Монгол улсын жижиг дунд бизнес эрхлэгчдийг чадавхижуулах Санамж бичгийг байгууллаа

2018-05-17 13:26


Оюутолгой ХХК нь Германы Олон улсын хамтын ажиллагааны нийгэмлэг (GIZ), Говийн оюу хөгжлийг дэмжих сан, Өмнөговь аймгийн Засаг дарга болон Олон улсын  санхүүгийн корпорацитай “Харилцан ойлголцлын санамж бичиг”-т өнөөдөр гарын үсэг зурлаа.  Түүнчлэн Говийн оюу хөгжлийг дэмжих сан болон Германы Олон улсын хамтын ажиллагааны нийгэмлэг хамтарсан санхүүжилтийн гэрээнд гарын үсэг зурсан юм.

“Корпорейт” зочид буудалд болсон тус ёслолын арга хэмжээний эхэнд  Оюутолгой ХХК-ийн Гүйцэтгэх захирал Армандо Торрес  уг  төслийг санаачлан хамтран ажиллаж байгаа GIZ-ийн ЭТИС хөтөлбөрийнхөнд талархаж буйгаа илэрхийлсэн юм. Тэрээр “Оюутолгой бол Монгол улсад аюулгүй, өрсөлдөөнтэй, чадавхитай зэсийн бизнесийн үйл ажиллагаа эрхэлдэг компани. Манай компани орон нутгийн худалдан авалтыг  хийснээр нийлүүлэлтийн сүлжээ, түүний  дараах шинэ ажлын байрыг бий болгож буй юм. 2017 он гэхэд ойролцоогоор 670 орчим ханган нийлүүлэгч манай компанитай хамтран ажилласан байна. Тэд бүгд  Монголын үндэсний ханган нийлүүлэгчид” гэлээ.

2010-2017 онд “Оюутолгой” компани ойролцоогоор 2.25 тэрбум ам.долларыг зөвхөн үндэсний худалдан авалтад зарцуулжээ. Тус компанийн хувьд Өмнөговь нь  стратегийн маш чухал ач холбогдолтой аймаг бөгөөд 2010 онд ойролцоогоор 500 мянган ам. долларыг худалдан авалтад зарцуулж байсан бол энэ тоо  2017 оны байдлаар бараг 100 сая ам.долларт хүрчээ.

Түүнчлэн “Оюутолгой” компани нь гүний уурхайн бүтээн байгуулалтын явцад 1.4 тэрбум ам.долларыг үндэсний худалдан авалтад зарцуулахаар  төлөвлөж буй аж.  Гэхдээ үүнээс илүү их зүйлийг бид хийх ёстой, тухайлбал бараа бүтээгдэхүүний худалдан авалтын дараагийн үе шат руу дэвшин орох шаардлага үүсч буйг ноён Армандо Торрес  хэлсэн үгэндээ тодотгож байсан юм.

“Бид үндэсний болон орон нутгийн оролцогч талуудтай нягт хамтран ажиллаж,  тогтвортой хөгжлийг нэмэгдүүлэхэд урт хугацааны турш хувь нэмэр оруулах хөтөлбөрийг хэрэгжүүлэхээр зорьж байна. Энэхүү түншлэлийн хүрээнд Монголын жижиг дунд бизнес эрхлэгчдийн чадавхийг бэхжүүлэх зорилго бүхий  олон талт хамтын ажиллагааны хөтөлбөрийн шинэ үеийн эхлэлийг тавьж байна” хэмээн  тэрээр хэллээ.  

Монгол улсад суугаа Онц бөгөөд Бүрэн эрхт Элчин сайд Штефан Дуппел “Монгол улсын жижиг дунд үйлдвэрүүд бол  тус улсын эдийн засгийн үндсэн суурь юм. Тийм учраас ялангуяа залуу бизнес эрхлэгчдэд чадавхийг бэхжүүлэх үйл ажиллагааг бидний зүгээс зохион байгуулах ёстой. Хамгийн гол  нь, жижиг дунд үйлдвэрийг цаашид тогтвортой хөгжүүлэхэд анхаарах учиртай. Өнөөдрийн хөтөлбөр бол жижиг дунд үйлдвэрлэлийн тогтвортой хөгжлийг бий болгоход  чиглэж байгаа учраас үр ашгаа авчирна гэдэгт итгэж байна” хэмээн тодотгосон.       

