Засгийн газраас байгуулагдсан ажлын хэсэг, Үндэсний зөвлөл, Хамтын ажиллагааны зөвлөлийн гишүүн байгууллагууд, хувийн хэвшил болон мэргэжлийн холбоодын хамтарсан ажлын хэсгүүд ФАТФ-ын стратегийн дутагдалтай орнуудын жагсаалтаас гарах чиглэлээр эрчимтэй ажиллаж, төлөвлөгөөнд тусгасан ажлуудтай холбоотой тайланг ФАТФ-ын Ази, Номхон Далай бүс хариуцсан хамтарсан бүлэгт цаг тухайд нь хүргүүлж ажиллалаа.
  • 2020-05-25 13:53
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • 2020-05-25 13:52
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • 2020-05-25 13:00
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.