Нүүрсний экспорт нийт экспортын 40%-ийг эзлэв

2017-08-16 14:33

Монгол улсын гадаад худалдааны нийт бараа эргэлт энэ оны эхний долоон сарын байдлаар 5.9 тэрбум ам.доллартай тэнцсэн нь өмнөх оны мөн үеийнхээс 1.5 тэрбум доллар буюу 33.9%-иар нэмэгдсэн үзүүлэлт болсон тухай Үндэсний статистикийн хороо мэдээллээ. Үүнээс экспорт эхний долоон сарын дүнгээр 3.5 тэрбум ам.доллар, импорт 2.3 тэрбум доллартай гарсан нь өмнөх оны мөн үеийнхээс экспорт 979 сая ам.доллар буюу 38.5%, импорт 504 сая доллар буюу 27.5%-иар өссөнийг илтгэв.

Үүнээс гадна гадаад худалдааны тэнцэл мөн хугацаанд 1.2 тэрбум долларын ашигтай гарсан нь өмнөх оны мөн үеийнхээс 67%-иар нэмэгдсэн үзүүлэлт боллоо.

Харин үүнд эрдсийн экспорт улсын нийт экспортын 82 орчим хувийг эзэлж буй бөгөөд оны эхний долоон сарын байдлаар эрдсийн экспорт 2.9 тэрбум орчим ам.долларт хүрсэн нь өнгөрсөн оны мөн үеийнхээс 1 тэрбум доллараар давсан дүн боллоо.

Үүн дотроо нүүрсний экспорт 1.4 тэрбум долларт хүрсэн нь өмнөх оны мөн үеийнхээс 1.1 орчим тэрбум доллараар нэмэгдсэнээс гадна улсын нийт экспортын 40%-ийг эзэлж байна. Биет жингийн хувьд нүүрсний экспорт 21 сая тоннд хүрсэн нь өмнөх оны мөн үеийн түвшнээс 91%-иар өссөн байна.

Монголын эрдсийн экспортын тэргүүлэгчийн байр сууриа нүүрсэнд алдаад буй зэсийн баяжмалын тухайд оны эхний долоон сарын байдлаар экспортын жингийн дүн 853 мянган тонн, үнийн дүн 888.7 сая доллартай гарлаа. Энэ нь урьд жилийн мөн үеийн дүнгээс биет жин 10%, орлогын дүн 14%-ийн бууралттай гарсан гэсэн үг юм. Харин цэвэр зэсийн экспорт мөн хугацаанд биет жингээр 9.57 мянга орчим тоннд хүрсэн бол үнийн дүнгээр 53.4 сая доллартай гарч, өмнөх оны мөн үеийнхээс жингийн хувьд 31.3%, орлогоор 62.4%-иар огцом дээшилсэн үзүүлэлттэйгээр бичигдлээ.

Алтны экспорт оны эхний долоон сарын байдлаар 217.7 сая доллар бүхий 5.4 тонн алт гэж бичигдсэн нь биет жин, орлогын дүнгийн аль аль нь өмнөх оны мөн үеийнхээс 37 орчим хувиар буурсан үзүүлэлт болохыг Үндэсний статистикийн хорооны мэдээнд тэмдэглэжээ.

Харин төмрийн хүдрийн экспорт эхний долоон сард 3.18 сая тоннд хүрч, 178 сая долларын орлоготой ажилласан нь жингийн хувьд хэвийн байгаа ч орлого 48%-иар өссөнийг илтгэж байна.

Цайрын экспортын тухайд оны эхний долоон сард 70.2 мянган тонн баяжмал гадагш нийлүүлсэн нь өмнөх оны мөн үеийнхээс 8.5%-иар буурсан дүн хэдий ч орлогын хувьд 103 сая доллар болж, 25%-иар өсчээ.

