Коксжих нүүрс, төмрийн хүдрийн үнэ өсөв

2017-12-19 12:28

Монголын эрдсийн голлох түүхий эд болох нүүрс, төмрийн хүдрийн үнэ дэлхийн зах зээл дээр өсөлттэй байна. The Steel Index-ийн мэдээгээр Хятадын Тянжины боомт дээрх 62%-ийн агуулгатай төмрийн баяжмалын үнэ 74.4 ам.доллар болоод байгаа нь өнгөрсөн есдүгээр сараас хойшхи хамгийн өндөр ханш боллоо. Ийнхүү үнэ өсч буй гол шалтгаан нь Хятадын Засгийн газар өвлийн улиралд агаарын бохирдлыг бууруулахтай холбоотойгоор гангийн үйлдвэрүүдийн хүчин чадлыг 50 хүртэлх хувиар бууруулахаар болсон. Үүний улмаас сул зогсолттой байгаа үйлдвэрүүд өвлийн улирал дуусмагц үйлдвэрлэлээ явуулахад шаардлагатай түүхий эдийн татан авалтаа хийж байна. Түүнчлэн энэ зуур тус улсад арматур төмрийн үнэ өсч, улмаар коксжих нүүрс, төмрийн хүдрийн үнэ өсч буй ажээ.

Өнгөрсөн арваннэгдүгээр сард Хятадын төмрийн хүдрийн импорт 94.45 сая тоннд хүрсэн нь өмнөх аравдугаар сарынхаас 19%-иар өссөн дүн боллоо. Харин тус улсын төмрийн хүдрийн импорт оны эхний арваннэгэн сарын нийт дүнгээр 990 сая тоннд хүрсэн. Ингэснээр 2016 оны төмрийн хүдрийн импортын дээд амжилтыг (1.024 тэрбум тонн) энэ онд эвдэхээр болоод байна. Энэ сарын 15-ны байдлаар тус улсын голлох 42 боомтын агуулах дахь төмрийн хүдрийн нөөц 142 сая тоннд ойртож очсон байгаа нь оны эхэн үеийн оргил түвшинтэй харьцуулахад тийм ч хол зөрүүтэй дүн биш болохыг Umetal онцолжээ.

Харин Австралийн сайн чанарын коксжих нүүрсний үнэ одоогийн байдлаар 243.9 ам.доллар/тоннд хүрээд байгаа нь өнгөрсөн баасан гаригийн ханштай харьцуулахад 1.4%-иар өссөн дүн болохыг mining.com мэдээлжээ. Коксжих нүүрсний ханш энэ онд нэлээд боломжийн өсөлттэй байгаа гэж хэлж болно. Энэ оны коксжих нүүрсний үнэ дундаж дүнгээр 186 ам.доллар/тонн-той гарч байгаа нь өмнөх 2016 оны дунджаас даруй 40 ам.доллараар өндөр дүн юм.

Гэхдээ олонх судалгаа шинжилгээний байгууллага коксжих нүүрсний үнэ урт хугацаандаа бууна гэсэн төлөвийг дэвшүүлээд байгааг энд бас дурдах нь зүйтэй. Хэдийгээр төмрийн хүдэр, коксжих нүүрсний үнийн төлөвийн хувьд хоёул урт хугацаандаа буурах таамаглал давамгайлж байгаа ч бодит байдал дээр бууралт бус өсөлт илүү их байгаа нь Хятадын шийдвэрээс ихээхэн хамаарч байна.


Б.Төгс

Сэтгэгдэл (1)

