РЖД: Элегестийн нүүрсийг Оросын нутгаар тээвэрлэн экспортолно

2017-11-02 12:27
Өнгөрсөн есдүгээр сард ОХУ-ын Владивосток хотноо болсон Дорнын эдийн засгийн форумын үеэр Монгол улсын Зам тээврийн сайд Д.Ганбат “Орос улстай холбогдох төмөр замын төв болон хойд коридорыг хөгжүүлэхэд онцгой анхаарах шаардлагатай” гэж мэдэгдсэн. Төв коридор нь Улаан Үд-Наушк-Сүхбаатар-Улаанбаатар-Замын-Үүд-Эрээн чиглэл юм. Яг энэ чиглэлийг цаг алдалгүй хөгжүүлэх хэрэгтэй гэж РЖД зүгээс үзэж байна.

Харин Монголын тал 560 км Эрдэнэт-Овоот чиглэлийн төмөр замын бүтээн байгуулалт багтсан хойд коридорыг хөгжүүлэхэд ихээхэн найдлага тавьж буй. Төмөр замын хойд коридор нь Монгол-Орос улсын хилийн Арцсуурь-Цагаантолгой хүрч, Оросын төмөр замын сүлжээгээр Кызыл-Курагино төмөр зам болон Элегестийн нүүрсний ордтой холбогдоно. Ингэснээр Оросын нүүрсийг өөрийн нутгаар дамжуулан Хятадын зах зээлд гаргах боломжтой гэж харж байгаа юм. Монгол улсын Засгийн газраас Эрдэнэт-Овоот чиглэлийн төмөр зам барих Концессын гэрээг Австралийн “Northern Railways” компанитай хэдийнэ байгуулсан. Гэвч РЖД-ийн хувьд Элегестийн нүүрсийг зүүн чиглэлд өөрийн газар нутгаар тээвэрлэн экспортлохоор төлөвлөж, “Междуреченск-Тайшет” чиглэлийн төмөр замыг шинэчлэн сайжруулах ажлыг хэрэгжүүлж байна гэж Оросын “Гудок” сайтад мэдээлжээ.

Төмөр замын Хойд коридор буюу Курагино-Кызыл-Цагаантолгой-Арц суурь-Овоот-Эрдэнэт-Салхит-Замын Үүд-Эрээн-Улаанцав-Жанчхүү-Бээжин-Тяньжин чиглэл  нь Орос, Монгол, Хятад гурван улсын “Эдийн засгийн коридор” байгуулах хөтөлбөрт багтаж буй төслүүдийн нэг юм.

“Междуреченск-Тайшет” чиглэлийн төмөр замын тухайд Транссибирийн төмөр замын бүрэлдэхүүн хэсэг. Кемеров мужаас эхлэн Ирхүү муж, Хакаси, Красноярын хязгаар хүртэл 960 км үргэлжилж Оросын дөрвөн бүс нутгийг холбосон эдийн засгийн чухал үүрэгтэй зам юм. Сибирь-Кузбасс, Хакаси, Красноярын хязгаарын экспортын гол зам бөгөөд Хятад болоод Зүүн өмнөд Азийн орнууд руу тээвэрлэлтийг хангадаг.

Элегестийн ордоос коксжих нүүрсний экспортыг хангах зорилгоор “Междуреченс-Тайшет” төмөр замын хүчин чадлыг нэмэгдүүлж, шинэчлэх 2013-2019 оны төсөлд Оросын Засгийн газраас 40 тэрбум рублийг зарцуулах тооцоотой. РЖД энэ оны эхний хагаст 1.3 тэрбум рублийг “Междуреченск-Тайшет” чиглэлийн төмөр замын шинэчлэлд зориулсан байна. Шинэчлэх төсөлд энэ онд нийт 5.8 тэрбум рублийн хөрөнгө зарцуулахаар төлөвлөжээ. “Междуреченск-Тайшет” төмөр замыг шинэчилснээр одоо баригдаж буй “Кызыл-Курагино” чиглэлийн төмөр замын 15 сая тонн тээвэрлэлтийг хангах зорилготой юм. Өнгөрсөн зургаадугаар сард “Тувагийн Эрчим хүчний үйлдвэрлэлийн корпораци” /ТЭПК/ болон РЖД компани 410 км бүхий “Кызыл-Курагино” төмөр замын төслийг хамтран хэрэгжүүлэх Концессын гэрээг байгуулсан.

Коксжих нүүрсний 1 тэрбум тонн нөөцтэй Элегестийн ордыг 20 жилийн хугацаанд ашиглах тусгай зөвшөөрлийг ТЭПК компани 2013 онд авсан байдаг. Тус компани эл ордоос “Кызыл-Курагино” төмөр замаар БАМ-тай холбогдож нүүрсээ зах зээлд нийлүүлэх зорилттой.

