“Expo Mongolia 2017” бизнесийн харилцаа тогтоох боломж олгоно

2017-10-09 13:07


Герман, Монголын бүх салбарын компаниудыг өргөнөөр оролцуулж, сүүлийн үеийн техник, тоног төхөөрөмжүүдийг танилцуулдагаараа танигдсан “Expo Mongolia 2017” олон улсын үзэсгэлэн аравдугаар сарын 10-12-нд “Мишээл Экспо” төвд зохион байгуулагдана.  Энэ талаар “Expo Mongolia 2017” компанийн Гүйцэтгэх захирал Инго Кловер, Герман-Монголын бизнес эрхлэгчдийн холбооны ТУЗ-ын дарга Герхард Вакенхүт нар өнөөдөр  “Бодь” цамхагт мэдээлэл хийх үеэрээ онцоллоо.

Тав дахь удаагаа зохион байгуулагдах гэж буй үзэсгэлэнд ХБНГУ, БНСУ, БНХАУ, Беларусь болон Монголын аж ахуйн нэгжүүд оролцож, бараа бүтээгдэхүүн, үйлчилгээ, тоног төхөөрөмж, сүүлийн үеийн технологийн шийдлүүдээ танилцуулах юм.

Тус үзэсгэлэн нь Монгол, Германы үйлдвэр, аж ахуйн нэгжүүд харилцан бизнесийн холбоо тогтоох, Монгол улсад төдийгүй ойр орчмын улс орнуудын мэргэжил нэгтнүүдэд өөрийн үйлдвэрлэл үйлчилгээний шинэ шинэлэг технологиудыг танилцуулах, борлуулахад зориулагдсан олон улсын өндөр зэрэглэлийн үзэсгэлэн гэдгээрээ хэдийнэ танигдсан.   

Энэ удаагийн “Expo Mongolia 2017” олон улсын үзэсгэлэнгийн үеэр “Хөрөнгө оруулалт, Инноваци” сэдвийн дор тогтвортой хөгжлийн бага хурлыг зохион байгуулахаар төлөвлөжээ.

“Төр засаг болон бизнесийн байгууллагуудыг холбож, мэдээлэл солилцох боломжийг олгодогоороо  манай үзэсгэлэн ихээхэн онцлог. Монгол улс ашигт малтмалаараа нэн баян  ч цаашдын бизнесийн боломж  зөвхөн уул уурхай бус, бусад салбарт  ч бий гэдгийг манай үзэсгэлэн харуулдаг. Монгол компаниуд энэхүү үзэсгэлэнгийн арга хэмжээнд идэвхитэй оролцож,  гадаадын компаниудтай маш сайн уулзалт хийгээсэй, бизнесийн гарцаа сайн тодорхойлоосой гэж хүсч байна” хэмээн  “Expo Mongolia 2017” компанийн Гүйцэтгэх захирал Инго Кловер тодотголоо.

Герман-Монголын бизнес эрхлэгчдийн холбооны ТУЗ-ын дарга Герхард Вакенхүтийн хувьд  “Expo Mongolia 2017”-д  тус байгууллагыг урьж оролцуулж  буйд талархаж  илэрхийлээд, Герман-Монголын бизнесийн харилцааг дэмжих чиглэлээр багагүй зүйлийг хийж, хэрэгжүүлэхээр зорьж байна гэлээ. Герман-Монголын бизнес эрхлэгчдийн холбооны ТУЗ-ын дарга Герхард Вакенхүт онцолсон юм.       

Бага хурлын үеэр “Экспорт, импортын санхүүжилтийн боломжууд”, “Монголын даатгалын зах зээлийн өнөөгийн байдал ба хөрөнгө оруулалт”, “Үйлдвэрийн гаралтай тоос, тоосонцрыг хянах, дарах шийдлүүд”, “Технологийн паркуудад хөрөнгө оруулах боломж”, “Барилгын халаалтын системд сэргээгдэх эрчим хүчийг ашиглах боломж” гэх зэрэг сонирхолтой сэдвүүдээр туршлагатай компаниуд болон төр засгийн байгууллагуудаас илтгэл тавьж, хэлэлцүүлэх юм байна.

