“Mongolia Mining 2018” үзэсгэлэнд Канадын компаниуд өргөнөөр оролцоно

2018-03-14 12:21
Дэлхийн уул уурхайн шинэ цагийн техник технологийн хөгжилтэй хөл нийлүүлэн алхах боломжийг монголчууддаа ойртуулан, эх орноосоо худалдан авах нөхцлийг бүрдүүлэхийг зорьсон арга хэмжээ бол “Mongolia Mining” үзэсгэлэн билээ. “Дэлхийн технологи дэргэд ирлээ” уриан дор зохион байгуулагддаг ханган нийлүүлэгчдийн хамгийн том цугларалт болсон тус үзэсгэлэн тус үзэсгэлэн энэ жил уламжлал ёсоор дөрөвдүгээр сард 04-06-ны өдрүүдэд Буянт-Ухаа цогцолборт зохиогдох гэж байна.

Эх орны уул уурхайн салбарт дэлхийн хэмжээний Оюутолгой төсөл хөдөлж, түүнийг даган ханган нийлүүлэлтийн компаниуд олноор мэндэлж, гадны компаниуд ч Монгол хэмээх шинэ зах зээл рүү хошуурч эхэлсэн 2011 онд “Mongolia Mining” үзэсгэлэн анх нээгдсэн юм. Монголын уул уурхайн өсөлт, бууралтын мөчлөгийн аль алийг нь туулсан өнгөрсөн найман жилийн хугацаанд тасралтгүй зохиогдохдоо оролцогч орнууд, компаниудын тоо жилээс жилд өсч ирсэн нь “Mongolia Mining” үзэсгэлэнгийн чансаа, цар хүрээг илтгэнэ.

Олон улсын хэмжээний “Mongolia Mining 2018” үзэсгэлэнг угтуулан Ерөнхий зохион байгуулагч “Майнекс Монголиа” компанийн захирал Т.Баттулгатай ярилцсан юм.

2018 оны дэлхийн уул уурхайн хуанли дээр Монгол дахь арга хэмжээнээс “Mongolia Mining” үзэсгэлэнгийн тов мэдээлэгдсэн байсан?

Олон улсын чанартай арга хэмжээний товыг дор хаяж жилийн өмнө нийтэд мэдээлдэг нь нийтлэг жишиг юм. Зохион байгуулагчдын хувьд уул уурхайн салбарт чухал арга хэмжээ зохион байгуулдгийн хувьд гадаад дотоодын үзэсгэлэн гаргагчдыг жилийн маркетингийн төлөвлөгөөндөө оруулж, ажлаа эртнээс зохион байгуулах боломж олгох ёстой. Нөгөө талаас үзэсгэлэн маань сүүлийн найман жилийн турш тасралтгүй тогтсон хугацаанд зохион байгуулагдаж ирсэн тул оролцогч компаниуд ч дараа жилийн үзэсгэлэнд эртнээс төлөвлөж бэлтгэн оролцож сурсан.

Үзэсгэлэнгийн арга хэмжээний энэ жилийн онцлох сэдэв юу байх бол? Уул уурхайн ямар компаниуд илтгэл тавих нь сонирхол татаж байна?

Сүүлийн жилүүдэд зохион байгуулагчдын зүгээс техникийн үзэсгэлэнгээс гадна уул уурхайн салбарын тодорхой сэдвүүдээр бодлогын хэлэлцүүлэг семинарууд явуулж ирлээ. 2017 онд эрдэс баялгийн үнийн өсөлтийг дагаад уул уурхайн салбар дэлхий дахинд өсөлттэй жил байлаа. Монгол улсын олборлон гаргадаг эрдэс баялгууд түүний дотор зэс, цайр зэрэг өнгөт металын үнэ өссөнийг дагаад экспортын орлого ч нэмэгдэж, эдийн засгийн өсөлтөд мэдэгдэхүйц хувь нэмэр оруулж эхэллээ. Цаашид ч өсөх хандлагатай байна.

“Mongolia Mining 2018” үзэсгэлэнгийн үеэр хийгдэх бодлогын хэлэлцүүлэг энэ жил өнгөт металыг онцолно. Гадаад, дотоодын хөрөнгө оруулагчдад зориулан өнгөт металын чиглэлээр бодлогын хэлэлцүүлэг өрнүүлэх, УУХҮЯ болон АМГТГ-аас өнгөт металын орд газар, нөөцийн мэдээллийг танилцуулахаар төлөвлөж байна. Мөн сэдвийн хүрээнд “Оюутолгой”, “Эрдэнэт” компаниуд илтгэл тавина.   