Талууд хамтдаа Монгол улсын жижиг дунд бизнес эрхлэгчдийг чадавхижуулах хөтөлбөрийг боловсруулах хүрээнд хамтран ажиллах юм. Чадавхижуулах хөтөлбөрийн гол зорилго нь эрүүл мэнд, аюулгүй ажиллагаа, байгаль орчин, бизнесийн ёс зүй, бизнесийн удирдлага, ханган нийлүүлэлтийн сүлжээний удирдлага зэрэг бизнесийг оновчтой удирдан явуулах ур чадвар олгох сургалтуудыг жижиг дунд бизнес эрхлэгчдэд явуулах аж.

Ингэснээр жижиг дунд бизнес эрхлэгчид өрсөлдөх чадвараа сайжруулан үйл ажиллагаагаа илүү тогтвортой явуулах боломжтой болох ба нөгөө талаас дэлхийн түвшний уул уурхай болон бусад бизнесийн салбарын хэрэгцээг хангах чадвартай болж, мөн тэдний санхүүгийн мэдлэг, мэдээлэл, чадавхи сайжрах боломжтой болно.

Монгол улсын нийт бизнесийн 98% нь жижиг дунд гэсэн ангилалд орж байгаа ч тэд улсын дотоодын нийт бүтээгдэхүүний зөвхөн 25%-ийг бүрдүүлж байгаа юм. Жижиг дунд бизнес эрхлэгчид нь улсын хэмжээний ажил эрхлэлтийн 90%-ийг хангаж байгаа ч өсөх, хөгжихийн тулд олон бэрхшээлтэй тулгардаг. Монгол компаниудын зөвхөн 10% нь банкаар дамжуулан санхүүгийн  үйлчилгээ хүртэж байна.

“Оюутолгой” ХХК нь энэхүү дэвшилтэт түншлэлийн хөтөлбөрөөр дамжуулан түншүүдтэйгээ хамтран Монголын бизнес эрхлэгчид, тэр дундаа Өмнөговь аймгийн бизнес эрхлэгчдийг илүү аюулгүй, тогтвортой, өрсөлдөх чадвартай болгон хөгжүүлэх, чадавхийг нь нэмэгдүүлэхээр ажиллаж, Монгол улсын хөгжилд хувь нэмрээ оруулсаар байх аж.

Германы Олон улсын хамтын ажиллагааны нийгэмлэг нь ХБНГУ-ын Эдийн засгийн хамтын ажиллагаа, хөгжлийн  яамны хүсэлтээр өнгөрсөн 25 жилийн хугацаанд олон салбарт хөгжлийн хамтын ажиллагааны чиглэлээр Монгол улсад идэвхтэй үйл ажиллагаа явуулж ирсэн  юм.  Түүнээс гадна тус байгууллага нь  Дэлхийн 130 гаруй улсад жижиг дунд бизнес эрхлэгчдийг хөгжүүлэх  чиглэлээр ажилласан туршлагатай тус байгууллага юм.   

Олон улсын санхүүгийн корпорацийн хувьд  банк, санхүүгийн салбар, уул уурхайн усны менежмент, ажил эрхлэлт, жижиг дунд бизнес эрхлэгчдийг дэмжих чиглэлээр ихээхэн ажил хийж, Монгол улсын эдийн засгийн хөгжил тэр дундаа Оюутолгойн бүтээн байгуулалтыг тууштай дэмжиж иржээ.  Мөн хувийн хэвшилд хөрөнгө оруулах, хөрөнгө санхүү босгох, Засгийн газар болон бизнес эрхлэгчдийн өрсөлдөх чадварыг нэмэгдүүлэх зөвлөгөө өгөх замаар Монгол улсын эдийн засгийн тогтвортой хөгжилд хувь нэмэр оруулсаар байна.

Төлөөлөгчийн газраа 1997 онд байгуулсанаас хойш олон салбарт хөрөнгө оруулж ажилласан бөгөөд энэ нь нийт дүнгээрээ 3 тэрбум гаруй ам.доллар болжээ.

