Оросын нүүрсний экспорт Хятад руу нэмэгдэж байна

2017-09-18 12:50
Э.Од

2017 оны эхний хагас жилийн байдлаар Хятадын нүүрсний нийт импорт 95.2 сая тоннд хүрч өмнөх оны мөн үетэй харьцуулахад 19.6%-иар өссөн байна. Энэ хугацаанд тус улсын нүүрсний томоохон компаниудын нийт ашиг 147.5 тэрбум юань буюу 22.1 тэрбум ам.долларт хүрчээ.

Австрали 38.47 сая тонн нүүрсний нийлүүлэлтээр Хятадын зах зээлд тэргүүлж байна. Гол нийлүүлэгч орны нэг Индонези 17.86 сая тонн нүүрс тус тус эхний хагас жилд экспортолж хоёрт бичигджээ. Харин Оросын хувьд эхний зургаан сарын хугацаанд 13.14 сая тонн эрчим хүчний нүүрс экспортолж 1.17 тэрбум ам.долларын орлого олсон байна. Хятад руу нийлүүлэх хойд хөрш орны нийт нүүрсний экспорт өмнөх оны мөн үетэй харьцуулахад 53.8%-иар өссөн үзүүлэлттэй байгаа юм. Хойд Солонгост тавигдсан хориг нь оросуудад Хятадын зах зээл дээр нүүрсний нийлүүлэлтээ нэмэгдүүлэх боломж хэмээн тус улсын хэвлэл мэдээллээр онцлон бичиж байна.

Оросын хувьд нүүрсний нөөц 500 жил хүрэлцээтэй бөгөөд 2017 онд нүүрсний салбарыг хөгжүүлэхэд 90 тэрбум рублийн хөрөнгө оруулахаар төлөвлөсөн тухай ОХУ-ын Ерөнхийлөгч Владимир Путин мэдэгдсэн. Өнөөдөр тус улсад нүүрсний 48 төсөл гадаадын хөрөнгө оруулалт татахаар хүлээгдэж байна. Үүнээс 21 төсөл нь Баруун Сибир болон Алс Дорнодын бүс нутагт хэрэгжих юм. Энэ жил тус улсын Хятад руу нийлүүлэх нүүрсний экспорт 8%-иар өснө гэсэн таамаглалтай байна.  



Хятадын нүүрсний нийлүүлэгч орнуудын экспорт өсч байгаа нь ч Хойд Солонгосын хоригтой холбоотой юм. Цөмийн пуужингийн туршилт хийсний улмаас өнгөрөгч гуравдугаар сард НҮБ-аас Хойд Солонгос улсын ашигт малтмал, тэр дундаа нүүрсний экспортод хориг тогтоосон юм.

Нүүрсний гол зах зээл БНХАУ-ын хувьд мөн наймдугаар сарын 15-наас энэ оныг дуустал Хойд Солонгос улсаас нүүрс, төмрийн хүдрийн импортыг бүрэн зогсоосон.  2016 онд Хойд Солонгос 22.4 сая тонн нүүрс Хятад руу экспортолжээ. Тэгэхээр энэ орон зайг нөхөж нүүрсний нийлүүлэлтээ нэмэгдүүлэх боломж, басхүү өрсөлдөөн бий болоод байна.     

Одоогоос яг дөрвөн жилийн өмнө “Coal Mongolia” чуулганаар “Монгол бол сайн чанарын нүүрсний ихээхэн нөөцтэй цорын ганц улс биш. Орос Монголын нүүрсний салбарт бидний хамгийн том өрсөлдөгч орон” гэдгийг онцолж байлаа. 2011 онд Монгол 21 сая тонн нүүрс экспортолж Австралийг ардаа орхин Хятадын нүүрсний зах зээлд тэргүүлж байх үед Орос 10 сая тонн нүүрс нийлүүлж эхний тавд “сураггүй” байсан цаг. Нэг жилийн дараа гэхэд Оросууд нүүрсний экспортоо 19.3 сая тоннд хүргэж Монголын араас дөрөвт нэхэн орж ирсэн юм. 2012 оны хувьд Орос түүхэндээ хамгийн их нүүрсний олборлолтыг хийн 354.3 сая тоннд хүргэсэн. Энэ үед Оросын нүүрсний гол худалдан авагчаар Хятадыг тодорхойлж байв. Тэгвэл 2013 оны дүнгээр Орос 20.35 сая тонн нүүрс өмнөд хөрш рүү экспортолж 18.1 сая тоннын нийлүүлэлттэй Монгол улсыг ардаа орхиж байлаа.

