Нүүрсний орлого тэрбум доллараар өсөв

2017-07-19 11:23

Үндэсний статистикийн хорооноос энэ оны эхний хагас жилийн нийгэм, эдийн засгийн тайланг танилцуулав. Эхний хагас жилд гадаад худалдаа 5 тэрбум 36 сая доллар болж өмнөх оны мөн үеэс 36%-иар өсчээ. Экспорт 3.1 тэрбум ам.доллар болж, 42% орчмоор өссөн бол импорт 1.93 тэрбум ам.доллар болж 30%-иар өссөн дүнтэй байна. Гадаад худалдааны тэнцэл 1 тэрбум 175 сая долларын ашигтай гарсан нь өмнөх оны мөн үеэс 70%-иар өссөн дүн юм.

Экспорт ийн өсөхөд нүүрсний экспорт огцом өссөн нь гол нөлөөг үзүүлж байна. Эрдэс түүхий эдийн экспортыг өмнөх онуудын мөн үетэй харьцуулан доорх графикт харуулав.

-Зэсийн баяжмалын экспорт үргэлжлэн буурсаар байна. Биет хэмжээний хувьд 733 мянган тонн болж, өмнөх оны мөн үеэс 10%-иар буурав. Экспортын орлого 152 орчим сая доллараар буюу 17 орчим хувиар буурч 764.7 сая доллар болжээ.

-Алтны экспорт мөн л буурав. Өмнөх оны мөн үед 7.1 тонн алт экспортолж байсан бол энэ онд 4.5 тонн болж 37%-иар буурчээ. Үнийн дүн мөн адил 36%-иар буюу 100 сая доллараар буурч 180.2 сая доллар болсон байна. Алт, зэсийн олон улсын зах зээлийн үнэ харьцангуй тогтвортой байгаа боловч биет хэмжээ болон металын агуулгын бууралтаас шалтгаалан экспортын орлого буурч байгаа юм.

-Харин нүүрс, төмрийн хүдэр, газрын тосны эксорт өсөлттэй гарав. Нүүрсний экспортын биет хэмжээ 19.1 сая тоннд хүрч өмнөх оны мөн үеэс 9.5 сая тонноор буюу 100%-иар өсөөд байна. Монгол улсын хувьд 2011-2012 онд  хамгийн их буюу жилд 20 сая тонноос илүү нүүрс экспортолж байсан билээ. Нүүрсний экспортын орлого 1 тэрбум 282 сая доллар болж өмнөх оны мөн үеэс 4.4 дахин буюу 1 тэрбум орчим доллараар нэмэгджээ. Нийт экспортын 41.3%-ийг нүүрс бүрдүүлж байна. Нүүрсний экспорт огцом өсч байгаа нь зах зээл дээрх үнийн өсөлттэй шууд холбоотой юм. 3 дугаар сард Квийнсландад болсон Дебби хар салхи болон Хятад улс Хойд Солонгосоос авах нүүрсний хэмжээгээ огцом бууруулсан нь Хятадын зах зээл дээр нүүрсний үнэ тогтвортой байх нөхцлийг бүрдүүлж байна. Нүүрсний экспортын орлого 2013 оны жилийн эцсийн дүн 1.1 тэрбум доллараас даваад байна. Монгол улс 2011 онд түүхэндээ хамгийн их нүүрс экспортолсон жил болж байсан бөгөөд 2.3 тэрбум орчим ам.доллар болж байсан юм.

-Төмрийн хүдрийн экспортын биет хэмжээ 2.7 сая тонн болж үл ялиг нэмэгджээ. Экспортын орлого 161.9 сая доллар болж 67%-иар буюу 64 орчим сая доллараар нэмэгдсэн байна.

-Газрын тосны экспортын хэмжээ 3.7 сая баррель болж 11%-иар буураад байна. Гэхдээ экспортын орлого 14%-иар өсч 184 сая ам.доллар болжээ.

-Бохир болон самнасан ноолуур Монгол улсын экспортын 6 дахь том бүтээгдэхүүн юм. Ноолуурын экспорт 175.8 сая долларт хүрчээ. Энэ өмнөх оны мөн үеэс 31 сая доллар буюу 21%-иар өссөн дүн юм. Ноолуурын экспорт нийт экспортын 5.7%-ийг эзэлж байна.

 


Эх сурвалж: Үндэсний статистикийн хороо

Нүүрс, зэс, алт, төмрийн хүдэр, газрын тос гэсэн байгалийн баялгийн түүхий эдийн экспорт экспортын 82.7%-ийг бүрдүүлж байна. 2015 оны мөн үед 81.2%, 2016 оны оны мөн үед 79.7%-ийг бүрдүүлж байсан юм.