Боловсруулаагүй газрын тос нь жингийн хувьд өмнөх оны мөн үеийнхээс 9 орчим хувиар буурч, 4.35 орчим сая баррельд хүрсэн ч орлого нь 13%-иар өсч, 210.8 орчим сая долларт хүрсэн нь газрын тосны зах зээл харьцангуй тогтвортой байгааг харуулж байна.

Жоншны экспортын тухайд ч нийлүүлэлтийн биет хэмжээ, орлого хоёул өссөн нь уг бүтээгдэхүүний зах зээл дээрдэж буйг харуулж байна. Тодруулбал, энэ оны эхний долоон сард манай улс 164.7 мянган тонн жоншны хүдэр, баяжмал экспортолж, 41 сая доллар олсон нь жингийн хувьд 20 орчим хувиар, орлого 28 орчим хувиар өссөн гэсэн үг юм.

Бас нэг онцлох зүйл гэвэл энэ онд хар тугалганы экспорт огцом нэмэгдэж байна. Эхний долоон сард хар тугалганы экспорт  жингийн хувьд өмнөх оны мөн үеийнхээс 22.2 дахин өсч 9.9 мянган тоннд хүрсэн бол орлогын тухайд 73.7 дахин нэмэгдэж 25 сая ам.долларт хүрсэн байна.

Молибдений нийлүүлэлт жингээр 3.6 мянган тоннд хүрч 20.2 сая долларын орлого олсон нь өмнөх оны мөн үеийн үзүүлэлтээс жингийн хувьд 6.7%, орлогын хувьд 39.4%-иар давсан дүн боллоо. Харин гянтболдын хувьд өмнөх оны мөн үеийн үзүүлэлтээс экспорт нь 50 орчим хувиар буурч биет хэмжээ 303 тонн, орлогын дүн 2.38 сая доллар болж буурчээ.



