Нүүрсний экспорт оны эхэн сард 24%-иар буурав

2018-02-14 14:38

-2017: ДНБ-ийн өсөлт 5.1%-д хүрэв-

Үндэсний статистикийн хороо 2018 оны нэгдүгээр сарын статистикийн мэдээллийг гаргалаа. Оны эхний сард манай улсын гадаад худалдааны нийт бараа эргэлт 785 сая ам.доллартай тэнцлээ. Үүнд экспорт 423.8 сая доллар, импорт 361.1 сая ам.долларыг эзэллээ.

 

2018.01 Үнэлгээ (сая ам.доллар)

2018 I/2017 I өсөлт бууралтын үзүүлэлт мөнгөн дүн/ хувь

Нийт бараа эргэлт

785

+79.3 сая ам.$/(+11.2%)

Экспорт

423.8

-4.7 сая ам.$ /(-1.1%)

Импорт

361.1

+84 сая ам.$ /(+30.3%)

 

Гадаад худалдааны тэнцлийн тухайд энэ оны нэгдүгээр сард 62.7 сая долларын ашигтай гарсан нь өмнөх оны мөн үеийнхээс 88.6 сая доллараар буурсан дүнтэй гарлаа.

Эрдэс бүтээгдэхүүний экспорт оны эхний сард 351.7 сая доллартай тэнцэж, нийт экспортын 83%-ийг бүрдүүллээ. Гэхдээ эрдсийн экспортын оны эхэн сарын үзүүлэлт өнгөрсөн оны мөн үеийнхээс 23.7 сая доллараар буурсан бөгөөд энэ нь нүүрсний экспорт багассантай холбоотойг Үндэсний статистикийн хороо тэмдэглэжээ.

Нүүрсний экспортын дүн оны эхэн сард 1.99 сая тоннд хүрч, мөнгөн дүнгээр 138 сая доллартай тэнцсэн нь өмнөх оны мөн үеийнхээс биет жингээр 24.1%, мөнгөн дүн 19.5%-иар тус тус буурсныг илтгэнэ.

Зэсийн баяжмалын тухайд оны эхэн сард 97.4 мянган тонн баяжмал экспортолж, 126.85 сая доллар олсон үр дүнтэй гарлаа. Энэ нь өнгөрсөн оны мөн үеийнхээс бууралттай байна. Тодруулбал биет жингээр 27.1%, орлогын дүнгээр 7.4%-иар доошилжээ. Цэвэр зэсийн экспорт тайланд өгүүлсэн хугацаанд биет жингээр 1161 тоннд хүрч, 7.93 сая долларын орлогын үзүүлэлттэй гарсан нь мөнгөн дүнгээр 6%-иар өссөн бол жингээр 4.7%-иар буурчээ. 

Түүхий газрын тосны экспорт оны эхэн сард 555 мянган баррельд хүрсэн нь 6.3%-иар буурсан ч орлогын дүн нь 12.7%-иар өсч 34.56 сая доллар болж дээшиллээ.

Боловсруулаагүй буюу хагас цэвэршүүлсэн алтны экспорт мөн хугацаанд 0.6 тоннд хүрч, мөнгөн дүнгээр 27.2 сая орчим доллартай тэнцсэн нь чамгүй өсөлттэй гарсан байна. Алтны экспорт өмнөх оны мөн үетэй харьцуулахад биет жингээр 33.3%, мөнгөн дүнгээр 49.3%-иар нэмэгджээ.

Цайрын хүдэр, баяжмалын экспорт оны эхэн сард 11.2 мянган тонн болж, 19.45 сая доллартай тэнцсэн нь жингээр 28.9%, орлогоор даруй 60.8%-ийн өсөлтийг харууллаа.

Төмрийн хүдрийн экспорт мөн хугацаанд жин, мөнгөн дүнгийн аль алиных нь тухайд өсөлттэй гарлаа. Биет жин 436.7 мянган тоннд хүрч, орлогын дүн 17.6 сая доллартай тэнцсэн нь жингээр 68.1%, мөнгөн дүнгээр 16.1%-иар өссөн дүнг харууллаа.

Жоншны хүдэр, баяжмалын экспорт 29.1 мянган тоннд хүрч, үнийн дүнгээр 9.26 сая орчим ам.доллартай тэнцсэн нь орлогын дүн 2.1 дахин, биет жин 53.1%-иар дээшилсэн байна.

Молибденийн баяжмалын экспорт 0.5 мянган тоннд хүрч 2.85 сая долларын орлого олсон нь жингийн хувьд 16.3%, орлогын хувьд 51.4%-иар өссөн байна.

Хар тугалгын хүдэр, баяжмалын экспорт оны эхэн сард жингээр 619.1 тонн, орлого 1.59 сая доллартай тэнцэж өмнөх оны мөн үеийнхээс 56.5%, орлогоор 51.5%-иар тус тус буурчээ.

Гянтболдын хүдэр, баяжмалын экспорт мөн хугацаанд 26 тоннд хүрч, орлогын дүн нь 353 мянган доллартай гарсан байна.

Үндэсний статистикийн хорооны тайланд 2017 оны улсын дотоодын нийт бүтээгдэхүүний өсөлтийг урьдчилсан дүнгээр 5.1%-тай гарсан гэж мэдээлжээ.

 

Б.Төгс

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Уржигдар 13 цаг 53 минутад
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • Уржигдар 13 цаг 52 минутад
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • Уржигдар 13 цаг 00 минутад
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.
  • 2020-05-21 14:53
    Засгийн газар шинэ коронавирусээс үүдэн эрсдэлд орсон  эдийн засгийг аврахаар гуравдугаар сарын сүүлээр дуугарч эхэлсэн нь 5.1 их наяд төгрөгийн багц хөтөлбөр байв. Үүнийг нь дөрөвдүгээр сарын 9-нд УИХ-ын чуулганаар “амь оруулан” баталлаа. 5.1 их наяд төгрөгийн   хөтөлбөр   яг хэрхэн эдийн засгийг аврах эсэх нь одоо ч тодорхой биш байгаа юм. Үүнээс хавьгүй эрт буюу гуравдугаар сарын 11-нд Монголбанк бодлогын хүүгээ буулгаж, төд удалгүй арилжааны банкуудыг “захиргаадаж”  хэрэглээний зээл  төлөлтийн  хугацааг сунгахыг хүчлэх болсон. Улмаар дөрөвдүгээр сарын 13-нд төв банк бодлогын хүүгээ дахин бууруулав. Гол асуулт нь эдийн засгийн төлөв бүрхэг байгаа нь иргэдийн сэтгэл зүйд сөргөөр нөлөөлж,  улмаар худалдаа, үйлчилгээний салбарын борлуулалтад шууд нөлөөлнө.  Энэхүү нөхцөл байдал эдийн засгаа сэргээхээр оролдож байгаа Хятадад ихээхэн тод илэрч байна.