Инвест Монголиа: Уул уурхай, уул уурхайн бус салбарын хөгжлийг хэлэлцэж байна

2017-09-04 17:34

Монголд болдог хөрөнгө оруулалтын чухал хурлын нэг “Инвест Монголиа” өнөөдөр эхэллээ. Японы Фронтиер Секуритис байгууллагаас 11 дэх жилдээ зохиогдож буй уг хуралд төрийн байгууллага, санхүүгийн томоохон байгууллагуудын төлөөлөл, хөрөнгө оруулагчдаас бүрдсэн нийт 1000 гаруй хүмүүс оролцож байна.

Өнөөдрийн хурлын эхний илтгэлийг Монгол улсын Ерөнхий сайд Ж.Эрдэнэбат, Монгол улсын Сайд, ЗГХЭГ-ын дарга Ж.Мөнхбат нар тавьсан бөгөөд гадаадын хөрөнгө оруулагчдыг хамгаалах талаар төр тэргүүлэх бодлогоо болгож ажиллах болно гэдгийг дахин дахин тодотголоо. Энэ удаагийн чуулганд Засгийн газар нэлээд хүч тавьж оролцож байна. Энэ онд Монголын эдийн засгийн чуулган болж амжаагүй явсаар Инвест Монголиа чуулган болж буй нь оны хөрөнгө оруулалтын чуулганы салхийг хагалсан хэрэг боллоо.

Ж.Мөнхбат сайд энэ оны эхний хагасын байдлаар эдийн засгийн өсөлт 5.3%-д хүрээд байгаа нь чамлахааргүй үзүүлэлт болохыг тэмдэглээд энэ нь дан ганц нүүрс бус, мөн уул уурхайн бус салбарын өсөлт үүнд хамаарч буйг тодотголоо.

Өнөөдрийн хурлаар Монгол улсын эдийн засгийн ерөнхий нөхцөл байдал болон хөрөнгө оруулалтын орчинд голлон төвлөрлөө.

Түүнчлэн хурлын бас нэгэн сонирхолтой хэсэг нь уул уурхайд төвлөрсөн хэсэг байлаа. Уг хэсэгт "Оюутолгой", "Эрдэнэс Монгол", "Эрдэнэ Ресурс"-ын төлөөлөл компанийн үйл ажиллагааны талаар мэдээлэл хийлээ.

"Оюутолгой" компанийн ТУЗ-ийн гишүүн, Гүйцэтгэх захирал Армандо Торрес далд уурхайн бүтээн байгуулалтад 1 тэрбум долларын гэрээ хэлэлцээрийг дотоодын компаниудтай хийгээд байгааг мэдээллээ. Мөн цаашид гадаадаас авч буй худалдаа үйлчилгээгээ бууруулахаар ажиллах болно гэдгээ мэдээллээ. Компанийн төлөвлөж буйгаар Оюутолгой уурхайн нийт нөөцийн 80% нь орших далд уурхайн олборлолтыг 2020 онд эхлүүлэх бөгөөд 2027 онд бүрэн хүчин чадлаар нь ажиллуулахаар төлөвлөж байгаа талаар Армандо захирал онцоллоо.

“Эрдэнэс Монгол” компанийн хувьд Тавантолгой, Оюутолгой, Багануур, Шивээ-Овоо зэрэг үйл ажиллагаа нь бүрэн эхэлсэн уурхайнуудтай боловч уран, нүүрс шингэрүүлэх, кокс-ган, метан гээд олон чиглэлийн төслийг эхлүүлэхээр ажиллаж байгаа төрийн өмчийн томоохон компани юм. Тус компанийн нийт төлөвлөж буй төсөл нь 14.6 тэрбум доллараар хэмжигдэж буйг тус компанийн Дэд захирал Г.Ганболд хурлын үеэр тавьсан илтгэлдээ тэмдэглэлээ. Компанийн тухайд энэ онд 1.46 их наяд төгрөгийн орлого, 1 их наяд төгрөгийн зарлагатай, 311 тэрбум төгрөгийн ашигтай ажиллаж, 265.9 тэрбум төгрөгийн татварыг улсад төвлөрүүлэхээр төлөвлөж байна.

“Эрдэнэс Ресурс Девелопмент” компанийн хувьд Баян хөндий хэмээх алтны хайгуулын төсөл дээр нэлээд хүч тавин ажиллаж байна. Энэ онд тус компани 24 мянган тууш метр өрөмдлөг хийхээр хайгуулын ажлаа өнгөрсөн дөрөвдүгээр сард эхлүүлээд байгаа юм. Түүнчлэн тус компанийн хайгуулын ажлаар Баян хөндийн хэсэгт алтны өндөр илэрц бүхий дээжийг илрүүлээд байгаа нь тус хэсэгт алтны нөөц илрэх магадлалыг улам нэмэгдүүлж байна. Компани мөн эрчим хүчний ногоон шийдлийн боломжийг судалж байгаагаа танилцууллаа.

