Эрдсийн экспорт 15%-иар өсч, нүүрс өсөлтөө хадгалав

2018-06-13 10:20

Монгол улсын худалдааны эргэлт оны эхний таван сарын байдлаар 5.1 тэрбум ам.долларт хүрсэн байна. Энэ дунд экспорт 2.9 тэрбум ам.доллар, импорт 2.2 тэрбум ам.долларыг эзэлж байна. Тодруулбал нийт бараа эргэлт өмнөх оны мөн үеийнхтэй харьцуулахад 26.5%, экспорт 15.1%, импорт 45.5%-иар тус тус өссөн дүнтэй гарч байна. Худалдааны ашиг 706.4 сая ам.долларт хүрсэн ч өмнөх оны мөн үеийнхээс 29.9%-иар буурсан байна.

Экспорт эхний таван сард өмнөх оны мөн үеийнхээс ийнхүү өсөхөд эрдэс бүтээгдэхүүний экспорт 371.9 сая ам.доллар, нэхмэл бүтээгдэхүүний экспорт 15 сая ам.доллараар өссөн нь голлон нөлөөлжээ.

Оны эхний таван сарын байдлаар эрдсийн экспорт 2.88 тэрбум ам.долларт хүрсэн нь өмнөх оны мөн үеийнхээс 15.1%-иар давсан дүнтэй гарлаа.

Нүүрсний экспорт оны эхний таван сарын байдлаар 14.3 сая тоннд хүрсэн бөгөөд орлогын дүнгээр 1 тэрбум 110 сая ам.долларт хүрсэн нь өмнөх оны мөн үеийнхтэй харьцуулахад жингээр 5.1%-иар буурсан ч орлогын дүн 9.8%-иар өссөн байна. Харин сарын дүнгээр авч үзвэл өнгөрсөн тавдугаар сард дангаараа 3 сая 979 орчим мянган тонн нүүрс экспортолсон нь өмнөх дөрөвдүгээр сарынхаас 413 мянган тонн буюу 11.6%-иар өссөн байна. Өнгөрсөн оны зургадугаар сард сарын дүнгээр нүүрсний экспортын дээд амжилт (4059.7 мян.тн) тогтоогдсон байдаг. Тэгвэл өнгөрсөн тавдугаар сарын экспорт энэ дээд үзүүлэлтэд тун дөхөж очсоноороо хоёр дахь дээд амжилт боллоо.

Зэсийн баяжмалын хувьд мөн хугацаанд 601 мянган тонн бүтээгдэхүүн гадагш нийлүүлж, орлогын дүнгээр 823.3 сая ам.долларт хүрлээ. Энэ нь орлогын хувьд 30.2%-иар дээшилсэн бол жингийн хувьд адил түвшинд хадгалагдав. Боловсруулсан цэвэр зэсийн хувьд эхний таван сарын байдлаар 5.8 мянган тонныг гадагш нийлүүлж, 39 сая орчим ам.доллар олсон нь жингээр 17.1%-иар буурсан ч орлого ижил түвшинд байна.

Боловсруулаагүй газрын тосны экспорт оны эхний таван сарын байдлаар 2.77 сая баррель буюу 177 сая ам.доллартай тэнцсэн нь жингийн хувьд 10.5%-иар буурсан ч орлогын хувьд 15%-иар нэмэгдсэн дүнтэй гарлаа.

Боловсруулаагүй алтны экспортын хувьд 3.4 тонныг гадагш нийлүүлж 144.5 орчим сая ам.доллар олсон нь жингийн хувьд 3%-иар буурсан ч орлогын хувьд 1.9%-иар дээшилсэн дүнтэй байгааг Үндэсний статистикийн хороо мэдээлсэн. Тэгвэл Монголбанкны мэдээлж буйгаар төв банкны алт худалдан авалтын дүн эхний таван сарын байдлаар 4.95 тоннд хүрсэн нь өмнөх оны мөн үетэй харьцуулахад 1.5%-иар өсөөд байгаа юм.

Төмрийн хүдрийн тухайд 2.77 сая орчим тонныг гадагш нийлүүлж 131.2 сая ам.доллар олсон нь жингийн хувьд 24.3%-иар өссөн ч орлогын хувьд 5.7%-иар доошилсон дүн үзүүллээ.

Цайрын хүдэр, баяжмалын экспортын тухайд мөн хугацаанд 52.3 мянган тоннд хүрч, орлогын дүн нь 92.8 орчим сая ам.доллар болсон нь биет жингээр 8.8%-иар дээшилж, үнийн дүн 28.3%-иар өссөн болохыг илтгэв.

Жоншны баяжмалын хувьд мөн хугацаанд 153.4 мянган тонн хүдэр, баяжмалыг 50.6 сая ам.доллараар экспортолсон нь жингийн хувьд 37.4%, орлогын дүнгээр даруй 92.5%-иар тус тус дээшилснийг харууллаа.

Хар тугалгын хүдэр, баяжмалын экспорт мөн хугацаанд 7.7 мянган тоннд хүрч, 19.9 сая ам.долларт хүрсэн нь жингээр 23.8%, орлого 22.5%-иар өссөн дүнтэй гарлаа.