Өнөөдрийг хүртэл Хятадын нүүрсний зах зээл дээр Монгол, Оросын хувьд гол өрсөлдөгчид болохыг тоо баримтууд харуулсаар байна. Ашигт малтмал, газрын тосны газрын статистикаар Монгол улс 2014 онд 19.5 сая, 2015 онд 14.4 сая, 2016 онд 25.8 сая тонн нүүрс экспортолсон байна. Оросын хувьд 2014 онд 20 сая тонн, 2015 онд 15.7 сая тонн, 2016 онд 18.9 сая тонн нүүрс Хятадын зах зээлд нийлүүлсэн болохыг тус улсын Шатахуун, эрчим хүчний цогцолборын Диспетчерийн төвийн статистикт тэмдэглэжээ.  

Сэтгэгдэл (1)

  • angela gonzalez
    Бүх зүйл сайн байна Ноён Iwaniuk dariusz намайг Ноён Iwaniuk dariusz хийсэн гэж хэлэхэд баяртай байна. Би түүнд 6000 € зээлийг асууж, тантай ярих үед таныг худал хэлэхгүй гэж би гэрчлэв. 6000 еврог миний дансанд оруулсныг олж мэдсэн юм. Энэ бол миний урьд өмнө алдсан баяр баясгаланг олох боломжийг надад олгосон энэхүү гайхамшигтай ноён надад гэрчилсэн энэхүү баяр баясгалан юм. Тиймээс хэрэгцээтэй байгаа хүмүүст цаашид ямар ч харагдахгүй, түүнтэй холбоо бариарай мэйл: iwaniukdariusz1234@gmail.com WIISAPP 0022 960 495 638
    2019 оны 05 сарын 23 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 4 цаг 45 минутын өмнө
    “Дэлхийн эдийн засгийн чуулган”-аас (World Economic Forum /WEF/) Бүгд Найрамдах Ардчилсан Конго улс дахь кобальтын олборлолтод хөдөлмөрийн нөхцөл, хүний эрхийг сайжруулах шаардлагатай тухай “Уул уурхайг аюулгүй, шударга болгох нь: БНАКонго дахь гар аргаар кобальт олборлолт” тайлан гаргажээ. Кобальт нь цахилгаан машин болон ухаалаг гар утас, зөөврийн компьютерын зай хураагуурын үйлдвэрлэлд үндсэн чухал түүхий эд болдог. Энэхүү тайланд дурдсанаар дэлхийн кобальтын хэрэглээ 2030 он гэхэд одоогийнхоос 4 дахин нэмэгдэх хандлагатай ажээ. Одоогийн байдлаар дэлхийн нийт кобальтийн нийлүүлэлтийн 70% нь БНАКонго улсад ногдож байна. Харин тус улсын нийт олборлолтын 30 хүртэлх хувь нь бичил уурхайгаас эх үүсвэртэй юм. Гэвч Конго дахь кобальтын бичил уурхайнуудад хөдөлмөрийн аюулгүй байдал, хөдөлмөрийн шударга үнэлэмж орхигдох байдал түгээмэл байна. Ийм нөхцөлд дэлхийн кобальтийн нийлүүлэлтийн сүлжээнд олборлолтыг хариуцлагатай болгоход бэрхшээл учрах нь гарцаагүй юм.
  • 7 цаг 58 минутын өмнө
    АНУ-аас Монгол Улсад суугаа Элчин сайдын яамнаас (2020.09.14) Монгол дахь хөрөнгө оруулалтын орчны шинжилгээг хийж тайлан гаргасан байна. Тайланд  2017-2020 оны тавдугаар сарын хугацаанд Монгол Улсад хэрэгжсэн “Өргөтсөн санхүүжилтийн хөтөлбөр” амжилттай дуусч чадаагүй гэсэн ОУВС-ийн дүгнэлтийг дурджээ. Тодруулбал, тус тайланд “Монгол Улсын өр 2020 онд ДНБ-ий 77%-тай тэнцэх төлөвтэй байна. 2021 оноос эхлэн гадаад зээлдүүлэгчдэд төлөх өр төлбөрүүдтэй нүүр тулж байгаа нь төлбөрийн тэнцлийн дарамтыг үүсгэж болзошгүй. Монгол Улс гурван жилийн хугацаатай Олон улсын валютын сангийн хөтөлбөр хэрэгжүүлж эдийн засгийн эмзэг байдлыг мэдэгдэхүйц бууруулсан ч Засгийн газар банкны салбартай холбоотой ОУВС-ийн макро зохистой асуудлуудыг шийдвэрлэж чадаагүй тул хөтөлбөр 2020 оны тавдугаар сард амжилтгүй дуусгавар болсон" гэж үзсэн байна. 
