Хятад улс эдийн засгийн чанараа сайжруулах 8 зорилт дэвшүүлжээ

2018-01-04 14:17
Хятадын эдийн засаг төсөөлж байснаас давсан сайн үзүүлэлттэйгээр 2017 оныг үдэж байна. Дэлхийн хоёр дахь том эдийн засаг нь өнөөг хүртэл олон улсын санхүүгийн гол хөдөлгүүр хэвээр байгаа бөгөөд ирж буй онд энэхүү үүрэг оролцоогоо хэрхэн нэмэгдүүлж, хүндрэл бэрхшээлүүдээ яаж шийдвэрлэх бол гэдэг дэлхий нийтийн анхаарлыг татах нь зүй ёсны хэрэг. 

Өнгөрсөн оны арванхоёрдугаар сард болсон БНХАУ-ын Төв эдийн засгийн хурлаар тус улсын эрх баригчид эдийн засгийн чанарыг дээшлүүлэх үндсэн 8 зорилтыг дэвшүүлжээ.

Хятад нь эдийн засгийн шинэчлэлийн томоохон бодлогыг хэрэгжүүлж байгаа бөгөөд нэн түрүүнд үйлдвэрлэлийн илүүдэл хүчин чадлыг танах асуудалд анхаарч байна. Өнгөрсөн  онд гангийн үйлдвэрлэлийг 50 сая, нүүрсний олборлолтыг 150 сая тонноор тус тус бууруулж зорилтоо биелүүлсэн. 2016 онд нүүрсний олборлолтыг 290 сая тонн, гангийн үйлдвэрлэлийг 65 сая тонноор танасан байдаг. Ойрын таван жилд гангийн үйлдвэрлэлийн хүчин чадлыг 100-150 сая, нүүрсний олборлолтыг 500 сая тонноор бууруулах зорилтоо 2018 онд үргэлжлүүлэн хэрэгжүүлэх аж.

Хурдацтай өсөн нэмэгдэж буй санхүүгийн зах зээл дэх өргөн хүрээний зөрчлийг арилгахад 2017 онд Хятадын эрх баригчид бодитой алхмуудыг хийсэн гэж дүгнэсэн байна. Санхүүгийн зах зээлийн дүрэм журмыг зөрчсөн банк, даатгалын болоод хөрөнгө оруулалтын компаниудад хатуу хариуцлага тооцож, томоохон торгууль ногдуулсан байна. Цаашид ч санхүүгийн зах зээл дэх хууль бус үйл ажиллагаатай хатуу чанга тэмцэхээ мэдэгдэв.

Агаарын бохирдлыг бууруулах зорилт нь Хятадын эдийн засгийн чанарыг дээшлүүлэх зорилтод багтжээ. Экологийн цэвэр эрчим хүчний хэрэглээ рүү шилжих, агаар бохирдуулагч үйлдвэрүүдэд хатуу хяналт тавих бодлого 2017 онд үр дүнгээ өгч эхэлсэн гэж тус улсын эрх баригчид үзэж байна.

Өнгөрсөн онд Хятадын Засгийн газраас хэрэгжүүлсэн үр дүнтэй ажлын нэг нь худалдан авалтыг хязгаарлаж, ипотекийн зээлийн урьдчилгаа төлбөрийн хэмжээг нэмэгдүүлснээр үл хөдлөх хөрөнгийн зах зээл дэх үнийн хөөрөгдлийг бууруулсан явдал гэж онцолжээ. Үл хөдлөх хөрөнгийн зах зээлийг тогтворжуулах урт хугацааны бодлогын механизмыг бүрдүүлэхээр тус улсын Засгийн газраас эрмэлзэж байна. Энэ зорилтын хүрээнд жижиг, дунд хотуудад орон сууцны урт хугацааны түрээсийн зах зээлийг хөгжүүлэхээр төлөвлөжээ. Мөн жижиг хотуудад борлуулалтгүй орон сууцны барилгуудыг нэмэгдүүлэхгүй байх бодлого барьж байгаа юм.

2018 онд үргэлжлэн хэрэгжих төрийн өмчит компаниудын шинэчлэл Хятадын эдийн засгийн хөгжилд чухал үүрэг гүйцэтгэнэ гэж тус улсын эрх баригчид үзэж байна. Өнгөрөгч онд төрийн өмчит компаниудын 68.9%-ийг холимог бүтэцтэй болгож, аж ахуйн нэгжүүдийн үүрэг оролцоо, хувь хэмжээг нэмэгдүүлжээ. БНХАУ-ын Коммунист намын 19 дүгээр их хурлаар төрийн оролцоотой компаниудыг олон улсад өрсөлдөхүйц болгох зорилтыг дэвшүүлсэн билээ.

Хятад улс нь гадаад ертөнц, олон улсад эдийн засгийн нээлттэй бодлого барих болсны 40 жил энэ онд тохиож байна. Ирээдүйд илүү нээлттэй болж, импортыг нэмэгдүүлэх, импортын бараа бүтээгдэхүүнд ногдуулах татварын хэмжээг шат дараалалтайгаар бууруулах, худалдааг тэнцвэржүүлэх бодлогыг барихаа БНХАУ-ын Төв эдийн засгийн хурлаар тунхаглалаа. Эдийн засгийн нээлттэй бодлогын хүрээнд 2018 онд гадаадын хөрөнгө оруулалтыг хязгаарласан салбаруудын ”жагсаалтыг” шинэчлэн, цөөрүүлэхээр төлөвлөжээ. Түүнчлэн, чөлөөт худалдааны бүс дэх боломжийг нэмэгдүүлэн, чөлөөт боомтуудыг байгуулах асуудалд анхаарах аж.

Бэлтгэсэн Э.Од

Эх сурвалж: russian.people.com

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Уржигдар 13 цаг 53 минутад
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • Уржигдар 13 цаг 52 минутад
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • Уржигдар 13 цаг 00 минутад
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.
  • 2020-05-21 14:53
    Засгийн газар шинэ коронавирусээс үүдэн эрсдэлд орсон  эдийн засгийг аврахаар гуравдугаар сарын сүүлээр дуугарч эхэлсэн нь 5.1 их наяд төгрөгийн багц хөтөлбөр байв. Үүнийг нь дөрөвдүгээр сарын 9-нд УИХ-ын чуулганаар “амь оруулан” баталлаа. 5.1 их наяд төгрөгийн   хөтөлбөр   яг хэрхэн эдийн засгийг аврах эсэх нь одоо ч тодорхой биш байгаа юм. Үүнээс хавьгүй эрт буюу гуравдугаар сарын 11-нд Монголбанк бодлогын хүүгээ буулгаж, төд удалгүй арилжааны банкуудыг “захиргаадаж”  хэрэглээний зээл  төлөлтийн  хугацааг сунгахыг хүчлэх болсон. Улмаар дөрөвдүгээр сарын 13-нд төв банк бодлогын хүүгээ дахин бууруулав. Гол асуулт нь эдийн засгийн төлөв бүрхэг байгаа нь иргэдийн сэтгэл зүйд сөргөөр нөлөөлж,  улмаар худалдаа, үйлчилгээний салбарын борлуулалтад шууд нөлөөлнө.  Энэхүү нөхцөл байдал эдийн засгаа сэргээхээр оролдож байгаа Хятадад ихээхэн тод илэрч байна.