“Вагнер Ази Автомотив” компани “Approved Pre-Owned” хөтөлбөрөө танилцуулав

2018-05-10 17:35


Jaguar, Land Rover брэндийн албан ёсны дилер “Вагнер Ази Автомотив” ХХК-ийн зүгээс “Approved Pre-Owned” буюу “Баталгаажсан, ашиглагдсан автомашин” хөтөлбөрийг Монголд анх удаа  хэрэгжүүлж  эхэлсэн тухайгаа тус компанийн Гүйцэтгэх захирал Гаррэт Вилсон  “Хэвлэл мэдээллийн өдөрлөг”-ийн үеэр дуулгалаа.

Энэхүү хөтөлбөр нь одоо унаж буй автомашиныхаа загварыг шинэчлэх хүсэлтэй үнэнч хэрэглэгчдэдээ Trade-in нөхцөлөөр шинэ загварын автомашин худалдан авах боломжийг олгож хэд хэдэн давуу талуудыг санал болгож буй аж. Тухайлбал, хуучин загварын автомашинаа шинэ загварын автомашинаар хялбар шинэчлэх, худалдаа, зээлийн таатай нөхцөлөөр худалдан авах, унаж буй автомашинаа борлуулах цаг хугацаа, зардлаа хэмнэх, албан ёсны дилерээр автомашинаа бодитоор үнэлүүлэх боломжтой юм байна.

“Approved Pre-Owned” буюу “Баталгаажсан, ашиглагдсан автомашин” хөтөлбөрт хамрагдсан автомашиныг худалдан авах хүсэлтэй хэрэглэгчдэдээ үйлдвэрлэгчийн баталгаатай, бүрэн үзлэг оношлогоо хийгдэж шаардлагатай засвар үйлчилгээнд орсон автомашиныг албан ёсны дилерээс боломжийн үнээр худалдан авахыг мөн санал болгож байгааг тус компанийхан онцолж  байсан юм.





“Вагнер Ази Автомотив” ХХК-ийн Гүйцэтгэх захирал Гаррэт Вилсон “Манай компани алдарт Jaguar, Land Rover брэндийн албан ёсны төлөөлөгчөөр олон жил  ажиллаж байна. Энэ хөтөлбөрийг хэрэгжүүлэх болсоны учир юу вэ гэвэл  “Вагнер Ази” компани  Монгол улсад  үйл ажиллагаа явуулж буй 20 гаруй жилд олон улсын стандартуудыг нэвтрүүлж ирсэн. Өнөөдөр ч гэсэн түүхэнд бичигдэх ач холбогдолтой үйл явдал болж байна.  Бидний гол өрсөлдөгч бол бусад брэндийн автомашинууд биш, харин хувиараа Jaguar,  Land Rover  автомашинуудыг импортолж худалдаалдаг ченжүүд юм. Тэгвэл тэдгээр ченжүүдээс хуучин автомашин авах биш, үйлдвэрийн найдвартай нөхцөлөөр баталгаатай, ашиглагдсан автомашиныг худалдаж авах боломжийг хэрэглэгчдэдээ анх удаа олгож буйгаараа өнөөдрийн өдөрлөгийн ач холбогдол оршино” хэмээн ярилаа.





“Вагнер Ази Автомотив” ХХК-ийн Борлуулалт хариуцсан захирал Ж.Лигдэн “Энэхүү хөтөлбөрийн давуу тал нь хуучин автомашинуудын үнэлгээг зах зээл дээр тогтвортой барихад чиглэж буй. Ингэснээр харилцагчдын хувьд  энэ үнэлгээнд ямар нэгэн эргэлзээ төрөхгүй, сэтгэл ханамжтай байх юм. Зөвхөн автомашин худалдаж аваад зогсохгүй дагалдах үйлчилгээ, сэлбэг хэрэгслийг манай компаниас авах юм.  Нэг үеэ бодвол монголчууд ченжийн гар дээрээс автомашин худалдаж авах  нь эрсдэлтэй гэдгийг ойлгох болсон. Тэгэхээр заавал шинэ машин гэлтгүй, баталгаатай, ашиглагдсан  машиныг худалдаж авах боломжийг бид олгоно” хэмээн тодотгосон. 

Мөн тус компанийн Худалдааны төлөөлөгч, баталгаат ашиглагдсан автомашин хариуцсан мэргэжилтэн Б.Наранцэцэг  нь   “Approved Pre-Owned” буюу “Баталгаажсан, ашиглагдсан автомашин” хөтөлбөрийг хариуцан, хэрэгжүүлж байгаа аж. Тэрээр, манай “Вагнер Ази Автомотив” ХХК-иас худалдаж авсан болон үйлдвэрээс гарсанаас хойш 4 жил ашиглагдаж байгаа, 96 мянган км бүхий гүйлттэй,  манай компанийн Засвар үйлчилгээний төвөөр бүх урсгал засвар үйлчилгээгээ хийлгэсэн, оригинал баталгаат сэлбэг хэрэгслээ солиулж байсан автомашинууд энэ хөтөлбөрт багтаж байгаа юм.  Ингэснээр манай компаниар өмнө нь автомашин худалдан авч, үйлчлүүлж байсан хэрэглэгч нарт одоогийн унаж байгаа автомашинаа шинээр солиулах, түүнчлэн шинэ хэрэгчлэгч нартаа шинээс ялгаагүй, үйлдвэрийн баталгаатай автомашинуудыг сэтгэл ханамжтайгаар  худалдан авах юм” гэлээ.