Тухайлбал, тус үзэсгэлэнгийн нээлтийн арга хэмжээнд төр засгийн төлөөллүүдээс Монгол Улсын Ерөнхийлөгчийн Байгаль Орчин, Хот, Хөдөөгийн Хөгжлийн бодлого, Агаарын бохирдлын асуудал хариуцсан зөвлөх Д.Пүрэвдаваа, УИХ-ын гишүүн, УИХ дахь Монгол-Германы парламентын бүлгийн дарга Д.Тэрбишдагва, ХБНГУ-ын Элчин сайд Штефан Дүппэл, Монгол дахь Италийн Элчин сайд Андре Де Фэлипп нар оролцож, үг хэлэх аж.   

Монгол улсын Засгийн газар, яам, агентлагууд, Нийслэлийн Засаг даргын тамгын газар, Монголын Бизнесийн Зөвлөл, МҮХАҮТ, Франц-Монголын Худалдааны Танхим, Монгол дахь Америкийн Худалдааны Танхим, Монголын Барилгын Ассоциаци, Их Британи, Канад, Энэтхэг, Италийн Элчин сайдын яам, ХБНГУ-ын Хамтын ажиллагаа, Эрчим хүчний яам болон Европын салбар салбарын холбоодоос хамгийн томд тооцогдох Германы “Хүнд машин механизм үйлдвэрлэгчдийн холбоо (VDMA) нь  “Expo Mongolia 2017” үзэсгэлэнг зохион байгуулахад дэмжлэг үзүүлж байгаа гэдэг утгаараа илүү цар хүрээтэй  болжээ.

“Монголын компаниудын тэр бүр уулзаж, танилцаад байж чаддаггүй нэр хүндтэй компаниудын брэнд бүтээгдэхүүнийг үзэх, шинэ шинэ технологиос танин мэдэх, тэдгээртэй хамтын ажиллагаа, холбоо тогтоох боломж үзэсгэлэнд оролцогчдод нээлттэй байх болно” гэдгийг  “Expo Mongolia 2017” олон улсын үзэсгэлэнгийг зохион байгуулагчид хэлж байна.

Expo Mongolia 2017” олон улсын үзэсгэлэн яармагийн хүрээнд “Германд үйлдвэрлэв” сэдвийн дор хамтарсан эдийн засаг, бизнесийн уулзалтыг жил бүрийн аравдугаар сард тогтмол зохион байгуулдаг ч энэ удаад Монголд өрнөсөн сонгуулийн улмаас хойшлуулж, ирэх оны дөрөвдүгээр сард хийхээр төлөвлөжээ.

Г.Идэр

 

