Дэлхийн банк: Монголын өсөлт хасах үзүүлэлтээс нэмэх болов

2017-10-04 16:29

Дэлхий банк Зүүн Ази, Номхон далайн бүс нутгийн эдийн засгийн тайлангаа өнөөдөр танилцууллаа. Өнгөрсөн дөрөвдүгээр сард тус банк Монголын 2017 оны өсөлтийн төлөв -0.2%-тай байна гэж тооцож байсан бол аравдугаар сарын тайланд өсөлтийг 2.8%-тай байна гэж тэмдэглэжээ. Үүнд макро эдийн засгийн тогтворжуулалтын хөтөлбөр болон нүүрсний экспортын өсөлт голлон нөлөөлжээ. Гэхдээ өсөлт сайн байгаа ч улс төрийн тогтворгүй байдал, цаг уурын нөхцөлөөс үүдсэн хүндрэл, түүхий эдийн үнийн савлагаа, бүсийн тогтворгүй байдал зэрэг нь манай улсын төлөвт эрсдэл учруулж болзошгүйг давхар тэмдэглэсэн байна.

Монголын хувьд макроэдийн засгийг тогтворжуулах хөтөлбөрийн дүнд уул уурхай болон тээврийн салбарт өсөлт гарч байгаа нь 2017-2018 оны өсөлтийн төлөвийг сайжруулж байгааг тайланд тэмдэглэсэн байна.

Мөн манай улсын төсвийн алдагдал энэ онд мэдэгдэхүйц буурахаар байгааг тайланд  дурджээ. Өнгөрсөн онд төсвийн алдагдал ДНБ-ийн 17%-тай гарч байсан бол энэ оны хувьд төсвийн алдагдал 8.4%-тай тэнцэхээр байна.

Эдийн засгийн бусад үзүүлэлт, тэр дундаа өрхийн орлого, дундаж цалингийн үзүүлэлт тодорхой хэмжээгээр өссөнөөс гадна экспортын хэмжээ багагүй хувиар өснө гэж тооцжээ.

Ийнхүү манай улсын эдийн засгийн өсөлт энэ онд 2.8%-тай байхаар тооцсон бол ирэх онд 3.1%, 2019 онд 7.3%-тай байна гэж төсөөлж байгааг тайланд тэмдэглэсэн байна. Гэхдээ Монголын дунд хугацааны өсөлтөд уул уурхай, худалдаа, тээврийн салбарт хийх хувийн хөрөнгө оруулалтын өсөлт голлох үүрэгтэй байхыг сануулжээ.

Тус тайланд мөн УИХ саяхан Засгийн газрыг огцруулсан явдал нь төсвийг нэгтгэх хөтөлбөрийн хэрэгжилт болон гадаадын шууд хөрөнгө оруулалтад эерэг таатай орчныг бүрдүүлэх зэрэг Засгийн газрын үйл хэрэг цаашид хэвийн үргэлжлэх эсэхэд тодорхойгүй байдал үүсгэж, хүлээлт бий болгосныг дурджээ. Улс төрийн ийм өөрчлөлт нь Засгийн газрын бондыг дахин санхүүжүүлэх ажлыг ярвигтай болгож мэдэх бөгөөд хэрэв энэ эрсдэл бодитоор биелэх аваас төсөөлж буй өсөлтийн явцыг сулруулах болно гэж тайланд онцолжээ.

Түүнчлэн түүхий эдийн үнийн хэлбэлзэл Монголын өсөлтөд нөлөөлж болзошгүй бөгөөд үүнд хариу болгож Засгийн газрын зүгээс экспортын орлогыг зөв зохистойгоор удирдах нь чухал болохыг анхааруулсан байна.

Харин Зүүн Ази, Номхон далайн бүсийн хувьд энэ онд бүс нутгийн хэмжээнд 6.4%-иар өсөхөөр байгаа юм. Дэлхий эдийн засгийн өсөлтийн хэтийн төлөв сайжирч, Зүүн Ази, Номхон далайн бүс нутгийн эдийн засгуудын дотоодын эрэлт нэмэгдэж байгаагаас тус бүс нутгийн хөгжиж буй орнуудын эдийн засгийн төлөв байдал эерэг байна хэмээн Дэлхийн банкнаас бүс нутгийн шинэ тайланд дурджээ. Ийнхүү өмнө төсөөлж байсантай харьцуулахад өсөлтийн төлөв өндөр гарсан нь Хятадын эдийн засгийн өсөлт 6.7%-д хүрэхээр байгаатай холбоотой ажээ. Гэхдээ цаашид Хятад улсад хөрөнгө оруулалтад шүтсэн бус дотоодын хэрэглээнд түшсэн өсөлтийн горим руу чиглэсэн аажим шилжилт үргэлжлэх төлөвтэй байгаа юм. 2018 онд тус улсын эдийн засгийн өсөлт удааширч 6.4% болж буурах төлөвтэй байна гэж Дэлхийн банкны бүс нутгийн эдийн засгийн тайланд тайлбарлажээ.