  • 8 цаг 41 минутын өмнө
    Монгол Улсын Ерөнхий сайд У.Хүрэлсүх “Дарханы төмөрлөгийн үйлдвэр”-т ажиллах үеэрээ  "Иргэдийг орон сууцжуулах хөтөлбөр" ийг хэрэгжүүлэхэд чухал хувь нэмэр оруулах ёстой. Засгийн газар дотоодын үйлдвэрлэлийг бүх талаар дэмжинэ” гэв. Дарханы төмөрлөгийн үйлдвэр" компани 1990 онд байгуулдсан, уул уурхайн олборлолт, боловсруулалт, төмөрлөгийн үйлдвэрлэл, гадаад болон дотоод худалдаа зэрэг үндсэн чиглэлээр үйл ажиллагаа явуулдаг. “Монгол гангаар Монголыг хөгжүүлнэ” гэсэн уриа, зорилготой. Улсдаа металлургийн анхдагч, хамгийн том ган үйлдвэрлэгч юм. Гангийн үйлдвэр нь жилдээ 121.7 мянган тонн хаягдал төмөр хайлж, 108.7 мянган тонн бэлдэц үйлдвэрлэн, 100 мянган тонн цувимал үйлдвэрлэх хүчин чадалтай.
  • Өчигдөр 17 цаг 52 минутад
    Санхүүгийн зохицуулах хороо 2007 онд компанийн засаглалын кодексыг 9 бүлэгтэй боловсруулан баталсан бол 2014 онд онд тус кодексыг 10 бүлэгтэйгээр дахин шинэчилжээ. Түүнд хамаарах хувьцаат компаниудын санхүүгийн тайлагнал, мэдээллийн ил тод нээлттэй байдал болон хувьцаа эзэмшигчдийн ээлжит хурлыг журмын дагуу зохион байгуулах, тэмдэглэл болон шийдвэрийн нээлттэй, ил тод байдал нь нийт хувьцаа эзэмшигчид, хөрөнгө оруулагч нарт тэгш боломж олгох чухал үүрэгтэй юм. Өнөөдөр (2020.09.17) Санхүүгийн зохицуулах хороо, Нээлттэй нийгэм форум хамтран “Хувьцаат компанийн комплайнс, мэдээллийн ил тод байдал” хэлэлцүүлгийг зохион байгууллаа. Хэлэлцүүлгийн эхний хэсэгт “Хувьцаат компаниудын хуулиар хүлээсэн үүргийн нийцэл” сэдвээр мэдээлэл хүргэж, “Хувьцаа эзэмшигчдийн ээлжит хурлын зохион байгуулалтын үнэлгээний тайлан”-г танилцуулсан юм.
  • Өчигдөр 15 цаг 43 минутад
    Дэлхийн банкнаас есдүгээр сард боловсруулан гаргасан “Уул уурхай ба Оюун ухаан: Байгалийн баялгийн өгөөжийг институц болон хүний хөгжилд чиглүүлэх нь” тайландаа Монголын хөгжлийн одоогийн загварыг задлан шинжилжээ. Уг тайланг өнөөдөр (2020.09.17) танилцуулсан бөгөөд Монгол Улсын эдийн засаг нь уул уурхайн салбарт бус оюун ухаан, институцийн хөгжил рүү чиглэх ёстойг онцолсон байна. Тайланд тооцсоноор, сүүлийн хорин жилийн хугацаанд манай улс эрдэс баялгийн орлогын 1 ам.доллар тутмаас ердөө нэг центийг үр хойчдоо хуримтлуулжээ. Монгол Улс 2008 оноос эхлэн төсвийн зарлагаа огцом нэмэгдүүлж, улмаар хуримтлалгүй өдий хүрсэн байна. Энэ бүхэн нь манай улс эрдсийн зах зээлийн мөчлөг дагасан бодлого явуулж ирсний тод илрэл юм. Гэхдээ 2017 оноос эхлэн Байгалийн баялгийн санд бага зэрэг хөрөнгө хуримтлуулах болсон нь сайшаалтайг тайланд тэмдэглэжээ.