Үзэсгэлэнд оролцох компаниудын тоо нэмэгдсэн үү? Шинээр ямар орнуудаас оролцох вэ?

Өнөө жил гадаадын компаниудын тоо нэлээд нэмэгдэж байгаа. Үзэсгэлэнд тогтмол оролцож ирсэн хуучин түнш орнууд БНХАУ, ОХУ, Чех, Австрали, Казахстан, Швед, Япон, Герман, Өмнөд Солонгос, Францын компаниуд идэвхтэй оролцоно. Мөн Канад улсаас өргөн бүрэлдэхүүнтэй баг оролцох гэж байна. Монгол улсад суугаа Канадын Элчин сайдын яамны оролцоо дэмжлэгийн үр дүнд тус улсаас 10 орчим аж ахуйн нэгж үзэсгэлэнд оролцоно. Мөн шинээр Финланд, Англи, Итали, Украйн улсаас ханган нийлүүлэлтийн компаниуд сүүлийн үеийн техник технологийг танилцуулна. Үзэсгэлэнд 18 орны 130 орчим компани оролцох нь тодорхой болоод байна. Үзэсгэлэнгийн байр талбайн багтаамжаас шалтгаалан оролцох компанийн тоог үүнээс илүү нэмэх боломжгүй байгаа. Гурван сарын өмнөөс үзэсгэлэнгийн талбай зарагдаж дууссан. Энэ нь манай уул уурхайн салбар идэвхжиж, сэргэж байгаагийн нэг илэрхийлэл юм.

“Mongolia Mining 2018” арга хэмжээний ивээн тэтгэгч компаниудыг танилцуулахгүй юу?

Энэ жил хуучин түншүүд маань ивээн тэтгэгчээр ажиллаж байна. Ерөнхий ивээн тэтгэгч маань “Комацу” брэндийн монгол дахь төлөөлөгч “Трансвест Монголиа” компани. Түүнчлэн Алтан ивээн тэтгэгчдээр “Хера Экуйпмент” ХХК болон Их Британийн Олон Улсын Худалдааны яам, Хүлээн авалтын ивээн тэтгэгчээр “Вагнер Ази Тоног Төхөөрөмж” мөн “Хайторк Монгол” компаниуд ажиллаж байна  

Өнгөрсөн оноос үзэсгэлэн, хэлэлцүүлэг семинарын зэрэгцээ хөрөнгө оруулагчид, харилцагчдын хооронд амьд харилцаа холбоо тогтоох зорилго бүхий арга хэмжээг шинээр зохион байгуулсан шүү дээ. Энэ жил үргэлжлэх үү?

“Mongolia Mining” үзэсгэлэн нь уул уурхайн бас ханган нийлүүлэгч, Монголын уул уурхайн салбар ба олон улсын бизнес эрхлэгч, төр ба хувшлийг хооронд нь холбох гүүр ямагт байсаар ирсэн. Үзэсгэлэнд оролцогч талуудыг хооронд нь холбох, сүлжээ үүсгэх төрөл бүрийн арга хэмжээ явуулж байна. Бид харилцагч, оролцогчдоо хөрөнгө оруулагчид, салбарын бодлого тодорхойлогчидтой танилцуулах, мэдээлэл солилцох боломжийг бүрдүүлэхэд анхаарч ажиллаж байна. “Mongolia Mining 2018” арга хэмжээндээ салбарын бодлого тодорхойлогч, төрийн байгууллагын удирдлагуудыг салбарынхантайгаа мэдээлэл солилцож, нээлттэй хамтран ажиллах боломж үүсгэхийн тулд аль болох идэвхтэй оролцохыг урьж байна.

Цаг зав гарган ярилцсанд танд баярлалаа.

