Австрали Шинхуад олгосон хайгуулын тусгай зөвшөөрлийг эргүүлэн авна

2017-07-17 12:38

Австралийн Шинэ Өмнөд Уэльс мужийн Засгийн газар өнгөрсөн лхагва гарагт Шинхуа группт 2008 онд олгоод байсан хайгуулын тусгай зөвшөөрлийн тал хэсгийг худалдаж авахаа мэдэгдсэн байна. Хөдөө аж ахуйн гол бүс нутагт уул уурхай явуулахыг эсэргүүцсэн фермерчид болон байгаль орчны хөдөлгөөнийхний эсэргүүцлээс үүдэн ийм шийдвэрт хүрчээ.

Австралийн хамгийн их хүн амтай тус мужийн Засгийн газар Шинхуа группын Liverpool Plains-ийн нутагт олгогдсон хайгуулын тусгай зөвшөөрлийн талбайн 51.4%-ийг худалдаж авахаар тохиролцсон тухайгаа мэдэгджээ.

Тус мужийн Нөөц баялгийн сайд Дон Харвин “Энэ Засгийн газрын үед Liverpool Plains-ийн үржил шимт талбайд дахиж хайгуулын тусгай зөвшөөрөл олгогдохгүй бөгөөд ямар ч уул уурхайн үйл ажиллагаа явуулахгүй. Энэхүү хайгуулын тусгай зөвшөөрлийг эргүүлэн худалдаж авснаар Liverpool Plains-ийн үржил шимт хөрс уул уурхайгаас хамгаалагдах болно.” гэж мэдэгдсэн байна. Гэхдээ өндөрлөг хэсгүүдэд хайгуулын үйл ажиллагааг үргэлжлүүлэх боломжтой ажээ. Liverpool Plains нь 1.2 сая га талбай бүхий хөдөө аж ахуйн томоохон бүс нутаг ажээ.



Уул уурхайг эсэргүүцэн тэмцэгчид тус бүс нутагт уул уурхайг бүрэн хориглох шийдвэр гаргуулах хүртлээ тэмцэх болно гэдгээ амласан байна.

Lock the Gate Alliance байгаль орчныг хамгаалах группын зохицуулагч Фил Лэйрд “Энэхүү буцаан худалдан авалт нь Шинхуагийн нүүрсний томоохон уурхай байгуулах нөлөөллийг арилгахад багахан л хувь нэмэртэй. Бид цаашид эндхийн бүх уул уурхайг зогсоохын төлөө тэмцлээ үргэлжлүүлнэ” гэж мэдэгджээ.

Шинхуагийн 1 тэрбум австрали долларын төсөв бүхий Watermark нүүрсний уурхайн төсөлд хамаарах 19.5 мянган га талбай бүхий хайгуулын тусгай зөвшөөрлийг анх 2008 онд 300 сая австрали доллараар олгож байжээ. Гэвч уурхайн үнэлгээг фермерчдийн санал хүсэлтэд тохируулан шинэчлэх ажил болон бусад шинжилгээ судалгааны ажлаас үүдэн уурхай эхлэх өдөр хойшилсоор өдий хүрчээ.

Шинхуа группын хувьд Засгийн газрын саяхны энэхүү үйлдэлд сэтгэл дундуур байгаагийн зэрэгцээ тухайн хэсэгт хариуцлагатайгаар уул уурхай эрхлэх байснаа дурдсан байна. Гэвч санхүүгийн хувьд энэхүү тохиролцоо нь хүлээн авахуйц санал гэдгийг Ройтерс агентлагт цахим захидлаар уламжилжээ. Анх 300 сая австрали доллараар авч байсан газрынхаа тал хэсгийг одоо 200 сая ам.доллар буюу 262 сая австрали доллараар зарж буй нь Шинхуа группт ашигтай тусч байгаа юм.

Энэхүү алхам нь тус мужийн хувьд шинэ зүйл биш ажээ. Учир нь өнгөрсөн онд Шинэ Өмнөд Уэльс муж бүтэн арван жилийн турш фермерчдийн эсэргүүцэлтэй тулгарсан BHP Billiton компанийн Caroona нүүрсний уурхайн тусгай зөвшөөрлийг 220 сая австрали доллараар худалдан авч, төслийг хааж байсан юм.

Одоо Өмнөд Солонгосын KEPCO-ийн нүүрсний уурхай ч мөн адил фермерчдийн эсэргүүцэлтэй тулгараад байгаа юм.


