“Энержи Ресурс” 110 сая долларын ашигтай ажиллав

2017-08-31 10:20

Тавантолгойн бүлэг ордын Ухаахудагийн коксжих нүүрсний уурхайд үйл ажиллагаа явуулж буй Mongolian Mining Corporation буюу “Энержи Ресурс” компани энэ оны эхний хагас жилийн тайлангаа танилцууллаа. Тус компани тайлант хугацаанд нийтдээ 2.3 сая тонн боловсруулсан нүүрс (1.9 сая тонн коксжих, 0.4 сая тонн эрчим хүчний нүүрс) борлуулж 245.9 сая ам.долларын орлоготой ажиллажээ. Энэ нь өнгөрсөн оны мөн үед тус компани 31.1 сая ам.долларын орлоготой ажиллаж байсантай харьцуулахад орлого нь даруй 691.7%-иар өссөн болохыг илтгэж байна.

Харин тус компанийн үйл ажиллагаанаасаа олсон нийт ашгийн хувьд оны эхний хагаст 110.3 сая ам.долларт хүрсэн нь өнгөрсөн оны мөн үед компанийн энэхүү ашиг хасах үзүүлэлттэй буюу 33.6 сая ам.долларын алдагдалтай гарч байсантай харьцуулахад нөхцөл байдал тун эерэг тал руугаа эргэснийг нотолж буй.

Тус компанийн уурхайн үйл ажиллагааны зардал мөн хугацаанд 135 сая ам.долларт хүрсэн бөгөөд уурхайн нүүрсийг Ганцмод боомт дээр борлуулах хүртэлх нийт зардал бүтээгдэхүүний тонн тутамд 56.6 ам.доллар байсан нь өнгөрсөн оны мөн үеийнхээс ялимгүй өссөн байна.

Үүнээс гадна компанийн хувьд өрийн бүтцийг шинэчлэх хүрээнд амжилттай ажиллаж байгаа тул компанийн цэвэр ашиг 262.9 сая ам.доллараар нэмэгдэж буйг тайланд тэмдэглэжээ. Ингэснээр өрийн бүтцийг шинэчлэхтэй холбоотой болон бусад зардлыг хасч тооцоход компанийн нийт цэвэр ашиг тайлант хугацаанд 311.7 сая ам.долларт хүрсэн байна. Өнгөрсөн оны мөн үед компанийн цэвэр ашгийн энэ үзүүлэлт хасах дүнтэй буюу 61.7 сая ам.долларын алдагдалтай гарч байсан юм.

Компанийн боловсруулсан нүүрс борлуулалтын дундаж үнэ оны эхний хагаст тонн тутамд 127.7 ам.доллар байсан нь өнгөрсөн оны хоёрдугаар хагасынхаас 37.6%-иар, мөн оны эхний хагасынхаас 145%-иар өсчээ.

Олборлолтын тухайд “Энержи Ресурс” оны эхний хагасын байдлаар нийтдээ 4.2 сая тонн түүхий нүүрс олборлож, 3.9 тонн нүүрсийг боловсруулах үйлдвэрт оруулжээ. Харин нүүрс боловсруулах үйлдвэрээс 2 сая тонн коксжих нүүрс, 800 мянган тонн эрчим хүчний нүүрсний гарцтай ажилласан байна.

 

“Энержи Ресурс”-ийн оны эхний хагас жилийн уурхайн ажиллагааны үзүүлэлт

(сая тонн)

 

2017 оны эхний хагас

2016 оны эхний хагас

Өөрчлөлт

Нүүрс олборлолт

4.2

0.9

359%

Угаах үйлдвэрт оруулсан нүүрс

3.9

1

284%

Боловсруулсан нүүрсний гарц (коксжих/эрчим хүчний)

2.8 (1.97/0.86)

0.75 (0.5/0.25)

273%(289%/244%)

Борлуулалт (коксжих/эрчим хүчний нүүрс)

2.3 (1.9/0.4)