Маргаашийн хурлаар дэд бүтэц, сэргээгдэх эрчим хүчний хөгжил, компанийн засаглал, уул уурхайн бус салбарын хөгжлийн талаар хэлэлцэхээс гадна элчин сайд нарын цагаар хөрөнгө оруулалтын сэдвээр хэлэлцэнэ. Мөн Бүс ба зам санаачлагын түүхий эдийн эрэлтэд болон Монголд үзүүлэх нөлөөлөл сэдвээр CRU байгууллагын төлөөлөл илтгэл тавихаас гадна Оюутолгой, Тавантолгой төслийн талаар хэлэлцүүлэг өрнүүлэх юм.

 


Б.Төгс

 

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 52 минутын өмнө
    Дорнод аймгийн Цагаан овоо сумын нутагт орших Алтан цагаан овоо алтны үндсэн ордын төсөл хэрэгжүүлж буй “Steppe Gold” (TSE:STGO) компани “Ди Би Эм ассет менежмент ҮЦК” ХХК-иас 3 сая ам.долларын хөрөнгө татан төвлөрүүлэхээр болсон талаараа (01.22) мэдээллээ. Тодруулбал Хөгжлийн банкны охин компани болох “Ди Би Эм ассет менежмент ҮЦК”-ийн удирдлага дор ажилладаг “Монголын үндэсний хөрөнгө оруулалтын сан ХОЗ ТЗК”-иас (Mongolian National Investment Fund PIF SPV) уг хөрөнгийг татан төвлөрүүлж байна. Ингэснээр тус компани нь энэхүү сангаас хөрөнгө татан төвлөрүүлсэн анхны компани болж байна.
  • 22 цаг 45 минутын өмнө
    "Build Mongolia 2020" буюу "Бүтээн байгуулалт-2020" барилга хот байгуулалт, зам тээвэр, эрчим хүч, хүнд үйлдвэрийн салбаруудыг багтаасан олон улсын үзэсгэлэн 2020 оны дөрөвдүгээр сарын  13 – 15-ны өдрүүдэд Буянт–Ухаа Спортын ордонд зохион байгуулна. Монгол Улсын бүтээн байгуулалт дэд бүтцийн хамгийн чухал салбаруудын төлөөлөл нэгэн дээвэр дор цугларч гурван өдрийн турш бараа материал, техник технологи зэргийг дэлгэн үзүүлэхээс гадна яамдын төлөөллүүд дээрх салбаруудад тулгамдаж буй асуудлын талаар семинар зөвлөгөөн зохион явуулна.
  • Өчигдөр 10 цаг 41 минутад
    Монгол Улсын Засгийн газрын 2019 оны нэгдүгээр сарын 16-ны өдрийн 28 дугаар тогтоолд үндэслэн тавдугаар сарын 16-нд  Асгатын мөнгөний ордын ашиглалтын тусгай зөвшөөрлийг “Эрдэнэс Монгол” ХХК-д  шилжүүлж, улмаар тус ордыг эдийн засгийн эргэлтэд оруулахаар болсон юм. Далд уурхайн нөхцөл байдлыг үнэлэх хамтарсан Ажлын хэсэг энэ оны долдугаар сарын сүүлчээр ажиллаж, одоогийн байдлаар далд уурхайн 1 болон 1А амуудыг нээх, далд малталтын бэхэлгээг сэргээх, технологийн дээж бэлтгэх шатандаа оржээ. 
  • Уржигдар 15 цаг 04 минутад
    Монгол орны газрын ховор элементийн геологи, хайгуулын судалгааг идэвхжүүлэх, нөөц өсгөх, ашиглах, үйлдвэрлэл, техник, технологийг хөгжүүлэх, салбарын өрсөлдөх чадвар, хөрөнгө оруулалтыг нэмэгдүүлэх замаар улсын эдийн засагт эерэг нөлөө үзүүлэх, салбарын хөгжлийг дэмжих, боловсон хүчнийг чадавхижуулах, ажлын байр нэмэгдүүлэх зорилгоор “Газрын ховор элемент” хөтөлбөрийг Уул уурхай, хүнд үйлдвэрийн яам боловсруулж байна. Тус яамны хурлын танхимд өнөөдөр уг хөтөлбөртэй холбоотой талуудын хэлэлцүүлгийг зохион байгуулж байгаа бөгөөд тодорхой саналуудыг тусгахаар ажиллаж байна. 
  • Уржигдар 13 цаг 25 минутад
    Монгол Улсын нэгдсэн төсвийн орлого 2019 оны гүйцэтгэлээр 11.9 их наяд төгрөгт хүрч өнгөрсөн оны мөн үеэс 1.9 их наяд төгрөг буюу 18.6%-иар өссөн байна. Үүнээс, эрдэс баялгийн салбараас төсөвт төвлөрүүлсэн орлого 2.9 их наяд төгрөгт хүрч өнгөрсөн оны мөн үеэс 590.7 тэрбум төгрөг буюу 25.4%-иар өссөн байна. Улсын төсөвт оруулсан орлого өнгөрсөн оны мөн үетэй харьцуулахад 570.05 тэрбум төгрөг буюу 27.8%-иар өссөн байна. Гэхдээ энэ дундаа цайр болон бусад ангилалд багтах эрдсийн татварын үзүүлэлт буурчээ.