Э.Од

Эх сурвалж:
Gudok.ru

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-07-20 13:13
    Катодын зэс үйлдвэрлэлийн технологийг анх удаа Монгол орны уур амьсгалын эрс тэс нөхцөлд амжилттай нутагшуулж, зэсийн исэлдсэн эрдэс бүхий хүдрийг уусган баяжуулах аргаар боловсруулан, цэвэр зэс үйлдвэрлэж буй “Эрдмин” ХХК дотоодын төдийгүй гадаадын уул уурхайн зах зээлд хэдийнэ танил болжээ.  Тус компани нь “Эрдэнэт үйлдвэр”-ийн хаягдал, балансын бус хүдрийн овоолгуудыг 40 жилийн турш ашиглах гэрээ байгуулан ажиллаж байгаа билээ.The Mongolian Mining Journal сэтгүүлээс зохион байгуулсан уул уурхайн салбарын шилдгүүдийг тодруулах Mining Journal Awards-2013 ёслолын ажиллагааны “Шилдэг технологи” шагналыг “Эрдмин” компани хүртсэн түүхтэй. Жилд 2500 орчим тонн катодын цэвэр зэс үйлдвэрлэж экспортод гаргаж, 41 нэр төрлийн 3 сая гаруй метр зэс утас үйлдвэрлэн дотоодын зах зээлд нийлүүлж байгаа зэрэг үзүүлэлтүүдээрээ тус компани энэхүү нэр хүндтэй номинацийн эзэн болж байсан юм. 
  • 2020-07-20 13:09
    УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна. УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна.
  • 2020-07-17 11:48
    Монгол Улсын Засгийн газраас хэрэгжүүлж буй Тавантолгой-Зүүнбаян чиглэлийн төмөр замын ажлын эхний 50 км зам бэлэн болж өнгөрсөн зургадугаар  сард нээлтээ хийсэн юм. 2019 оноос эхлэн жил гаруйн хугацаанд эрчимтэй өрнөж 416.1 км-ийн 200 км-т доод бүтэц, газар шорооны ажил мөн л дуусчээ. Уг бүтээн байгуулалтад “Тавантолгой төмөр зам” ХХК захиалагчийн хяналтын үүрэг гүйцэтгэн ажиллаж байна. Тус компани 2019 оны зургадугаар  сарын 19-нд  “Монголын төмөр зам” ТӨХК-тай хамтран ажиллах гэрээгээ байгуулсан бөгөөд  энэ оны долдугаар  сард гэрээний хугацаа дууссан ч талууд гэрээгээ дахин сунгаж,   захиалагчийн хяналтын үүргийг  үргэлжлүүлэн гүйцэтгэхээр болжээ.
  • 2020-07-17 11:05
    Монгол Улсын Засгийн газар  өчигдрийн /07.16/ хуралдаанаар  нэр бүхий албан хаагчдыг Ерөнхий сайдын санал болгосны дагуу танхимын гишүүдийн 100%-ийн саналаар яамдын дэд сайд нарыг томилсон юм. 2020-2024  онд бүрэх эрхийн хүрээнд ажиллах Уул уурхай, хүнд үйлдвэрийн дэд сайдаар Отгоншарын Батнайрамдлыг томилсон шийдвэрийг Засгийн газрын хуралдаанаар гаргалаа. О.Батнайрамдал нь 1984 онд Ховд аймгийн Жаргалант суманд төржээ. 1998 онд Ховд аймгийн арван жилийн 2 дугаар дунд сургууль, 2001 онд Монгол-Туркийн хамтарсан сургууль, 2004 онд Норвеги Улсын Дэлхийн нэгдсэн коллеж, 2008 онд АНУ-ын Макалестер коллеж, 2015 онд АНУ-ын Харвард их сургуулийг тус тус төгссөн байна.
  • 2020-07-10 16:41
    Гаалийн ерөнхий газрын мэдээлснээр, энэ оны эхний хагас жилийн байдлаар нүүрсний экспортын нийт хэмжээ 8.65 сая тоннд хүрч өмнөх оны мөн үеийнхээс 52%-иар буурсан байна. Тодруулбал, 2019 оны эхний хагас жилд манай улс нийт 18 сая тонн нүүрс экспортолж байсан бөгөөд энэ оны эхний хагас жилтэй харьцуулахад 9.4 орчим сая тонноор илүү их нүүрс гадагш нь худалдаалжээ. Ингэснээр нүүрсний экспортын орлого энэ оны эхний хагас жилийн байдлаар 690 сая ам.долларт хүрч өнгөрсөн оны мөн үетэй харьцуулахад 850 сая ам.доллараар буурсан байна.