0.6 (0.6/0)

216%(коксжих нүүрсний худалдааны өсөлт)

/Өөрчлөлтийн зарим дүнг MMJ тооцоолж гаргасан болно./

Б.Төгс

Сэтгэгдэл байхгүй байна

  • Сайн байна Аштай юу
    2017 оны 09 сарын 11 | Хариулах
Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 5 цаг 57 минутын өмнө
    Н.Алгаа нь 1975-1980 онд ОХУ-ын Свердловск хотын Уралын политехникийн дээд сургуульд суралцан өнгөт төмөрлөгийн инженер мэргэжил эзэмшсэн. 1990-1991 онд Японы Сендай хотын Тохоку их сургуульд мэргэжил дээшлүүлж, 2009-2012 онд МУИС-ийн хууль зүйн сургуульд эчнээгээр суралцжээ. Тэрээр Монголын Уул уурхайн Үндэсний Ассоциацийн Гүйцэтгэх захирал, Ерөнхийлөгчөөр тус тус ажиллаж байсан бөгөөд өдгөө “Дат консалтинг” ХХК-ийн Гүйцэтгэх захирлын албыг хашиж байна. Монголын уул уурхайн салбарын тэргүүлэх мэргэжилтэн Н.Алгаагийн салбарын үйл явцад дүн шинжилгээ хийсэн нийтлэлийг The Mongolian Mining Journal  уншигчдадаа цувралаар хүргэж байна.  
  • 2019-09-20 15:51
    Казахстан улс нь Хятадын Лянюнган боомтоор дамжин Зүүн өмнөд Азийн зах зээлд нүүрс экспортолно. Энэ тухай тус улсын Үйлдвэр, дэд бүтцийн хөгжлийн сайд Роман Скляр мэдэгджээ. Казахстаны Ерөнхийлөгч Касым-Жомарта Токаев анх удаа БНХАУ-д хийсэн айлчлалын үеэр хоёр улс тохиролцсон байна. Казахстан нь жил бүр  хоёр сая тонн нүүрсийг Хятадын нутгаар дамжуулан тээвэрлэж экспортлохоор урьдчилсан хэлэлцээр байгуулжээ. Казахстаны хувьд далайд гарцгүй орон бөгөөд Оросын нутгаар дамжин нүүрсээ экспортолдог. Сүүлийн жил Казахстаны экспортын нүүрсийг Оросын нутгаар дамжуулан тээвэрлэх асуудалд хүндрэл үүсээд байгаа юм.
  • 2019-09-20 11:11
    “Эрдэнэт үйлдвэр” ТӨҮГ өнгөрсөн тавдугаар сард Байгаль орчин, ногоон хөгжлийн хэлтэстэй болсон юм. Тус хэлтэс нь  Орхон аймгийн АЖБОГ-тай хамтран дүйцүүлэн нөхөн сэргээлтийн ажлыг хийж эхлээд байна. Энэ хүрээнд Баян Өндөр хайрханы Хүрэнбулагийн аманд нөхөн сэргээлтийн ажил үргэлжилж буй.   
  • 2019-09-20 11:01
    Бичил уурхайчид, нинжа, хувиараа алт олборлогчид гэж хэнийг хэлэх вэ? Өмнөговь аймгийн Бичил уурхай эрхлэгчдийн холбоо ямар үйл ажиллагаа явуулдаг талаарх мэдээллийг хүргэж байна
  • 2019-09-19 16:06
    “Трансвест Монголиа” ХХК нь Комацугийн уул уурхай, зам барилгын тоног төхөөрөмж болон тус брэндийн баталгаат сэлбэг хэрэгсэл, эд ангиудыг үйлдвэрээс шууд ханган нийлүүлэх хүчин чадал бүхий Комацугийн Монгол дахь цорын ганц албан ёсны дистрибьютер юм. Тус компани үүсэн байгуулагдсаны 10 жилийн ой энэ сард тохиолоо.