Уул уурхай, эдийн засгийн сэтгүүлчдийг чадавхижуулах Менторшип хөтөлбөр эхэллээ

2018-05-03 15:25


The Mongolian Mining Journal сэтгүүлийн дэргэдэх “Хөгжлийн төлөө сэтгүүл зүй” төрийн бус байгууллагаас “ОРОН НУТГИЙН СЭТГҮҮЛЧДИЙН СҮЛЖЭЭ” төслийг Германы GIZ-ийн ЭТИС хөтөлбөрийн санхүүгийн дэмжлэг, техникийн туслалцаатайгаар амжилттай хэрэгжүүлэхдээ 2015-2017 онд цуврал 8 сургалтыг зохион байгуулсан билээ.

GIZ-ийн ЭТИС хөтөлбөр нь “ОРОН НУТГИЙН СЭТГҮҮЛЧДИЙН СҮЛЖЭЭ” төсөлд хамтран ажиллахын зэрэгцээ 2016-2017 онд эдийн засаг, бизнесийн чиглэлээр мэргэшиж буй төвийн сэтгүүлчдэд зориулан онол, дадлагын сургалтын төслийг Австралийн Квийнсландын их сургуультай хамтран хэрэгжүүлсэн юм. Энэхүү 2 түвшинд явагдсан төслийн үйл ажиллагааг хооронд нь уялдуулан өргөжүүлж, 2018 онд Менторшип хөтөлбөрийг GIZ-ийн ЭТИС хөтөлбөр, Хөгжлийн төлөө сэтгүүл зүй ТББ хамтран хэрэгжүүлж байна. Менторшип хөтөлбөрийн эхний сургалт дөрөвдүгээр сарын 23-24-нд Улаанбаатар хотноо зохион байгуулагдлаа.

Хөтөлбөрийг албан ёсоор нээж GIZ-ийн ЭТИС хөтөлбөрийн Захирал Штефан Ханселманн хэлсэн үгэндээ “Германы GIZ-ийн ЭТИС хөтөлбөр Баянхонгор, Сэлэнгэ, Увс аймагт үйл ажиллагаа явуулаад 4-5 жил болж байна. үйл ажиллагаа явуулж байхад орон нутагт чанартай гэж хэлж болохоор мэдээ, мэдээлэл учир дутагдалтай байгааг олж харсан. Өнөөдөр даяарчлал, мэдээллийн эрин зуунд сэтгүүлч Та бүхэн мэдээллийг хаанаас ч, ямар ч байдлаар авах боломжтой болсон. Гэсэн хэдий ч тэрхүү мэдээлэл, мэдлэгийг боловсруулах нь тулгамдаж буй чухал асуудал юм. Энэ асуудалд анхаарч, тэр дундаа орон нутгийн сэтгүүлчдийн мэдлэг чадварыг хөгжүүлэх, бодит туршлагуудыг харуулах зорилгоор “Орон нутгийн сэтгүүлчдийн сүлжээ” төслийг хэрэгжүүлэхэд хамтран ажиллаж эхэлсэн. Сэтгүүлчдийг чадавхжуулахад чиглэсэн манай хоёр байгууллагын тус тусдаа хэрэгжүүлсэн төслүүдийг хооронд уялдуулах боломж гарч ирсэн нь Менторшип хөтөлбөр юм. Менторшип хөтөлбөр нь илүү хувь сэтгүүлч рүү анхаарсан ажил байх болно. Хувь хүний харилцаа тал дээр илүү бодитой мэдлэг, чадавхийг өгөх болов уу гэж бидний зүгээс үзэж байгаа” гэдгийг онцолж байлаа.  

Менторшип хөтөлбөр буюу төвийн сэтгүүлчид орон нутгийн сэтгүүлчдэд туршлага, ур чадвараа эзэмшүүлэх хөтөлбөр юм. Орон нутгийн, туршлага багатай залуу сэтгүүлчдэд ажлын бодит туршлага өгч, халамжлан сургах байдлаар дэлхийн медиа салбарын орчин цагийн чиг хандлагатай нийцэн ажиллахыг практикаар заах зорилготой.

Менторшип хөтөлбөрт дээрх хоёр төсөлд хамрагдсан сэтгүүлчдээс сонгон оролцуулж байгаа бөгөөд төвийн хэвлэл мэдээллийн байгууллагын редакциас 8 сэтгүүлч ментороор, дагалдан суралцах ментий буюу 8 сэтгүүлчийг “Орон нутгийн сэтгүүлчдийн сүлжээ” төсөлд хамрагдсан GIZ-ийн ЭТИС хөтөлбөр хэрэгжүүлэгч Баянхонгор, Сэлэнгэ, Увс болон Өмнөговь аймгаас тус бүр 2 (сонин, сайтын 1, телевизийн 1), нийт 8 сэтгүүлч оролцож байна.  Энэхүү хөтөлбөрийн хүрээнд 9 сарын хугацаанд суралцах, туршлага солилцох 3 удаагийн арга хэмжээ зохион явагдана.

Ментор сэтгүүлч болон ментий сэтгүүлч нь төслийн хүрээнд аймгуудын Орон нутгийн цогц хөгжил түншлэл төслийн зөвлөлд олон нийттэй харилцах төлөвлөгөө боловсруулахад нь туслах юм.



Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Өчигдөр 14 цаг 27 минутад
    Монгол Улсад газрын тосны салбар үүсч хөгжсөний 80 жил, газрын тосны инженер бэлтгэж эхэлсний 25 жилийн ой энэ жил тохиож байна. Уг ойг угтан  салбарын яам Ажлын хэсэг байгуулан ажиллаж эхлээд байгаа бөгөөд тодорхой ажлуудыг хийхээр төлөвлөжээ. Хэдхэн хоногийн өмнө   салбарын яамны зүгээс газрын тосны ашиглалт, олборлолт, экспортын үйл ажиллагаа эрхэлдэг шилдэг компаниудыг тодруулан өргөмжилсөн. Тэгвэл энэ сарын 21-нд ШУТИС-ийн Геологи, уул уурхайн сургуулиас “Газрын тос 2020” эрдэм шинжилгээ, онол практикийн XXVI хурлыг зохион байгуулахаар болжээ.
  • Уржигдар 11 цаг 38 минутад
    Дэлхий дахины амьдралын хэмнэл орвонгоороо өөрчлөгдөж, хүн төрөлхтний хөгжил олон сорилттой тулгарсан  2020 он улирч байна. Ирээдүйд асар их үр дагавар дагуулах олон үйл явдлын эхлэл тавигдсан энэ оныг  халдварт вирусын хамт дэлхий нийт угтсан юм. Коронавирус  дэгдсэнээр  улс орнууд хорио цээрийн дэглэмд  шилжиж, эдийн засаг, худалдаа үйлдвэрлэл, аялал жуулчлал, ложистик, зар сурталчилгаа, спорт, соёл урлагийн гээд бүхий л салбар асар их алдагдал хүлээж байна.  Сорилт, бэрхшээл Монголыг ч тойроогүй. Цар тахлын бодит аюултай нүүр тулсан улс орнуудын иргэдээ хамгаалсан, эдийн засгаа идэвхжүүлсэн туршлага бүр Монгол Улсыг алдаа гаргахаас сэргийлж, оновчтой бодлого хэрэгжүүлэх зүг чиг болох учиртай.
  • 2021-01-15 19:10
    Дорноговь аймгийн Алтанширээ сумын нутагт хэрэгжиж буй Газрын тос боловсруулах үйлдвэр байгуулах төслийн талбайд үйлдвэрийн барилгын ажлыг эхлүүлэх ёслол (2021.01.15) болов.Дэлхий дахинд дэгдсэн цар тахлын хүнд цаг үед Монгол Улс, БНЭУ-ын Засгийн газрууд,  холбогдох төрийн байгууллага, орон нутгийн дэмжлэгтэйгээр “Монгол газрын тос боловсруулах үйлдвэр” ТӨХХК, төслийн менежментийн зөвлөх (ТМЗ) “Инженерс Индиа Лимитэд” компанийн инженерүүд хүчээ дайчлан, хамтран ажилласны үр дүнд өнөөдөр үйлдвэрийн технологийн бус байгууламжуудын барилга-угсралтын ажлыг эхлүүлж байгааг төсөл хэрэгжүүлэгчид онцолсон байна. Өнөөдрийн ёслолын арга хэмжээнд БНЭУ-аас Монгол Улсад суугаа Онц бөгөөд Бүрэн эрхт Элчин сайд М.П.Сингх биечлэн оролцжээ.   
  • 2021-01-14 18:32
    Уул уурхайн ажилчдын ээлж солих зохион байгуулалттай арга хэмжээний хүрээнд ажилчдаас PCR шинжилгээ авах ажиллагааг Нийслэлийн эрүүл мэндийн газартай хамтран 01 дүгээр сарын 16-ны өдөр эхлүүлэх боллоо. Гамшгаас хамгаалах уул уурхай, хүнд үйлдвэрийн улсын албаны Шуурхай штабаас Нийслэлийн эрүүл мэндийн газрын шинжилгээ авах цэгүүдэд аж ахуйн нэгжүүдийг хуваарилж байна. Шинжилгээ өгөх хуваарийг Уул уурхай, хүнд үйлдвэрийн яамны вэб сайтын “Мэдээ мэдээлэл” цонхны “Шуурхай штаб мэдээлэл”  хэсэгт өнөөдөр, 01 дүгээр сарын 14-ний өдөр байршуулах тул аж ахуйн нэгжүүд орон нутгаас ирж шинжилгээнд хамрагдан ээлжинд гарах ажилчдаа Улаанбаатарт ирүүлэх талаар холбогдох арга хэмжээг авч ажиллана уу. Үүний тулд аймгуудын Онцгой комиссын цахим хаягаар тухайн орон нутгаас ирэх ажилчдынхаа мэдээлэл бүхий аж ахуйн нэгжийн албан хүсэлтийг хүргүүлж өөрийн ажилчныг тодорхойлж өгөх шаардлагатай байна.  
  • 2021-01-14 18:17
    ОХУ-ын гадаад валютын нөөцийн бүтцэд анх удаа алтны хувь хэмжээ ам.долларыг давжээ. Тодруулбал, тус улсын Төв банкны тайлангаар, нийт нөөцийн 23%-ийг алт (128.5 тэрбум ам.доллартай тэнцэнэ) бүрдүүлж еврогийн дараа оржээ. Харин 124.6 тэрбум америк доллар нь нийт нөөцийн 22% болж буурсан байна. 2018 онд нийт нөөцийн 44%-ийг америк доллар бүрдүүлж байжээ. Энэхүү өөрчлөлт нь Оросын эдийн засгийг америк доллараас үл хамаарах, хоёр улсын харилцаа муудаж буй нөхцөлд АНУ-ын хориг арга хэмжээнд өртөмтгий байдлыг бууруулах гэсэн ОХУ-ын Ерөнхийлөгч В.В.Путины бодлогын нэг хэсэг хэмээн шинжээчид тайлбарлаж байгаа юм. 2020 оны арванхоёрдугаар 25-ны байдлаар, тус улсын гадаад валютын нийт нөөц 592.4 тэрбум ам.доллартай тэнцэж байв.