АМГТГ: Нүүрсний экспорт гуравдугаар сард өмнөх оны мөн үеэс 8%-иар өсөв

2018-05-03 11:42


Б.Төгсбилэгт

Ашигт малтмал, газрын тосны газрын мэдээлснээр оны эхний улиралд Монгол улсын нүүрсний экспортын хэмжээ 7.9 сая тоннд хүрч, өнгөрсөн оны мөн үеийнхтэй харьцуулахад 2.62%-иар бууралттай гарлаа. Гэхдээ гуравдугаар сарын нүүрсний экспорт сарын дүнгээрээ өмнөх оны мөн үеийнхээс 7.8%-иар өссөн дүнтэй  байна.

Энэ оны хоёрдугаар сарын нүүрсний экспорттой харьцуулахад өсөлтийн хувь бүр ч илүү болох нь харагдана. Өөрөөр хэлбэл өнгөрсөн хоёрдугаар сард нүүрсний экспорт дөнгөж 1.27 сая тоннтой тэнцэж байсан нь Монголын нүүрсний экспортын хэмжээ бага байна гэсэн сөрөг төлөвийг бататгасан. Харин гуравдугаар сарын дүнгээр нүүрсний экспорт өмнөх сарынхаасаа гойд сайн буюу 170%-иар өссөн дүнтэй гарсан нь нүүрсний цаашдын төлөвийг эерүүлэх тал руу хандууллаа гэж хэлж болно.

Компаниудын хувьд нүүрсний экспортыг ахиу хийхээр төлөвлөж байгаа ч боомтын нэвтрэлт удаашралтай байгаа нь худалдааг хязгаарласан хэвээр байгаа юм. Гэхдээ өнгөрсөн гуравдугаар сарын экспорт энэ оны нүүрсний төлөвт “хонгилын үзүүрт гэрэл” гэгчийн адилаар сайн дохио боллоо.

Дөрөвдүгээр сард Ерөнхий сайд У.Хүрэлсүх Хятад улсад албан ёсны айлчлал хийх үеэрээ нүүрсний асуудлаар хэлэлцсэн нь экспортыг бууруулахгүй, тогтвортой хэмжээнд хадгалахад томоохон итгэл найдвар төрүүлээд байгаа юм.


Компаниудын экспортыг авч үзвэл хамгийн эхэнд “Эрдэнэс Тавантолгой”, залгуулаад “Монголын Алт” компани эрэмбэлэгдэж байна. Харин “Энержи Ресурс”, “Саусгоби сэндс” компани нэлээд ойролцоо хэмжээний нүүрсний экспортын биелэлттэйгээр айргийн тав дотор жагслаа. Түүний араас бидний сайн мэдэх “Тавантолгой” ХК, “Өсөх зоос”, “Цагаан өвөлжөө”, “МоЭнКо” болон бусад жижиг компаниуд бичигдлээ.



Гэхдээ “Эрдэнэс Тавантолгой”-н нүүрсний экспортын дүн мэдээ нь уурхайн амнаас ачигдсан нүүрсний тоон мэдээлэл юм. Тиймээс яг хилээр гарсан тоо мэдээнээс зөрүүтэй гэж ойлгож болно.

Оны эхний улирлын байдлаар нийт экспортолсон нүүрсний 3.42 сая тонн буюу 43.2%-ийг түүхий коксжих нүүрс, 2.55 сая тонн буюу 32.2%-ийг сул коксжих нүүрс, 1 сая тонн буюу 12.75%-ийг эрчим хүч, 932.7 мянган тонн буюу 11.7%-ийг баяжуулсан коксжих нүүрс эзэллээ.




Сэтгэгдэл (1)

