Coal Mongolia: Нүүрсний салбарын өрсөлдөх чадварыг тээвэрлэлт гацааж байна

2017-09-07 15:05

Долоо дахь жилдээ болж буй “Coal Mongolia-2017” нүүрсний салбарын хөрөнгө оруулагчдын чуулган өнөөдөр эхэллээ. Чуулганы эхний хэсэгт Монголын нүүрсний салбарын өрсөлдөх чадварын талаар хэлэлцүүлэг өрнүүллээ.

Орос улсын боомтоор дамжуулан Монгол улс нүүрсээ Япон, Солонгос руу экспортлох боломж байгааг Зам, тээврийн хөгжлийн яамнаас онцолж буй нь сүүлийн өдрүүдэд энэ сэдвийг дахин анхаарлын төвд оруулах болсон. Гэвч энэхүү мэдэгдэл нь хариуцлагагүй, тооцоогүй үйлдэл болж буй тухай салбарын мэргэжилтнүүд хурлын үеэр онцоллоо.

Монголын Нүүрс ассоциацийн Гүйцэтгэх захирал Т.Наран ”Японы судалгааны байгууллага Монголын нүүрсийг авах цорын ганц гарц нь (эдийн засгийн талаасаа) Тянжины боомтоор дамжуулан авах явдал гэдгийг судлаад тогтоочихсон. Үүн дээр төр засаг мэдээлэлгүй гэж бодохгүй байна... Энэ асуудлыг дахин дахин ярих нь үнэхээр утгагүй, эмгэнэлтэй хэрэг болж байна” гэж хурлын үеэр тайлбарлалаа.

Монголын коксжих нүүрсний гол тоглогчдын нэг “Энержи Ресурс” компанийн Гүйцэтгэх захирал Г.Батцэнгэл “Оросын боомтоор нүүрсээ экспортлох тохиолдолд коксжих нүүрсний үнэ дэлхийн зах зээлд доод тал нь 150 ам.доллар байх нөхцөлд зөвхөн зардлаа нөхөх болно” гэдгийг цохон тэмдэглэлээ. Түүнчлэн “Монголын одоо байгаа төмөр замын ачаа тээврийн хэмжээ жилдээ ойролцоогоор 10 гаруй сая тонноор хэмжигдэж буй. Тэгвэл Монголын нийт экспортын талаас илүү хувийг бүрдүүлж буй Гашуунсухайтын боомтоор он гарсаар аль хэдийнэ үүнээс илүү хэмжээний ачаа бараа гарчихаад байна” гэж хурлын хэлэлцүүлгийн үеэр хэллээ.

“Энержи Ресурс” компанийн хувьд оны эхний найман сарын байдлаар 2.6 сая тонн боловсруулсан нүүрс борлуулаад байгаа ч хилийн боомтын нэвтрэлт удааширсантай холбоотойгоор илүү их бүтээгдэхүүн худалдаалах боломжийг ашиглаж чадахгүй байгаа ажээ. Тус компани он гарсаар сард дунджаар 300 мянган тонн нүүрс борлуулсан байгаа ч зах зээлийн эрэлтийг авч үзвэл энэ тоог 500-600 мянган тонн болгож өсгөх боломж буй ажээ. Гэвч борлуулалт тээвэрлэлт, ложистикийн асуудлаас болж гацаж буй нь өнөөдөр эрдсийн экспортын өрсөлдөх чадварт чухам юу сөргөөр нөлөөлж буйг дахин санууллаа.

Наадмаас өмнө зургадугаар сарын байдлаар Гашуунсухайт, Ганцмодны боомтоор өдөртөө нүүрс ачсан 1500-1600 хүнд даацын машин нэвтэрч байсан бол наадмын дараанаас энэ тоо хоёроос гурав дахин буурсан билээ. Энэ нь Хятадын гаалийн хяналт шалгалт чангарсантай холбоотой юм. Хятадын талаас Монголын нүүрсний тээвэрлэлтийн компаниуд хориотой бараа тээвэрлэж байна гэсэн шалтгаанаар ийнхүү шалгалтаа чангатгах болсон тухай салбарын яамны төлөөлөл хэлж байгаа юм.

Монголын нүүрсний хоёр гол суваг болох Гашуунсухайт, Шивээхүрэн боомтыг олон улсын статустай болгохоор олон жил ярьж буй ч бодит ажил хэрэг болоогүй хэвээр байна. Үүнээс гадна нүүрсний борлуулалтад нэг цонхны бодлого баримталж, үнэ ханшаа тогтвортой барих санаачлага ч хоосон мөрөөдөл төдий хэвээр байгаа нь нүүрсний салбарын өсөлтийг хазаарлах бас нэг хүчин зүйл болж байна.