Харин Монгол улсын топ 10 экспортын бүтээгдэхүүн нийт экспортын 94.5%-ийг бүрдүүлж байна. Дээрх 10 бүтээгдэхүүний бохир болон самнасан ноолуураас бусад нь ашигт малтмалын түүхий эд болон боловсруулсан бүтээгдэхүүн байгаа юм. Хар тугалганы хүдэр болон баяжмалын экспортын хэмжээ 446 тонноос 7500 тонн болтлоо нэмэгдсэн бол экспортын орлого нь 338 мянган доллараас 19 сая доллар болж 57 дахин нэмэгдсэн байна. Бусад бүтээгдэхүүн цайр, жонш, тунгаасан зэсийн экспортын орлого 19%-58%-иар өсчээ.

 


Эх сурвалж: Үндэсний статистикийн хороо



С.Болд-Эрдэнэ

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-07-20 13:13
    Катодын зэс үйлдвэрлэлийн технологийг анх удаа Монгол орны уур амьсгалын эрс тэс нөхцөлд амжилттай нутагшуулж, зэсийн исэлдсэн эрдэс бүхий хүдрийг уусган баяжуулах аргаар боловсруулан, цэвэр зэс үйлдвэрлэж буй “Эрдмин” ХХК дотоодын төдийгүй гадаадын уул уурхайн зах зээлд хэдийнэ танил болжээ.  Тус компани нь “Эрдэнэт үйлдвэр”-ийн хаягдал, балансын бус хүдрийн овоолгуудыг 40 жилийн турш ашиглах гэрээ байгуулан ажиллаж байгаа билээ.The Mongolian Mining Journal сэтгүүлээс зохион байгуулсан уул уурхайн салбарын шилдгүүдийг тодруулах Mining Journal Awards-2013 ёслолын ажиллагааны “Шилдэг технологи” шагналыг “Эрдмин” компани хүртсэн түүхтэй. Жилд 2500 орчим тонн катодын цэвэр зэс үйлдвэрлэж экспортод гаргаж, 41 нэр төрлийн 3 сая гаруй метр зэс утас үйлдвэрлэн дотоодын зах зээлд нийлүүлж байгаа зэрэг үзүүлэлтүүдээрээ тус компани энэхүү нэр хүндтэй номинацийн эзэн болж байсан юм. 
  • 2020-07-20 13:09
    УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна. УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна.
  • 2020-07-17 11:48
    Монгол Улсын Засгийн газраас хэрэгжүүлж буй Тавантолгой-Зүүнбаян чиглэлийн төмөр замын ажлын эхний 50 км зам бэлэн болж өнгөрсөн зургадугаар  сард нээлтээ хийсэн юм. 2019 оноос эхлэн жил гаруйн хугацаанд эрчимтэй өрнөж 416.1 км-ийн 200 км-т доод бүтэц, газар шорооны ажил мөн л дуусчээ. Уг бүтээн байгуулалтад “Тавантолгой төмөр зам” ХХК захиалагчийн хяналтын үүрэг гүйцэтгэн ажиллаж байна. Тус компани 2019 оны зургадугаар  сарын 19-нд  “Монголын төмөр зам” ТӨХК-тай хамтран ажиллах гэрээгээ байгуулсан бөгөөд  энэ оны долдугаар  сард гэрээний хугацаа дууссан ч талууд гэрээгээ дахин сунгаж,   захиалагчийн хяналтын үүргийг  үргэлжлүүлэн гүйцэтгэхээр болжээ.
  • 2020-07-17 11:05
    Монгол Улсын Засгийн газар  өчигдрийн /07.16/ хуралдаанаар  нэр бүхий албан хаагчдыг Ерөнхий сайдын санал болгосны дагуу танхимын гишүүдийн 100%-ийн саналаар яамдын дэд сайд нарыг томилсон юм. 2020-2024  онд бүрэх эрхийн хүрээнд ажиллах Уул уурхай, хүнд үйлдвэрийн дэд сайдаар Отгоншарын Батнайрамдлыг томилсон шийдвэрийг Засгийн газрын хуралдаанаар гаргалаа. О.Батнайрамдал нь 1984 онд Ховд аймгийн Жаргалант суманд төржээ. 1998 онд Ховд аймгийн арван жилийн 2 дугаар дунд сургууль, 2001 онд Монгол-Туркийн хамтарсан сургууль, 2004 онд Норвеги Улсын Дэлхийн нэгдсэн коллеж, 2008 онд АНУ-ын Макалестер коллеж, 2015 онд АНУ-ын Харвард их сургуулийг тус тус төгссөн байна.
  • 2020-07-10 16:41
    Гаалийн ерөнхий газрын мэдээлснээр, энэ оны эхний хагас жилийн байдлаар нүүрсний экспортын нийт хэмжээ 8.65 сая тоннд хүрч өмнөх оны мөн үеийнхээс 52%-иар буурсан байна. Тодруулбал, 2019 оны эхний хагас жилд манай улс нийт 18 сая тонн нүүрс экспортолж байсан бөгөөд энэ оны эхний хагас жилтэй харьцуулахад 9.4 орчим сая тонноор илүү их нүүрс гадагш нь худалдаалжээ. Ингэснээр нүүрсний экспортын орлого энэ оны эхний хагас жилийн байдлаар 690 сая ам.долларт хүрч өнгөрсөн оны мөн үетэй харьцуулахад 850 сая ам.доллараар буурсан байна.