  • angela gonzalez
    Бүх зүйл сайн байна Ноён Iwaniuk dariusz намайг Ноён Iwaniuk dariusz хийсэн гэж хэлэхэд баяртай байна. Би түүнд 6000 € зээлийг асууж, тантай ярих үед таныг худал хэлэхгүй гэж би гэрчлэв. 6000 еврог миний дансанд оруулсныг олж мэдсэн юм. Энэ бол миний урьд өмнө алдсан баяр баясгаланг олох боломжийг надад олгосон энэхүү гайхамшигтай ноён надад гэрчилсэн энэхүү баяр баясгалан юм. Тиймээс хэрэгцээтэй байгаа хүмүүст цаашид ямар ч харагдахгүй, түүнтэй холбоо бариарай мэйл: iwaniukdariusz1234@gmail.com WIISAPP 0022 960 495 638
    2019 оны 05 сарын 23 | Хариулах
Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • Уржигдар 10 цаг 50 минутад
    Архангай аймгийн Тариат сумын Бөөрөлжүүт багийн нутаг дахь Цагаан Уулын орд газраас хүрмэн чулууг хууль бусаар олборлох, тээвэрлэхийг зургаадугаар сарын 6-ны өдрөөс эхлэн хориглосон байна. Сумын Засаг даргын зургаадугаар сарын 10-ны өдрийн А/80 дугаар бүхий захирамжийн дагуу ийнхүү хоригложээ. Дээрх шийдвэрийг Ашигт малтмалын тухай хууль, Газрын хэвлийн тухай хууль, Архангай аймгийн Мэргэжлийн хяналтын газрын Байгаль орчин, геологи уул уурхайн техникийн хяналтын улсын байцаагчийн үйл ажиллагааг зогсоох тухай 2013 оны 03/04/017/38 тоот акт, зөрчил арилгуулах тухай 2016 оны 03/05/017/135 тоот албан шаардлага, зөвлөмж, мөн МХГ-ын улсын байцаагчийн 2019 оны тавдугаар сарын 24-ны өдрийн үйл ажиллагааг зогсоох тухай 03/05/017/27 тоот актыг үндэслэн гаргасан аж.
  • 2019-06-13 14:06
    Хөвсгөл аймаг Монгол орны аялал жуулчлалын гол бүс нутаг. Аялал жуулчлалыг хөгжүүлэх зорилтын хүрээнд ИТХ-ын  хуралдаанаар 2009 онд аймгийн 50 дугаар өргөргөөс хойш газар нутгийг орон нутгийн тусгай хэрэгцээнд таван жилийн хугацаатай авсан байдаг. Энэ шийдвэрийг 2014 онд 25 жилийн хугацаагаар сунгасан юм. Үүн дээр эко системийн хувьд тухайн бүс нутагтаа чухал ач холбогдол бүхий 50 дугаар өргөрөгөөс урагш Бүрэнтогтох, Төмөрбулаг, Тосонцэнгэл, Цагаан-Уул, Цагаан-Үүр, Эрдэнэбулган зэрэг сумдын зарим газар нутгийн тодорхой хэсгүүдийг орон нутгийн хамгаалалтад авч чадсан. Энэхүү шийдвэр нь 2008 оноос эхлэн аймгийн үе үеийн удирдлагууд бодлогын түвшинд ярьж, төлөвлөж, тооцоо судалгаа гарган хэрэгжүүлж ирсний үр дүн юм. Хөвсгөлчүүд бид газар нутгаа орон нутгийн тусгай хамгаалалтад 100% авсан нь түүхэн амжилт. 
  • 2019-06-13 13:09
    “Оюутолгой” ХХК, Америкийн худалдааны танхим, Азийн сан хамтран бизнесийн ёс зүйн сургалтыг өнөөдөр “Блю Скай”-н хурлын танхимд зохион байгууллаа. Уг сургалт нь компанийн удирдлага, ажилтнуудад бизнесийн ёс зүй, авлига, ашиг сонирхлын зөрчил, холбогдох хууль, тогтоомжийн талаар мэдлэг ойлголт өгөх, компанид ёс зүйн болон авлигаас урьдчилан сэргийлэх жишиг, дүрэм, журам хэрэгжүүлэхийг санал болгоход чиглэсэн юм. 
  • 2019-06-13 13:03
    Орхон аймгийн Засаг дарга Д.Батлут, “Эрдэнэт үйлдвэр” ТӨҮГ-ын захирал Х.Бадамсүрэн нар үзэглэсэн “Хамтын ажиллагаа”-ны гэрээний хүрээнд аймгийн боловсролын салбарт 500 сая төгрөгийн хөрөнгө оруулалт 2019 онд хийнэ. Энэ дагуу Орхон аймгийн төрийн болон төрийн бус өмчийн 42 цэцэрлэгийн 272 бүлэгт “Бумбардай” номны 6 цувралыг олгож байна. Уг ажлыг “Нүүдлийн зурган өгүүлэмж” ТББ гүйцэтгэжээ. Мөн ерөнхий боловсролын16 сургуульд гурван сая төгрөгийн үнэ бүхий “LEGO” тоглоом хүлээлгэн өгөв.
  • 2019-06-13 00:00