Б.Төгс

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-07-20 13:13
    Катодын зэс үйлдвэрлэлийн технологийг анх удаа Монгол орны уур амьсгалын эрс тэс нөхцөлд амжилттай нутагшуулж, зэсийн исэлдсэн эрдэс бүхий хүдрийг уусган баяжуулах аргаар боловсруулан, цэвэр зэс үйлдвэрлэж буй “Эрдмин” ХХК дотоодын төдийгүй гадаадын уул уурхайн зах зээлд хэдийнэ танил болжээ.  Тус компани нь “Эрдэнэт үйлдвэр”-ийн хаягдал, балансын бус хүдрийн овоолгуудыг 40 жилийн турш ашиглах гэрээ байгуулан ажиллаж байгаа билээ.The Mongolian Mining Journal сэтгүүлээс зохион байгуулсан уул уурхайн салбарын шилдгүүдийг тодруулах Mining Journal Awards-2013 ёслолын ажиллагааны “Шилдэг технологи” шагналыг “Эрдмин” компани хүртсэн түүхтэй. Жилд 2500 орчим тонн катодын цэвэр зэс үйлдвэрлэж экспортод гаргаж, 41 нэр төрлийн 3 сая гаруй метр зэс утас үйлдвэрлэн дотоодын зах зээлд нийлүүлж байгаа зэрэг үзүүлэлтүүдээрээ тус компани энэхүү нэр хүндтэй номинацийн эзэн болж байсан юм. 
  • 2020-07-20 13:09
    УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна. УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна.
  • 2020-07-17 11:48
    Монгол Улсын Засгийн газраас хэрэгжүүлж буй Тавантолгой-Зүүнбаян чиглэлийн төмөр замын ажлын эхний 50 км зам бэлэн болж өнгөрсөн зургадугаар  сард нээлтээ хийсэн юм. 2019 оноос эхлэн жил гаруйн хугацаанд эрчимтэй өрнөж 416.1 км-ийн 200 км-т доод бүтэц, газар шорооны ажил мөн л дуусчээ. Уг бүтээн байгуулалтад “Тавантолгой төмөр зам” ХХК захиалагчийн хяналтын үүрэг гүйцэтгэн ажиллаж байна. Тус компани 2019 оны зургадугаар  сарын 19-нд  “Монголын төмөр зам” ТӨХК-тай хамтран ажиллах гэрээгээ байгуулсан бөгөөд  энэ оны долдугаар  сард гэрээний хугацаа дууссан ч талууд гэрээгээ дахин сунгаж,   захиалагчийн хяналтын үүргийг  үргэлжлүүлэн гүйцэтгэхээр болжээ.
  • 2020-07-17 11:05
    Монгол Улсын Засгийн газар  өчигдрийн /07.16/ хуралдаанаар  нэр бүхий албан хаагчдыг Ерөнхий сайдын санал болгосны дагуу танхимын гишүүдийн 100%-ийн саналаар яамдын дэд сайд нарыг томилсон юм. 2020-2024  онд бүрэх эрхийн хүрээнд ажиллах Уул уурхай, хүнд үйлдвэрийн дэд сайдаар Отгоншарын Батнайрамдлыг томилсон шийдвэрийг Засгийн газрын хуралдаанаар гаргалаа. О.Батнайрамдал нь 1984 онд Ховд аймгийн Жаргалант суманд төржээ. 1998 онд Ховд аймгийн арван жилийн 2 дугаар дунд сургууль, 2001 онд Монгол-Туркийн хамтарсан сургууль, 2004 онд Норвеги Улсын Дэлхийн нэгдсэн коллеж, 2008 онд АНУ-ын Макалестер коллеж, 2015 онд АНУ-ын Харвард их сургуулийг тус тус төгссөн байна.
  • 2020-07-10 16:41
    Гаалийн ерөнхий газрын мэдээлснээр, энэ оны эхний хагас жилийн байдлаар нүүрсний экспортын нийт хэмжээ 8.65 сая тоннд хүрч өмнөх оны мөн үеийнхээс 52%-иар буурсан байна. Тодруулбал, 2019 оны эхний хагас жилд манай улс нийт 18 сая тонн нүүрс экспортолж байсан бөгөөд энэ оны эхний хагас жилтэй харьцуулахад 9.4 орчим сая тонноор илүү их нүүрс гадагш нь худалдаалжээ. Ингэснээр нүүрсний экспортын орлого энэ оны эхний хагас жилийн байдлаар 690 сая ам.долларт хүрч өнгөрсөн оны мөн үетэй харьцуулахад 850 сая ам.доллараар буурсан байна.