Монголбанк: Засгийн газрын дотоод өр буурна

2017-10-20 14:34

Төв банкны мэдээлж буйгаар энэ оны эхний есөн сарын байдлаар мөнгөний нийлүүлэлт (M2) 14.8 их наяд төгрөгт хүрсэн нь өмнөх оны мөн үеийнхээс 27.6%-иар өссөн байна. Мөнгөний нийлүүлэлтийг бүтцээр нь авч үзвэл 51.4% буюу 7.4 их наяд төгрөгийн хадгаламж, 16.6% буюу 2.6 их наядыг нь валютын хадгаламж эзэлжээ. Ийнхүү нийт хадгаламжийн хэмжээ оны эхний есөн сарын байдлаар 10 их наяд төгрөгт хүрээд байгаагийн 63.6%-ийг иргэдийн төгрөгийн хадгаламж, 26%-ийг валютын хадгаламж, үлдсэнийг компанийн төгрөгийн хадгаламж бүрдүүлсэн байна. 

Банкуудын нийт активын хэмжээ өнгөрсөн сарын байдлаар 28 их наяд төгрөгт хүрээд байгаа нь өмнөх оны мөн үеийнхээс 13.8%, өмнөх сарынхаасаа 2.1%-иар өссөн дүнтэй гарлаа. Активын хамгийн том багц буюу 47%-ийг зээл, 12%-ийг Засгийн газраас авах авлага, 10% нь банкны нөөцөөс бүрдэж байна. Активт тэргүүлэх байр эзэлж буй зээлийн хувьд авч үзвэл хадгаламжийн байгууллагаас олгодог зээлийн үлдэгдэл өмнөх сарынхаасаа 156.5 тэрбум төгрөгөөр нэмэгдэж, 13.4 их наяд төгрөгт хүрээд байна. Өнгөрсөн сарын байдлаар хугацаа хэтэрсэн зээлийн хэмжээ өмнөх сарынхаасаа 0.9%-иар буурч, 6.2%-д хүрсэн бол чанаргүй зээл 0.1%-иар буурч 8.7%-руу доошилжээ.

Нийт олгогдоод буй зээлийг эдийн засгийн үйл ажиллагаагаар нь авч үзвэл үл хөдлөхийн  салбарт 16.2%, худалдаа мөн адил 16.2%, боловсруулах үйлдвэр 10.1%, уул уурхайд 7% тус тус ногдож байна. Мөн цалин, тэтгэврийн зээл 25.8%-ийг эзэллээ. Зээлийн өсөлт хоёр салбарт ажиглагдсан бөгөөд барилгын салбарт олгох зээл өмнөх сарынхаасаа 1.7%, уул уурхайн салбарынх 2.4%-иар өсчээ.

Монголбанк ирэх гурван жилийн хугацаанд инфляцийг найман хувьд тогтворжуулахаар зорьж байна. Харин ханшийн хувьд уян хатан, эдийн засгийн суурь нөхцөлтэйгээ нийцүүлсэн бодлого барьж ажиллана гэдгээ мэдэгдлээ.

Төв банкны Мөнгөний бодлогын газрын захирал Б.Баярдаваа цаашид Засгийн газрын дотоод өрийн хэмжээ буурч, хувийн хэвшилд зээлийн боломж илүү их нэмэгдэнэ гэдгийг тодотгосон. Тэрбээр “Энэ онд дотоод өрийн хэмжээнд төсвийн алдагдлын хэмжээ нөлөөлж байгаа. Өөрөөр хэлбэл төсвийн алдагдлыг дотоодод бонд босгох замаар санхүүжүүлж байгаа. Ирэх оны төсөв 2 их наяд гаруй төгрөгийн алдагдалтай байхаар өргөн баригдсан байсан. Хэдийгээр төсвийн төслийг буцаан татсан ч нэг их өөрчлөлт орохгүй болов уу гэж үзэж байна. Төсвийн алдагдлыг үндсэндээ хоёр эх үүсвэрээс санхүүжүүлдэг. Нэг нь дотоодод бонд босгох, нөгөө нь гадаад тусламжийн мөнгө, ОУВС-ийн санхүүжилт гэж хэлж болно. Тус сангийн баг ирчихсэн гуравдугаар улирлын гүйцэтгэл дээр ажиллаж байна. Энэ хэлэлцээр дууссаны дараа хөтөлбөрийн хүрээнд энэ онд хийгдэх санхүүжилт орж ирнэ. Ирэх онд бараг 1 тэрбум ам.долларын урсгал орно. Энэ нь төсвийн алдагдлыг санхүүжүүлэхэд дэмжлэг үзүүлнэ. Үүний хүрээнд дотоодод босгосон бондын өрийн хэмжээ Засгийн газар талдаа нэлээд буурна. Тэгэхээр энэ нь эргээд хувийн хэвшлийн салбарт зээлийн орон зай бий болгоно гэсэн үг. Харин ирэх оны эхээр төлөгдөх гадаад өрийг дахин санхүүжүүлэх бондын талаар мэдээлэл өгөхөд эрт байна.” гэж мэдэгдлээ. 



Б.Төгс

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Уржигдар 13 цаг 53 минутад
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • Уржигдар 13 цаг 52 минутад
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • Уржигдар 13 цаг 00 минутад
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.
  • 2020-05-21 14:53
    Засгийн газар шинэ коронавирусээс үүдэн эрсдэлд орсон  эдийн засгийг аврахаар гуравдугаар сарын сүүлээр дуугарч эхэлсэн нь 5.1 их наяд төгрөгийн багц хөтөлбөр байв. Үүнийг нь дөрөвдүгээр сарын 9-нд УИХ-ын чуулганаар “амь оруулан” баталлаа. 5.1 их наяд төгрөгийн   хөтөлбөр   яг хэрхэн эдийн засгийг аврах эсэх нь одоо ч тодорхой биш байгаа юм. Үүнээс хавьгүй эрт буюу гуравдугаар сарын 11-нд Монголбанк бодлогын хүүгээ буулгаж, төд удалгүй арилжааны банкуудыг “захиргаадаж”  хэрэглээний зээл  төлөлтийн  хугацааг сунгахыг хүчлэх болсон. Улмаар дөрөвдүгээр сарын 13-нд төв банк бодлогын хүүгээ дахин бууруулав. Гол асуулт нь эдийн засгийн төлөв бүрхэг байгаа нь иргэдийн сэтгэл зүйд сөргөөр нөлөөлж,  улмаар худалдаа, үйлчилгээний салбарын борлуулалтад шууд нөлөөлнө.  Энэхүү нөхцөл байдал эдийн засгаа сэргээхээр оролдож байгаа Хятадад ихээхэн тод илэрч байна.