Б.Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Өчигдөр 14 цаг 27 минутад
    Монгол Улсад газрын тосны салбар үүсч хөгжсөний 80 жил, газрын тосны инженер бэлтгэж эхэлсний 25 жилийн ой энэ жил тохиож байна. Уг ойг угтан  салбарын яам Ажлын хэсэг байгуулан ажиллаж эхлээд байгаа бөгөөд тодорхой ажлуудыг хийхээр төлөвлөжээ. Хэдхэн хоногийн өмнө   салбарын яамны зүгээс газрын тосны ашиглалт, олборлолт, экспортын үйл ажиллагаа эрхэлдэг шилдэг компаниудыг тодруулан өргөмжилсөн. Тэгвэл энэ сарын 21-нд ШУТИС-ийн Геологи, уул уурхайн сургуулиас “Газрын тос 2020” эрдэм шинжилгээ, онол практикийн XXVI хурлыг зохион байгуулахаар болжээ.
  • Уржигдар 11 цаг 38 минутад
    Дэлхий дахины амьдралын хэмнэл орвонгоороо өөрчлөгдөж, хүн төрөлхтний хөгжил олон сорилттой тулгарсан  2020 он улирч байна. Ирээдүйд асар их үр дагавар дагуулах олон үйл явдлын эхлэл тавигдсан энэ оныг  халдварт вирусын хамт дэлхий нийт угтсан юм. Коронавирус  дэгдсэнээр  улс орнууд хорио цээрийн дэглэмд  шилжиж, эдийн засаг, худалдаа үйлдвэрлэл, аялал жуулчлал, ложистик, зар сурталчилгаа, спорт, соёл урлагийн гээд бүхий л салбар асар их алдагдал хүлээж байна.  Сорилт, бэрхшээл Монголыг ч тойроогүй. Цар тахлын бодит аюултай нүүр тулсан улс орнуудын иргэдээ хамгаалсан, эдийн засгаа идэвхжүүлсэн туршлага бүр Монгол Улсыг алдаа гаргахаас сэргийлж, оновчтой бодлого хэрэгжүүлэх зүг чиг болох учиртай.
  • 2021-01-15 19:10
    Дорноговь аймгийн Алтанширээ сумын нутагт хэрэгжиж буй Газрын тос боловсруулах үйлдвэр байгуулах төслийн талбайд үйлдвэрийн барилгын ажлыг эхлүүлэх ёслол (2021.01.15) болов.Дэлхий дахинд дэгдсэн цар тахлын хүнд цаг үед Монгол Улс, БНЭУ-ын Засгийн газрууд,  холбогдох төрийн байгууллага, орон нутгийн дэмжлэгтэйгээр “Монгол газрын тос боловсруулах үйлдвэр” ТӨХХК, төслийн менежментийн зөвлөх (ТМЗ) “Инженерс Индиа Лимитэд” компанийн инженерүүд хүчээ дайчлан, хамтран ажилласны үр дүнд өнөөдөр үйлдвэрийн технологийн бус байгууламжуудын барилга-угсралтын ажлыг эхлүүлж байгааг төсөл хэрэгжүүлэгчид онцолсон байна. Өнөөдрийн ёслолын арга хэмжээнд БНЭУ-аас Монгол Улсад суугаа Онц бөгөөд Бүрэн эрхт Элчин сайд М.П.Сингх биечлэн оролцжээ.   
  • 2021-01-14 18:32
    Уул уурхайн ажилчдын ээлж солих зохион байгуулалттай арга хэмжээний хүрээнд ажилчдаас PCR шинжилгээ авах ажиллагааг Нийслэлийн эрүүл мэндийн газартай хамтран 01 дүгээр сарын 16-ны өдөр эхлүүлэх боллоо. Гамшгаас хамгаалах уул уурхай, хүнд үйлдвэрийн улсын албаны Шуурхай штабаас Нийслэлийн эрүүл мэндийн газрын шинжилгээ авах цэгүүдэд аж ахуйн нэгжүүдийг хуваарилж байна. Шинжилгээ өгөх хуваарийг Уул уурхай, хүнд үйлдвэрийн яамны вэб сайтын “Мэдээ мэдээлэл” цонхны “Шуурхай штаб мэдээлэл”  хэсэгт өнөөдөр, 01 дүгээр сарын 14-ний өдөр байршуулах тул аж ахуйн нэгжүүд орон нутгаас ирж шинжилгээнд хамрагдан ээлжинд гарах ажилчдаа Улаанбаатарт ирүүлэх талаар холбогдох арга хэмжээг авч ажиллана уу. Үүний тулд аймгуудын Онцгой комиссын цахим хаягаар тухайн орон нутгаас ирэх ажилчдынхаа мэдээлэл бүхий аж ахуйн нэгжийн албан хүсэлтийг хүргүүлж өөрийн ажилчныг тодорхойлж өгөх шаардлагатай байна.  
  • 2021-01-14 18:17
    ОХУ-ын гадаад валютын нөөцийн бүтцэд анх удаа алтны хувь хэмжээ ам.долларыг давжээ. Тодруулбал, тус улсын Төв банкны тайлангаар, нийт нөөцийн 23%-ийг алт (128.5 тэрбум ам.доллартай тэнцэнэ) бүрдүүлж еврогийн дараа оржээ. Харин 124.6 тэрбум америк доллар нь нийт нөөцийн 22% болж буурсан байна. 2018 онд нийт нөөцийн 44%-ийг америк доллар бүрдүүлж байжээ. Энэхүү өөрчлөлт нь Оросын эдийн засгийг америк доллараас үл хамаарах, хоёр улсын харилцаа муудаж буй нөхцөлд АНУ-ын хориг арга хэмжээнд өртөмтгий байдлыг бууруулах гэсэн ОХУ-ын Ерөнхийлөгч В.В.Путины бодлогын нэг хэсэг хэмээн шинжээчид тайлбарлаж байгаа юм. 2020 оны арванхоёрдугаар 25-ны байдлаар, тус улсын гадаад валютын нийт нөөц 592.4 тэрбум ам.доллартай тэнцэж байв.