Молибденийн баяжмалын экспорт эхний таван сарын байдлаар 2.3 мянган тонн буюу 18.3 сая ам.долларт хүрсэн нь жингээр 8.5%-иар буурсан ч орлого 33.2%-иар өссөн болохыг харууллаа.

Гянтболдын хүдрийн экспортын тухайд эхний таван сарын байдлаар 127.9 тонныг экспортолж, 1.65 сая ам.доллар олсон нь жингээр 5.1%, орлого 33.8%-иар тус тус өссөн үзүүлэлттэй гарав.

 

 

Б.Төгс

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-07-20 13:13
    Катодын зэс үйлдвэрлэлийн технологийг анх удаа Монгол орны уур амьсгалын эрс тэс нөхцөлд амжилттай нутагшуулж, зэсийн исэлдсэн эрдэс бүхий хүдрийг уусган баяжуулах аргаар боловсруулан, цэвэр зэс үйлдвэрлэж буй “Эрдмин” ХХК дотоодын төдийгүй гадаадын уул уурхайн зах зээлд хэдийнэ танил болжээ.  Тус компани нь “Эрдэнэт үйлдвэр”-ийн хаягдал, балансын бус хүдрийн овоолгуудыг 40 жилийн турш ашиглах гэрээ байгуулан ажиллаж байгаа билээ.The Mongolian Mining Journal сэтгүүлээс зохион байгуулсан уул уурхайн салбарын шилдгүүдийг тодруулах Mining Journal Awards-2013 ёслолын ажиллагааны “Шилдэг технологи” шагналыг “Эрдмин” компани хүртсэн түүхтэй. Жилд 2500 орчим тонн катодын цэвэр зэс үйлдвэрлэж экспортод гаргаж, 41 нэр төрлийн 3 сая гаруй метр зэс утас үйлдвэрлэн дотоодын зах зээлд нийлүүлж байгаа зэрэг үзүүлэлтүүдээрээ тус компани энэхүү нэр хүндтэй номинацийн эзэн болж байсан юм. 
  • 2020-07-20 13:09
    УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна. УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна.
  • 2020-07-17 11:48
    Монгол Улсын Засгийн газраас хэрэгжүүлж буй Тавантолгой-Зүүнбаян чиглэлийн төмөр замын ажлын эхний 50 км зам бэлэн болж өнгөрсөн зургадугаар  сард нээлтээ хийсэн юм. 2019 оноос эхлэн жил гаруйн хугацаанд эрчимтэй өрнөж 416.1 км-ийн 200 км-т доод бүтэц, газар шорооны ажил мөн л дуусчээ. Уг бүтээн байгуулалтад “Тавантолгой төмөр зам” ХХК захиалагчийн хяналтын үүрэг гүйцэтгэн ажиллаж байна. Тус компани 2019 оны зургадугаар  сарын 19-нд  “Монголын төмөр зам” ТӨХК-тай хамтран ажиллах гэрээгээ байгуулсан бөгөөд  энэ оны долдугаар  сард гэрээний хугацаа дууссан ч талууд гэрээгээ дахин сунгаж,   захиалагчийн хяналтын үүргийг  үргэлжлүүлэн гүйцэтгэхээр болжээ.
  • 2020-07-17 11:05
    Монгол Улсын Засгийн газар  өчигдрийн /07.16/ хуралдаанаар  нэр бүхий албан хаагчдыг Ерөнхий сайдын санал болгосны дагуу танхимын гишүүдийн 100%-ийн саналаар яамдын дэд сайд нарыг томилсон юм. 2020-2024  онд бүрэх эрхийн хүрээнд ажиллах Уул уурхай, хүнд үйлдвэрийн дэд сайдаар Отгоншарын Батнайрамдлыг томилсон шийдвэрийг Засгийн газрын хуралдаанаар гаргалаа. О.Батнайрамдал нь 1984 онд Ховд аймгийн Жаргалант суманд төржээ. 1998 онд Ховд аймгийн арван жилийн 2 дугаар дунд сургууль, 2001 онд Монгол-Туркийн хамтарсан сургууль, 2004 онд Норвеги Улсын Дэлхийн нэгдсэн коллеж, 2008 онд АНУ-ын Макалестер коллеж, 2015 онд АНУ-ын Харвард их сургуулийг тус тус төгссөн байна.
  • 2020-07-10 16:41
    Гаалийн ерөнхий газрын мэдээлснээр, энэ оны эхний хагас жилийн байдлаар нүүрсний экспортын нийт хэмжээ 8.65 сая тоннд хүрч өмнөх оны мөн үеийнхээс 52%-иар буурсан байна. Тодруулбал, 2019 оны эхний хагас жилд манай улс нийт 18 сая тонн нүүрс экспортолж байсан бөгөөд энэ оны эхний хагас жилтэй харьцуулахад 9.4 орчим сая тонноор илүү их нүүрс гадагш нь худалдаалжээ. Ингэснээр нүүрсний экспортын орлого энэ оны эхний хагас жилийн байдлаар 690 сая ам.долларт хүрч өнгөрсөн оны мөн үетэй харьцуулахад 850 сая ам.доллараар буурсан байна.