Өдөрлөгийн төгсгөлд “Вагнер Ази Автомотив” компанийн удирдлагууд “Бид Jaguar, Land Rover брэндийн албан ёсны дилерийн  хувьд энэхүү брэндээ зах зээл дээр хамгаалах, хэрэглэгчдийн найдвартай нийлүүлэгч гэдгээ харуулахад чиглэж  ажиллана” гэдгийг онцолж байсан.   


      
Г.Идэр   
      

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-07-20 13:13
    Катодын зэс үйлдвэрлэлийн технологийг анх удаа Монгол орны уур амьсгалын эрс тэс нөхцөлд амжилттай нутагшуулж, зэсийн исэлдсэн эрдэс бүхий хүдрийг уусган баяжуулах аргаар боловсруулан, цэвэр зэс үйлдвэрлэж буй “Эрдмин” ХХК дотоодын төдийгүй гадаадын уул уурхайн зах зээлд хэдийнэ танил болжээ.  Тус компани нь “Эрдэнэт үйлдвэр”-ийн хаягдал, балансын бус хүдрийн овоолгуудыг 40 жилийн турш ашиглах гэрээ байгуулан ажиллаж байгаа билээ.The Mongolian Mining Journal сэтгүүлээс зохион байгуулсан уул уурхайн салбарын шилдгүүдийг тодруулах Mining Journal Awards-2013 ёслолын ажиллагааны “Шилдэг технологи” шагналыг “Эрдмин” компани хүртсэн түүхтэй. Жилд 2500 орчим тонн катодын цэвэр зэс үйлдвэрлэж экспортод гаргаж, 41 нэр төрлийн 3 сая гаруй метр зэс утас үйлдвэрлэн дотоодын зах зээлд нийлүүлж байгаа зэрэг үзүүлэлтүүдээрээ тус компани энэхүү нэр хүндтэй номинацийн эзэн болж байсан юм. 
  • 2020-07-20 13:09
    УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна. УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна.
  • 2020-07-17 11:48
    Монгол Улсын Засгийн газраас хэрэгжүүлж буй Тавантолгой-Зүүнбаян чиглэлийн төмөр замын ажлын эхний 50 км зам бэлэн болж өнгөрсөн зургадугаар  сард нээлтээ хийсэн юм. 2019 оноос эхлэн жил гаруйн хугацаанд эрчимтэй өрнөж 416.1 км-ийн 200 км-т доод бүтэц, газар шорооны ажил мөн л дуусчээ. Уг бүтээн байгуулалтад “Тавантолгой төмөр зам” ХХК захиалагчийн хяналтын үүрэг гүйцэтгэн ажиллаж байна. Тус компани 2019 оны зургадугаар  сарын 19-нд  “Монголын төмөр зам” ТӨХК-тай хамтран ажиллах гэрээгээ байгуулсан бөгөөд  энэ оны долдугаар  сард гэрээний хугацаа дууссан ч талууд гэрээгээ дахин сунгаж,   захиалагчийн хяналтын үүргийг  үргэлжлүүлэн гүйцэтгэхээр болжээ.
  • 2020-07-17 11:05
    Монгол Улсын Засгийн газар  өчигдрийн /07.16/ хуралдаанаар  нэр бүхий албан хаагчдыг Ерөнхий сайдын санал болгосны дагуу танхимын гишүүдийн 100%-ийн саналаар яамдын дэд сайд нарыг томилсон юм. 2020-2024  онд бүрэх эрхийн хүрээнд ажиллах Уул уурхай, хүнд үйлдвэрийн дэд сайдаар Отгоншарын Батнайрамдлыг томилсон шийдвэрийг Засгийн газрын хуралдаанаар гаргалаа. О.Батнайрамдал нь 1984 онд Ховд аймгийн Жаргалант суманд төржээ. 1998 онд Ховд аймгийн арван жилийн 2 дугаар дунд сургууль, 2001 онд Монгол-Туркийн хамтарсан сургууль, 2004 онд Норвеги Улсын Дэлхийн нэгдсэн коллеж, 2008 онд АНУ-ын Макалестер коллеж, 2015 онд АНУ-ын Харвард их сургуулийг тус тус төгссөн байна.
  • 2020-07-10 16:41
    Гаалийн ерөнхий газрын мэдээлснээр, энэ оны эхний хагас жилийн байдлаар нүүрсний экспортын нийт хэмжээ 8.65 сая тоннд хүрч өмнөх оны мөн үеийнхээс 52%-иар буурсан байна. Тодруулбал, 2019 оны эхний хагас жилд манай улс нийт 18 сая тонн нүүрс экспортолж байсан бөгөөд энэ оны эхний хагас жилтэй харьцуулахад 9.4 орчим сая тонноор илүү их нүүрс гадагш нь худалдаалжээ. Ингэснээр нүүрсний экспортын орлого энэ оны эхний хагас жилийн байдлаар 690 сая ам.долларт хүрч өнгөрсөн оны мөн үетэй харьцуулахад 850 сая ам.доллараар буурсан байна.