Discover Mongolia 2018: Уул уурхайд өөдрөг хандлага зонхилж байна

2018-09-06 15:21


Эрдэс баялаг, уул уурхайн нэгдсэн чуулган Discover Mongolia 16 дахь жилдээ зохион байгуулагдаж байна. Хурлын гол хуралдааны эхний илтгэлийг УУХҮ-ийн сайд Д.Сумъяабазар тавьсан бөгөөд илтгэлдээ Тавантолгой нүүрсний орд газрыг эдийн засгийн эргэлтэд оруулахаар эрчимтэй ажиллаж буйгаас гадна уг ордыг Ханги-Мандалын боомт руу төмөр замаар холбох яриа хэлэлцээрийг Хятадын талтай хийж буй тухай мэдэгдсэн нь анхаарал татлаа. Мөн Оюутолгой төслийн цахилгаан станцыг төслийг хариуцаж буй компани уурхайн дэргэд байгуулах зөвшөөрөл өгснийг мэдэгдсэн юм.

Дараагийн илтгэлийг “”Оюутолгой компанийн Гүйцэтгэх захирал Армандо Торрес тавьсан бөгөөд төслийн хувьд баяжмал экспортолж эхэлснээс хойш дөнгөж таван жил өнгөрсөн ч багагүй үр дүнд хүрснийг онцлоод далд уурхайн бүтээн байгуулалт амжилттай үргэлжилж байгааг тайлбарлалаа.

“Уул уурхайн мөчлөг ба Монгол улс” илтгэлийг уул уурхайн хөрөнгө оруулалтын менежментийн чиглэлээр мэргэшсэн компани “Лайон Менежер”-ийн захирал Хэдли Виддап тавьсан юм. Одоогийн байдлаар уул уурхайн мөчлөг сайжрах шатандаа яваа ч энэ салбарт хангалттай их хөрөнгө орж ирээгүй хэвээр байгааг тэрээр тайлбарлалаа. Монгол шиг орны хувьд хайгуул, ашиглалтын салбарт хөрөнгө оруулалт татахад ихээхэн боломж бий ч хөрөнгө оруулагчид эрсдэлийг ихээхэн анхаарах болсныг тэрбээр сануулж байна.

Хурлын бас нэгэн сонирхолтой илтгэл нь “Эрдэнэс Монгол” компанийн Гүйцэтгэх захирал П.Ганхүүгийнх байлаа. Тэрбээр тус компани өөрийн охин компаниуд болох Шивээ-Овоо, Багануурын хувьцааг хөрөнгийн бирж дээр борлуулахаар төлөвлөж буй бөгөөд гангийн үйлдвэрийн төслийн ажил ихээхэн урагштай байгааг хурлын үеэр тэмдэглэлээ.



Хуралд томоохон компаниудаас гадна жижиг дунд өсч яваа компаниуд идэвхтэй оролцдог уламжлалтай. Энэ удаад Монголын алтны салбарт шинээр төрөн гарч ирж буй “Степ голд” компанийн илтгэл ихээхэн сонирхолтой байлаа. Мөн “Эрдэнэ Ресурс”, “Занаду Майнз”, “Кинкора Коппер” зэрэг багагүй хугацаанд тууштай ажиллаж буй компаниуд өөрсдийн хайгуулын төсөл дээрээ хэрхэн урагштай ажиллаж буйгаа танилцуулсан. Хөвсгөлд Овоот коксжих нүүрсний төсөл дээр ажиллаж буй “Аспайр Майнинг” компанийн Ерөнхий захирал Дэвид Полл хувьцааны арилжаагаар нэмэлт хөрөнгө татахаар төлөвлөж буй бөгөөд тус компани Монголын нүүрсний экспортын 30 хүртэлх хувийг эзлэх боломжтойг дуулгалаа.

Өнөөдрийн хурлын үдээс хойших хэсэг Засгийн газрын санаачилга сэдвийн хүрээнд үргэлжлэх бөгөөд үүнд Үндэсний баялгийн сан, Эрдэс баялгийн бирж, “Эрдэнэс Монгол”-ын хөгжил, “Эрдэнэс Тавантолгой”-н бизнес хөгжлийн чиг хандлага зэрэг чиглэл багтана. Залгуулаад Бүс нутгийн эдийн засаг, дэд бүтцийн санаачилагуудын тухай хэсэгт орон орны элчин сайд нар гадаад нөхцөл байдал уул уурхайн салбарт хэрхэн нөлөөлөх талаар санаа бодлоо хуваалцана.

Маргаашийн хуралд уул уурхайн салбарын татвар, хууль эрх зүйн орчны шинэчлэл, Засгийн газрын дэмжлэг, орон нутаг, байгаль орчны чиглэлийн санаачилга, хөрөнгө оруулалт , томоохон компаниудыг татах чиглэлд төвлөрнө.

Салбарын сайд Монголын цаашдын 20-30 жилд уул уурхайн салбар эдийн засгийн тэргүүлэх үүрэгтэй багана байх бөгөөд хууль бус, салбарын нэр хүндийг унагаж буй уурхай эрхлэгчидтэй хатуу тэмцэж ажиллахаа илэрхийллээ.

Энэ жилийн “Дисковер Монголиа” хуралд өөдрөг хандлага зонхилж байна. Энэ нь уул уурхайн зах зээлийн мөчлөг өгсөх хандлагатай байгаатай ихээхэн холбоотой. Харин энэ ашигтай үеийг Монгол улс ухаалгаар ашиглах шаардлагатайг талууд онцолж байна.

