ОУВС Монголд олгох дараагийн санхүүжилтийг батлав

2018-06-28 12:03

Олон Улсын Валютын Сан (ОУВС)-гийн Захирлуудын зөвлөл гурван жилийн хугацаатай Өргөтгөсөн санхүүжилтийн хөтөлбөрийн хэрэгжилтийн дөрөв дэх шатны үнэлгээг зургадугаар сарын 27-ны өдөр хэлэлцэж баталлаа. Ингэснээр Монгол Улсад 26.2 сая зээлжих тусгай эрх (ЗТЭ) буюу ойролцоогоор 36.91 сая ам.долларын санхүүжилт нэмж олгогдох юм. Үүний зэрэгцээ бусад донор орон болон хөрөнгө оруулагчийн санхүүжилтүүдийг үргэлжлүүлэн авах юм.

Гурван жилийн хугацаатай хэрэгжих хөтөлбөрийн хүрээнд ОУВС-аас нийтдээ 434.3 сая ам.доллар олгохоор баталсан бөгөөд хөтөлбөр хэрэгжиж эхэлснээс хойш 131.03 сая ЗТЭ буюу 184.55 сая ам. долларын санхүүжилт олгогдоод байгаа юм.

ОУВС-ийн мэдэгдэлд дурдсанаар Монгол улсын төсвийн орлого нэмэгдэж, ашигтай гарч эхэлсэн төдийгүй гадаад валютын нөөц хоёр дахинаас илүү хэмжээгээр өссөн зэрэг таатай үзүүлэлтүүдийг дурдсан байна. 2018 оны гуравдугаар сарын сүүлийн байдлаар хөтөлбөрийн хүрээнд дэвшүүлсэн бүх зорилт давж биелсэн. Үүнд бодлогын тууштай хэрэгжилт болон гадаад орчны таатай нөхцөл байдал буюу эрдсийн зах зээлийн өсөлт нөлөөлснийг онцолсон байна.

Гэхдээ Монгол улсын өр зээл их хэвээр, дэлхийн түүхий эдийн зах зээлээс хэт хамааралтай эдийн засагтай байгаа тул төр засаг хөтөлбөрийн хэрэгжилтийг сайтар хангах нь чухал байгааг мөн тэмдэглэлээ.

ОУВС-ийн Дэд захирал Тао Занг “Ийнхүү ахиц дэвшил гарсан хэдий ч, Монголын эдийн засаг гадаад, дотоод гэнэтийн нөхцөл байдалд эмзэг хэвээр байна. Иймд төсөв, валютын нөөцийн чадавхийг үргэжлүүлэн сайжруулж, банкны салбарыг бэхжүүлж, хөрөнгө оруулалтын уур амьсгалыг сайжруулахдаа одоогийн эдийн засгийн таатай нөхцөл байдлыг ашиглах нь маш чухал байна. Гэнэтийн нөхцөл байдалд тэсвэртэй байх, хүчтэй, хүртээмжтэй өсөлтийг бүрдүүлэхэд төрийн байгууллагууд шинэчлэлийн хөтөлбөрийг эрчимтэй хэрэгжүүлэх нь гол үүрэгтэй байх болно” гэж мэдэгджээ.

Мөн санхүүгийн секторыг бэхжүүлэх бүтцийн шинэчлэлийн ажил өнгөрсөн нэгдүгээр сард гарсан банкуудын Активын чанарын үнэлгээний дагуу хийгдэх ажлаар үргэлжилж байгааг ОУВС мэдээлсэн байна. Энэ ажлын хүрээнд одоогоор банкуудад ямарваа өөрийн хөрөнгийн хомсдол байгаа эсэхийг илрүүлж, түүнд шаардлагатай хөрөнгийг босгох үйл явц өрнөж байгаа ажээ.

 