 

Б.Төгс

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-07-20 13:13
    Катодын зэс үйлдвэрлэлийн технологийг анх удаа Монгол орны уур амьсгалын эрс тэс нөхцөлд амжилттай нутагшуулж, зэсийн исэлдсэн эрдэс бүхий хүдрийг уусган баяжуулах аргаар боловсруулан, цэвэр зэс үйлдвэрлэж буй “Эрдмин” ХХК дотоодын төдийгүй гадаадын уул уурхайн зах зээлд хэдийнэ танил болжээ.  Тус компани нь “Эрдэнэт үйлдвэр”-ийн хаягдал, балансын бус хүдрийн овоолгуудыг 40 жилийн турш ашиглах гэрээ байгуулан ажиллаж байгаа билээ.The Mongolian Mining Journal сэтгүүлээс зохион байгуулсан уул уурхайн салбарын шилдгүүдийг тодруулах Mining Journal Awards-2013 ёслолын ажиллагааны “Шилдэг технологи” шагналыг “Эрдмин” компани хүртсэн түүхтэй. Жилд 2500 орчим тонн катодын цэвэр зэс үйлдвэрлэж экспортод гаргаж, 41 нэр төрлийн 3 сая гаруй метр зэс утас үйлдвэрлэн дотоодын зах зээлд нийлүүлж байгаа зэрэг үзүүлэлтүүдээрээ тус компани энэхүү нэр хүндтэй номинацийн эзэн болж байсан юм. 
  • 2020-07-20 13:09
    УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна. УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна.
  • 2020-07-17 11:48
    Монгол Улсын Засгийн газраас хэрэгжүүлж буй Тавантолгой-Зүүнбаян чиглэлийн төмөр замын ажлын эхний 50 км зам бэлэн болж өнгөрсөн зургадугаар  сард нээлтээ хийсэн юм. 2019 оноос эхлэн жил гаруйн хугацаанд эрчимтэй өрнөж 416.1 км-ийн 200 км-т доод бүтэц, газар шорооны ажил мөн л дуусчээ. Уг бүтээн байгуулалтад “Тавантолгой төмөр зам” ХХК захиалагчийн хяналтын үүрэг гүйцэтгэн ажиллаж байна. Тус компани 2019 оны зургадугаар  сарын 19-нд  “Монголын төмөр зам” ТӨХК-тай хамтран ажиллах гэрээгээ байгуулсан бөгөөд  энэ оны долдугаар  сард гэрээний хугацаа дууссан ч талууд гэрээгээ дахин сунгаж,   захиалагчийн хяналтын үүргийг  үргэлжлүүлэн гүйцэтгэхээр болжээ.
  • 2020-07-17 11:05
    Монгол Улсын Засгийн газар  өчигдрийн /07.16/ хуралдаанаар  нэр бүхий албан хаагчдыг Ерөнхий сайдын санал болгосны дагуу танхимын гишүүдийн 100%-ийн саналаар яамдын дэд сайд нарыг томилсон юм. 2020-2024  онд бүрэх эрхийн хүрээнд ажиллах Уул уурхай, хүнд үйлдвэрийн дэд сайдаар Отгоншарын Батнайрамдлыг томилсон шийдвэрийг Засгийн газрын хуралдаанаар гаргалаа. О.Батнайрамдал нь 1984 онд Ховд аймгийн Жаргалант суманд төржээ. 1998 онд Ховд аймгийн арван жилийн 2 дугаар дунд сургууль, 2001 онд Монгол-Туркийн хамтарсан сургууль, 2004 онд Норвеги Улсын Дэлхийн нэгдсэн коллеж, 2008 онд АНУ-ын Макалестер коллеж, 2015 онд АНУ-ын Харвард их сургуулийг тус тус төгссөн байна.
  • 2020-07-10 16:41
    Гаалийн ерөнхий газрын мэдээлснээр, энэ оны эхний хагас жилийн байдлаар нүүрсний экспортын нийт хэмжээ 8.65 сая тоннд хүрч өмнөх оны мөн үеийнхээс 52%-иар буурсан байна. Тодруулбал, 2019 оны эхний хагас жилд манай улс нийт 18 сая тонн нүүрс экспортолж байсан бөгөөд энэ оны эхний хагас жилтэй харьцуулахад 9.4 орчим сая тонноор илүү их нүүрс гадагш нь худалдаалжээ. Ингэснээр нүүрсний экспортын орлого энэ оны эхний хагас жилийн байдлаар 690 сая ам.долларт хүрч өнгөрсөн оны мөн үетэй харьцуулахад 850 сая ам.доллараар буурсан байна.