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 6 цаг 44 минутын өмнө
    “Зогсолтгүй хүч-Шантаршгүй зүтгэл” (Unstoppable Effort. Extreme support) уриатайгаар  үйл ажиллагаа явуулдаг “ЗаМайн Сервисиз” ХХК нь 2010 оноос хойш “Customer Appreciation Day” /Харилцагчдын хүндэтгэлийн өдөр/-ийг хоёр жил тутамд зохион байгуулдаг уламжлалтай. Энэ жилийн арга хэмжээг тус компанийн зүгээс  есдүгээр сарын 13-нд “Скай ресорт” цогцолборт зохион байгуулсан юм. Хүндэтгэлийн өдөрлөгт “ЗаМайн Сервисиз” ХХК-ийн хөрөнгө оруулагч компаниуд, харилцагч байгууллагууд, банк санхүүгийн салбарын  370 орчим төлөөлөл болон “Хитачи констракшн машинери”, “Марубени” корпорацийн уул уурхайн хэлтсийн менежерүүд уригдан иржээ.   
  • Өчигдөр 15 цаг 46 минутад
    Баянхонгор аймгийн Мэргэжлийн хяналтын газар төлөвлөгөөт, урьдчилан сэргийлэх, төлөвлөгөөт бус болон иргэдээс ирсэн гомдлын дагуу хяналт шалгалтыг тогтмол хийдэг. Уул уурхайтай холбоотой эдгээр хяналт шалгалт болоод цаг үеийн асуудлаар аймгийн Мэргэжлийн хяналтын газрын Геологи, уул уурхайн улсын байцаагч Ц.Болорчимэгтэй ярилцлаа. 2019 онд аймагт хичнээн уул уурхайн компани ажиллаж байна. Эдгээрт хэдэн удаагийн хяналт шалгалтыг хийгээд байна вэ? Энэ онд бид 11 аж ахуйн нэгжийн үйл ажиллагааг шалгахаар төлөвлөсөн. Эдгээр аж ахуйн нэгжийг сонгож төлөвлөхдөө өмнөх жил үйл ажиллагаа явуулсан эсэх, одоо явуулж байгаа, цаашид явуулах эсэхийг хардаг.
  • Өчигдөр 10 цаг 58 минутад
    2016 оны хоёрдугаар хагасаас эхлэн эрдсийн зах зээлд “урь” орж эхэлсэн бол одоо илүүтэй “хүйтрэх” шинжтэй болж ирж байна. Гэхдээ энэ бүхэн нь АНУ-Хятадын худалдааны дайнтай ихээхэн холбоотой. АНУ, Хятад дор бүрнээ дотоодын бизнесүүдийг хамгаалах оролдлого хийж байгаа ч тэдний тулааны нөлөө бусад голлох эдийн засгуудад муугаар нөлөөлж, улмаар дэлхийн эдийн засаг, түүхий эдийн зах зээлийг доош татаж байна. Нөгөөтэйгүүр эрдсийн зах зээлийн бууралтын мөчлөг эхэллээ гэж дүгнэх нь хэтэрхий эрт байгааг энд сануулья. Тухайлбал зэсийн хувьд бууралттай   ч урт хугацааны төлөв нь тун өөдрөг хэвээр. Гэхдээ яг одоогоор алтнаас бусад эрдсийн хувьд бууралттай тулгарч байна. Эрдэс тус бүрээр байдал ямар байгааг авч үзье.
  • 2019-09-13 14:06
    Өнгөрсөн хоёр сарын хугацаанд Баянхонгор аймаг дахь Алт сорьцлох хяналтын лаборатори 10 гаруй иргэн, гурван аж ахуйн нэгжээс 80 орчим кг алт авч Монголбанкинд тушаажээ. Тус лаборатори нь нийтдээ 90 орчим алтан гулдмай хэвлэн гаргаж, химийн сорьцын шинжилгээ хийсэн байна. Тэгвэл энэ оны есдүгээр сарын байдлаар 450 орчим кг алт Монголбанкинд тушаасан бөгөөд нийт 390 орчим алтан гулдмайг хэвлэж, сорьцын шинжилгээ хийсэн аж. Энэ хэмжээ ирэх хоёр сарын хугацаанд өсөх хандлагатай байна.
  • 2019-09-12 17:44
    Оны эхний найман сарын байдлаар Монгол улсын нүүрсний экспорт 25 сая тоннд хүрсэн тухай Үндэсний статистикийн хороо мэдээллээ. Өнгөрсөн оны мөн үеийнхээс жингийн хувьд 5.2%-иар өссөн үзүүлэлттэй байна. Сарын дүнгээр авч үзвэл, өнгөрсөн наймдугаар сард 4 сая 125 мянган тонн нүүрсний экспорт хийж түүхэн дээд амжилт тогтоолоо. Харин мөнгөн дүнгийн хувьд 15.6%-ийн өсөлттэй буюу 2.135 тэрбум ам.доллартай тэнцэж байна. Гэхдээ энэ онд нүүрсний экспорт 42 сая тонн байхаар улсын төсөвт тооцож буй төлөвлөгөө биелэхэд хүндрэлтэй байгааг тэмдэглэх нь зүйтэй. Үндэсний статистикийн хорооны мэдээллээр, оны эхний найман сарын байдлаар манай улсын гадаад худалдааны нийт бараа эргэлт 9.5 тэрбум ам.долларт хүрч 11.9%-иар өсчээ. Үүнд экспорт 5.4 тэрбум ам.доллар, импорт 4.1 тэрбум ам.долларыг эзэлсэн байна. Тодруулбал, экспорт өнгөрсөн оны мөн үеийнхтэй харьцуулахад 15.3%, импорт 7.6%-иар тус тус өслөө.