“Энэхүү түншлэлийн хүрээнд уул уурхайн компаниудын хэрэгцээт бараа, үйлчилгээний тухай мэдээллийг орон нутгийн ханган нийлүүлэгч нарт нэгдсэн байдлаар хүргэх боломжийг бүрдүүлэх юм. Ингэснээр нэг талаас ил тод байдал сайжирч, нөгөө талаас хөтөлбөрийн хүрээнд чадавхиа дээшлүүлсэн жижиг дунд бизнес эрхлэгчдэд илүү давуу тал, боломж бий болж, тэдний тогтвортой байдал нэмэгдэнэ” хэмээн Монгол улсад суугаа Олон улсын санхүүгийн корпорацийн суурин төлөөлөгч Туен Нгуен хэллээ.

Өмнөговь аймгийн Засаг дарга бөгөөд Говийн оюу хөгжлийг дэмжих сангийн Удирдах зөвлөлийн гишүүн Н.Наранбаатар Санамж байгуулах ёслолын үеэр Монгол улсын Засгийн газар 2017 оны ажлуудаа аймгуудаар нь эрэмблэн дүгнэхдээ  Өмнөговь аймгийг улсын тэргүүний аймгаар зарласан таатай мэдээллийг та бүхэндээ хүргэе гэлээ.   

“Өнөөдрийн энэ арга хэмжээ нь Өмнөговь аймаг болон Оюутолгой компанийн тогтвортой хөгжлийн төлөөх эерэг, бүтээлч хамтын ажиллагааны тод илрэл юм. Энэ нь орон нутаг, бүс нутаг болон үндэсний хэмжээнд үйл ажиллагаагаа явуулж буй бүх жижиг дунд бизнесүүдэд зориулсан ховор боломжийг бий болгож байна. Өмнөговь аймгийн урт хугацааны хөгжлийн стратегийн нэг томоохон тэргүүлэх чиглэл нь эдийн засгийн олон тулгуурт байдал болон жижиг дунд бизнесийн хөгжил байдаг.

Өнөөдөр Говийн оюу хөгжлийг дэмжих сан, Германы Олон улсын хамтын ажиллагааны нийгэмлэг, Олон улсын санхүүгийн корпораци, Оюутолгой гэх мэт томоохон байгууллагуудыг оролцуулсан олон талт түншлэлдийг бий болгож, тэдгээрийн хүчин чармайлт, туршлага болон хөрөнгө оруулалтыг жижиг дунд үйлдвэрлэлийн хөгжлийн салбарт нэгтгэж чадлаа. Бид эдийн засгийн өсөлт болон эдийн засгийн олон тулгуурт байдалд энэ түншлэлийн гэрээгээр дамжуулан бат бөх суурийг тавилаа” гэсэн юм.

Г.Идэр        

                 

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Уржигдар 13 цаг 53 минутад
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • Уржигдар 13 цаг 52 минутад
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • Уржигдар 13 цаг 00 минутад
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.
  • 2020-05-21 14:53
    Засгийн газар шинэ коронавирусээс үүдэн эрсдэлд орсон  эдийн засгийг аврахаар гуравдугаар сарын сүүлээр дуугарч эхэлсэн нь 5.1 их наяд төгрөгийн багц хөтөлбөр байв. Үүнийг нь дөрөвдүгээр сарын 9-нд УИХ-ын чуулганаар “амь оруулан” баталлаа. 5.1 их наяд төгрөгийн   хөтөлбөр   яг хэрхэн эдийн засгийг аврах эсэх нь одоо ч тодорхой биш байгаа юм. Үүнээс хавьгүй эрт буюу гуравдугаар сарын 11-нд Монголбанк бодлогын хүүгээ буулгаж, төд удалгүй арилжааны банкуудыг “захиргаадаж”  хэрэглээний зээл  төлөлтийн  хугацааг сунгахыг хүчлэх болсон. Улмаар дөрөвдүгээр сарын 13-нд төв банк бодлогын хүүгээ дахин бууруулав. Гол асуулт нь эдийн засгийн төлөв бүрхэг байгаа нь иргэдийн сэтгэл зүйд сөргөөр нөлөөлж,  улмаар худалдаа, үйлчилгээний салбарын борлуулалтад шууд нөлөөлнө.  Энэхүү нөхцөл байдал эдийн засгаа сэргээхээр оролдож байгаа Хятадад ихээхэн тод илэрч байна.