Б.Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Өчигдөр 14 цаг 27 минутад
    Монгол Улсад газрын тосны салбар үүсч хөгжсөний 80 жил, газрын тосны инженер бэлтгэж эхэлсний 25 жилийн ой энэ жил тохиож байна. Уг ойг угтан  салбарын яам Ажлын хэсэг байгуулан ажиллаж эхлээд байгаа бөгөөд тодорхой ажлуудыг хийхээр төлөвлөжээ. Хэдхэн хоногийн өмнө   салбарын яамны зүгээс газрын тосны ашиглалт, олборлолт, экспортын үйл ажиллагаа эрхэлдэг шилдэг компаниудыг тодруулан өргөмжилсөн. Тэгвэл энэ сарын 21-нд ШУТИС-ийн Геологи, уул уурхайн сургуулиас “Газрын тос 2020” эрдэм шинжилгээ, онол практикийн XXVI хурлыг зохион байгуулахаар болжээ.
  • Уржигдар 11 цаг 38 минутад
    Дэлхий дахины амьдралын хэмнэл орвонгоороо өөрчлөгдөж, хүн төрөлхтний хөгжил олон сорилттой тулгарсан  2020 он улирч байна. Ирээдүйд асар их үр дагавар дагуулах олон үйл явдлын эхлэл тавигдсан энэ оныг  халдварт вирусын хамт дэлхий нийт угтсан юм. Коронавирус  дэгдсэнээр  улс орнууд хорио цээрийн дэглэмд  шилжиж, эдийн засаг, худалдаа үйлдвэрлэл, аялал жуулчлал, ложистик, зар сурталчилгаа, спорт, соёл урлагийн гээд бүхий л салбар асар их алдагдал хүлээж байна.  Сорилт, бэрхшээл Монголыг ч тойроогүй. Цар тахлын бодит аюултай нүүр тулсан улс орнуудын иргэдээ хамгаалсан, эдийн засгаа идэвхжүүлсэн туршлага бүр Монгол Улсыг алдаа гаргахаас сэргийлж, оновчтой бодлого хэрэгжүүлэх зүг чиг болох учиртай.
  • 2021-01-15 19:10
    Дорноговь аймгийн Алтанширээ сумын нутагт хэрэгжиж буй Газрын тос боловсруулах үйлдвэр байгуулах төслийн талбайд үйлдвэрийн барилгын ажлыг эхлүүлэх ёслол (2021.01.15) болов.Дэлхий дахинд дэгдсэн цар тахлын хүнд цаг үед Монгол Улс, БНЭУ-ын Засгийн газрууд,  холбогдох төрийн байгууллага, орон нутгийн дэмжлэгтэйгээр “Монгол газрын тос боловсруулах үйлдвэр” ТӨХХК, төслийн менежментийн зөвлөх (ТМЗ) “Инженерс Индиа Лимитэд” компанийн инженерүүд хүчээ дайчлан, хамтран ажилласны үр дүнд өнөөдөр үйлдвэрийн технологийн бус байгууламжуудын барилга-угсралтын ажлыг эхлүүлж байгааг төсөл хэрэгжүүлэгчид онцолсон байна. Өнөөдрийн ёслолын арга хэмжээнд БНЭУ-аас Монгол Улсад суугаа Онц бөгөөд Бүрэн эрхт Элчин сайд М.П.Сингх биечлэн оролцжээ.   
  • 2021-01-14 18:32
    Уул уурхайн ажилчдын ээлж солих зохион байгуулалттай арга хэмжээний хүрээнд ажилчдаас PCR шинжилгээ авах ажиллагааг Нийслэлийн эрүүл мэндийн газартай хамтран 01 дүгээр сарын 16-ны өдөр эхлүүлэх боллоо. Гамшгаас хамгаалах уул уурхай, хүнд үйлдвэрийн улсын албаны Шуурхай штабаас Нийслэлийн эрүүл мэндийн газрын шинжилгээ авах цэгүүдэд аж ахуйн нэгжүүдийг хуваарилж байна. Шинжилгээ өгөх хуваарийг Уул уурхай, хүнд үйлдвэрийн яамны вэб сайтын “Мэдээ мэдээлэл” цонхны “Шуурхай штаб мэдээлэл”  хэсэгт өнөөдөр, 01 дүгээр сарын 14-ний өдөр байршуулах тул аж ахуйн нэгжүүд орон нутгаас ирж шинжилгээнд хамрагдан ээлжинд гарах ажилчдаа Улаанбаатарт ирүүлэх талаар холбогдох арга хэмжээг авч ажиллана уу. Үүний тулд аймгуудын Онцгой комиссын цахим хаягаар тухайн орон нутгаас ирэх ажилчдынхаа мэдээлэл бүхий аж ахуйн нэгжийн албан хүсэлтийг хүргүүлж өөрийн ажилчныг тодорхойлж өгөх шаардлагатай байна.  
  • 2021-01-14 18:17
    ОХУ-ын гадаад валютын нөөцийн бүтцэд анх удаа алтны хувь хэмжээ ам.долларыг давжээ. Тодруулбал, тус улсын Төв банкны тайлангаар, нийт нөөцийн 23%-ийг алт (128.5 тэрбум ам.доллартай тэнцэнэ) бүрдүүлж еврогийн дараа оржээ. Харин 124.6 тэрбум америк доллар нь нийт нөөцийн 22% болж буурсан байна. 2018 онд нийт нөөцийн 44%-ийг америк доллар бүрдүүлж байжээ. Энэхүү өөрчлөлт нь Оросын эдийн засгийг америк доллараас үл хамаарах, хоёр улсын харилцаа муудаж буй нөхцөлд АНУ-ын хориг арга хэмжээнд өртөмтгий байдлыг бууруулах гэсэн ОХУ-ын Ерөнхийлөгч В.В.Путины бодлогын нэг хэсэг хэмээн шинжээчид тайлбарлаж байгаа юм. 2020 оны арванхоёрдугаар 25-ны байдлаар, тус улсын гадаад валютын нийт нөөц 592.4 тэрбум ам.доллартай тэнцэж байв.