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 2019-12-05 13:52
    Чили улсын төрийн өмчит, дэлхийн зэсийн хамгийн том үйлдвэрлэгч “Codelco” компани нь ирэх 10 жилийн хөгжлийн хөтөлбөрийн хөрөнгө оруулалтаа 20%-иар танаж 32 тэрбум ам.доллар болгож бууруулжээ. 2028 он хүртэлх хөтөлбөрөөр 40 тэрбум ам.долларын хөрөнгө оруулалт хийхээр төлөвлөж байсан юм. Хөрөнгө оруулалтын хэмжээг танасан шалтгааныг дэлхийн зэсийн зах зээл дэх таагүй нөхцөл байдал, мөн Чили улсын нийгэмд чиглэсэн санхүүжилтийг нэмэгдүүлэх шаардлагатай гэж компанийн зүгээс тайлбарлаж байна. Энэ намар тус улсыг хамарсан томоохон эсэргүүцлийн дараа Чилийн эрх баригчид Засгийн газрын зардлыг нэмэгдүүлэх шийдэлд хүрсэн юм. Үүнтэй холбогдуулан “Codelco” компанийн нийт ашгаас улсын төсөв рүү хуваарилах хэмжээг 2021 оноос эхлэн жилд 1 тэрбум доллараар нэмэгдүүлэхээр тооцоолжээ. 
  • 2019-12-05 12:32
    Монголын Геологийн холбооны VI чуулган арваннэгдүгээр сарын 29-нд ШУТИС-д зохион байгуулагдаж, хурлын хөтөлбөрийн дагуу тус холбооны Ерөнхийлөгч Т.Мөнхбат, Гүйцэтгэх захирал М.Тодбилэг нар 2014-2019 оны үйл ажиллагааны болон санхүүгийн тайланг холбооны гишүүддээ танилцуулжээ. Энэ үеэр мөн холбооны Хяналтын зөвлөл ажлаа танилцуулсан байна. Танилцуулгын дараа салбарын өнөөгийн байдал, тулгамдаад байгаа асуудлын талаар хэлэлцүүлэг өрнөж Монголын Геологийн холбооны VI чуулганд оролцогчдоос нийт геологчдод хандан уриалга гаргасан байна. Монголын Геологийн Холбооны дүрэм ёсоор 2014 онд сонгогдсон Удирдах зөвлөлийн гишүүдийн сонгуульт хугацаа дууссан учир 2019-2024 он хүртэл нийт геологчдыг төлөөлөн ажиллах шинэ Удирдах зөвлөлөө сонгох сонгуулийг явуулсан юм.
  • 2019-12-04 18:37
    Монгол Улсын Ерөнхий сайд У.Хүрэлсүх Засгийн газрын дарга Д.А.Медведевийн урилгаар Орос улсад арванхоёрдугаар сарын 3-6-ны өдрүүдэд албан айлчлал хийж байна. Айлчлалаар Ерөнхий сайд тус улсын Ерөнхийлөгч В.В.Путинд бараалхаж, Засгийн газрын дарга Д.А.Медведевтэй албан ёсны хэлэлцээ хийсэн юм. Хэлэлцээрийн үр дүн Засгийн газар болон яамд хооронд нийт 15 баримт бичгийг байгуулжээ. Монгол Улсын Ерөнхий сайдын энэхүү айлчлал нь есөн жилийн дараа ОХУ-ад хийж байгаагаараа онцлог юм.
  • 2019-12-04 12:19
    Сэлэнгэ аймгийн Ерөө сумын нутаг өвлийн цэнгэг агаар, нар гийсэн тунгалаг өглөөтэй угтав. “Баянгол” төмөр замын “Хандгайт” өртөөнд зочид гийчдийн хөл хөдөлгөөн их. Одоогоос 15 жилийн өмнө энэ нутагт төмрийн хүдрийн хайгуулын ажлыг эхлүүлж, өдгөө уурхайн цогц бүтээн байгуулалт, эрчим хүч болоод төмөр замын дэд бүтцийн хамтаар байгуулсан компани бол “Болдтөмөр Ерөө гол” юм. Тэмдэглэлт энэ ойд төмөр замын үйл ажиллагаа хариуцсан “Монголиан Транс Ложистик” компанийг үүсгэн байгуулсаны 10 жил мөн тохиож байна. Давхар ойгоо угтан шинэ бүтээн байгуулалтаар компанийн намтар түүхээ зузаатгажээ. “Баянгол” уурхайн ажилчдын хотхоныг шинэчлэн тохижуулахын сацуу төмөр замын Хөдлөх бүрэлдэхүүний засварын орчин үеийн депо байгуулж ашиглалтад орууллаа.
  • 2019-12-04 11:55
    Сүхбаатар аймгийн “Сүхбаатарын өнгө” сонины эрхлэгч Д.Улаанхүүхэн   The Mongolian Mining Journal сэтгүүлийн дэргэдэх  “Хөгжлийн төлөө сэтгүүл зүй” ТББ,  Канадын Бритиш Колумбын их сургуулийн сэтгүүл зүйн сургууль болон Global Reporting Centre-ийн дэмжлэгтэй хамтран хэрэгжүүлж буй  “ОРОН НУТАГ БА УУЛ УУРХАЙ” мэдээллийн сүлжээ төсөлд   “Сүхбаатар аймаг хариуцлагатай уул уурхайг дэмжиж ажиллана”,  “Уул уурхайн орлогоор баялгийн санг бүрдүүлэх нь зүйтэй”  зэрэг ярилцлага, сурвалжлага, бэлтгэсэн мэдээллээр  амжилттай оролцож,  бүтээлч сэтгэлгээ, ур чадвар, сэтгүүл зүйн бүтээлийн чанараараа манлайлсныг нь үнэлэн  ГРАН ПРИ-ШИЛДЭГИЙН ШИЛДЭГ БҮТЭЭЛ-ээр тодруулан өргөмжлөв.