Б.Төгс

 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Өчигдөр 14 цаг 27 минутад
    Монгол Улсад газрын тосны салбар үүсч хөгжсөний 80 жил, газрын тосны инженер бэлтгэж эхэлсний 25 жилийн ой энэ жил тохиож байна. Уг ойг угтан  салбарын яам Ажлын хэсэг байгуулан ажиллаж эхлээд байгаа бөгөөд тодорхой ажлуудыг хийхээр төлөвлөжээ. Хэдхэн хоногийн өмнө   салбарын яамны зүгээс газрын тосны ашиглалт, олборлолт, экспортын үйл ажиллагаа эрхэлдэг шилдэг компаниудыг тодруулан өргөмжилсөн. Тэгвэл энэ сарын 21-нд ШУТИС-ийн Геологи, уул уурхайн сургуулиас “Газрын тос 2020” эрдэм шинжилгээ, онол практикийн XXVI хурлыг зохион байгуулахаар болжээ.
  • Уржигдар 11 цаг 38 минутад
    Дэлхий дахины амьдралын хэмнэл орвонгоороо өөрчлөгдөж, хүн төрөлхтний хөгжил олон сорилттой тулгарсан  2020 он улирч байна. Ирээдүйд асар их үр дагавар дагуулах олон үйл явдлын эхлэл тавигдсан энэ оныг  халдварт вирусын хамт дэлхий нийт угтсан юм. Коронавирус  дэгдсэнээр  улс орнууд хорио цээрийн дэглэмд  шилжиж, эдийн засаг, худалдаа үйлдвэрлэл, аялал жуулчлал, ложистик, зар сурталчилгаа, спорт, соёл урлагийн гээд бүхий л салбар асар их алдагдал хүлээж байна.  Сорилт, бэрхшээл Монголыг ч тойроогүй. Цар тахлын бодит аюултай нүүр тулсан улс орнуудын иргэдээ хамгаалсан, эдийн засгаа идэвхжүүлсэн туршлага бүр Монгол Улсыг алдаа гаргахаас сэргийлж, оновчтой бодлого хэрэгжүүлэх зүг чиг болох учиртай.
  • 2021-01-15 19:10
    Дорноговь аймгийн Алтанширээ сумын нутагт хэрэгжиж буй Газрын тос боловсруулах үйлдвэр байгуулах төслийн талбайд үйлдвэрийн барилгын ажлыг эхлүүлэх ёслол (2021.01.15) болов.Дэлхий дахинд дэгдсэн цар тахлын хүнд цаг үед Монгол Улс, БНЭУ-ын Засгийн газрууд,  холбогдох төрийн байгууллага, орон нутгийн дэмжлэгтэйгээр “Монгол газрын тос боловсруулах үйлдвэр” ТӨХХК, төслийн менежментийн зөвлөх (ТМЗ) “Инженерс Индиа Лимитэд” компанийн инженерүүд хүчээ дайчлан, хамтран ажилласны үр дүнд өнөөдөр үйлдвэрийн технологийн бус байгууламжуудын барилга-угсралтын ажлыг эхлүүлж байгааг төсөл хэрэгжүүлэгчид онцолсон байна. Өнөөдрийн ёслолын арга хэмжээнд БНЭУ-аас Монгол Улсад суугаа Онц бөгөөд Бүрэн эрхт Элчин сайд М.П.Сингх биечлэн оролцжээ.   
  • 2021-01-14 18:32
    Уул уурхайн ажилчдын ээлж солих зохион байгуулалттай арга хэмжээний хүрээнд ажилчдаас PCR шинжилгээ авах ажиллагааг Нийслэлийн эрүүл мэндийн газартай хамтран 01 дүгээр сарын 16-ны өдөр эхлүүлэх боллоо. Гамшгаас хамгаалах уул уурхай, хүнд үйлдвэрийн улсын албаны Шуурхай штабаас Нийслэлийн эрүүл мэндийн газрын шинжилгээ авах цэгүүдэд аж ахуйн нэгжүүдийг хуваарилж байна. Шинжилгээ өгөх хуваарийг Уул уурхай, хүнд үйлдвэрийн яамны вэб сайтын “Мэдээ мэдээлэл” цонхны “Шуурхай штаб мэдээлэл”  хэсэгт өнөөдөр, 01 дүгээр сарын 14-ний өдөр байршуулах тул аж ахуйн нэгжүүд орон нутгаас ирж шинжилгээнд хамрагдан ээлжинд гарах ажилчдаа Улаанбаатарт ирүүлэх талаар холбогдох арга хэмжээг авч ажиллана уу. Үүний тулд аймгуудын Онцгой комиссын цахим хаягаар тухайн орон нутгаас ирэх ажилчдынхаа мэдээлэл бүхий аж ахуйн нэгжийн албан хүсэлтийг хүргүүлж өөрийн ажилчныг тодорхойлж өгөх шаардлагатай байна.  
  • 2021-01-14 18:17
    ОХУ-ын гадаад валютын нөөцийн бүтцэд анх удаа алтны хувь хэмжээ ам.долларыг давжээ. Тодруулбал, тус улсын Төв банкны тайлангаар, нийт нөөцийн 23%-ийг алт (128.5 тэрбум ам.доллартай тэнцэнэ) бүрдүүлж еврогийн дараа оржээ. Харин 124.6 тэрбум америк доллар нь нийт нөөцийн 22% болж буурсан байна. 2018 онд нийт нөөцийн 44%-ийг америк доллар бүрдүүлж байжээ. Энэхүү өөрчлөлт нь Оросын эдийн засгийг америк доллараас үл хамаарах, хоёр улсын харилцаа муудаж буй нөхцөлд АНУ-ын хориг арга хэмжээнд өртөмтгий байдлыг бууруулах гэсэн ОХУ-ын Ерөнхийлөгч В.В.Путины бодлогын нэг хэсэг хэмээн шинжээчид тайлбарлаж байгаа юм. 2020 оны арванхоёрдугаар 25-ны байдлаар, тус улсын гадаад валютын нийт нөөц 592.4 тэрбум ам.доллартай тэнцэж байв.