Э.Жаргал

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 18 цаг 9 минутын өмнө
    Оюутолгой төслийн зэс үйлдвэрлэл энэ онд 140-170 мянган тонн, алт үйлдвэрлэл 120-150 мянган унцаар хэмжигдэх тухай “Туркойз Хилл Ресурс” компани 2019 оны дөрөвдүгээр улирлын үйлдвэрлэлийн тайландаа онцолжээ. 2020 онд Оюутолгой уурхайн алтны үйлдвэрлэл өнгөрсөн оныхоос даруй 40 орчим хувиар буурахаар байгаа нь ил уурхайн бага агуулгатай хүдрийн олборлолт үргэлжлэхээр байгаатай холбоотой юм. Харин зэсийн үйлдвэрлэл энэ онд өнгөрсөн оны дүнгээс ахиу гарах төлөвтэй байгааг Туркойз Хилл онцолжээ. 2020 оны тухайд далд уурхайн нэвтрэлтээс гаргасан хүдрийн биетийг боловсруулж эхэлнэ гэдгийг тус компани тэмдэглэжээ.
  • 21 цаг 42 минутын өмнө
    2019 онд Хятад 46.33 мянган тонн газрын ховор метал экспортолсон нь 2015 оноос хойших хамгийн бага үзүүлэлт болохыг тус улсын Гаалийн Ерөнхий газраас мэдээлжээ. Өнгөрсөн оны арванхоёрдугаар сард 3657 тонн газрын ховор метал экспортолсон нь 2018 оны мөн үетэй харьцуулахад 32.5%-иар буурчээ. Энэхүү бууралтыг Хятадын шинжээчид дэлхийн эдийн засгийн өсөлт буурч, Япон, АНУ болон Европын Холбооны аж үйлдвэрлэл саарч буйтай холбон тайлбарлаж байна. АНУ-Хятадын худалдааны зөрчилтэй шууд холбоогүй гэдгийг ч тэмдэглэж байгаа юм. 
  • Өчигдөр 13 цаг 11 минутад
    2019 онд Монгол Улсын гадаад худалдааны нийт эргэлт 13.7 тэрбум ам.долларт хүрсэн нь 2018 онтой харьцуулахад 6.7%-иар нэмэгдсэн тухай Үндэсний статистикийн хороо (ҮСХ) мэдээллээ. Үүнээс экспортын үзүүлэлт 7.6 тэрбум ам.доллартай тэнцсэн бол импортын хэмжээ 6.1 тэрбум ам.доллартай тэнцсэн байна. Өөрөөр хэлбэл, импортын хэмжээ 2018 оныхтой харьцуулахад 8%-иар, экспортын үзүүлэлт 8.7%-иар нэмэгджээ. Гадаад худалдааны тэнцэл өнгөрсөн онд 1.5 тэрбум ам.долларын ашигтай гарсан байна. Энэ нь 2018 оны үзүүлэлтээс 31.3% буюу 355.4 сая ам.доллараар өссөн үзүүлэлт төдийгүй гадаад худалдаа 2014 оноос хойш ашигтай гарч эхэлснийг ҮСХ онцлов.
  • Өчигдөр 12 цаг 56 минутад
    Азийн Хөгжлийн Банкны (АХБ) Захирагч нарын зөвлөл Масацугу Асакаваг өнөөдөр тус банкны Ерөнхийлөгчийн алба хашиж эхэлж байна. Япон Улсын Ерөнхий сайдын болон Сангийн сайдын тусгай зөвлөхийн албыг хашиж буй 61 настай Асакаваг АХБ-ны Удирдах зөвлөлөөс 10 дахь Ерөнхийлөгчөөр сонгосон юм.Тэрээр Сангийн дэд сайдын хувиар 2019 онд Япон Улсын Осака хотноо зохион байгуулагдсан “Их 20”-ийн дээд хэмжээний уулзалт, Фукуока хотод зохион байгуулагдсан “Их 20”-ийн Сангийн сайд нар болон Төв банкны Ерөнхийлөгч нарын түвшний уулзалтуудад чухал үүрэг гүйцэтгэсэн байна. Түүнчлэн, дэлхийн эдийн засгийн хямралын дараахан зохион байгуулагдсан “Их 20”-ийн анхны дээд хэмжээний чуулга уулзалтад тухайн үеийн Ерөнхий сайд Таро Асогийн шадар туслахын хувиар оролцож байв.
  • Уржигдар 12 цаг 48 минутад
    Сүүлийн 18 сарын хугацаанд үргэлжилсэн хэлэлцээрийн эцэст АНУ-Хятадын худалдааны дайныг "зөөлрүүлэх" томоохон гэрээнд талууд лхагва гаригт Цагаан ордонд үзэглэлээ. Энэхүү 86 хуудас бүхий гэрээнд АНУ-ын талаас Ерөнхийлөгч Доналд Трамп, Хятадын талаас Төрийн зөвлөлийн Шадар сайд Лю Хэ гарын үсэг зурсан байна. Гэрээ зурагдсан явдлыг Трамп АНУ-ын эдийн засгийн хувьд ялалт болсныг зарлажээ. Ингэснээр түүний хувьд 2020 оны сонгуулийн кампанит ажилдаа хэлэх үгтэй болж байна.