  • angela gonzalez
    Бүх зүйл сайн байна Ноён Iwaniuk dariusz намайг Ноён Iwaniuk dariusz хийсэн гэж хэлэхэд баяртай байна. Би түүнд 6000 € зээлийг асууж, тантай ярих үед таныг худал хэлэхгүй гэж би гэрчлэв. 6000 еврог миний дансанд оруулсныг олж мэдсэн юм. Энэ бол миний урьд өмнө алдсан баяр баясгаланг олох боломжийг надад олгосон энэхүү гайхамшигтай ноён надад гэрчилсэн энэхүү баяр баясгалан юм. Тиймээс хэрэгцээтэй байгаа хүмүүст цаашид ямар ч харагдахгүй, түүнтэй холбоо бариарай мэйл: iwaniukdariusz1234@gmail.com WIISAPP 0022 960 495 638
    2019 оны 05 сарын 23 | Хариулах
Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 11 цаг 44 минутын өмнө
    ШУТИС-ийн Геологи, уул уурхайн сургуулиас  “Ашигт малтмалын салбарын сургалтын цогц хөтөлбөр” төслийн хүрээнд “Засаглал ба уул уурхай” сэдэвт семинарыг Эрдэнэт хотод зохион байгууллаа. Энэхүү семинарыг Канадын Бритиш Колумын Их сургуулийн Уул уурхайн инженерийн сургуультай хамтран явуулсан юм. Энэ хүрээнд ШУТИС-ийн уул уурхайн ашиглалтын технологийн бакалавр, ашигт малтмал баяжуулалтын технологийн магистр, докторын сургултын хөтөлбөрт уул уурхайн үйл ажиллагаанаас улбаатай нийгэм, байгаль орчин, ашигт малтмалын нөөцийг хариуцлагатай, үр ашигтай, нийгэмдээ өгөөжтэй ашиглах зэрэг асуудлыг гадаадын ижил төстэй сургалтын хөтөлбөртэй харьцуулалт хийсэн судалгааг танилцуулах, салбар дундын судалгаа шинжилгээ хийх боломжуудыг нээх, цаашид энэ чиглэлээр судалгаа тогтмол хийх, олон талын мэдлэгийг бий болгох, хуримтлуулах боломжийг бүрдүүлэхийг зорьж байна.    
  • 15 цаг 31 минутын өмнө
    ​​​​​​​Даваа гаригийн байдлаар, Лондоны металын бирж дээр зэсийн үнэ 6012 ам.доллар/тонн (гурван сарын гэрээт үнэ) хүрчээ. Энэ нь өнгөрсөн долдугаар сарын 25-наас хойших хамгийн өндөр дүн болж байна. Зэсийн үнэ тус бирж дээр арванхоёрдугаар сарын эхээр 5877 ам.доллар/тонн байсан юм. Өнгөрсөн долоо хоногийн сүүлээс эхлэн зэсийн үнэ өсч эхэлсэн нь АНУ-ын эдийн засгийн эерэг мэдээ болон АНУ-Хятадын худалдааны яриа хэлэлцээр харьцангуй урагштай байгаатай холбоотой. Мөн Хятадын зэсийн импортын өсөлтийн тухай мэдээ цацагдсан нь зэсийн ханшийн өсөлтийг нөхцөлдүүлж байна.
  • Уржигдар 12 цаг 11 минутад
    Монголын Ашигт малтмал баяжуулагчдын холбоо (МАМБХ) жил бүр өөрсдийн үйл ажиллагааг гишүүд, гишүүн байгууллагын болон холбоог үүсгэн байгуулсан ахмад үеийн төлөөллүүддээ тайлагнаж, цаашдын үйл ажиллагааны төлөвлөгөөндөө тусган ажилладаг юм. Тус холбоо 2019 оны ээлжит бүх гишүүдийн хурлыг энэ сарын 6-нд UВ Grand Hotel-д зохион байгууллаа. Энэ удаагийн хурлыг МАМБХ-ны Ерөнхийлөгч Б.Чинзориг нээж холбооны үйл ажиллагааны тайланг, Гүйцэтгэх захирал Н.Буян-Өлзий 2019 оны санхүүгийн тайланг нийт гишүүддээ мөн танилцуулсан юм. 2019 оны хувьд МАМБХ-ны хувьд ололт амжилт ихтэй, төлөвлөсөн ажлуудаа 90%-тай  хийж гүйцэтгэсэн байна. Тухайлбал, тус холбоог үүсгэн байгуулагч, Хүндэт Ерөнхийлөгч, Монгол Улсын зөвлөх инженер М.Дамдинсүрэн “Уурхайчдын алдарын од” шагналыг хүртжээ.
  • 2019-12-05 13:52
    Чили улсын төрийн өмчит, дэлхийн зэсийн хамгийн том үйлдвэрлэгч “Codelco” компани нь ирэх 10 жилийн хөгжлийн хөтөлбөрийн хөрөнгө оруулалтаа 20%-иар танаж 32 тэрбум ам.доллар болгож бууруулжээ. 2028 он хүртэлх хөтөлбөрөөр 40 тэрбум ам.долларын хөрөнгө оруулалт хийхээр төлөвлөж байсан юм. Хөрөнгө оруулалтын хэмжээг танасан шалтгааныг дэлхийн зэсийн зах зээл дэх таагүй нөхцөл байдал, мөн Чили улсын нийгэмд чиглэсэн санхүүжилтийг нэмэгдүүлэх шаардлагатай гэж компанийн зүгээс тайлбарлаж байна. Энэ намар тус улсыг хамарсан томоохон эсэргүүцлийн дараа Чилийн эрх баригчид Засгийн газрын зардлыг нэмэгдүүлэх шийдэлд хүрсэн юм. Үүнтэй холбогдуулан “Codelco” компанийн нийт ашгаас улсын төсөв рүү хуваарилах хэмжээг 2021 оноос эхлэн жилд 1 тэрбум доллараар нэмэгдүүлэхээр тооцоолжээ. 
  • 2019-12-05 12:32
    Монголын Геологийн холбооны VI чуулган арваннэгдүгээр сарын 29-нд ШУТИС-д зохион байгуулагдаж, хурлын хөтөлбөрийн дагуу тус холбооны Ерөнхийлөгч Т.Мөнхбат, Гүйцэтгэх захирал М.Тодбилэг нар 2014-2019 оны үйл ажиллагааны болон санхүүгийн тайланг холбооны гишүүддээ танилцуулжээ. Энэ үеэр мөн холбооны Хяналтын зөвлөл ажлаа танилцуулсан байна. Танилцуулгын дараа салбарын өнөөгийн байдал, тулгамдаад байгаа асуудлын талаар хэлэлцүүлэг өрнөж Монголын Геологийн холбооны VI чуулганд оролцогчдоос нийт геологчдод хандан уриалга гаргасан байна. Монголын Геологийн Холбооны дүрэм ёсоор 2014 онд сонгогдсон Удирдах зөвлөлийн гишүүдийн сонгуульт хугацаа дууссан учир 2019-2024 он хүртэл нийт геологчдыг төлөөлөн ажиллах шинэ Удирдах зөвлөлөө сонгох сонгуулийг явуулсан юм.