“Вай Ти Эм Монголиа” компани 5 жилийн ойгоороо Алтан медаль хүртлээ

2018-08-13 12:03

Yokohoma  компанийн Монгол улс дахь албан ёсны дистрибьютор “Вай Ти Эм Монголиа” ХХК-ийн 5 жилийн ойн хүндэтгэлийн ёслолын арга хэмжээ энэ сарын 10-нд АСEМ цогцолборт боллоо.

Тус компанийг үүсгэн байгуулагч Д.Сэржбүдээ хүндэтгэлийн ёслолыг нээж хэлсэн үгэндээ “Yokohama компани бол бидний хэлдэгээр Октябрийн хувьсгалтай нас чацуу, Японы үндэсний ууган үйлдвэрүүдийн нэг. Энэ агуу түүхэн замналтай компанитай бид хамтын ажиллагаа үүсгээд таван  жил болж байна. Таван жилийн хугацаанд ихээхэн ажлыг амжуулжээ. Ялангуяа Монгол улсад уул уурхайн салбар тэргүүлэн хөгжиж байгаа өнөө цагт маш олон уул уурхайн  үндэсний компанитай хамтран ажиллаж ирлээ” хэмээн тодотгосон юм.    

Тэрээр мөн Yoкohama-гийн суудлын автомашины дугуй нь технологийн хувьд аюулгүй байдал, харагдах байдал, туулах чадвараараа  дээд зэргийн, ялангуяа Монгол шиг дөрвөн улиралтай улсад маш тохиромжтой гэлээ. Тиймээс ч   тус компани 2018 онд   Монголд зориулан цоо шинэ технологийн дугуйг оруулж ирж буй аж. Энэ дугуй нь нийт хэрэглэгчдийн таашаалд нийцсэн шилдэг бүтээгдэхүүн болсныг  “Вай Ти Эм Монголиа” компанийхан онцоллоо.   

2017 онд 100 жилийн ойгоо тэмдэглэсэн  Yokohoma  компанийн Монгол улс дахь албан ёсны дистрибьютор “Вай Ти Эм Монголиа” компани 2013 оны зургаадугаар сараас үйл ажиллагаагаа эхлүүлж  Yokohoma  брэндийн хөнгөн тэрэгний дугуй, уул уурхайн дугуй, автобус, ачааны тэрэгний дугуй, конвейр, гидрийн шланкийг албан ёсны эрхтэйгээр эх орондоо шууд нийлүүлэх үйл ажиллагаагаа эхлүүлсэн юм.  Улаанбаатар хотод тус компани өөрийн байгуулсан 1, албан ёсны гэрээт 12 салбар дэлгүүрээр бүтээгдэхүүнээ түгээж байна.

Япон улсын  резинэн эдлэлийн анхны үйлдвэр Yokohoma  компани нь (The Yokohama Rubber Co.Ltd) 1917 оны аравдугаар сард шаваа тавьсны дараа 1963 онд одоогийн нэр The Yokohama Rubber Co.Ltd болж шинэчлэн байгуулагджээ. Дугуйн үйлдвэрлэлээр Япон улсад 10, дэлхий даяар 17 үйлдвэр, 53 салбар компанитай 25400 орчим ажилтантай дэлхийн хэмжээний дугуй үйлдвэрлэлийн тэргүүлэгч компаниудын нэг юм.

Yoкohama компани Passenger Car ангиллын бүх төрлийн автомашин, авто уралдааны машин, Truck and Bus ангиллын хөнгөн хүнд даац, нийтийн тээврийн хэрэгсэл, Off the road буюу уул уурхайн хүнд машин механизмын дугуйг үйлдвэрлэж, гадаад дотоодын зах зээлд нийлүүлдэг. Мөн Belt сonveyоr-резин конвейр, High Pressure Hose-өндөр даралтын гидрийн шланк зэрэг аж үйлдвэрийн зориулалттай сэлбэг хэрэгслийг үйлдвэрлэдэг.

Японы The Yokohama Rubber Co.Ltd компанийн Азийн бүс нутгийн гадаад, худалдаа, маркетингийн хэлстийн ерөнхий менежер Такеши Фужино хүндэтгэлийн ёслолын ажиллагаанд оролцож харилцагчдад хандан  мэндчилгээ дэвшүүлсэн юм. Тэрээр “2013 онд Вай Ти Эм Монголиа компани үүсэн байгуулагдахад Японы  зүгээс туслалцаа үзүүлж байсан хүмүүсийн нэг нь би. Миний хувьд 2017 онд Монголд эргэж ирэхэд энэ компанийн үйл ажиллагаа маш сайн явагдаж байгааг хараад баярлаж билээ” гэсэн юм.

Yokohama компани жил бүр дистрибьюторуудын дунд борлуулалтын уралдаан зарлаж шалгаруулдаг аж. Энэ нь олон төрлийн уралдаанаар өрнөдөг бөгөөд  “Вай Ти Эм Монголиа” компани  уул уурхайн дугуйн борлуулалтаараа огцом тэсрэлт хийж, хамгийн өндөр амжилт үзүүлсэн гэдгээрээ “Алтан медаль” хүртлээ.  Энэхүү Алтан медалийг хүртэхэд Багануур ХК онцгой үүрэг гүйцэтгэж, дэмжлэг үзүүлсэн байна.  

Түүнчлэн “Вай Ти Эм Монголиа” компанийн 5 жилийн ойн баярын арга хэмжээний үеэр тус компани Монголын нэртэй гольфчдын дунд тэмцээн зохион байгуулж, ялагч нараа тодруулав. 

 

Г.Идэр

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-05-29 14:56
    Монгол Улс Санхүүгийн хориг арга хэмжээ авах байгууллага (ФАТФ)-ын мөнгө угаах, терроризмыг санхүүжүүлэхтэй тэмцэх стратегийн дутагдалтай орнуудын жагсаалтад 2019 оны аравдугаар сард орсноор нийт 4 шууд хэрэгжилтийн зөвлөмж дээр 6 үүрэг даалгавар авсан. Монгол Улсын Засгийн газраас байгуулагдсан ажлын хэсэг, Үндэсний зөвлөл, Хамтын ажиллагааны зөвлөлийн гишүүн байгууллагууд, хувийн хэвшил болон мэргэжлийн холбоодын хамтарсан ажлын хэсгүүд ФАТФ-ын стратегийн дутагдалтай орнуудын жагсаалтаас гарах чиглэлээр эрчимтэй ажиллаж, төлөвлөгөөнд тусгасан ажлуудтай холбоотой тайланг ФАТФ-ын Ази, Номхон Далай бүс хариуцсан хамтарсан бүлэгт цаг тухайд нь хүргүүлж ажиллалаа.
  • 2020-05-25 13:53
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • 2020-05-25 13:52
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • 2020-05-25 13:00
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.